Morgunblaðið - 29.01.2002, Síða 16

LANDIÐ
16 ÞRIÐJUDAGUR 29. JANÚAR 2002 MORGUNBLAÐIÐ
SUÐURNES
FJÖLDI íslenskra starfsmanna
hjá Bandaríkjaher á Keflavíkur-
flugvelli var 885 manns um síðustu
áramót, þar af 659 karlar og 226
konur.
Er það fjölgun um tæp 4% milli
ára þegar Íslendingarnir voru 854
í upphafi árs 2001. Sjö af hverjum
tíu Íslendingum hjá hernum koma
af Suðurnesjum, hinir eru búsettir
á höfuðborgarsvæðinu, samkvæmt
upplýsingum sem starfsmannahald
varnarliðsins sendi Morgunblað-
inu.
Auk hersins starfar annar eins
fjöldi Íslendinga á Keflavíkur-
flugvelli, rúmlega 800 manns, hjá
verktakafyrirtækjum, þjónustu-
stofnunum og hinu opinbera.
Alls eru því hátt í 1.700 Ís-
lendingar í störfum sem tengjast
hernum og þjónustu við varnarlið-
ið.
Að sögn Friðþórs Eydal, upplýs-
ingafulltrúa varnarliðsins, hefur
þessi starfsmannafjöldi haldist
nokkuð stöðugur undanfarin ár,
jafnt utan sem innan hersins.
Margir hafa t.d. talið að starfsfólki
í þjónustustörfum á vellinum hafi
fækkað en svo er ekki.
Samkvæmt tölum um starfs-
mannafjölda frá varnarliðinu, sem
ná allt aftur til ársins 1980, hefur
Íslendingum á Vellinum þó farið
fækkandi smátt og smátt frá ár-
unum 1984–1991 þegar þeir voru
jafnan 1.000–1.100 talsins. Þá var
fjöldi hermanna líka mun meiri en
hann er nú, eða ríflega 3.000, en
þeir eru um 1.800 í dag. Banda-
rískir starfsmenn á Vellinum, utan
hersins, hafa síðustu ár verið á
bilinu 400 til 500 talsins.
$! 

%
 &
'


(
)'




*+
%


,
-
.)'  +.
 $! 



!/
,
%.
0
,


1


              
   1
    
   1
      
   1

 (/
,
1
2  3. 


1045
1#
 



045

  

