Morgunblaðið - 29.01.2002, Síða 2

Herbergið gegnir stóru hlutverki í
lífi unglinga. Þeir reyna, meðvitað
eða ómeðvitað, að gera herbergi sitt þannig úr garði að það endurspegli persónuleika eigandans. Guðlaug Sigurðardóttir fór í
heimsókn til tveggja fjórtán ára ungmenna, fékk að skoða herbergin þeirra og ræddi við þau um lífið og tilveruna.
Herbergin endurspegla persónuleikann
2 C ÞRIÐJUDAGUR 29. JANÚAR 2002 MORGUNBLAÐIÐHeimiliFasteignir
Ás ................................................ 6–7
Ásbyrgi ........................................ 43
Berg .............................................. 32
Bifröst .......................................... 45
Borgir ..................................... 18–19
Eign.is ............................................. 3
Eignaborg ..................................... 17
Eignakaup ................................... 22
Eignamiðlun ........................ 24–25
Eignaval ....................................... 48
Fasteign.is .................................. 37
Fasteignamarkaðurinn ............. 12
Fasteignamiðlunin .................... 35
Fasteignamiðstöðin .................... 7
Fasteignasala Íslands ............... 15
Fasteignasala Mosfellsbæjar .. 19
Fasteignastofan .......................... 21
Fasteignaþing ............................ 40
Fjárfesting .................................. 44
Fold ............................................... 36
Foss ............................................... 38
Garðatorg .................................... 33
Garður ........................................... 31
Gimli ........................................... 8–9
Híbýli ............................................ 24
Híbýli og skip ............................... 17
Holt ................................................ 41
Hóll ................................................ 23
Hraunhamar ............................. 4–5
Húsakaup .................................... 20
Húsið ....................................... 16–17
Húsin í bænum ........................... 42
Höfði ............................................. 39
Höfði, Hafnarfirði ...................... 27
Kjöreign ......................................... 11
Laufás .......................................... 29
Lundur .................................... 14–15
Lyngvík ........................................... 9
Miðborg ......................................... 13
Óðal ............................................... 43
Skeifan .......................................... 10
Valhöll .................................... 30–31
Efnisyfirlit
GUÐBJÖRG Berg Hjaltadóttir telur
að stelpur séu meiri félagsverur en
strákar. Þær hafi meiri þörf fyrir að
vera saman, spjalla og hitta aðra
krakka en strákar. Strákarnir séu
einrænni, þeir geti alveg verið einir
með sjálfum sér eða með tölvunni
sinni. Hún telur að það sé kostur
að vera ekki háður félagsskap ann-
arra. En aðaláhugamál Guðbjargar
er s.s. aðrir krakkar.
Mikið pláss
Óhætt er að segja að vel fari um
Guðbjörgu heima, því hún hefur til
umráða tvö samliggjandi herbergi.
Bæði herbergin eru máluð dökkblá
og geisladiskar og myndir prýða
veggina. Hún segist ekki alveg vera
búin að koma sér fyrir og því séu
hlutirnir ekki komnir á endanlegan
stað, en hún á m.a. sjónvarp,
myndbandstæki, hljómtæki sem
hún valdi sér fyrir fermingarpen-
ingana og myndbandstæki. Rúmið
hennar er í öðru herberginu en hitt
er eins konar setustofa með sófa
og snyrtiborði með spegli. Guð-
björg segist ekki vera mjög húsleg
og oft sé mikil óreiða í herberginu.
Hún tekur þó til hendinni endrum
og sinnum í sínu herbergi, en hefur
litlum öðrum skyldum að gegna
heima fyrir. „Ég þarf aldrei að þrífa
eða vaska upp eða gera neitt slíkt
og er aldrei beðin um það,“ segir
Guðbjörg. Hún man þó eftir því að
hafa rétt hjálparhönd úti við, svo
sem að mála pallinn og fleira í þeim
dúr, en þá hafi hún fengið aura fyrir
það. Hún segist ekki fá reglulega
vasapeninga á mánuði fyrir utan
matarpeningana í skólanum, en
vanti hana eitthvað sérstaklega þá
biður hún um það. Guðbjörg var í
unglingavinnunni síðasta sumar og
var nokkuð sátt við það, en einnig
passaði hún börn í nokkurn tíma.
GSM-síminn bestur
Af öllu hennar dóti þykir henni
vænst um gemsann sinn og segist
ekki geta lifað án hans. Næst koma
hljómtækin, „því lífið væri svo leið-
inlegt ef ekki væri nein tónlist“, og
þar fyrir aftan sjónvarpið og mynd-
bandstækið. Hún hefur þónokkurn
áhuga á fötum, en klæðir sig sam-
kvæmt sínum eigin smekk og fötin
verða að vera þægileg.
