Morgunblaðið - 27.02.2001, Page 25

ERLENT
MORGUNBLAÐIÐ ÞRIÐJUDAGUR 27. FEBRÚAR 2001 25
Aðalfundur 2001
Aðalfundur Opinna kerfa hf., verður haldinn miðvikudaginn 7. mars 2001.
Fundurinn verður haldinn í Hvammi á Grand Hótel Reykjavík, kl. 16.15.
Dagskrá:
Aðalfundarstörf samkvæmt samþykktum félagsins.
Stjórn félagsins gerir tillögur um breytingar á félagssamþykktum. Breytingarnar fela í sér:
• að ákvæði hlutafélagalaga gilda um það hvenær aðalfundir teljast lögmætir hvað fundarsókn
varðar, en samkvæmt núgildandi samþykktum er áskilin fundarsókn 2/3 hluthafa,
• að felld verði niður heimild 1/5 hluthafa til að krefjast framhaldsaðalfundar um tiltekna dagskrárliði
á aðalfundi,
• að fellt verði út ákvæði sem varðar veðtryggingu á lánum til hluthafa.
Stjórn félagsins gerir tillögu um að stjórninni verði veitt heimild til að auka hlutafé í félaginu með
útgáfu nýrra hluta að nafnverði allt að kr. 21.000.000 sem varið verði til fjárfestinga samkvæmt nánari
ákvörðun stjórnar. Stjórnin ákveði gengi og aðra skilmála varðandi þessa aukningarhluti, en þeir veiti
réttindi í félaginu frá og með skráningardegi aukningarinnar. Heimildin falli niður, hafi hún ekki verið
nýtt innan þriggja ára frá samþykkt hennar. Í tillögunni felst að hluthafar falli frá forkaupsrétti að
þessum aukningarhlutum.
Stjórn félagsins gerir einnig tillögu um að stjórninni verði veitt heimild til að kaupa hlutabréf í félaginu
sjálfu að nafnverði allt að kr. 21.000.000 á markaðsgengi eins og það kann að vera þegar og ef
heimildin verður nýtt. Heimildin falli niður, hafi hún ekki verið nýtt innan 12 mánaða frá samþykkt
hennar.
Önnur mál – löglega upp borin.
Fundargögn verða afhent á fundarstað.
Hluthafar sem ekki geta sótt fundinn, en hyggjast gefa umboð, verða að veita slíkt skriflega.
Ársreikningur félagsins og tillögur stjórnar til fundarins liggja frammi á skrifstofu félagsins til athugunar
fyrir hluthafa fram að aðalfundi.
Stjórn Opinna kerfa hf.
F
í
t
o
n
/
S
Í
A

F
I
0
0
2
1
3
9
SAMTÖK VERSLUNARINNAR
AÐALFUNDUR
Hvammur, Grand Hótel,
föstudaginn 9. mars 2001, kl. 13:00
SKRÁNING
13:00 Skráning við Hvamm, Grand Hótel
FUNDARSETNING
13:15 Ræða formanns Samtaka verslunarinnar
Haukur Þór Hauksson.
FYRIRLESARAR
13:45 Pétur Björnsson stjórnarformaður X-18:
Útrás verslunarfyrirtækja.
Kaffihlé.
14:20 Helgi Gestsson lektor við Háskólann á Akureyri:
Tækifæri í smásöluverslun,
„Convenience store - þægindaverslun“
14:50 Höskuldur Ásgeirsson framkvæmdastjóri
Flugstöðvar Leifs Eiríkssonar hf.:
Stækkun flughafnarinnar, stækkun verslunarrýmis
og framtíðarhorfur.
15:20 Hilmar Ágústsson rekstrarráðgjafi hjá
PricewaterhouseCoopers:
Rafrænir markaðir og vörudreifingarmiðstöðvar.
Kaffihlé
16:10 Almenn aðalfundarstörf skv. samþykktum samtakanna
Vinsamlega tilkynnið þátttöku í síma 588 8910
eða á netfang: lindabara@fis.is
EFTA-ríkin sem eru aðilar að Evr-
ópska efnahagssvæðinu (EES)
munu framvegis ekki fá að senda
fulltrúa sína til að sitja fundi nefnda
sem hafa með öryggismál sjómanna
á farskipum á EES-svæðinu að
gera. Framkvæmdastjórn Evrópu-
sambandsins (ESB) tilkynnti þetta í
bréfi til EFTA á dögunum.
Sendiherrar Íslands og Noregs
hjá Evrópusambandinu í Brussel
segjast áhyggjufullir vegna þessa;
þetta geti verið upphafið að því að
EFTA-ríkin verði útilokuð frá þátt-
töku í um 50 málefnanefndum, sem
verið hafa vettvangur samráðs allra
EES-ríkjanna fram að þessu.
EES-samningurinn kveður á um
að framkvæmdastjórn ESB beri að
hafa samráð við fulltrúa og sérfræð-
inga EFTA-ríkjanna með sama
hætti og fulltrúa ESB-ríkjanna við
undirbúning nýrrar löggjafar sem
varðar gildissvið EES-samningsins.
Þetta samráð fer fram í nefndum á
vegum framkvæmdastjórnarinnar,
alls rúmlega 200 talsins.
