Morgunblaðið - 26.01.2002, Side 17

VIÐSKIPTI/ATHAFNALÍF
MORGUNBLAÐIÐ LAUGARDAGUR 26. JANÚAR 2002 17
Ferðamálaráð hefur nú 150 milljóna
króna fjárveitingu til að markaðs-
setja Ísland. Þessu verður að skipta
jafnt á milli Reykjavíkur og lands-
byggðarinnar.“
Ánægjuleg stefnubreyting Flugleiða
Anton segir líka mikilvægt að Ís-
land sjálft verði áfangastaður en ekki
einungis staður til að millilenda.
„Flugleiðir hafa hingað til lagt mesta
áherslu á Ameríkuflugið og að ferja
fólk frá Evrópu til Ameríku með við-
komu á Íslandi. En með síðustu
stefnubreytingu Flugleiða komu
góðar fréttir fyrir ferðaþjónustuna í
heild þar sem nú á að leggja meiri
áherslu á Ísland sem áfangastað.“
Anton segist horfa fram á betri tíð
þar sem Ferðamálaráð hafi breytt
stefnu sinni hvað þetta varðar og
Flugleiðir einnig. „Þess vegna verð-
ur hægt að lengja ferðamannatíma-
bilið á landsbyggðinni og það verður
bylting að fá fjögurra mánaða rekst-
ur yfir sumarið í staðinn fyrir
tveggja mánaða. Þetta myndi gjör-
breyta afkomu ferðaþjónustufyrir-
tækja á landsbyggðinni.“ Anton seg-
ist vongóður um að aðalmarkmiðið
um að lengja ferðamannatímabilið í
fjóra mánuði, frá júníbyrjun til sept-
emberloka, muni nást innan tveggja
ára ef allir leggjast á eitt.
Terra Nova er umboðsaðili LTU á
Íslandi. Terra Nova stendur einnig
að flugi franska flugfélagsins Corsair
til Íslands en stærsta ferðaskrifstofa
Frakklands, Nouvelles Frontieres,
stendur fyrir fluginu. LTU mun
fljúga fimm vélum til Íslands á viku
yfir fjögurra mánaða tímabil á sumr-
in og Corsair er að bæta þriðju vél-
inni á viku við. Af þessu flugi er eng-
in áhætta fyrir Terra Nova þar sem
þetta er ekki leiguflug. Eina leigu-
flugið sem Terra Nova er aðili að og
ber því ábyrgð á er leiguflug á vegum
félagsins til Portúgals. Anton er þess
fullviss að sameiningin við Sól hafi
verið skynsamleg og hann er bjart-
anaborg yfir vetur, vor og haust.
Reykjavík hefur því fengið sterka
ímynd erlendis og einstaklingar vilja
vera mest þar.“
Anton bendir þó á að Ferðamála-
ráð hafi breytt stefnu sinni nokkuð.
„Ferðamálaráð hefur samþykkt að
nota tíu milljónir til að auglýsa Egils-
staði sérstaklega sem nýjan áfanga-
stað á Íslandi. Það er vel hægt að
styðja við landið í heild og auglýsa
Ísland aftur sem náttúruparadís og
menningarfjársjóð.“ Anton segir
mikilvægt að flogið sé beint frá meg-
inlandi Evrópu til landsbyggðarinn-
ar á Íslandi, t.d. Egilsstaða og Ak-
ureyrar. Þá kynnist ferðamenn
landsbyggðinni beint og geti ferðast
þaðan.
„Það er stórhættulegt ef þessi
næturlífsímynd af Íslandi festist í
sessi. Þeir sem sækjast eftir nætur-
lífinu stoppa hvort sem er stutt. Það
eru hinir sem ferðast um landið um
lengri tíma sem skapa mestu tekj-
urnar og við eigum að reyna að halda
í þá og fjölga þeim.“
Aðspurður segir Anton að vissu-
lega eigi þetta að fara saman. „Það
má bara ekki leggja öll eggin í sömu
körfuna. Ferðamálaráð verður að
nota fé í að markaðssetja Reykjavík
og landsbyggðina jöfnum höndum.
ANTON Antonsson er fram-
kvæmdastjóri ferðaskrifstofunnar
Terra Nova-Sól hf. Anton hefur búið
á Íslandi í 24 ár en kemur upphaflega
frá Frakklandi. Hann segist nú líta á
sig fyrst og fremst sem Íslending og
hefur unnið að því að laða erlenda
ferðamenn til Íslands um langt skeið.
