Morgunblaðið - 12.02.2002, Blaðsíða 26

26 C ÞRIÐJUDAGUR 12. FEBRÚAR 2002 MORGUNBLAÐIÐHeimiliFasteignir
H
ÚS á stórum lóðum hafa
ávallt haft mikið aðdrátt-
arafl fyrir marga. Þeir
finna fyrir mikilli frelsis-
tilfinningu við að búa þar sem hátt er
til lofts og vítt til veggja. Oft er um
dugmikið útivistarfólk að ræða, sem
hefur áhuga á gönguferðum, skíðum,
skógrækt, hestamennsku og fleiru af
því tagi.
Þeim hefur líka fjölgað, sem kvarta
undan ys og þys borgarlífsins og vilja
búa fyrir utan mesta skarkalann en
þó ekki of langt í burtu, því að þeir
sækja atvinnu á höfuðborgarsvæðið
og vilja auk þess geta notið þess, sem
þéttbýlið hefur upp á að bjóða.
Af þessum sökum hefur það aukizt,
að fólk af höfuðborgarsvæðinu flytjist
austur fyrir fjall eða upp í Kjós, en
haldi áfram að starfa í borginni eða
næsta nágrenni hennar.
Samgöngur eru orðnar það góðar,
að það tekur lítið lengri tíma fyrir
þetta fólk að sækja vinnu á höfuð-
borgarsvæðið en fyrir þá, sem þurfa
að fara langar leiðir í sama skyni inn-
an höfuðborgarsvæðisins.
Margir borgarbúar hafa líka fengið
nóg af háu íbúðarverði og lóðaskorti
og eygja þann möguleika að geta reist
sér ódýrara íbúðarhús, þar sem lóð-
arverð er lægra og kannski hægt að
byggja á lengri tíma en kröfur eru
gerðar um í þéttbýlinu.
En það er ljóst, að stórar lóðir
henta ekki öllum. Margir vinna mikið
og hafa þá sjaldan tíma til þess að
sinna lóðum sínum, jafnvel þó að þeir
hafi efni á að búa í myndarlegum hús-
um með stórum lóðum.
Það sannast því hér sem annars
staðar, að vandi fylgir vegsemd
hverri. Það er til lítils að eiga stóra lóð
nema henni sé sýndur fullur sómi.
Einbýlishús á 10.000
ferm. lóð
– Það er mikið spurt um eignir með
stórum lóðum, segir Einar Páll
Kjærnested hjá Fasteignasölu Mos-
fellsbæjar, en hjá honum er nú m. a.
til sölu einbýlishúsið Skriða við Kolla-
fjörð. Þetta er myndarlegt einbýlis-
hús á 10.000 ferm. lóð.
– Þeir sem spyrja eru ekki hvað
sízt fólk, sem býr í miðborg Reykja-
víkur og vill komast burt úr skark-
alanum, heldur Einar Páll áfram.
– Þetta fólk sækist eftir húsum á
stórum lóðum til þess að komast nær
náttúrunni, en vill samt vera nálægt
þjónustunni. Þess vegna eru bæði
Mosfellsdalur og Kjalarnes mjög
hentug svæði í þessu skyni.
Þetta er allt frá því að vera ungt
fólk, sem hefur þann draum að setjast
þar að, þar sem hægt er að hafa hesta
og stunda útilíf og upp í eldra fólk,
sem er einkum að hugsa um skóg-
rækt, en því fer greinilega fjölgandi.
Einar Páll kvað mjög takmarkað
framboð vera á eignum af þessu tagi,
enda hreyfing á þeim ekki mikil.
– Þessar eignir halda sér yfirleitt vel í
verði og þegar þær koma í sölu, þá
færu þær gjarnan fljótt, segir hann.
– Ég er með aðra svipaða eign í sölu,
en það er Norðurkot á Kjalarnesi.
Húsið stendur á 10.000 ferm lóð.
en er aðeins meira út úr. Þar ríkir
mikil friðsæld. Maður er virkilega
kominn í sveitasæluna og hægt að
hafa hesta og stunda hvaðeina, sem
tilheyrir sveitinni.
Engu að síður er stutt í þjón-
ustuna. Það er einmitt kosturinn við
Skriðu og Norðurkot, fyrir utan það
að vera bæði nýleg hús, að báðar
þessar eignir eru í næsta nágrenni við
verzlun, góða skóla og íþróttaaðstöðu.
Einar Páll telur líklegt, að framboð
á stórum lóðum í nágrenni Mosfells-
bæjar eigi eftir að aukast. – Í framtíð-
inni er gert ráð fyrir töluverðu fram-
boði á stórum lóðum upp í
Mosfellsdal, það er eins hektara lóð-
um, þar sem gert er ráð fyrir frí-
stundabúskap, segir hann að lokum.
– Mosfellsbær er kominn með til-
lögu að skipulagi á þessu svæði og
ekki ólíklegt að lóðir þar komi til út-
hlutunar á næstu árum. Þegar að því
kemur, geri ég ráð fyrir mikilli eft-
irspurn.