Guðbjörg er í Garðaskóla í Garða-
bæ og segir að sér gangi þokkalega
í skólanum. Hún hefur aðgang að
tölvu heima hjá sér en notar hana
ekki mikið, a.m.k. ekki nálægt því
eins mikið og strákar, segir hún.
„Gæti ekki lifað
án GSM-símans“
Morgunblaðið/Kristinn
ÞAÐ væsir ekki um Svein Skorra
Höskuldsson, en hann hefur hreiðr-
að notalega um sig í besta herbergi
hússins, að sögn foreldra hans. Her-
bergið er undir súð með fallega
bogadregnum gluggum og við-
arklæddu lofti. Það er rúmgott, fal-
legt og hlaðið öllum helstu nauð-
synjum sem 15 ára drengir þurfa
víst helst á að halda um þessar
mundir. Hann á flott hljómflutnings-
tæki sem hann fékk í fermingargjöf,
nýtt sjónvarp og play-station-II-
leikjatölvu sem hann keypti fyrir
peningana sem hann fékk í ferming-
argjöf, og nettengda pc-tölvu, en
Skorri segir að tölvan sé gömul og
hann noti aðra tölvu ef hann þurfi að
fara á Netið eitthvað að ráði. Irkið,
spjallrásin #iceland, er aðalvett-
vangurinn. Hann á að sjálfsögðu
gsm-síma. Herbergið hans er vel bú-
ið húsgögnum; hann er með tvo
hægindastóla, antik-skrifborð,
tölvuborð, hillusamstæðu, tvo skrif-
borðsstóla og fataskáp. Á veggj-
unum hanga myndir og veggteppi og
í hillunum eru verðlaunapeningar
áberandi. Skorri spilar handbolta og
fótbolta með Val og æfir a.m.k. tvo
tíma á daga, alla daga vikunnar
nema sunnudaga og helstu helgi-
daga. Hann er í 9. bekk í Hlíðaskóla
og stundar námið vel, en hann seg-
ist eyða u.þ.b. einum og hálfum
klukkutíma á dag við heimanám.
Honum gengur mjög vel í skólanum
og ber honum vel söguna. „Skólinn
okkar er fremur spakur og er t.d.
alltaf með hæsta meðaltalið í ein-
kunnum. Við brjótum ekki rúður í
okkar skóla, það eru krakkar í öðrum
skólum sem sjá um það.“
Ekki þjakaður af
heimilisstörfum
Þegar talið berst að skyldustörf-
um á heimilinu kemur í ljós að orka
Sveins Skorra fer í annað en heim-
ilisstörf. „Ég laga til í herberginu
mínu, þ.e. ég tíni upp hlutina, en
pabbi ryksugar oftast.“ Hann við-
urkennir að hann sé ekki mjög lið-
tækur við heimilisstörfin, segist þó
hafa sett leirtau inn í uppþvottavél-
ina endrum og sinnum og jafnvel
stundum tekið út úr henni, en aldrei
sett hana í gang. Hann kann hvorki á
þvottavél né þurrkara og er lítið
kunnugur öðrum heimilistækjum.
Þegar hann er inntur eftir því hvort
foreldrar hans biðji hann aldrei um
að sinna þessum störfum segir
hann að það hafi aldrei gerst. Hann
eldar ekki mat, en segist geta pant-
að sér pítsu sjálfur og er bara nokk-
uð drjúgur með sig. Hann telur hins
vegar ekki eftir sér að sinna Sól-
veigu Lóu, 6 ára systur sinni, og er
mjög góður við hana.
Alltaf í boltanum
Á sumrin er Skorri í boltanum og
segir að það sé full vinna. Foreldrar
hans sjá honum fyrir vasapeningum,
en hann segist þurfa að rökstöðja
óskir sínar um fjárframlög, „en ég
fæ nú yfirleitt það sem ég bið um“.
Vinahópurinn er stór en þegar
hann er ekki að sinna íþróttum eða
námi eyðir hann mestum tíma með
þremur vinum sínum. „Við erum
alltaf fjórir saman og erum oftast að
dunda okkur í tölvu. Stundum förum
við niður á Laugaveg eða í Kringl-
una, en ekki mikið. Það er alltaf nóg
að gera og við höfum svipuð áhuga-
mál.“ Skorri segir að hann láti áfengi
og tóbak eiga sig enda fari slíkt alls
ekki með íþróttunum, sem eru hans
aðaláhugamál. Þegar Skorri er
spurður hvers hann vildi síst vera
án velur hann sjónvarpið eftir stutta
umhugsun, því það sé mesta af-
þreyingu að hafa út úr því. Að-
spurður segist hann ekki eiga neina
kærustu í augnablikinu, en er með
eina í sigtinu. Þá vitum við það.
Vildi síst vera án sjónvarpsins
Morgunblaðið/Kristinn
gudlaug@mbl.is