Morgunblaðið - 04.10.2001, Blaðsíða 21

NEYTENDUR
MORGUNBLAÐIÐ FIMMTUDAGUR 4. OKTÓBER 2001 21
NÝLEGA var greint frá samkomu-
lagi Landssímans og Norðurljósa um
dreifingu og endursölu á sjónvarps-
rásum með læstri dagskrá gegnum
breiðband Símans. Felur samningur-
inn í sér að þeir sem hafa aðgang að
breiðbandinu eða tengjast því í fram-
tíðinni muni jafnframt geta fengið að-
gang að útsendingum Norðurljósa
gegnum breiðbandið.
Síminn býður þeim sem hafa að-
gang að breiðbandinu upp á mismun-
andi áskriftarleiðir að sjónvarpsrás-
um svokallaðs Breiðvarps þar sem nú
er að finna allar íslensku sjónvarps-
stöðvarnar, ásamt sérstakri rás frá
Alþingi, 28 erlendar rásir, flestar ís-
lenskar útvarpsstöðvar og 10 erlend-
ar þemaútvarpsstöðvar. Sjónvarps-
stöðvar Norðurljósa eru Stöð 2, Sýn,
PoppTíví og Bíórásin og geta kaup-
endur nálgast fyrrgreindar áskriftar-
leiðir bæði hjá Norðurljósum og Sím-
anum. Nema hvað Fjölvarpið er ekki
á breiðbandinu.
Þeir sem ekki eru áskrifendur að
Stöð 2, Sýn, Bíórásinni og Breiðvarp-
inu ná útsendingum Omega, PoppTíví
og Skjás eins án myndlykils í gegnum
loftnet eða á breiðbandinu, séu þeir á
breiðbandssvæði Símans.
Gömlu myndlyklarnir
enn á sínum stað
Sem fyrr þarf myndlykla til þess að
ná útsendingum á Breiðvarpinu og
Stöð 2, Sýn og Bíórásinni og þurfa
þeir sem vilja ná útsendingum læstr-
ar dagskrár Norðurljósa og Símans
því tvo afruglara eins og áður. „Hið
eina sem breytist er að þeir sem búa á
svæðum þar sem Síminn er búinn að
leggja breiðbandið og eru eða vilja
vera áskrifendur að Stöð 2, Sýn og
Bíórásinni geta nú valið hvort þeir
vilja taka á móti útsendingum með
kapalneti eða með loftneti. Með öðr-
um orðum, rásir sem hingað til hafa
einvörðungu verið sendar út í lofti eru
nú sendar út með breiðbandinu líka,“
segir Heiðrún Jónsdóttir, forstöðu-
maður upplýsinga- og kynningarmála
Símans. Síminn sér um lagningu og
viðhald á breiðbandinu og nær það nú
til um 50% heimila á höfuðborgar-
svæðinu og flestallra heimila á Húsa-
vík. Uppbygging breiðbandsins er
hafin á fleiri stöðum og frá árinu 1995
hefur það verið lagt í öll ný hverfi og
þar sem veitustofnanir hafa verið að
endurnýja lagnir.
Breiðbandið er
móttökutæki
eins og loftnet
Breiðbandið nær til 50% heimila
á höfuðborgarsvæðinu.
Allar íslenskar stöðvar nú á breiðbandi Símans
LOKSINS er búið að finna upp
flísjakka sem manni verður ekki
of heitt í, segir í netútgáfu The
Sunday Times.
Lausnin felst í því að klæða
flíkina með efni sem nefnist
Outlast PCM og þróað var hjá
Geimferðastofnun Bandaríkj-
anna. Umrædd jakkapeysa nefn-
ist PCM Ratio og bregst við mis-
munandi hitastigi líkamans.
Lausnin felst í örhylkjum í efn-
inu sem leysast upp þegar lík-
aminn hitnar og harðna þegar
hann kólnar og með þessari
tækni mun vera hægt að við-
halda tilteknu kjörhitastigi fyrir
líkamann, eða 35,5 gráðum. Sér-
stök einangrun gerir hann jafn-
framt átta sinnum vindheldari
en hefðbundna, ófóðraða flís-
jakka.
Jakkinn kostar um 20.000
krónur og fæst í grænu og
svörtu á karlmenn og dökk- og
ljósgráu á konur.
Nánari upplýsingar fást á
heimasíðunni www.rohan.co.uk.
Flíspeysa sem
mælir hitastig
MEÐAL kosta breiðbandsins
er skýrari mynd, en Stöð 2 er
á stöð 21 á breiðbandinu, Sýn á
01, Bíórásin á 00 og PoppTíví á
109 (H9), samkvæmt upplýs-
ingum frá áskriftardeild Stöðv-
ar 2. Ef áskrifandi býr á breið-
bandssvæði og myndlykillinn
er stilltur inn á móttöku gegn-
um loftnet má stilla hann inn á
breiðbandið með því að ýta á
CP-takkann á fjarstýringunni.
Þá birtist blikkandi tala á
myndlyklinum með punkti fyr-
ir aftan. Vilji viðkomandi stilla
myndlykilinn inn á Stöð 2 á
breiðbandinu ýtir hann á 21 á
fjarstýringunni og opinn tígul
að því loknu. Þá kemur fram
önnur blikkandi tala. Þegar
hún birtist má merkja viðkom-
andi rás eins og maður kýs, til
dæmis með 01, eigi Stöð 2 að
vera fyrst í röðinni. Svo er ýtt
á lokaðan tígul og að síðustu
aftur á CP-takkann.
Ef ætlunin er að stilla
myndlykilinn á útsendingu
Sýnar er ferlið hér að framan
endurtekið. Fyrst er ýtt á CP-
takka, svo 01 (samanber upp-
talningu á staðsetningu við-
komandi stöðva á breiðband-
inu) þegar blikkandi tala með
punkti fyrir aftan birtist. Þá er
ýtt á opinn tígul, rásarmerki
valið, ýtt á lokaðan tígul og
loks á CP.
Stilling
myndlykils