Morgunblaðið - 04.10.2001, Page 18

SUÐURNES
18 FIMMTUDAGUR 4. OKTÓBER 2001 MORGUNBLAÐIÐ
ÞITT HEIMILI Á
COSTA BLANCA
SPÁNI
Kr. 4.250.000 Nýtískuleg íbúð í blokk með einu svefnherbergi
Verð frá
kr. 8.500.000
Parhús,
2-3 svefnherb.,
garður, þakverönd.
Bílastæði inni
á lóðinni.
EUROFORMA sem hefur byggt og selt í 12 ár,
heldur sýningu á fasteignum frá sólarströnd COSTA BLANCA.
MANUEL TORTOSA býður ykkur hjartanlega velkomin á kynningarfund um helgina,
laugardag 6. og sunnudag 7. okt. á Hótel Loftleiðum kl. 13-17. Íslensk aðstoð. Frítt inn.
Símar á Íslandi 699 4339 og 567 3617. Sími á Spáni 00 34 659 906690.
Kr. 3.250.000
Íbúðir í blokk í Torrevieja,
allt í göngufæri.
Verð frá
kr. 5.500.000
Raðhús „Bungalow“
2 svefnherb., garður eða
þakverönd nálægt miðbæ
Torrevieja.
Allt vandaðar og
fallegar eignir
BÆJARSTJÓRN Reykjanesbæjar
ákvað síðastliðið vor að ganga til
samninga við skólastjóra grunnskóla
bæjarins um rekstur skólanna á
grundvelli samningsstjórnunar. Ætl-
unin var að samningurinn yrði gerður
fyrir upphaf nýbyrjaðs skólaárs en
vinnan hefur dregist. Stefnt er að því
að samningum ljúki á næstu vikum.
Skúli Þ. Skúlason, forseti bæj-
arstjórnar og annar fulltrúi Fram-
sóknarflokksins í bæjarstjórn, segir
að mikill hluti af útgjöldum Reykja-
nesbæjar fari til skólamála og því sé
mikilvægt að áfram verði vel haldið á
fjármunum skólanna. Hann segir að
meirihluti bæjarstjórnar hafi markað
þá stefnu að koma hlutfalli rekstr-
argjalda bæjarsjóðs niður í um 75%
af rekstrartekjum á kjörtímabilinu.
Þetta hlutfall var þá um 90%, fór nið-
ur í um 80% á síðasta ári og í fjár-
hagsáætlun fyrir yfirstandandi ár er
gert ráð fyrir 75%. Skiptir mestu
máli að tekjur sveitarfélagsins hafa
aukist meira en útgjöldin á þessum
tíma. „Tekist hefur að lækka hlutfall
rekstrarútgjalda með skilvirkari
stjórnun og stefnufestu í meðhöndlun
fjármuna,“ segir Skúli.
Segir hann mikilvægt að standa við
þessi markmið til þess að unnt sé að
greiða niður skuldir sem efnt var til
vegna einsetningar grunnskóla bæj-
arins en áætlun var gerð um að
greiða þær niður á tíu árum. „Það er
líka nauðsynlegt fyrir bæjarfélagið
að hafa 25% teknanna eftir til að
leggja í gjaldfærða og eignfærða fjár-
festingu og minnka þörfina á stór-
felldum lántökum þegar ráðist er í
framkvæmdir,“ segir hann.
Áhersla á innra starf
Skúli segir að bæjaryfirvöld hafi á
undanförnum árum lagt áherslu á
ytri umgjörð grunnskóla bæjarins.
Hann rifjar upp að Reykjanesbær
hafi lagt í tveggja milljarða króna
fjárfestingu við einsetningu skólanna,
það er að segja byggingu Heið-
arskóla og endurbætur á hinum
þremur skólum bæjarins svo að að-
staða þar yrði sambærileg. „Áherslan
þarf núna að beinast inn á við. Þá er
ekki síst mikilvægt að fjármálin séu í
lagi. Samningsstjórnun er tæki til
þess að tryggja sem hagkvæmastan
rekstur skólanna og skapa grundvöll
fyrir þróunarverkefni og frekari upp-
byggingu í innviðum skólanna án
þess að það kosti aukin útgjöld,“ seg-
ir Skúli.
Hann vekur athygli á því að
Reykjanesbær sé með umfangsmikla
starfsemi. Þar séu til dæmis um 470
stöðugildi og stór hluti þeirra tengist
skólunum. Því sé mikilvægt að hafa
gott vald á rekstrinum. Samnings-
stjórnun geti verið góð leið til þess.
