Morgunblaðið - 12.09.2001, Blaðsíða 21

LISTIR
MORGUNBLAÐIÐ MIÐVIKUDAGUR 12. SEPTEMBER 2001 21
HJÖRTUR Hjartarson lætur sér
ekki allt fyrir brjósti brenna. Í fórum
sínum á hann marga ólíka strengi
svo sem sannast á þeim ólíku stöðum
þar sem hann hefur sýnt. Sumir
mundu kalla það þversögn að einn og
sami listamaðurinn skuli hafa haldið
einkasýningar, jafnt í Nýlistasafninu
sem í Bílar og list. Slík óvirðing við
viðurkennda hólfun íslenskrar listar
er dæmigerð fyrir Hjört. Svo virðist
sem hann kæri sig kollóttan í hvaða
samhengi hann lendir.
Þeir sem þekkja eilítið til Hjartar
geta gert sér í hugarlund brosið sem
breiðist yfir andlit hans þegar hann
er áminntur um að hann hafi farið yf-
ir strikið í vali sínu á sýningastöðum.
Hver ætti að vita það betur en hann
að Nýlistasafnið og Bílar og list eru
ósamrýmanlegir staðir.
En Hjörtur er einmitt þannig
listamaður að hann nærist á sam-
bræðslu ólíkra þátta, hins háa og
lága, hins vinsæla og sértæka. Þann-
ig er því einnig varið með verk hans.
Í Smíðar og skart leyfir hann sér að
teikna á móderníska vísu líkt og væri
hann arftaki meistaranna frá fyrri
hluta síðustu aldar.
Það má dást að lipurð og leikni
teiknarans Hjartar þótt eflaust færu
teikningar betur í heilum sal en
hengdar hlið við hlið á einn falskan
vegg. Vegna troðningsins í rýminu
verður útkoman veikari en efni
standa til því teikningarnar drukkna
eilítið hver í annarri.
En eftir að hafa vanið augað við
kraðakið koma verkin í ljós hvert af
öðru. Sum eru á langveginn og sýna
raðir af manneskjum, en í öðrum
bregður fyrir einni eða tveimur
mannverum. Síllinn er módernískur,
stílfærður en fágaður, og ber vott um
mikla, náttúrlega hæfileika Hjartar.
Áherslan á fígúrurnar sjálfar óháð
umhverfi er fremur í anda högg-
myndalistar en málaralistar, enda
minna einstaklingar og hópar Hjart-
ar að sumu leyti á teikningar Henry
heitins Moore. Þetta er eftirtektar-
verð sýning þótt upphengið sjálft
verði að teljast afleitt.
Einn og tveir
og fleiri
MYNDLIST
S m í ð a r o g s k a r t ,
S k ó l a v ö r ð u s t í g
Til 13. september.
Opið á verslunartíma.
TEIKNINGAR
HJÖRTUR HJARTARSON
Morgunblaðið/Halldór B. Runólfsson
Frá sýningu Hjartar Hjartarsonar í Smíðar og skart.
Halldór Björn Runólfsson
Í HÁLFA öld hefur English National
Ballet sett upp Hnotubrjótinn um
jólin. Í þetta skiptið fær Barbie að
vera með. Reyndar ekki alveg á svið-
inu, en á myndbandi með uppsetn-
ingu ballettsins í Hnotubrjótnum
verður Barbie teiknuð inn á. Barbie-
framleiðandinn Mattel hefur gert
samninga um að leggja fram 85 þús-
und pund, um tólf milljónir íslenskra
króna, til Enska þjóðarballettsins.
Það kemur sér vel því skuldir
hans nema 200 þúsund pundum eða
tæplega þrjátíu milljónum íslenskra
króna. Mattel fór einnig á fjörurnar
við Konunglega ballettinn, en þar
báru samningaumleitanir ekki ár-
angur. Bæði Mattel og þjóðarballett-
inn vonast til að samstarfið haldi
áfram.
