Morgunblaðið - 29.09.2001, Page 2

FRÉTTIR
2 LAUGARDAGUR 29. SEPTEMBER 2001 MORGUNBLAÐIÐ
Fylgstu
með
nýjustu
fréttum
www.mbl.isKA hefur allt að vinna
í bikarúrslitunum/ B3
Þórsarar koma á óvart
í handboltanum/ B2
4 SÍÐUR16 SÍÐUR
Sérblöð í dag
Á LAUGARDÖGUM L a u g a r d a g u r29.
s e p t e m b e r ˜ 2 0 0 1
NIÐURSTÖÐUR fjölþjóðlegra
mælinga á úthafskarfastofninum
gefa til kynna að hann sé nú rúmar
tvær milljónir tonna. Það er um millj-
ón tonnum meira en í mælingum sem
gerðar voru árið 1999.
Mælingarnar voru gerðar í sam-
starfi Íslendinga, Rússa, Norðmanna
og Þjóðverja. Farið var yfir gríðar-
lega stórt hafsvæði í leiðangrinum
eða næstum 450 þúsund fersjómílur.
Í leiðangrinum voru um 700 þúsund
tonn af úthafskarfa mæld með svo-
kallaðri bergmálsaðferð, en um 600
þúsund tonn í mælingunum árið 1999.
Ekki er hægt að beita bergmálsmæl-
ingum á karfa sem heldur sig neðan
við 500 metra dýpi og því stuðst við
mælingar sem gerðar eru með trolli.
Niðurstöður trollmælinga í leiðangr-
inum í sumar sýndu rúmlega 1 millj-
ón tonna af úthafskarfa sem er helm-
ingi meira en í sambærilegum
mælingum árið 1999.
Þorsteinn Sigurðsson, fiskifræð-
ingur á Hafrannsóknastofnun, segir
marga óvissuþætti í stofnmælingum
með trolli. Hinsvegar sé niðurstaðan
að í neðri lögum sjávar á því hafsvæði
sem rannsakað var, eða fyrir neðan
500 metra, sé að finna um eina milljón
tonna af karfa. Hann segir einnig
töluverða óvissu í bergmálsmæling-
um á 300 til 500 metra dýpi. Þar sé
karfi og því verði einnig að beita troll-
mælingum þar. Þær gefi til kynna að
töluvert meira sé af karfa á þessu
dýpisbili en bergmálsmælingarnar
segi til um. Því megi áætla rúmlega
eina milljón tonna af úthafskarfa í
efri lögum sjávar eða fyrir ofan 500
metra dýpi. Samkvæmt því sé stofn-
stærðin áætluð samanlagt um og yfir
2 milljónir tonna.
Þorsteinn segir að gera verði ótal
fyrirvara við þessa mælingu. Niður-
stöðurnar séu hinsvegar vísbending
um að úthafskarfastofninn sé ekki í
eins slæmu ástandi og niðurstaðan
frá 1999 hafi gefið vísbendingar um.
„Við getum ekki sagt til um þróun
stofnstærðar með einhverri vissu fyr-
ir en að nokkrum árum liðnum, þegar
röð mælinga liggur fyrir.“
Norðaustur-Atlantshafsfiskveiði-
nefndin (NEAFC) heimilaði veiðar á
95 þúsund tonnum úr úthafskarfa-
stofninum á þessu ári, sem var 10
þúsund tonn umfram ráðgjöf Al-
þjóðahafrannsóknaráðsins (ICES).
Þar af var hlutur Íslendinga 45 þús-
und tonn.
Þorsteinn segir að það sé í höndum
ráðgjafanefndar ICES að meta hvort
niðurstöðurnar gefi tilefni til aukinn-
ar veiði úr stofninum. ICES kynnir
ráðgjöf sína á aðalfundi NEAFC fyr-
ir miðjan nóvember. Hann segir að
niðurstaða mælinganna í ár bendi til
þess að stofninn sé ekki á hraðri nið-
urleið eins og margir óttuðust eftir
mælingarnar árið 1999.
Milljón tonnum meira
mældist af úthafskarfa
HÉRAÐSDÓMUR Reykjaness
úrskurðaði í gær 36 ára austur-
rískan karlmann í mánaðar
gæsluvarðhald en maðurinn hafði
eins og greint var frá í Morgun-
blaðinu í gær verið stöðvaður af
Tollgæslunni á Keflavíkurflug-
velli síðdegis á fimmtudag. E-pill-
urnar sem maðurinn hafði í far-
angri sínum reyndust við talningu
vera 67.485 talsins.
Austurríkismaðurinn hafði
millilent hér á landi á leið sinni frá
Amsterdam í Hollandi til New
York í Bandaríkjunum en hinar
hertu eftirlits- og öryggiskröfur á
Keflavíkurflugvelli eru taldar
hafa gegnt lykilhlutverki í því að
upp komst um smygltilraunina.
