Morgunblaðið - 09.01.2002, Blaðsíða 16

LANDIÐ
16 MIÐVIKUDAGUR 9. JANÚAR 2002 MORGUNBLAÐIÐ
ÞRETTÁNDANEFNDIN á Selfossi
aflýsti blysför og þrettándabrennu
með flugeldasýningu sem fyrirhugað
var að halda á sunnudag. Þetta var
gert þar sem veðurútlit var mjög
slæmt klukkan 16 um daginn þegar
undirbúningsfundur var haldinn.
Vegna frestunar á þrettándagleð-
inni á Selfossi vill þrettándanefndin
koma eftirfarandi á framfæri:
„Þar sem veðurútlit var mjög
slæmt á þrettándanum var tekin
ákvörðun kl. 16 um frestun gleðinnar.
Þá var veðrið mjög slæmt og búið að
gefa út stormviðvörun. Hins vegar
lagaðist veðrið mjög fljótt, en þá var
of seint að snúa til baka því það er
mjög mikil vinna að gera allt klárt og
margir sem koma að því starfi og
skipulagningu. Reynt var að auglýsa í
fjölmiðlum eins og hægt var en það er
ljóst að það fór framhjá mörgum í
blíðunni sem var um kvöldið og þeirri
fjölmiðlaflóru og hlustun sem við bú-
um við.
Stefnt er að því að halda þrettánda-
gleðina með sömu dagskrá og venja
er við fyrsta mögulega tækifæri sem
veðurguðirnir gefa, en að öllum lík-
indum verður það ekki fyrr en laug-
ardaginn 12. janúar kl. 20. Tímasetn-
ingin verður auglýst í útvarpi,
sjónvarpi og á plakötum sama dag og
hátíðarhöldin fara fram.“
Þrett-
ándahátíð-
arhöldum
frestað
Selfoss
FRAMFARAVERÐLAUN Eyr-
byggja, hollvinasamtaka Grundar-
fjarðarbæjar, voru veitt í þriðja
skipti nýlega. Verðlaunin eru veitt
fyrir dugnað við eflingu atvinnulífs,
mannlífs og menningar í Grundar-
fjarðarbæ. Að þessu sinni hreppti
Rafeindafyrirtækið Mareind ehf.
verðlaunin.
Aðalverkefni fyrirtækisins er að
þjónusta fiskiskipaflotann á sviði
siglinga–, fjarskipta- og fiskileitar-
tækja. Mareind tók til starfa 1994 og
var þá staðsett í bílskúr fram-
kvæmdastjórans. Síðan hefur fyrir-
tækið stækkað og eflst mjög hratt,
starfsmenn eru fimm og fyrir tæpu
ári fluttist starfsemin í 200 fermetra
stálgrindarhús í miðbæ Grundar-
fjarðar.
Hefur eftirspurn eftir þjónustu
farið vaxandi. Viðskiptavinir koma
víða að, mest frá Snæfellsnesi, en
einnig frá höfuðborgarsvæðinu,
sunnanverðum Vestfjörðum og
Norðurlandi vestra.
Morgunblaðið/Hallgrímur
Dagbjört Lína Kristjánsdóttir, Halldór K. Halldórsson, Þorsteinn B.
Sveinsson og Kristín Pétursdóttir.
Mareind fær
framfaraverðlaun
Grundarfjörður
GOLFARAR á Ísafirði fögnuðu
nýju ári með viðeigandi hætti sl.
sunnudag þegar slegið var upp
fyrsta golfmóti ársins sem bar heit-
ið „ Hið árlega“ þrettándamót Golf-
klúbbs Ísafjarðar. 14 keppendur
mættu galvaskir til leiks og náðu
13 þeirra að klára keppni. Leiknar
voru 9 holur og réð samanlagður
punktafjöldi úrslitum. Það er
stundum talað um það að menn
leiki af hvítum teigum á golfvöllum
landsins en í þetta skipti var leikið
á hvítum velli enda ofankoma tals-
verð meðan á mótinu stóð.
Golfvöllurinn í Tungudal hefur
mörg undanfarin ár verið notaður
sem æfingasvæði skíðagöngu-
manna á þessum árstíma en ljóst
þykir að með auknum áhuga Ísfirð-
inga á golfiðkun muni verða þar
breyting á. Sigurvegari mótsins
eftir harða keppni varð Vilhjálmur
Antonsson en hann náði samanlagt
14 punktum.
Eins og nafn mótsins gefur til
kynna er búist við því að hér eftir
verði þetta mót árlegur viðburður
enda menn búnir að sanna það í eitt
skipti fyrir öll að veðrið er ekki
nein fyrirstaða þegar áhugasamir
kylfingar eiga í hlut.
Finnur Magnússon, formaður
mótanefndar GÍ, búinn að
tryggja parið.
Ljósmynd/Magnús Gíslason
Þessir heiðursmenn voru saman í ráshóp: Vilhjálmur Antonsson sigurvegari. Tryggvi Guðmundsson, formaður
GÍ, Finnur Magnússon, formaður mótanefndar.
