Morgunblaðið - 16.02.2001, Page 26

ERLENT
26 FÖSTUDAGUR 16. FEBRÚAR 2001 MORGUNBLAÐIÐ
VERIÐ
LOÐNULEIÐANGRI hafrann-
sóknaskipsins Árna Friðrikssonar
RE er nú lokið og gerir Hjálmar Vil-
hjálmsson leiðangursstjóri ráð fyrir
að tillögur um endanlegan loðnukvóta
vertíðarinnar liggi fyrir eftir helgi.
Hjálmar segir mikið af loðnu á mið-
unum fyrir austan land en hún haldi
sig enn sem komið er í landgrunnsk-
antinum í Litladýpi, vestur af Hval-
bak. „Ég á hins vegar ekki von á öðru
en að hún fari að koma upp á land-
grunnið hvað úr hverju. Það eru víða
torfur vestur af Hvalbak, mikið af
hval og fugli í þeim, sem þýðir venju-
lega að það er mjög stutt í að hún fari
að taka strikið upp í fjörurnar. Þó
gæti það ekki orðið fyrr en eftir helgi.
Hún er nokkuð seinna á ferðinni en
oft áður en þó eru fordæmi fyrir því
að hún hafi ekki gengið upp á grunnið
fyrr en undir lok febrúar. Eins hlýtur
sú loðna sem heldur sig fyrir vestan
land að fara að koma nær landi.“
Hjálmar segir að hrognafyllingin í
loðnunni sem landað var síðast hafi
verið um 12,5–13%. Hann segir að
loðnuskipin hafi lítið getað aðhafst
síðasta sólarhringinn vegna veðurs.
Eins hafi loðnan staðið djúpt, nánast
lagst alveg niður á botn. „Það orsak-
ast trúlega af því að þarna er mjög
mikill straumur og þá leitar hún
gjarnan niður að botni í fallinu, að því
er virðist hreinlega til að halda sjó,“
segir Hjálmar.
Bræla á miðunum
Stór hluti loðnuskipaflotans er fyr-
ir austan og hefur verið góð veiði í
flottrollið. Til dæmis fyllti Jón Kjart-
ansson SU sig á rúmum sólarhring en
lítið sem ekkert hefur fengist í grunn-
nótina. Veðrið er farið að setja strik í
reikninginn á ný og er spáin ekki góð
næstu daga.
Huginn VE fékk loðnu hjá Faxa RE á loðnumiðunum fyrir austan land.
Tillögur um
kvóta gerðar
eftir helgi
Loðnurannsóknaleiðangrinum lokið
AUKINN þrýstingur er nú á
dönsk og sænsk stjórnvöld að
banna reknet í Eystrasalti til að
koma í veg fyrir smáhvaladráp.
Danskur þingmaður á Evrópu-
þinginu, Torben Lund, safnar nú
undirskriftum á meðal þingmanna
um að krefjast þess að stjórnvöld
við Eystrasaltið og framkvæmda-
stjórn Evrópusambandsins grípi
til aðgerða til að vernda hvalina.
Um 7.000 grindhvalir drepast
árlega í fiskinetum í Eystrasalti og
hefur Lund hvatt ESB til þess að
höfða mál á hendur Dönum til að fá
fram bann við notkun rekneta. Það
hefur ekki fengist í gegn og Franz
Fischler, sem fer með fiskveiðimál
í framkvæmdastjórn ESB, hefur
einnig hafnað því að láta bann við
reknetum, sem tekur gildi á næsta
ári á nær öllu veiðisvæði ESB
þjóða, ná til Eystrasalts.
Hins vegar áminnti hann aðild-
arríkin nýverið um að þau yrðu að
halda í heiðri ákvörðun ESB frá
1992 um að tryggja tegundum í út-
rýmingarhættu trygg svæði. Höfr-
ungar og grindhvalir eru sagðir í
hættu þar sem þeir drepist lendi
þeir í reknetum.
Náttúruverndarsamtök Dan-
merkur fagna áminningu Fischlers
sem þau telja stórt skref í rétta átt.
Vilja vernda hvali
með banni rekneta
Kaupmannahöfn. Morgunblaðið.
FORSETI og forsætisráðherra
Frakklands, Jacques Chirac og Lion-
el Jospin, deildu hart um framtíð
Korsíku á ríkisstjórnarfundi í fyrra-
dag. Fundinum var slitið eftir einung-
is 30 mínútur, eftir að Chirac neitaði
að taka til umræðu frumvarp Jospins
um að Korsíkubúum verði veitt tak-
mörkuð sjálfstjórn. Áður hafði Rík-
isráðið, æðsta dómsvald Frakklands,
varað við því að frumvarpið kynni að
brjóta í bága við stjórnarskrána.
Chirac fór fram á það á þriðjudag
að afgreiðslu frumvarpsins yrði frest-
að þar til málið hefði verið kannað of-
an í kjölinn, en Jospin hafnaði því og
sagði það vera hlutverk þingsins að
leggja dóm á réttmæti frumvarpsins.
