Morgunblaðið - 09.01.2002, Blaðsíða 13

HÖFUÐBORGARSVÆÐIÐ
MORGUNBLAÐIÐ MIÐVIKUDAGUR 9. JANÚAR 2002 13
SAMNINGUR um uppbygg-
ingu og skipulag nýs hverfis í
Norðlingaholti sunnan Rauða-
vatns var samþykktur í borg-
arráði í gær. Samningsaðilar
eru Reykjavíkurborg og Rauð-
hóll ehf. sem eiga landið að
stærstum hluta. Gert er ráð
fyrir um 1.100 íbúða byggð á
svæðinu.
Svæðið afmarkast af Breið-
holtsbraut í vestur, Suður-
landsvegi í norður, ánni Bugðu
og Rauðhólum í austur og al-
mennu útivistarsvæði við
Elliðavatn í suður. Brúttó-
stærð landsins er um 80 hekt-
arar.
Mest fjölbýlishús
Skipulag svæðisins verður
unnið á grundvelli tillagna
Teiknistofunnar ehf. sam-
kvæmt samþykkt skipulags-
og bygginganefndar Reykja-
víkur. Í tillögum hönnuða er
áhersla lögð á nokkuð þétta
byggð. Gert er ráð fyrir um
1.100 íbúðum á svæðinu, þar af
stærstum hluta þeirra í fjöl-
býlishúsum. Verða íbúðir í fjöl-
býlishúsum um 64 prósent eða
um 675 talsins. Sérbýli, þ.e.
einbýlishús, raðhús og svoköll-
uð keðjuhús, verða um 24 pró-
sent eða um 250 talsins. Auk
þess verða íbúðir fyrir eldri
borgara, bæði í fjölbýlishúsum
og raðhúsum, um 12 prósent
eða um 130 talsins.
Almennt er miðað við að
húsin verði tvær til fjórar hæð-
ir en geti hækkað við norður-
og vesturjaðar svæðisins, til
dæmis við aðkomur í hverfið,
sem eru um Breiðholtsbraut
úr vestri og Suðurlandsveg úr
norðri.
Atvinnuhúsnæði verður allt
að 60 þúsund fermetrar og er
áætlað að húsin verði tveggja
hæða þótt hluti bygginga megi
vera þrjár hæðir. Um er að
ræða stórar lóðir og verða
kvaðir á þeim um snyritlegan
frágang á fram- og bakhlið.
Almennt er gert ráð fyrir
tveimur bílastæðum fyrir
hverja íbúð innan lóða auk eins
stæðis á borgarlandi fyrir sér-
býli. Á athafnalóðum er gert
ráð fyrir einu bílastæði fyrir
hverja byggða 35 fermetra
húsnæðis.Verður bílastæðun-
um að hluta til komið fyrir neð-
anjarðar.
Miðsvæðis í hverfinu er gert
ráð fyrir svokölluðum tveggja
hliðstæðna grunnskóla, þ.e.
skóla sem hefur tvær bekkjar-
deildir í hverjum árgangi. Þá
verða í hverfinu einn til tveir
leikskólar.
Samningar eða
eignarnám
Kemur fram í forsögn að
skipulaginu að svæðið sé í
miklu návígi við almenn úti-
vistarsvæði, friðlýst náttúru-
svæði og vatnsverndarsvæði. Í
suður er Elliðavatn, í austur
Bugða, Rauðhólar og Heið-
mörk, í vestur Elliðaárdalur og
Rauðavatn og Hólmsheiði í
norður. „Víðsýni er mikið frá
svæðinu og stórkostlegt útsýni
í vestur yfir Rauðhóla, Heið-
mörk og til Bláfjalla,“ segir í
forsögninni.
Samkvæmt samningi borg-
arinnar og Rauðhóls ehf. munu
samningsaðilar kosta sameig-
inlega undirbúning, skipulag,
hönnun og framkvæmdir og
sömuleiðis bjóða út allan bygg-
ingarrétt nema á lóðum skóla,
leikskóla og bensínstöðva.
Segir í forsögn að nokkur hluti
svæðisins sé enn í einkaeign en
á því sé töluvert um geymslu-
og gripahús, verkstæði og
gamla sumarbústaði. Sam-
kvæmt skipulaginu muni þetta
húsnæði víkja af svæðinu en þó
muni einstaka hús í jaðri svæð-
isins ef til vill standa áfram þar
til annað verður ákveðið.
Þá kemur fram í samningn-
um að Reykjavíkurborg muni
strax leita eftir kaupum á öllu
landi innan svæðisins sem sé í
eigu annarra en borgarinnar
eða Rauðhóls. „Gangi kaup
ekki eftir mun borgin leita
samkomulags við eigendur eða
beita eignarnámi eftir því sem
heimildir leyfa,“ segir í samn-
ingnum.
Segir í fréttatilkynningu frá
Reykjavíkurborg að búist sé
við að deiliskipulagstillaga
verði sett fram til kynningar
um mánaðamótin febrúar/
mars. Stefnt sé að sölu bygg-
ingarréttar í fyrsta áfanga um
mitt þetta ár og að fyrstu lóð-
irnar verði byggingarhæfar á
því næsta.
Nýtt íbúðahverfi
sunnan Rauðavatns
Teikning/Teiknistofan ehf.
Deiliskipulagsvinna er hafin og verður unnið á grundvelli þessara tillagna Teiknistofunnar ehf.
















