Morgunblaðið - 09.01.2002, Blaðsíða 4

FRÉTTIR
4 MIÐVIKUDAGUR 9. JANÚAR 2002 MORGUNBLAÐIÐ
JÖKULHLAUP hófst í gærmorg-
un í Jökulsá á Fjöllum við Upp-
typpinga, Krepputungu og náði
rennslið hámarki við Grímsstaði á
Fjöllum um klukkan 20 í gærkvöld.
Þá mældist rennslið 470–480 rúm-
metrar á sekúndu. Að sögn Jónu
Finndísar Jónsdóttur hjá Vatna-
mælingum Orkustofnunar var
rennslið í ánni þegar mest var að-
eins meira en er í ánni í miklu
sumarrennsli. Til samanburðar má
nefna að meðalvetrarrennsli Jök-
ulsár er um 170 rúmmetrar á sek-
úndu og var 120 rúmmetrar áður
en hlaupið hófst.
Ekki er vitað hvaðan hlaupin í
Jökulsá koma en líklegt er að þau
séu ættuð úr Kverkfjöllum eða
Dyngjujökli.
Sjálfvirkt viðvörunarkerfi
fór í gang í gærmorgun
Leiðnimælingar við vatnshæðar-
mæli í Krepputungum sýna að um
er að ræða jarðhitavatn.
Fyrsta vísbending um hlaupið
kom skömmu fyrir klukkan 7 í
gærmorgun þegar sjálfvirkt við-
vörunarkerfi Vatnamælinga Orku-
stofnunar sendi Neyðarlínunni að-
vörun um að vatnshæð væri komin
upp fyrir aðvörunarmörk.
Neyðarlínan hafði strax sam-
band við starfsmann Vatnamæl-
inga og kom í ljós þegar þeir könn-
uðu málið, að hlaupið hafði byrjað
um klukkan 6 og var Almanna-
vörnum ríkisins og Vegagerðinni
gert viðvart. Gert var ráð fyrir að
hlaupið myndi ná hámarki sínu í
Öxarfirði seint í nótt.
Hlaup í Jökulsá á Fjöllum náði hámarki í gærkvöldi
Hlaupið ríflega á við
mikið sumarrennsli
Dr. BALDUR R. Stef-
ánsson, plöntuerfða-
fræðingur, lést í
Winnipeg í Kanada 3.
janúar sl., 84 ára að
aldri. Baldur var Vest-
ur-Íslendingur og
hlaut heimsfrægð sem
vísindamaður. Tilraun-
ir hans með jurtina
repju leiddu til þess að
nýta mátti hana til
manneldis og var hann
nefndur „faðir matar-
olíunnar“.
Dr. Baldur Stefáns-
son fæddist í Vestfold í
Manitoba 26. apríl 1917. Hann var
sonur Guðmundar Stefánssonar og
Jónínu Halldórsdóttur í Vestfold og
eftir að hafa lokið herskyldu lauk
hann námi með doktorsgráðu frá
Manitobaháskóla. Hann hóf kennslu
við skólann 1952 og var prófessor
þar til hann hætti, 68
ára að aldri.
Vegna uppgötvana
sinna var Baldri Stef-
ánssyni sýnd margvís-
leg virðing víða um
heim. Hann var m.a.
sæmdur Kanadaorð-
unni, Manitobaorðunni
og Fálkaorðunni.
Hann var sæmdur
heiðursdoktorsnafnbót
við Manitobaháskóla
og Háskóla Íslands.
Eiginkona Baldurs
Stefánssonar er Sigga
Stefánsson, en hún er
dóttir Páls og Helgu Westdal. Þau
eignuðust þrjú börn, Björgvin,
Helgu og Paul, sem öll lifa föður
sinn, og fjögur barnabörn.
Útför Baldurs Stefánssonar fór
fram frá Fyrstu lútersku kirkjunni í
Winnipeg í gær.
Andlát
BALDUR R.
STEFÁNSSON
NÝTT íþróttahús við Víkurveg og
Fossaleyni í Grafarvogshverfi var
kynnt á borgarafundi í Rimaskóla
í gærkvöld.
Gert er ráð fyrir að knatt-
spyrnusalur hússins verði tekinn í
notkun í apríl á þessu ári.