Nýju ári
fagnað með
golfmóti
Ísafjörður
UNGMENNASAMBAND Skaga-
fjarðar og Sveitarfélagið Skaga-
fjörður buðu til samsætis í félags-
heimilinu Ljósheimum við
Sauðárkrók 30. desember sl., þar
sem kynnt var hverjir hefðu hlotið
flestar tilnefningar sem Íþrótta-
maður Skagafjarðar árið 2001.
Fyrir valinu varð Sunna Gests-
dóttir frjálsíþróttakona. Hún er
kunn afrekskona og vann það
mikla afrek á árinu 2001 að bæta
18 ára gamalt Íslandsmet Bryndís-
ar Hólm í langstökki. Stökk Sunna
6,24 metra á fjálsíþróttamóti í Gjö-
vik í Noregi 18. ágúst.
Allir höfðu afreksmennirnir
unnið sigra á árinu og sumir
hömpuðu Íslandsmeistaratitlum í
sinni grein eða aldursflokki.
Að venju tilnefndi Umf. Tinda-
stóll einnig íþróttamann Tinda-
stóls í hófinu.
Eftirtaldir hlutu flestar tilnefn-
ingar sem Íþróttamaður Skaga-
fjarðar: Aðalheiður Bára Steins-
dóttir frá Grósku íþróttafélagi
fatlaðra, Anton Páll Níelsson, El-
ísabet Jansen og Magnús Bragi
Magnússon frá hestamannafélög-
unum Stíganda, Svaða og Léttfeta,
fyrir hestaíþróttir, Einar Haukur
Óskarsson frá Golfklúbbi Sauð-
árkróks, Eysteinn P. Lárusson,
Sunna Gestsdóttir Íþróttamaður ársins 2001
Skagafjörður
Morgunblaðið/ÓmarSunna Gestsdóttir
Tindastóli, fyrir knattspyrnu, Lár-
us Dagur Pálsson, Tindastóli, fyrir
körfuknattleik og Silja Ösp Jó-
hannsdóttir, Umf. Neista, Sunna
Gestsdóttir, Umf. Tindastóli,
Theodór Karlsson, Umf. Smára, og
Þórunn Erlingsdóttir, Umf. Hjalta,
öll fyrir afrek í frjálsum íþróttum.
Ómar Bragi Stefánsson formað-
ur Íþrótta- og æskulýðsnefndar
bauð gesti velkomna og gerði
grein fyrir árlegum uppskerudegi
íþróttafólks héraðsins, er væri
bæði viðurkenning fyrir glæsi-
legan árangur, en um leið hvatn-
ing til allra hinna um að gera enn
betur.
Lárus Dagur Pálsson valinn
Íþróttamaður Tindastóls
Páll Ragnarsson formaður Umf.
Tindastóls veitti Lárusi Degi Páls-
syni viðurkenninguna Íþróttamað-
ur Tindastóls árið 2001 og tók Lár-
us við góðum bikar þessu til
staðfestingar, en hann hefur verið
fyrirliði UMFT-liðsins í körfu-
knattleik.
Haraldur Þór Jóhannesson for-
maður UMSS og kallaði hina til-
nefndu íþróttamenn til þess að
taka við viðurkenningarskjali og
blómum og gerði í nokkrum orðum
grein fyrir afrekum þeirra á árinu.
Þeir þrír sem flestar tilnefn-
ingar hlutu voru í þriðja sæti Lár-
us Dagur Pálsson, þá Theodór
Karlsson og Íþróttamaður Skaga-
fjarðar árið 2001 var svo Sunna
Gestsdóttir frjálsíþróttamaður og
veitti Sunna viðtöku hinum glæsi-
lega bikar sem þessari tilnefningu
fylgir.
Að lokum þágu gestir veitingar í
boði félaganna og áttu skemmti-
lega stund með afreksfólkinu.
Í LOK síðasta árs var tekin í notk-
un ný slökkvibifreið hjá slökkviliði
Vestmannaaeyja. Bifreiðin er af
gerðinni Mercedes Benz 1222 ár-
gerð 1988, yfirbyggð frá Ziegler
verksmiðjunum í Þýskalandi. Bif-
reiðin var áður í eigu Brunavarna
Suðurnesja.
Elías Baldvinsson, slökkviliðs-
stjóri í Eyjum, sagðist vera mjög
ánægður með bifreiðina enda væri
hér á ferðinni afkastamikill slökkvi-
bíll með miklum og góðum útbún-
aði, m.a. dælubúnaði sem afkastar
3.400 lítrum á mínútu. Samanlagð-
ur dælubúnaður slökkviliðsins er
með afkastagetuna 13.900 lítrar á
mínútu. Elías sagði að á síðustu
mánuðum hefði orðið mikil endur-
nýjun á tækjabúnaði Slökkviliðs
Vestmannaeyja. „Við verðum að
vera sjálfum okkur nógir, ekki leit-
um við eftir aðstoð frá nágranna-
byggðarfélögum á örlagastundum
eins og flestir aðrir geta gert,“ seg-
ir hann.
Ný slökkvibifreið
tekin í notkun
Vestmannaeyjar