 
" #$"%




  
    
Norðlingaholt
ÍBÚUM í Áslandi í Hafnar-
firði hafa verið send bréf þar
sem reglur um hunda- og
kattahald eru áréttaðar en
slíkt gæludýrahald er bannað
á svæðinu. Bæjarstjóri segist
hafa verulegar áhyggjur af
fjölskrúðugu dýralífi Ástjarn-
ar í þessu sambandi.
Í bréfinu kemur fram að
samkvæmt almennum skil-
málum, sem gildi um bygg-
ingar og framkvæmdir á ný-
byggingarsvæðinu Áslandi,
sé lóðarhöfum skylt að virða
og taka fyllsta tillit til fólk-
vangsins og friðlands
Ástjarnar og því sérstaka
vistkerfi sem þar þrífst. Er
vitnað í skilmálana þar sem
segir: „Á það skal jafnframt
bent að við Ástjörn er eini ár-
vissi varpstaður flórgoðans á
Suðvesturlandi. Vegna ná-
lægðar við friðlandið og þetta
einstaka fuglalíf, er mikil-
vægt að hafa það í huga að
hunda- og kattahald, gæti
eyðilagt það. Hunda- og
kattahald íbúa á þessu svæði
er því ekki leyfilegt.“
Magnús Gunnarsson bæj-
arstjóri segir að íbúum í Ás-
landi eigi að vera kunnugt um
þessar reglur. „Nú hafa að-
eins verið brögð að því að
menn hafi verið þarna með
hunda. Í þessu bréfi er fyrst
og fremst verið að árétta og
vísa til þeirra skilmála sem
fólkið undirgengst þegar það
hefur búsetu þarna í Ás-
landinu.“
Friðhelgi heimilanna virt
Hann segir það þó ekki
vilja bæjaryfirvalda að fara
með offorsi að þeim íbúum
sem ekki halda skilmálana.
Segir í bréfinu að bæjaryfir-
völd treysti íbúum í Áslandi
til þess að tryggja að hundar
og kettir gangi ekki lausir í
hverfinu. Því verði ekki gripið
til sértækra aðgerða og frið-
helgi heimila verði virt.
„Ég hef ekkert á móti
hundum sem slíkum en hins
vegar hef ég verulegar
áhyggjur af fjölskrúðugu
dýralífi við Ástjörnina,“ segir
Magnús. „Það var hvatinn að
því að þetta var sett inn í skil-
mála. Þannig að við erum
fyrst og fremst að ítreka aftur
að fólk gæti sín eins og nokk-
ur kostur er að vernda lífríki
Ástjarnar og friðlandsins.“
Morgunblaðið/Ásdís
Kisur eins og þessar verða að snúa sér eitthvað annað en í
Ásland ætli þær að leika lausum hala því hunda- og katta-
hald er bannað þar vegna nálægðarinnar við Ástjörn.
Íbúar í Áslandi hvattir til að
huga að friðlandinu við Ástjörn
Beðnir að
virða reglur
um hunda-
og kattahald
Hafnarfjörður