Terra Nova hefur vaxið hratt á
undanförnum árum og er nú þriðja
stærsta ferðaskrifstofa landsins. Á
síðasta ári sameinuðust Terra Nova
og Sól og ferðaskrifstofan hefur bætt
við sig tveimur nýjum umboðum;
fyrir Norrænu og Bændaferðir. Að
auki er Terra Nova-Sól umboðsaðili
fyrir þýska flugfélagið LTU og á í
samstarfi við hið franska Corsair
sem og við stærstu ferðaskrifstofu
heims, Tui, og frönsku ferðaskrif-
stofuna Nouvelles Frontieres. Fyrir
tveimur vikum var tilkynnt að LTU
myndi hefja beint flug til Egilsstaða í
sumarbyrjun og að mati Antons
markar þetta upphafið að miklum
breytingum á íslenskri ferðaþjón-
ustu.
Farþegafjölgun en léleg afkoma
Anton hefur ákveðnar skoðanir á
því af hverju erfiðleikar í ferðaþjón-
ustu stafa. „Afkoman er léleg en far-
þegum hefur fjölgað. Þarna er ekki
samræmi og þetta þarfnast útskýr-
inga. Farþegum til landsins hefur
fjölgað yfir vetrartímann og það hef-
ur kannski aukið veltu veitingahúsa.
En þetta fólk gistir stutt og er ein-
göngu í Reykjavík. Tölur um far-
þegafjölgun eiga því eingöngu við um
Reykjavík. Á sumrin þegar hingað
koma ferðamenn í orlofsferðum er
engin framför í farþegafjölda. Einnig
hafa ferðirnar styst. Fyrir fimm ár-
um voru tveggja vikna orlofsferðir
algengar en nú koma ferðamenn
bara í vikuferðir af því að Ísland er
orðið svo dýrt. Ferðamálaráð tók áð-
ur þá stefnu að auglýsa Ísland ekki
sem náttúruparadís heldur leggja
áherslu á Reykjavík sem skemmt-
sýnn á að leiguflugið verði áhættunn-
ar virði í sumar.
Anton segir að þörf sé fyrir allt
þetta flug þar sem allar vélar séu
fullar á sumrin. Fréttir um að Go
muni ekki fljúga til Íslands í sumar
séu afar slæmar. „Það komu hingað
sextíu þúsund Bretar á tveimur ár-
um með Go og þetta var hrein viðbót
við það sem var fyrir.“
Samherjar laða
ferðamenn til Íslands
Anton segist ekki líta á það flug
sem Terra Nova stendur fyrir á milli
Íslands og meginlands Evrópu sem
samkeppni við flug Flugleiða. „Þetta
er ekki samkeppni heldur eðlileg
þróun og viðbrögð til að anna eft-
irspurn. Ég vil líta á það þannig að
við séum samherjar í að laða ferða-
menn til Íslands.“ Anton segir þó að
allir séu auðvitað í samkeppni við
Flugleiðir þar sem Flugleiðir reki
allar tegundir af ferðaþjónustufyrir-
tækjum; bílaleigur, hótel, ferðaskrif-
stofur og fleira og það væri í ýmsum
löndum talið óeðlilegt m.t.t. sam-
keppnisreglna.
„Víða í Evrópu er bannað að sam-
steypur hafi meira en 30% markaðs-
hlutdeild. Ferðaskrifstofan Tui er
með 28,88% markaðshlutdeild miðað
við veltu í Þýskalandi og þeim var
bannað að kaupa aðra ferðaskrif-
stofu fyrir þremur árum. Miðað við
þetta er markaðshlutdeild Flugleiða
allt of stór hér á landi. Það er ekki
gaman að hafa enga samkeppni,
samkeppni er nauðsynleg. Ég vil
vekja athygli á því að Flugleiðir eru
með 2,5 milljarða hagnað yfir sum-
arið, júní til september, þegar sam-
keppni ríkir við erlend flugfélög og
verðið frá Íslandi er lágt. Flugleiðir
tapa um 4,5 milljörðum á veturna
þegar þeir eru einir. Í ljósi þessa má
sjá að samkeppni er alveg bráðnauð-
synleg. Hún veitir fyrirtækjum að-
hald og gefur neytendum besta verð-
ið.“
Gjaldþrot Samvinnuferða segir
Anton vera afleiðingu ójafnrar sam-
keppni. „Samvinnuferðir reyndu að
standa sig í samkeppni við Flugleiðir
og Úrval-Útsýn og Plúsferðir sam-
einuð. Samvinnuferðir buðu lægra
verð til að vekja athygli en það var
ekki hægt að standa undir kostnaði.