„Við sjáum hvað er að gerast í heil-
brigðiskerfinu. Mér sýnist að ríkið sé
að gefast upp gagnvart þeim miklu og
sífellt vaxandi kröfum sem þar eru
uppi innan stofnananna. Þegar sú
staða kemur upp að menn eru að gef-
ast upp á því að fást við opinberan
rekstur virðist sem ríkisvaldinu finn-
ist einfaldasta leiðin að einkavæða
hann. Við gætum lent í slíkri umræðu
með skólana á næstu árum,“ segir
Skúli.
Fjármagn á móti gæðum
Komin eru drög að samningum
milli skólastjórnenda og Reykjanes-
bæjar. Þar eru komnar helstu tölur
en fræðslustjóri og skólastjórar eru
að vinna í ákvæðum um faglega þátt-
inn. Að sögn Skúla snýst samning-
urinn um að skólunum er tryggt
ákveðið fjármagn gegn því að þeir
skili ákveðnum gæðum á móti.
„Skólanum er útvegað það fjár-
magn sem hann þarf samkvæmt gild-
andi normum fyrir skólastarf. Á móti
setur skólinn sér mælanleg markmið.
Ef skólinn skilar hagnaði nýtur hann
þess því unnt verður að nýta afgang-
inn á næsta ári, til dæmis við þróun-
arverkefni. En ef tap verður á rekstri
geta skólastjórnendur átt það á
hættu að fá minna fjármagn á næsta
ári. Ábyrgðin er færð yfir á skólann
og ég tel að það sé mikið atriði fyrir
skólasamfélagið. Hver skóli er um
500 manna vinnustaður, 450 nem-
endur og 50–60 starfsmenn. Við ger-
um miklar kröfur til skólanna okkar,
ekki einungis að þeir séu góðar
menntastofnanir heldur að þar sé góð
aðstaða til uppeldis barnanna og tóm-
stunda,“ segir Skúli.
Hann segist vilja nýta kosti einka-
reksturs til þess að þufa ekki að
einkavæða mikilvægar þjón-
ustustofnanir. „Ég tel mikilvægt að
nýta styrkleika og kosti sem hafa
þróast í einkareknu umhverfi. En ég
tel jafnframt að við höfum sameig-
inlega ábyrgð á því að sinna ákveðn-
um grunnrekstri samfélagsins, eins
og menntamálum og heilbrigð-
ismálum. Ég tel að opinber rekstur
henti betur á þeim sviðum.“
Hann segir að einkavæðing sé út af
fyrir sig engin trygging fyrir betri
rekstri. „Samfélagsþjónustan hefur
marga kosti og ef við getum nýtt hug-
myndafræði einkarekstrar þar í
auknu mæli nýtum við bestu kosti
beggja kerfa. Það er grundvall-
aratriði að ná sátt um rekstur skóla.
Samfélagið þarf að vera sátt við skól-
ann sinn. Ég tel að meiri líkur séu á
því með því fyrirkomulagi sem við
höfum valið,“ segir Skúli.
Hann segist ekki vera á móti út-
boði ýmissa annarra þátta í rekstri
sveitarfélaga og vekur athygli á því
að Reykjanesbær bjóði út fjölda
verka. Hann telur að það kunni að
aukast og nefnir þá þróun sem víða
hefur orðið að rekstur leikskóla og
þjónusta við aldraða hefur verið boð-
in út í auknum mæli. En þá þurfi að
vera skýrt að fjárhagsleg og fagleg
ábyrgð sé hjá sveitarfélaginu.
Unnið er að undirbúningi fjárhags-
áætlunar næsta árs. Spurður að því
hvort ekki sé mikill þrýstingur á
framkvæmdir og útgjöld vegna bæj-
arstjórnarkosninganna sem verða á
vori komanda segist Skúli vonast til
að svo verði ekki. Bæjarbúar viti að
lagt hafi verið í mikinn kostnað við
skólana og því þurfi menn að halda að
sér höndum í einhvern tíma til að
grynnka á skuldunum.
Skúli segir þó mikilvægt að skapa
svigrúm til að hefjast handa við end-
urnýjun gatna, sérstaklega í Kefla-
vík. Hann segir ekki hægt að tala um
að fyrirhugað sé átak í þessu efni en
vonast til að endurgerð gatna verði
forgangsverkefni við fjárhagsáætl-
anagerð næstu ára.
Í þessu sambandi nefnir hann
Hafnargötuna. Hún er aðalversl-
unargata bæjarins. „Við þurfum að
gera hana aðlaðandi og skemmtilega
svo að fólk takið röltið þangað, á
kaffihús eða í verslanir. Einnig þarf
að tengja hana vel við nýjan miðbæ á
Samkaupssvæðinu. Áætlað hefur
verið að hefja hönnun endurbóta á
Hafnargötu á árinu 2003 og að ljúka
framkvæmdum fyrir 2010.