Er þetta mesta magn af e-töflum
sem lagt hefur verið hald á hér-
lendis í einu. Söluverðmæti tafln-
anna á Íslandi er talið nema ná-
lægt 240 milljónum króna.
Samkvæmt upplýsingum
Morgunblaðsins er ekkert sem
bendir til þess að maðurinn hafi
haft vitorðsmenn hér á landi eða
ætlað að koma töflunum á markað
hérlendis.
Næstmesta magn e-taflna sem
náðst hefur hér á landi eru 14.270
töflur en þær fundust í fórum 46
ára gamals Hollendings fyrir
tæpu ári. Hafði hann einnig milli-
lent á Keflavíkurflugvelli á leið
sinni frá Amsterdam til New
York. Sá maður var ákærður hér á
landi og síðan dæmdur í héraði í
níu ára fangelsi. Var sá dómur
staðfestur í Hæstarétti.
Hald lagt á 67.485 e-töflur
Morgunblaðið/Kristinn
Guðmundur Ingi Ingason
rannsóknarlögreglumaður
skoðar e-töflurnar.
Verðmæti á
markaði um
240 milljónir
ÞAÐ er óþolandi fyrir Háskóla Ís-
lands að stjórnvöld setji hann í þá
stöðu að leggja á skólagjöld, að mati
Páls Skúlasonar háskólarektors, og
að mikilvægt sé að allir skólar á há-
skólastigi, hvort sem þeir eru í
einkaeigu eða ríkiseigu, búi við sam-
bærileg starfsskilyrði.
Í samtali í blaðauka Morgun-
blaðsins um Háskóla Íslands 90 ára
segir hann að við breyttar þjóð-
félagslegar aðstæður sé nauðsyn-
legt að hugsa samskipti Háskólans
og ríkisvalds eftir nýjum leiðum.
„Einkareknir háskólar ættu sam-
kvæmt orðanna hljóðan að vera
reknir af einkaaðilum fyrir einkafé,“
segir Páll. „Hinir svokölluðu einka-
reknu háskólar á Íslandi eru á hinn
bóginn kostaðir af almannafé með
sama hætti og opinberir skólar.
Ríkið greiðir jafnmikið með nem-
endum í einkareknum skólum og
nemendum í Háskóla Íslands. Eini
munurinn á einkaskólum á Íslandi
og ríkisskólum er sá að einkaskólar
hafa rétt til að innheimta sérstök
skólagjöld, sem ríkið í raun niður-
greiðir með því að veita nemend-
unum lán á niðurgreiddum vöxtum
til að greiða skólagjöldin.“
Páll segir að sértekjur háskólans
hafi aukist verulega á undanförnum
árum og að þær nemi nú um það bil
helmingi framlags ríkisins til skól-
ans. „Háskóli Íslands hefur ávallt
sýnt mikið frumkvæði við tekjuöfl-
un,“ segir Páll og spyr hvort þjóðin
vilji í raun að tekin verði upp skóla-
gjöld við HÍ fremur en að stjórn-
völd jafni stöðuna á milli háskól-
anna.
Starfsskilyrði
háskóla ójöfn

Háskólinn/D2
LÖGREGLAN í Kópavogi
handtók á fimmtudag tvo
pilta, 15 og 16 ára gamla,
grunaða um vörslu og sölu
fíkniefna.
Við húsleit fundust 260
grömm af hassi sem hald var
lagt á. Samkvæmt upplýsing-
um frá lögreglunni í Kópavogi
er talið að hassið hafi átt að
selja unglingum. Málið telst
upplýst.
260 g af
hassi tekin
ELDUR kviknaði í línubátnum
Faxaborg SH í gærmorgun þar
sem hann lá við bryggju á Rifi á
Snæfellsnesi. Að sögn Hjálmars
Kristjánssonar, eiganda bátsins,
var verið að landa úr bátnum
þegar eldsins varð vart í línu-
gangi bátsins. Slökkvilið Snæ-
fellsbæjar var kallað á vettvang
og gekk því greiðlega að ráða
niðurlögum eldsins.
Hjálmar sagði í samtali við
Morgunblaðið í gær að ekki væri
búið að meta fjárhagslegt tjón
vegna eldsins en línugangurinn
sviðnaði allur og fiskilínan eyði-
lagðist.
Aðspurður telur Hjálmar að
kviknað hafi í út frá rafmagni.
Kvaðst hann ennfremur vera
tryggður fyrir skemmdum sem
þessum.
Morgunblaðið/Alfons Finnsson
Eldur kviknaði í gærmorgun í línubátnum Faxaborg, sem gerður er út frá Rifi.
Eldur í báti við
bryggju á Rifi