Barbie er ekki óvön að bregða sér
í hin ýmsu störf. Hún er bæði flug-
freyja, geimfari, hjúkrunarkona og
sjónvarpskona, svo henni verður
ekki skotaskuld úr því að bregða sér
í tjullpilsið og táskóna og svífa um
eins og gefur á að líta á myndband-
inu. Þótt hún hafi ekki áður dansað
með jafnfrægum hópi hefur ball-
erínugervið fylgt henni í þá fjóra
áratugi sem Barbie hefur glatt
stelpnahjörtu um allan heim. Það
kippast kannski einhverjir ballett-
unnendur við þegar sambandi
Barbie og ballettsins er lýst sem
jafnfullkomnu og sambandi dans-
aranna goðumlíku Rudolf Nureyev
og Margot Fonteyn, en þannig lýsir
Mattel þó sambandinu.
Árleg uppsetning þjóðarball-
ettsins á Hnotubrjótnum er vinsæl-
asta uppsetning ballettsins og
Christopher Nourse framkvæmda-
stjóra hans þykir fara vel á því að
spyrða ballettinn saman við Barbie. Í
fréttatilkynningu ballettsins segir
hann að ballett snúist um ímynd-
unaraflið og að hrífa fólk inn í
ímyndaðan heim, alveg eins og
Barbie geri. Auk þess sem pening-
arnir komi sér vel, vonast Nourse
eftir því að Barbie-merkið nái til
nýrra áhorfenda, sem ekki hafi áður
komið á sýningar ballettsins. Ballett-
inn höfðar til barna og vonin er að
litlar Barbie-stelpur dragi foreldra
sína með á Barbie-sýninguna.
Uppsetningin mun efalaust vekja
áleitnar spurningar um það rými,
sem fyrirtæki er kosta menningar-
atburði ætla sér fyrir sinn snúð. Sýn-
ingin verður auglýst með Barbie-
myndum á veggspjöldum, sem
hengd verða upp um alla London.
Á sérstökum sýningum verður
Colliseum skreytt hátt og lágt með
Barbie og hennar dóti og allt flóðlýst
í bleiku ljósi. Auk Barbie-mynd-
bandsins verða seldar Barbie-
dúkkur í búningum úr ballettinum.
Barbie með Enska
þjóðarballettinum
London. Morgunblaðið.
KAMMERMÚSÍKKLÚBBURINN
er nú að hefja sitt 45. starfsár og
verða fyrstu tónleikar klúbbsins nk.
sunnudag. Verða þar leikin tvö af
öndvegisverkum kammertónlistar-
innar, divertimento í Es-dúr, K. 563,
eftir Mozart og strengjakvintett í C-
dúr eftir Schubert, D. 956. Flytjend-
ur verða strengjaleikarar undir for-
ystu Sigrúnar Eðvaldsdóttur.
100 ára ártíðar Verdis verður
minnst með flutningi á strengjakvar-
tett hans í e-moll hinn 14. október.
Þá verður haldið áfram að kynna
strengjakvartetta Shostakovich og
verður nú sá tíundi í As-dúr, op. 118,
fluttur. Að lokum verður hið kunna
píanótríó Dvoráks op. 90 í e-moll,
svokallað „Dumky“-tríó, flutt. Flytj-
endur á þessum tónleikum verða
meðlimir Camerarctica-hópsins.
Á þriðju tónleikum vetrarins
sunnudaginn 18. nóvember sækir
Cuvillés-kvartettinn frá München
Kammermúsíkklúbbinn heim. Þessi
kvartett er áheyrendum klúbbsins
að góðu kunnur, bæði undir núver-
andi nafni sínu og sem Sinnhofer-
kvartettinn fyrr á árum. Að þessu
sinni leika þeir þrjú öndvegisverk:
strengjakvartett nr. 2 eftir Bartók,
strengjakvartett í C-dúr, K. 465, svo-
nefndan „Dissonanz“-kvartett, eftir
Mozart, og eitt af öndvegisverkum
Beethovens, strengjakvartett í a-
moll, op. 132.