  Sjö af hverjum
tíu koma af
Suðurnesjum
Keflavíkurflugvöllur
Fjöldi íslenskra starfsmanna
á Vellinum helst stöðugur
LETURSTEINNINN í túninu á
Stóru-Vatnsleysu er með ártalinu
1643 og er þar með næstelsti ár-
talssteinninn sem Ferlisfélagar
hafa skoðað á Reykjanesi.
Félagar úr ferða- og útivistar-
hópi lögreglunnar í Reykjavík,
Ferli, leystu á laugardag ráðgátu
sem valdið hefur mönnum heila-
brotum lengi, jafnvel um aldir, er
þeir réðu letrið á stórum steini í
túninu á Stóru-Vatnsleysu. Letur-
steinsins er meðal annars getið í
tveimur gömlum heimildum, ann-
arri eftir Jónas Hallgrímsson, en
ekki hefur verið vitað hvað letrað
var á steininn. Ferlisfélagar hafa
skoðað steininn tvisvar áður. Eftir
að hafa rýnt í letrið drjúga stund
með norðaustannæðinginn í fangið
áttuðu þeir sig á því að steinninn
sneri öfugt við þeim sem á hann
les. Þegar það hafði verið leiðrétt
blöstu við höfuðstafirnir GI og var
keltneskur kross yfir I-inu. Þar
fyrir aftan var letrað ártalið 1643.
Þetta er því næstelsti ártals-
steinninn, sem enn hefur verið
skoðaður á Reykjanesi. Elsti stein-
inn er enn Fuglavíkursteinninn, en
á hann er ártalið 1580 meitlað, og
þriðji elsti steinninn er Kálfatjarn-
arsteinninn, með ártalinu 1674.
„Það verður nú efni fyrir forn-
leifafræðinga og sagnfræðinga að
finna út hverjum fangamarkið til-
heyrði sem og tilefni áletrunarinn-
ar,“ segir Ómar Smári Ármanns-
son, aðstoðaryfirlögregluþjónn í
Reykjavík og einn af forsprökkum
Ferlis.
Gáta letursteins-
ins á Stóru-Vatns-
leysu ráðin
Vatnsleysuströnd
TVEIR ölvaðir menn fóru
óboðnir inn í heimahús í Kefla-
vík á sunnudagsmorgun og réð-
ust þar á húsráðanda og veittu
honum áverka, meðal annars í
andliti.
Lögreglan í Keflavík kom á
vettvang og handtók árásar-
mennina. Þeir voru yfirheyrðir
á lögreglustöð og síðan sleppt.
Réðust
inn á
heimili
Keflavík
FYRIR skömmu tóku menn eftir því
að rekinn var hvalur á fjöru austan-
til í Öræfum. Að mati Hálfdans
Björnssonar náttúrufræðings á
Kvískerjum mun þetta vera
skugganefja, sem er afar sjaldgæf
hér, aðeins sú fimmta sem hann veit
um síðan 1979. Þetta dýr er tæpir
sex metrar á lengd en frekari rann-
sóknir verða gerðar á því fljótlega.
Börnin og kennarar í grunnskól-
anum á Hofi fóru að skoða skepnu
þessa með smáaðstoð björgunar-
sveitarinnar, sem ferjaði hópinn yf-
ir verstu farartálmana, og sjást hér
á myndinni auk Hálfdans.
Morgunblaðið/Sigurður Gunnarsson
Börnin og kennarar í grunnskólanum á Hofi ásamt Hálfdáni.
Hvalreki
Fagurhólsmýri
ÞAÐ hefur verið heldur kuldalegt
um að litast á Húsavík sem og á
Norðurlandi öllu síðustu daga.
Starfsmenn Trésmiðjunnar Víkur
ehf. hafa þó reynt að láta það hafa
sem minnst áhrif á vinnu þeirra við
sorpbrennslustöðina. Þar er unnið
að viðbyggingu við stöðina en starfs-
leyfi hennar rennur út í vor og verð-
ur ekki endurnýjað. Stöðin sem
stendur rétt norðan bæjarins, á
Húsavíkurhöfða, hefur verið starf-
rækt þarna í áratugi. Hún uppfyllir
ekki lengur skilyrði um mengunar-
varnir og því verður brennslu hætt í
vor. Breyta á því húsnæðinu í pökk-
unarstöð fyrir sorp þar sem það
verður pressað í bagga og útbúið til
flutnings og er viðbyggingin hluti af
þeim fram-kvæmdum.
Eins og fram kom í Morgun-
blaðinu fyrir skömmu hefur Sorp-
samlag Þingeyinga samið við Eim-
skip um sjóflutninga á sorpinu suður
og Sorpu um urðun á því í Álfsnesi á
Kjalarnesi.
Trésmiðjan Vík ehf.
byggir við sorp-
brennslustöðina
Morgunblaðið/Hafþór Hreiðarsson
Everton-aðdáandinn Sigurður Sig-
urjónsson er vel klæddur við vinnu
sína við sorpbrennslustöðina.
Húsavík
FYRIR skömmu skrifaði Ólafur
M. Birgisson sveitarstjóri undir
samstarfssamning við stúdentaráð
Háskóla Íslands um rannsókna-
verkefni á vegum sveitarfélagsins.
Samningurinn felur það í sér að
Tálknafjarðarhreppur leggur fram
200 þús. krónur í sjóð, sem stúd-
entar geta síðan sótt um styrk í.
Byggðastofnun leggur 300 þús. á
móti framlagi sveitarfélagsins.
Tálknafjarðarhreppur leggur síðan
fram lýsingu á rannsóknarverkefni
sem sveitarfélagið óskar eftir að
verði unnið og stúdentaráð verður
svo þeim einstaklingum innan
handar sem hafa áhuga á því að
sækja um viðkomandi verkefni.
Slagorð verkefnisins er „Þekking í
þágu þjóðar“ og vísar það í þá
hugmynd að baki verkefninu, að
landsbyggðin fái í enn ríkari mæli,
notið þekkingar innan Háskóla Ís-
lands.
Morgunblaðið/Finnur
Ólafur M. Birgisson og Þorvarður Tjörvi Ólafsson að undirrita sam-
starfssamninginn.
„Þekking í þágu
þjóðar“ á Tálknafirði
Tálknafjörður
NÚ fyrir skömmu fann Ingi Már
Björnsson skrúfublað úr flugvél rek-
ið á Víkurfjöru í Mýrdal. Skrúfublað-
ið er 163cm á lengd og 28 cm breitt.
Samkvæmt upplýsingum frá sér-
fróðum skrúfufræðingi hjá Flug-
félagi Íslands er þetta sams konar
skrúfublað og er t.d. notað í Douglas
C 47 (herútgáfa af gömlu DC3-vél-
unum).
Að sögn Skúla Jóns Sigurðarsonar
er þetta svipað blað og er á land-
græðsluflugvélinni TF-NPK í dag.
Hann segir að þetta blað sem rak í
Vík sé líklega af vél sem nauðlenti á
Sólheimasandi, en það var einmitt C
47-vél sem hafði orðið fyrir hreyf-
ilstöðvun í mikilli ísingu og slæmu
veðri í kringum 1970 en þá hafði hún
verið í vöruflutningum til eða frá
Stokksnesi.
Atvikið er til á skrá hjá flugmála-
stjórn en var ekki rannsakað þar
sem þetta var hervél.
Morgunblaðið/Jónas Erlendsson
Sigurður Jónsson og Finnur
Bárðarson með skrúfublaðið.
Skrúfublað
úr herflugvél
rekur á land
Fagridalur