Í upplýsingum sem afhentar
voru á fundinum kemur fram að
knattspyrnuhúsið sjálft er 90
metra breitt og 120 metrar að
lengd með 20 metra lofthæð yfir
miðlínu vallarins. Er það 10.800
fermetrar að stærð. Auk þess
verður 400 fermetra skóla-
íþróttasalur í húsinu, 3.000 fer-
metra skautahöll, 800 fermetra
skotæfingasvæði og ýmsir smærri
salir, skrifstofur, verslanir, þjón-
usta, gistirými og fleira sem sam-
tals verða um 8.000 fermetrar.
Alls verður húsið því um 23.000
fermetrar að stærð.
Fyrsti hluti hússins, knatt-
spyrnusalurinn, verður tekinn í
notkun í apríl á þessu ári og í lok
ágúst er gert ráð fyrir að taka
skólaíþróttasalinn til notkunar. Í
húsinu er knattspyrnuvöllur í
fullri stærð. Áformað er að taka
aðra hluta byggingarinnar í notk-
un í áföngum fram til haustsins
2003.
Það er Trésmiðja Snorra Hjalta-
sonar og Járnbending sem eru
framkvæmdaraðilar en um er að
ræða einkaframkvæmd á vegum
Reykjavíkurborgar. Hönnuðir eru
Alark arkitektar og Verkfræði-
stofa Erlends Birgissonar. Tölvumynd/Onno
Nýja knattspyrnu-
húsið í Grafarvogi
tekið í notkun í vor
MÁLFUNDAFÉLAGIÐ Fram-
tíðin við Menntaskólann í Reykja-
vík hefur lagt fram kauptilboð í
Perluna.
Steinþór Rafn Matthíasson með-
stjórnandi segir ástæðu kauptil-
boðsins vera þá að MR-inga hafi
lengi vantað félagsaðstöðu, bæði
fyrir málfundi og aðrar skemmt-
anir. „Við reiknuðum dæmið þann-
ig að þetta myndi borga sig þegar
til lengri tíma er litið og við mynd-
um þannig sleppa við að vera alltaf
að leigja sali. Þarna gætum við haft
alla aðstöðu í sama húsi, þ.e. skrif-
stofu og aðra starfsemi og þess
vegna ákváðum við að leggja fram
fyrsta formlega tilboðið í Perluna.“
Aðspurður segist Steinþór ekki
geta greint frá tölum að svo
stöddu, þetta sé upphafstilboð og
Framtíðin vilji ekki sýna öll spil sín
strax. „Við bíðum nú eftir svari frá
stjórn Orkuveitunnar en hún fékk
vikufrest til þess að taka afstöðu til
tilboðsins eða koma með gagntil-
boð. Við erum bjartsýnir á að þetta
muni ganga upp og ætlum raunar
að fara fram á styrk hjá mennta-
málaráðuneytinu.“
Morgunblaðið/Þorkell
Fulltrúar Framtíðarinnar rýna í kort af Perlunni ásamt fulltrúa Fasteignasölunnar Frónar.
Framtíðin gerir
kauptilboð í Perluna
ÓFÖGUR sjón blasir nú við í fjörum
við Raufarhöfn og víðar á Mel-
rakkasléttu, en mikið af dauðum og
veikum svartfugli hefur rekið þar á
land. Enn sem komið er hefur engin
skýring fengist á dauða fuglanna
en menn bíða eftir því að fugla-
fræðingar komi á staðinn og skoði
þá. Fuglarnir liggja nú eins og hrá-
viði um allar fjörur í þúsundatali.
Ævar Petersen, fuglafræðingur,
segir að svartafugladauði af þessu
tagi sé ekki nýr af nálinni. Svo virð-
ist sem þetta komi fyrir á nokkra
ára fresti, ekki síst á þessu horni
landsins en það geti verið nokkuð
misjafnt hversu mikið af fugli
drepst. „Það er ekki mjög langt síð-
an þetta gerðist síðast ef ég man
rétt. Staðreyndin er sú að menn
hafa engar haldbærar skýringar á
þessum fugladauða. Þetta hefur
komið fyrir á öðrum stöðum land-
inu en þegar ég hugsa til baka
finnst mér að þetta hafi oftast gerst
á þessu svæði. Eitthvað af fuglinum
á þessu svæði er væntanlega ætt-
aður norðan úr höfum en kemur
hingað á veturna og það kann að
vera eitthvert samhengi þar á milli.
En allar skýringar eru í reynd ekk-
ert annað en getgátur.“
Dauðir svartfuglar
í þúsundatali
Morgunblaðið/Júlíus Helgason
Raufarhöfn. Morgunblaðið.