Fjórðu tónleikarnir verða sunnu-
daginn 20. janúar. Verða þá flutt tvö
af píanótríóum Brahms, fyrst horn-
tríóið í Es-dúr, op. 40, og svo klarin-
ettutríóið í a-moll, op. 114. Að lokum
kemur svo kvintett fyrir píanó og
blásara í Es-dúr, op. 16, eftir
Beethoven. Flytjendur á þessum
tónleikum verða meðlimir úr Blás-
arakvintett Reykjavíkur ásamt Sig-
rúnu Eðvaldsdóttur, Bryndísi Höllu
Gylfadóttur og Vovka Ashkenazy.
Fimmtu og síðustu tónleikar vetr-
arins verða sunnudaginn 24. febrúar.
Á þeim heyrast strengjakvintett í g-
moll, K. 516, eftir Mozart. Þá kemur
kvartettþáttur í c-moll, D. 703, eftir
Schubert og eitt af meistaraverkum
Brahms, píanókvintett í f-moll, op.
34. Flytjendur á þessum tónleikum
verða EÞOS-kvartettinn og félagar.
Tónleikar Kammermúsíkklúbbs-
ins fara sem fyrr fram í Bústaða-
kirkju og hefjast alltaf kl. 20.
Öndvegisverk á 45.
starfsári Kammer-
músíkklúbbsins
TVÖ handritsverkefni hafa ver-
ið valin til að hljóta styrk í loka-
úthlutun handritanefndar Kvik-
myndasjóðs Íslands á árinu. Um
er að ræða verkefnin Napó-
leonsskjölin eftir Arnald Indr-
iðason og Búktalaraást eftir
Kristínu Ómarsdóttur og Odd-
nýju Eiri Ævarsdóttur en hvort
verkefni hlýtur 300.000 í styrk.
Með styrkveitingunni lýkur
úthlutunarferli handritanefndar
kvikmyndasjóðs á árinu, sem
hófst í janúar síðastliðnum, þeg-
ar ellefu handrit hlutu styrki og
aðstoð við þróun handrits, með
möguleika á framhaldsstyrk.
Fimm verkefni voru valin til að
hljóta framhaldsstyrk í annarri
úthlutunarlotu, en verkefnin tvö
sem hér er greint frá hlutu
þriðja styrkinn.
Kvikmyndasjóður hefur nú
alls veitt 6.000.000 kr. í styrki og
aðstoð við íslenska handritsgerð
á árinu, en hver styrkveiting
nam 300.000 krónum. Í úthlut-
unarnefnd árið 2001 sitja
Christof Wehmeier, Kolbrún
Jarlsdóttir og Pétur Blöndal. Í
undirnefnd vegna handrits-
styrkja sitja Bjarni Jónsson,
Björn Vignir Sigurpálsson og
Guðrún Vilmundardóttir.
Tvö hand-
rit hlutu
lokastyrk
Framtíðin hefst ....núna!
Borgartúni 28 • S: 562 2901 & 562 2900 • www.ef.is
Super A
nti-Alia
s Filter
540 lín
ur
TOSHIBA DVD • SD 100
er af 5. kynslóð DVD mynddiskaspilara, með betri
myndgæðum og mun fullkomnari en aðrir bjóða!
TOSHIBA eru fremstir í tækniþróun. Hönnuðir Pro-Logic heimabíókerfisins, Pro-Drum mynd-
bandstækjanna og DVD mynddiskakerfisins.
Önnur TOSHIBA tæki fást í
stærðunum frá 14“-61“
29“-33“ eða 37“
100HZ
DIGITAL SCAN
TOSHIBA
heimabíó
Nýjasta og fullkomnasta
tækni á einstöku verði!
• Super-5 Digital Blackline myndlampi
• 180-300W magnari
• 3 Scarttengi að aftan
• 2 RCA Super VHS/DVD
tengi að aftan
Super VHS, myndavéla- og
heyrnartækjatengi að framan
• Barnalæsing á stöðvar
• Glæsilegur skápur m/glerhurð
og 3 hillum
• 6 framhátalarar
• 2 bassahátalarar
• 2 x 2 bakhátalarar