Morgunblaðið - 21.02.2001, Page 16

LANDIÐ
16 MIÐVIKUDAGUR 21. FEBRÚAR 2001 MORGUNBLAÐIÐ
Selfossi - Þrjár bílasölur eru starf-
ræktar við götuna Hrísmýri á Sel-
fossi utan Ölfusár á athafnasvæði
fyrirtækja og mynda eitt stærsta
bílasölusvæði landsins. Bílasölurn-
ar eru á lóðum sem liggja nánast
hlið við hlið og fyrir viðskiptavini
er eins og um eina stóra bílasölu
sé að ræða. Til sýnis á staðnum, á
planinu, hjá bílasölunum eru yf-
irleitt um 300 notaðir bílar ásamt
því að þær eru með nýja bíla til
sýnis innanhúss, frá bílaumboðum.
Hjá bílasölunum eru í heildina á
skrá 7100 bílar sem viðskiptavinir
hafa úr að velja komi þeir inn á
þetta svæði til að spá og spek-
úlera.
„Selfoss er sterkt svæði fyrir
bílasölur. Við erum hér í alfaraleið
og fólk sér bílana þegar það á leið
hér um,“ sagði einn bílasalanna á
Selfossi. Bílasölurnar sem um ræð-
ir eru Betri bílasalan, Bílasala Sel-
foss og Bílasala Suðurlands. For-
svarsmönnum þeirra bar öllum
saman um að staðsetning þeirra
svo nálægt hver annarri hefði mik-
il samlegðaráhrif sem birtist í því
að fólk kæmi til þeirra alls staðar
að af landinu til að kaupa bíla.
Einn þeirra sagði að um helm-
ingur af sölunni væri til viðskipta-
vina í Reykjavík. Þetta væri fólk
sem vissi af þeim á Selfossi og að
þar væri úrvalið gott.
„Og svo gefum við okkur góðan
tíma með fólkinu sem er að velta
fyrir sér bílakaupum,“ sagði einn
bílasalanna.
7.100 bílar á
skrá hjá bíla-
sölum á Selfossi
Morgunblaðið/Sig. Jóns.
Horft yfir bílasölusvæðið við Hrísmýri á Selfossi. Næst er svæði Betri
bílasölunnar, þá svæði Bílasölu Selfoss og fjærst er Bílasala Suðurlands.
Borgarnesi - Ágústa Jóhannsdóttir, íbúi á Dvalarheimili aldraðra í Borg-
arnesi, á fjörutíu afkomendur. Sjálf eignaðist hún þrjú börn og hafa þau
gefið henni fjórtán barnabörn, tuttugu og tvö langömmubörn og svo
skemmtilega vill til að þríburarnir á Brjánslæk eru þar á meðal.
Aðeins þremur dögum eftir að þeir fæddust eignaðist Ágústa fyrsta
langalangömmubarnið sem er í beinan kvenlegg. Á meðfylgjandi mynd má
sjá fimm ættliði saman komna: Ágústa Jóhannsdóttir f. 1918, Hanna Ol-
geirsdóttir f. 1939, María Lóa Friðjónsdóttir f. 1960, Íris Ösp Sveinbjörns-
dóttir f. 1981 og Sara Lind Styrmisdóttir f. 2000.
Fimm ættliðir
Morgunblaðið/Guðrún Vala Elísdóttir
Mývatnssveit – Jón Árni
Sigfússon í Víkurnesi hefur
staðið upp frá orgelinu í
Reykjahlíðarkirkju en þar
settist hann fyrst á gaml-
árskvöld árið 1970. Eftir
aftansönginn í kirkjunni nú
sl. gamlárskvöld þakkaði
hann kórfólkinu samstarfið
í 30 ár en það þakkaði hon-
um farsælan feril.
Jón Árni sýndi þegnskap
og kjark þegar hann tók
við kórstjórn og orgelleik í
Reykjahlíðarkirkju fyrir 30
árum og leysti með því
vanda safnaðarins en erfitt
hafði þá oft reynst að fá
organista til athafna vegna
ófærðar eða annarra or-
saka og eitt sinn eftir at-
höfn þar sem mjög tæpt
var með að organisti næði
til athafnar sagði Jón við
Sr. Örn Friðriksson: „Ef
einhverjum er einhver
þægð í því þá skal ég
reyna.“
Hann hafði áður fyrst og
fremst leikið á harmonikku
en nú tók hann sér tíma til
að læra orgelleik og kór-
stjórn. Segja má að tónlist-
in sé Jóni Árna í blóð borin
og því varð þetta nýja verk-
efni honum leikur og gleði-
gjafi. Undir stjórn Jóns
Árna var kór Reykjahlíð-
arkirkju með öfluga starf-
semi, einkum á árunum
1975–1995 og var þá farið í söng-
ferðir um nærliggjandi héruð að
ógleymdum metnaðarfullum Að-
ventukvöldum sem verið hafa ár-
viss atburður í tíð Jóns Árna.