Ferðaskrifstofur þurfa að vera var-
kárar og alltaf að vara sig á að vera
ekki með offramboð.“
Að mati Antons eru Þýskaland,
Frakkland og England mikilvæg-
ustu löndin fyrir íslenska ferðaþjón-
ustu. Flugfélög frá þessum löndum
hafa flogið til Íslands um lengri og
skemmri tíma. Hann bendir einnig á
að Frakkland sé vinsælasti áfanga-
staður ferðamanna um allan heim,
nema Íslendinga. „Það er því stór
áskorun fyrir mig sem Frakka að
kynna landið fyrir Íslendingum og
miklir möguleikar sem fyrir hendi
eru í þessu stórkostlega landi,“ segir
Anton Antonsson að lokum.
Allir leggist á eitt við
að laða að ferðamenn
Morgunblaðið/Þorkell
Anton Antonsson, framkvæmdastjóri ferðaskrifstofunnar Terra Nova-Sól.
„Það er stórhættulegt ef þessi næturlífsímynd af Íslandi festist í sessi.“
Anton Antonsson hefur
starfað við ferðaþjón-
ustu á Íslandi í 24 ár.
Hann segir fulla þörf
á auknu flugframboði á
milli Íslands og meg-
inlands Evrópu þar
sem það auki til muna
ferðamannastraum
til Íslands.
DEILA milli Færeyja og Íslands er
hugsanlega í aðsigi eftir að Færey-
ingar byrjuðu að veiða loðnu innan
lögsögu sinnar. Þeir vilja ekki við-
urkenna þá skoðun Íslendinga að sú
loðna sé í raun hluti af íslenzka
loðnustofninum og skuli því dragast
frá kvóta Færeyinga við Ísland.
Þetta er í fyrsta sinn í sögunni,
sem Færeyingar veiða loðnu innan
eigin lögsögu, en mikið af loðnu hef-
ur nú gengið inn í færeysku land-
helgina. Eftir að þessar veiðar urðu
Íslendingum ljósar, hringdi sá emb-
ættismaður í íslenzka sjávarútvegs-
ráðuneytinu, sem hefur með alþjóð-
lega fiskveiðisamninga að gera, í
sjávarútvegsráðherra Færeyja.
Hann benti ráðherranum á að sú
loðna, sem Færeyingar veiddu innan
eigin lögsögu myndi dragast frá
þeim 30.000 tonna loðnukvóta þeirra
við Ísland, sem um var samið fyrir
skömmu í samningum þjóðanna um
veiðiheildir innan lögsagna þeirra.
„Þessu erum við alls ekki sam-
mála. Landstjórnin telur alls ekki að
færeyska loðnan eigi að dragast af
kvóta okkar við Ísland. Auk þess er
það svo nýtilkomið að loðna veiðist
við Færeyjar, að við vitum hvorki
hve miklar þessar veiðar geta orðið
nú né hvort loðnan kemur aftur upp
að Færeyjum,“ segir Andrass Krist-
iansen, deildarstjóri í færeyska sjáv-
arútvegsráðuneytinu.
Jörgen Niclasen sjávarútvegsráð-
herra er sömu skoðunar. Hann segir
að það liggi ekki fyrir neinir samn-
ingar milli Íslands og Færeyja um að
loðna sem veiðist við Færeyjar, skuli
dragast frá kvóta Færeyinga við Ís-
land.
Kristiansen segir ennfremur að
enn sé ekki komin skrifleg athuga-
sem þess efnis frá Íslandi að loðna
veidd við Færeyjar skuli dragast frá
kvótanum við Ísland.
Það eru þrjú lönd, Ísland, Noreg-
ur og Grænland, sem ákveða nýtingu
loðnustofnsins og Færeyingar hafa
til þessa fengið kvóta frá öllum lönd-
unum þremur. Löndin þrjú hafa
ákveðið að heildarkvóti á þessu ári
verði 1,2 milljónir tonna. Hvað Fær-
eyinga varðar er það mikilvægt að
vita í hve miklum mæli loðnan heldur
sig innan lögsögu eyjanna, en það
getur orðið til þess að Færeyingar
taki þátt í því sem strandríki, að
ákveða heildarkvóta og nýtingu
loðnustofnsins.
Morgunblaðið innti Árna Mathie-
sen sjávarútvegsráðherra álits á
þessu máli, en hann vildi ekkert um
það segja á þessu stigi.
Loðnudeila í aðsigi?
Færeyingar veiða loðnu innan eigin lögsögu í fyrsta sinn
Þórshöfn, Færeyjum. Morgunblaðið.