Meirihlutinn hefur framtíðarsýn
Framsóknarmenn og sjálfstæð-
ismenn hafa lengi unnið saman að
stjórn bæjarmála í Reykjanesbæ og
þar áður í Keflavík. Skúli svarar því
neitandi þegar hann er spurður að því
hvort þreyta sé komin í samstarfið.
„Það er styrkur þessa meirihluta að
hann hefur markað stefnu til lengri
tíma í ýmsum málaflokkum, haft
framtíðarsýn.“
Auk þeirra mála sem þegar hefur
verið minnst á nefnir Skúli fyrirhug-
aðar breytingar á rekstri félagslega
íbúðakerfisins og upptöku á land-
upplýsingakerfi sem unnið sé að.
Hann segir að aðalskipulag, deili-
skipulag og teikningar verði vænt-
anlega settar í rafrænan gagnagrunn.
Upplýsingar verði aðgengilegri og
það stuðli að skilvirkari stjórnun.
Þá er fyrirhugað að stofna sérstakt
hlutafélag um félagslega íbúðakerfið.
Skúli segir að tilgangurinn sé að hafa
reksturinn gegnsærri og markviss-
ari. Muni koma vel í ljós hvað hver
íbúð kosti og hvaða húsaleigutekjur
hún skili á móti. Viðhaldssaga ein-
stakra eigna verði skráð inn í tölvu-
kerfi og auðveldara að gera áætlanir
til lengri tíma um viðhald þeirra.
Upphaflega var áformað að setja
allar eignir bæjarins í þetta nýja
hlutafélag en ákveðið var að að byrja
á félagslega íbúðakerfinu. Að sögn
Skúla er rekstur þess umfangsmikill.
Í Reykjanesbæ eru nú um 300 fé-
lagslegar íbúðir. Hann tekur fram að
vel hafi verið haldið utan um þann
rekstur og allar íbúðirnar í notkun.
Skúli gerir lítið úr ágreiningi í bæj-
arstjórn. Segir að minnihlutinn hafi
vissulega það hlutverk að veita meiri-
hlutanum aðhald. Hins vegar sé góð-
ur gangur á flestum málum í sam-
félaginu og íbúarnir tiltölulega
ánægðir og því hafi ekki verið mikið
af stórum ágreiningsefnum.
Kostir einkarekstrar
nýttir í skólunum
Skúli Skúlason, forseti bæjarstjórnar Reykjanes-
bæjar, segir að með samningsstjórnun sé hægt að
nýta kosti einkareksturs í samfélagsþjónustu og
óþarfi sé að gefast upp vegna sífellt aukinna
krafna. Hann segir Helga Bjarnasyni frá breyt-
ingum á rekstri grunnskóla og fleiri bæjarmálum.
Reykjanesbær
Morgunblaðið/Helgi Bjarnason
Skúli Skúlason, forseti bæjarstjórnar Reykjanesbæjar.
helgi@mbl.is
EKKI er keppt um það hver
syndir hraðast heldur hver
syndir tæknilega best á
Skemmtisundmóti UMFN og
Íslandsbanka sem fram fór í
Sundmiðstöðinni í Keflavík
um helgina.
Alls höfðu 150 börn verið
skráð til leiks í Skemmtisund-
mótinu en þegar á mótið var
komið vantaði talsvert marga
vegna veikinda. Auk keppnis-
fyrirkomulagsins er mótið
sérstakt fyrir þær sakir að
allir eru verðlaunaðir fyrir
þátttöku. Íslandsbanki gaf
verðlaunin. Keppt var í ald-
ursflokkunum 12 ára og
yngri. Vakti það athygli
starfsfólks og annarra hversu
vel börnin gengu um og hegð-
uðu sér í alla staði vel.
Margir knáir sundmenn
kepptu á þessu móti og verða
væntanlega á næstu árum
landsliðsmenn framtíðarinn-
ar, líkt og sá sem sá um þul-
arstarfið á mótinu, en Jón
Oddur Sigurðsson verðlauna-
hafi á Evrópumeistaramóti
unglinga og Íslandsmethafi í
50 metra bringusundi sá um
það starf. Þótti yngri sund-
mönnum mótsins mikið til
þess koma, að því er fram
kemur í fréttatilkynningu.
Eftirtaldir einstaklingar
urðu stigahæstir á mótinu.
Hnátur 9 ára og yngri: Una
María Unnarsdóttir, Njarð-
vík. Hnokkar 9 ára og yngri:
Orri Guðmundsson, SH.
Hnátur 10 ára: Halla Jóhann-
esdóttir, SH. Hnokkar 10 ára:
Andrew Snook, SH. Meyjar
11–12 ára: Aldís Eva Frið-
riksdóttir, SH. Sveinar 11–12
ára: Einar Sveinn Kristjáns-
son, Fjölni.
Keppt í
tækni en
ekki hraða
Njarðvík