Tæp 100 ár frá því að
orgel kom í kirkjuna
Orgel var fyrst keypt í Reykja-
hlíðarkirkju 1905 en kirkjukór
stofnaður veturinn 1908–9 af Sig-
fúsi Hallgrímssyni bónda í Vogum
og föður Jóns Árna. Sigfús var
síðan með kórinn og orgelið fram
yfir 1960 er heilsu hans tók að
hraka, þá tók við tímabil þar sem
ýmsir komu að tónlistarflutningi í
Reykjahlíðarkirkju, má þar nefna
til Jón Stefánsson, Gertrud Frið-
riksson, Björgu Friðriksdóttur,
Kristínu Axelsdóttur á Gríms-
stöðum á Fjöllum, Kristínu Jón-
asdóttur á Grænavatni, Sólveigu
Illugadóttur, að ógleymdum sókn-
arprestinum Sr. Erni Friðrikssyni
sem settist gjarnan við píanóið
þegar þess þurfti með.
Síðustu árin, eða frá 1995, hef-
ur Jón Árni einnig
stjórnað kór Skútustaða-
kirkju og leikið þar jafn-
framt á orgelið eftir að
Kristín Jónasdóttirfluttist
til Akureyrar og Þráinn
Þórisson lagði frá sér
tónsprotann, þau höfðu
tekið við merki tónlistar-
innar í Skútustaðakirkju
um 1970 af Jónasi, föður
Kristínar, en hann af
föður sínum Helga Jóns-
syni á Grænavatni sem
lært hafði á orgel hjá
Jónasi Helgasyni dóm-
organista veturinn 1879–
80 Fyrsta orgelið kom
síðan sumarið eftir í
Skútustaðakirkju.
Nú er þessum mikil-
væga þætti í samfélags-
þágu lokið hjá Jóni Árna
og sveitungarnir senda
honum hlýjar kveðjur og
þakkir. Áfram mun hann
aka rútum sínum um
byggðir og óbyggðir Ís-
lands, en rútubílaakstur
er atvinna hans sem
hann er landskunnur fyr-
ir. Hann vinnur nú að út-
gáfu geisladisks með
dóttursyni sínum Gunn-
ari Benediktssyni óbó-
leikara, þar sem þeir
leika saman á óbó og
harmonikku nokkur lög
sem Jón hefur samið,
ásamt fjölda annarra vin-
sælla laga.
Söfnuðir Mývatnsþinga hafa
þegar ráðið sér nýjan stjórnanda
sem er Valmarr Valjaots frá Eist-
landi en hann er skólastjóri tón-
listarskóla sveitarinnar. Þess er að
vænta að kirkjukórarnir haldi
merki tónlistarinnar hátt á lofti í
Mývatnssveit og að hjá þeim
blómstri áfram sá mikilvægi söng-
skóli sem almennur söngur bygg-
ist á, en sú menningararfleifð hef-
ur lengi átt sér skjól með
Mývetningum.
Hættir sem organisti í Reykjahlíðarkirkju eftir 30 ár
„Ef einhverjum er
einhver þægð í því“
Morgunblaðið/BFH
Jón Árni Sigfússon við orgel Reykjahlíðarkirkju.
Selfossi - Stórbygging Húsasmiðj-
unnar, samtals 4.400 fermetrar, er
nú fokheld aðeins þremur mánuð-
um eftir að uppsláttur að bygging-
unni hófst. Þessum áfanga í bygg-
ingu hússins fögnuðu starfsmenn
JÁ-verktaka og Húsasmiðjunnar
15. febrúar. Verkið hefur aðeins
tekið 76 vinnudaga og segja má að
veðurguðirnir hafi gengið í lið með
verktakanum og eigendum hússins
en einstök veðurblíða hefur verið á
byggingartímanum. Nú er unnið að
frágangi innanhúss, steypu á gólf-
um og fleiri frágangsatriðum.
Að sögn Steinars Árnasonar
framkvæmdastjóra Húsasmiðjunn-
ar á Selfossi er stefnt að opnun
verslunarinnar 12. maí á þessum
nýja stað við Eyraveginn. Steinar
sagði að tafir á verkinu í byrjun
hefðu unnist upp á undraverðan
hátt og nú væri ekkert því til fyr-
irstöðu að opna verslunina á þeim
tíma sem menn höfðu í huga þegar
undirbúningur framkvæmda hófst.
„Þetta eigum við að þakka mjög
góðum starfskröftum ásamt því að
veðrið hefur verið hagstætt fyrir
framkvæmdir,“ sagði Steinar Árna-
son og ennfremur að með nýju
versluninni myndu umsvif Húsa-
smiðjunnar aukast til muna á Sel-
fossi og hann gerði ráð fyrir að þar
störfuðu um 70 manns að jafnaði á
þessum nýja stað. Verslunin myndi
bjóða alla þá þjónustu sem nú væri
boðin auk þess að verslun Blóma-
vals væri í húsinu og fleiri þættir
sem ykju á fjölbreytnina.
Jón Árni Vignisson fram-
kvæmdastjóri JÁ-verktaka, sem
byggja húsið, sagði að um 40 starfs-
menn hefðu unnið við húsbygg-
inguna til þessa og að hann gerði
ráð fyrir að bæta við mannskap
þannig að 60–70 menn ynnu við að
fullklára húsið.
Morgunblaðið/Sig. Jóns.
Starfsmenn JÁ-Verktaka sem hafa reist 4.400 fermetra byggingu Húsasmiðjunnar á 76 dögum.
Stórbygging Húsasmiðjunnar
fokheld á 76 dögum