Morgunblaðið - 09.01.2002, Blaðsíða 43

BÍLAR
MORGUNBLAÐIÐ MIÐVIKUDAGUR 9. JANÚAR 2002 43
YFIR 50 nýir hugmyndabílar og
framleiðslubílar eru sýndir á fyrstu
stóru bílasýningu ársins sem nú
stendur yfir í Detroit í Bandaríkj-
unum. Margir þessara bíla verða
settir á markað í Evrópu.
Ford
Ford sýnir Mighty F350 Tonka
pallbílinn sem er engin smásmíði.
Þetta er hugmyndabíll með loft-
fjöðrunarbúnaði sem leysir af hólmi
hefðbundna blaðfjöðrun í þessari
gerð bíla. Hægt er að hækka bílinn
og lækka þegar stigið er inn í hann,
sem er ekki vanþörf á miðað við
hæð hans og stærð. Bíllinn er með
6,0 lítra V8 dísilvél, sem skilar að
hámarki 350 hestöflum og er sögð
umhverfisvænni en hefðbundnar
dísilvélar. Þetta er samrásardísilvél
með forþjöppu með breytilegri af-
kastagetu.
DaimlerChrysler
Stjórnarformaður Daimler-
Chrysler, dr. Dieter Zetsche, af-
hjúpaði nýjan sportlangbak sem
kallast Pacifica. Bíllinn fer í fram-
leiðslu á næsta ári og sagði Zetsche
að mjög líklega yrði hann settur á
markað einnig í Evrópu. Pacifica er
með hönnunareinkennum fjölnota-
bíls en aksturseiginleikum fólksbíls.
Fyrirtækið telur líklegt að kaup-
endahópurinn verði fyrrum jeppa-
eigendur og eigendur stórra fjöl-
notabíla. Pacifica verður með sætum
fyrir sex í þremur sætaröðum. Öft-
ustu sætaröðina er hægt að fella of-
an í gólfið til að skapa meira flutn-
ingsrými. Undir vélarhlífinni er 3,5
lítra V6 vél sem skilar afli til allra
hjólanna. Pacifica er hugmyndabíll
en Zetsche segir að framleiðslubíll-
inn verði því sem næst eins útlít-
andi.
Honda
Honda frumsýnir nýjan jeppa
sem kallast Pilot. Honda segir
reyndar að þetta sé fjölskyldubíll
sem sameini kosti jeppans í ut-
anvegarakstri og gæði og fágun í
framleiðslu. Vélin er VTEC V6 álvél
með fimm þrepa sjálfskiptingu og
VTM-4 sítengdu fjórhjóladrifi ásamt
rafstýrðri driflæsingu á afturdrifi.
Sæti eru fyrir allt að átta manns og
hægt er að fella niður aðra og þriðju
sætaröðina í hlutföllunum 60/40.
Gírstöngin er í stýrinu upp á amer-
íska vísu en tilgangurinn er sá að
losa um nýtanlegt rými við framsæti
bílsins.
General Motors
General Motors sýnir þrjá athygl-
isverða hugmyndabíla
sem eru taldir marka
þá stefnu sem fyr-
irtækið ætlar að
fylgja undir stjórn
nýs stjórnarformanns,
Robert Lutz. Hönn-
uðir hafa leitað aftur
til sögunnar eftir inn-
blæstri sem sést
glögglega í Pontiac Solstice, Chevr-
olet Bel Air og Cadillac Cien.
Chevrolet Bel Air er tveggja dyra
blæjubíll með 3,5 lítra, fimm
strokka vél með forþjöppu sem skil-
ar 315 hestöflum. Þessi vél er ennþá
á hugmyndastigi og hefur hvergi
verið sýnd áður. Að innan er byggt
á svipuðum hugmyndum og komu
fram í frumgerð Bel Air á sjötta
áratugnum. Pontiac Solstice er lítill
og léttur tveggja sæta sportbíll með
2,2 lítra, 220 hestafla forþjöppuvél
með sex þrepa sjálfskiptingu.
Cadillac Cien er ofursportbíll smíð-
aður að mestu úr koltrefjaefnum,
gerviefnum og áli. Hann er með
nýrri 750 hestafla Northstar XV12
vél sem ekki hefur áður litið dagsins
ljós og er smíðuð úr áli. GM sýndi
líka Hummer H2 og Chevrolet SSR,
tvo framleiðslubíla sem sýndir voru
sem hugmyndabílar í Detroit fyrir
tveimur árum.
Chrysler Pacifica verður hugsanlega markaðssettur í Evrópu. Cadillac Cien er með 750 hestafla V12 vél. Honda Pilot er með sæti fyrir allt að átta manns.
AP
Chevrolet Bel Air er tilvísun í bíl með sama nafni sem kom á markað í byrjun sjötta áratugarins.
Wieck
Ford F-350 Tonka var frumsýndur í Detroit.
NÝIR BÍLAR Á DETROIT-
SÝNINGUNNI
AP