Til viðbótar þessum nefndum
framkvæmdastjórnarinnar eru
starfræktar nefndir, sem sjá um að
fylgja eftir og túlka reglur sem þeg-
ar hafa verið settar, en í þessar
nefndir er skipað sameiginlega af
framkvæmdastjórninni og ráð-
herraráði ESB. Fram að þessu hafa
fulltrúar EFTA-ríkjanna fengið að
sitja fundi þessara síðarnefndu
nefnda, en nú – þegar í það stefnir
að Mið- og Austur-Evrópuríkin
gangi í ESB – virðist sambandið
ætla að taka harðar á því að í starfi
slíkra nefnda fái aðeins fulltrúar
fullgildra aðildarríkja ESB að taka
þátt. Innan alls stofnanakerfis ESB
virðist eiga að gera skýrari grein-
armun á því hverjir eru með, hverj-
ir ætla að vera með, og hverjir eru
ekki með. Í þessu sambandi á að
sögn Óslóarblaðsins Aftenposten
greinilega að skilgreina Ísland og
Noreg sem ríki sem eru „ekki
með“.
Stefnubreyting?
„Ef þetta er undanfari stefnu-
breytingar hjá framkvæmdastjórn-
inni um það hvernig hún hefur sam-
ráð við EFTA-ríkin í EES og ef
þetta verður víðtækara yfir allt
nefndasviðið og einskorðast ekki við
þessa tilteknu nefnd um þjálfun sjó-
manna, þá er hér vissulega um
áhyggjuefni að ræða,“ segir Gunnar
Snorri Gunnarsson, sendiherra Ís-
lands í Brussel, í samtali við Morg-
unblaðið.
„Við erum því að vinna að því
núna að efna til viðræðna við full-
trúa framkvæmdastjórnarinnar til
þess að skýra betur út okkar stöðu
og kippa þessu í liðinn,“ segir
Gunnar Snorri.
Aftenposten hefur eftir Einar
Bull, sendiherra Noregs hjá ESB,
að þetta stefni áhrifamöguleikum
EFTA-ríkjanna á regluverk EES-
svæðisins í hættu. „Tilhneigingin er
augljós. Við erum á leiðinni út,“
segir hann.
Áhyggjuefni
fyrir Ísland
Evrópusambandið útilokar fulltrúa
EFTA-ríkja frá vissum nefndum
KOMMÚNISTAR unnu stórsigur í
þingkosningum í Moldóvu á sunnu-
dag og stjórnmálaskýrendur sögðu
að kjósendurnir hefðu látið í ljósi
óánægju sína með versnandi lífskjör
eftir að markaðsumbótum var kom-
ið á.
Kommúnistar fengu helming at-
kvæðanna og báru sigurorð af
bandalagi miðjumanna og umbóta-
sinna. Talið var að þeir myndu fá
um 70 þingsæti af 101 og nógu
mörg til að tryggja að frambjóðandi
þeirra yrði kjörinn næsti forseti
landsins á þinginu. Til þess þurfa
þeir 60 þingsæti.
„Kommúnistar hafa fengið 50,2%
atkvæðanna og aðeins verða þrjár
fylkingar á þinginu,“ sagði Dumitru
Nidelcu, formaður yfirkjörstjórnar
landsins, þegar 97% atkvæðanna
höfðu verið talin.
Helsti andstæðingur kommún-
ista, bandalag miðflokka undir for-
ystu Dumitru Braghis forsætisráð-
herra, fékk aðeins 13,45%
atkvæðanna. Þjóðarflokkur kristi-
legra demókrata fékk 8,18%.
Lofuðu að hækka
launin um helming
Kommúnistar fengu 30% fylgi í
síðustu kosningum árið 1998 og
urðu stærsti flokkurinn. Þeir náðu
þó ekki meirihluta og deilur á
þinginu urðu til þess að afgreiðsla
mikilvægra lagafrumvarpa tafðist.
Efna þurfti til þingkosninganna þar
sem ekkert forsetaefnanna fékk
nógu mörg atkvæði á þinginu til að
ná kjöri.
Kommúnistar notfærðu sér
óánægju almennings með fátæktina
og atvinnuleysið í landinu og lofuðu
að hækka laun og lífeyri lands-
manna um helming.
Vladimir Voronin, leiðtogi komm-
únista, kvaðst ætla að auka afskipti
ríkisins af efnahagslífinu en varaðist
að hafna öllum umbótum til að
styggja ekki Alþjóðagjaldeyrissjóð-
inn og erlenda fjárfesta.
Um 80% íbúa Kosovo lifa á and-
virði tæpra 100 króna á dag og
landbúnaðarframleiðslan er nú að-
eins þriðjungur þess sem hún var
þegar landið lýsti yfir sjálfstæði frá
Sovétríkjunum árið 1991.
Þingkosningar í fyrrverandi Sovétlýðveldinu Moldóvu
Flokkur kommún-
ista vinnur stórsigur
Reuters
Mikil fátækt er í Moldóvu. Hér fær gömul kona aðstoð yngri manneskju
á markaði í þorpinu Vodul-Lui-Voda, um 20 km frá höfuðborginni Chis-
inau, um helgina, en kjósendur sýndu þá óánægju sína með markaðs-
umbótatilraunir í landinu með því að skila kommúnistum stórsigri.
Chisinau. Reuters.
fimm daga vikunnar