Það er óvenjulegt að forseti neiti að
taka frumvarp til umræðu á ríkis-
stjórnarfundi, og margir telja þetta
vísbendingu um að spenna milli Chir-
acs og Jospins sé farin að aukast
vegna forsetakosninganna á næsta
ári. Fastlega er búist við að Jospin
bjóði sig þá fram gegn Chirac.
„Stríð milli forsetans
og forsætisráðherrans“
Samskipti hægrimannsins Chiracs
við vinstrimanninn Jospin hafa hing-
að til gengið stórátakalaust, en ýmsir
telja sig nú sjá merki þess að valda-
barátta þeirra fari harðandi. „Það rík-
ir nú stríð milli forsetans og forsætis-
ráðherrans,“ segir í vinstrisinnaða
dagblaðinu Liberation. Frumvarpi
Jospins er ætlað að koma til móts við
þjóðernissinna á Korsíku og afstýra
frekari ofbeldisverkum aðskilnaðar-
sinna á eyjunni. Ýmsir óttast þó að
þetta gæti verið varasamt fordæmi,
sem gæti gefið aðskilnaðarsinnum í
öðrum héruðum Frakklands byr und-
ir báða vængi.
Ágreiningur er um frumvarpið
meðal stjórnarflokkanna og innanrík-
isráðherrann Jean Pierre Chevenem-
ent sagði af sér vegna málsins.
Í Le Monde var leitt getum að því
að frumvarpið væri fyrsta skrefið í
þeim áformum Jospins að auka áhrif
forsætisráðherraembættisins á
kostnað forsetans.
Jacques Chirac og Lionel Jospin takast á
Deilt um framtíð Korsíku
París. AFP.
VONIR um að finna fleiri á lífi í rúst-
um húsa, sem hrundu í jarðskjálft-
anum í El Salvador á þriðjudag, dvína
með degi hverjum en í gær var búið
að finna lík 274 manna. Á þriðja þús-
und manna slasaðist og um 15.000
hús eyðilögðust eða skemmdust mik-
ið.
Talið er víst að tala látinna eigi eftir
að hækka mikið því að margra er enn
saknað. Um 123.000 manns misstu
heimili sitt í skjálftanum, sem var 6,6
stig á Richter og kom réttum mánuði
eftir fyrri skjálftann, sem var 7,6 stig.
Þá létust 827 manns og meira en
milljón manna missti heimili sitt.
Jarðvísindamenn í El Salvador
segja að báðir stóru skjálftarnir að
undanförnu hafi átt upptök sín í mis-
gengi sem olli miklum jarðskjálfta
1986. Þá týndu 1.400 manns lífi og
þúsundir manna slösuðust. Segja þeir
einnig að nú sé sprunga skammt frá
höfuðborginni, San Salvador, aftur
orðin virk og þar hafi mælst 3.400
smáir og meðalstórir jarðskjálftar frá
13. janúar. Vegna þess er mikill ugg-
ur í fólki og ótti við nýjar hamfarir.
Tala látinna í El Salvador nálgast þriðja hundraðið
Óttast
nýjar
ham-
farir
AP
Maria Luz Ramirez með fimm mánaða gamalt barnabarn sitt í fanginu
fyrir framan rústir hússins þeirra í bænum Candelaria, 40 km austur af
höfuðborginni, San Salvador.
San Salvador. AFP, Reuters.
BRESK stúlka, sem var farþegi
á báti er varð vélarvana undan
strönd eyjunnar Lombok í
Indónesíu, sendi á miðvikudag
neyðarkall til unnusta síns í
Bretlandi með SMS-skilaboðum
í gegnum farsíma sinn. Báturinn
fannst í gær og til stóð að bjarga
bátsverjunum í dagrenningu.
Báturinn var á leið frá ferða-
mannastaðnum Sengiggi til höf-
uðstaðar Lombok-eyjar.
Um borð voru átján manns,
tíu Bretar, sex Indónesar, Ástr-
ali og Nýsjálendingur. Eftir að
báturinn varð vélarvana á mið-
vikudagsmorgun notaði bresk
stúlka, Rebekka Fyfe, farsíma
sinn til að senda SMS-texta-
skilaboð til unnusta síns í Bret-
landi. Unnustinn hringdi til
baka og Rebekka útskýrði að
bátinn ræki stjórnlaust og bað
hann að hafa samband við yfir-
völd í Bretlandi og óska eftir að-
stoð.
Neyðarkall
með SMS
HANS-Joachim Klein var í gær
dæmdur í níu ára fangelsi í Þýska-
landi fyrir þátt sinn í gíslatöku á
fundi ráðherra OPEC-ríkja árið
1975. Klein, sem er 53 ára gamall,
var sakfelldur fyrir þrjú morð og
þrjár tilraunir til morðs í gíslatök-
unni.
Hryðjuverkamaðurinn Carlos,
sem einnig er nefndur sjakalinn,
skipulagði gíslatökuna. Dómurinn
sýknaði Rudolf Schindler, sem var
ákærður fyrir aðild að gíslatökunni,
vegna skorts á sönnunargögnum.
Klein ráðfærir sig hér við lög-
fræðinga sína í dómsalnum.
AP
Klein ráðfærir sig við lögfræðinga sína í dómsal í gær.
Klein dæmdur í
fangelsi fyrir morð