Talsvert um fyrirspurnir
– Það er alltaf talsvert um, að fólk
spyrji um hús á stórum lóðum, gjarn-
an í nágrenni höfuðborgarsvæðisins
en kannski ekki síður lengra í burtu,
segir Magnús Leópoldsson hjá Fast-
eignamiðstöðinni .
– Þetta er gjarnan fólk, sem komið
er fram yfir miðjan aldur og þarf ekki
að taka tillit til skólagöngu barna, af
því að þau eru flogin úr hreiðrinu.
Sumir óska eftir húsum, sem hægt
er að gera upp. Stundum er um merk
hús að ræða með mikla sögu og þá er
það auðvitað ávinningur fyrir alla, ef
þeim er forðað frá því með þessu móti
að verða rifin.
En stundum eru húsin orðin svo
gömul og lúin, að þeim verður ekki
bjargað. Þetta hefur oft gerzt með
jarðir, eftir að þær eru orðnar kvóta-
lausar. Stundum er þeim þá skipt upp
og ný hús byggð á mjög stórum lóð-
um. – Þeir sem kaupa jarðir án fram-
leiðsluréttar, eru gjarnan fólk með
áhuga á hestamennsku eða skógrækt,
heldur Magnús áfram. – Sumir hafa
keypt þessar jarðir til fjárfestinga og
þá ekki endilega horft á þann húsa-
kost, sem fyrir er heldur stúkað land-
ið niður í lóðir fyrir sumarhús ýmist
til sölu eða leigu. Eyjar á Breiðafirði
og víðar hafa líka höfðað til margra og
selzt á háu verði.
Magnús Leópoldsson kveðst álíta,
að tæknibyltingin mikla, sem nú er í
fullum gangi, eigi eftir að setja mik-
inn svip á hús og híbýli fólks á næstu
árum og áratugum og kunni einmitt
að verða til þess, að fleiri sækist eftir
því að búa fyrir utan mesta þéttbýlið
og þá í frjálsara umhverfi en nú.
– Þessar breytingar geta allt eins
orðið þess valdandi að við förum að
vinna mun meira heima en fólk hefur
gert til þessa, segir Magnús – Rithöf-
undar, blaðamenn, verkfræðingar,
arkitektar, endurskoðendur, vísinda-
menn, þýðendur, kerfisfræðingar og
margir aðrir, sem vinna sjálfstætt og
vilja einbeita sér að verkefnum, verða
þá með fullkomnustu tölvur heima
hjá sér og jafnframt beintengdir við
sína starfstöð í gegnum síma og með
tölvutengingu. Ljósleiðari og aðrar
tæknilausnir verða til staðar.
Þessi þróun er þegar hafin og hún
kann að verða mun hraðari, þegar frá
líður. Lítum bara á, hve fjarnámið er
að ryðja sér hratt til rúms hjá náms-
fólki.
En ákvörðun fjölskyldufólks varð-
andi búsetu fer ávallt mikið eftir því,
hvaða þjónusta er í boði á hverjum
stað. – Menntunar- og félagsaðstaða
er nú víða allt önnur og betri en var
og samgöngur stöðugt batnandi, seg-
ir Magnús Leópoldsson að lokum. –
Samskipti við annað fólk verða
greiðari um leið, þó að fólk búi aðeins
út úr eins og kallað er.
Margir vilja búa
fyrir utan skark-
ala þéttbýlisins
Hús á stórum lóðum upp í sveit en þó í nágrenni þéttbýlisins höfða til margra. Magnús Sigurðsson
kynnti sér nokkur slík hús, sem eru til sölu í nágrenni Reykjavíkur.
Kjalarnes - Hjá Fasteignasölu Mosfellsbæjar er nú til
sölu einbýlishúsið Skriða, sem stendur undir rótum
Esjunnar við Kollafjörð. Húsið er tvær hæðir og kjall-
ari, alls 205 fm og stendur á 10.000 fm lóð. Ásett verð
er 19,2 millj. kr.
Þetta er timburhús á steyptum kjallara. Hann er 80
fm og skiptist í stóra geymslu og um 60 fm rými, sem
nú er nýtt sem vinnuaðstaða, sagði Einar Páll
Kjærnested hjá Fasteignasölu Mosfellsbæjar.
Komið er inn í forstofu eða hol á jarðhæð, en þaðan
er gengt inn í baðherbergi með sturtuklefa, vaski og
tengi fyrir þvottavél og þurrkara.
Inn úr holi er komið inn í stórt opið rými, sem
skiptist í stofu, borðstofu og eldhús með miklu útsýni
til Reykjavíkur og út á hafið. Eldhúsinnréttingin er
góð og úr bæsuðum rósaviði, en inn af eldhúsi er gott
búr. Gengið er út á verönd úr borðstofu. Svefn-
herbergin á þessari hæð eru tvö, með filtteppum á
gólfi og ljós eru í fataskápum.
Önnur hæð er tilbúin til innréttingar, en þar eru
þrjú svefnherbergi, stórt baðherbergi og koníaks-
stofa. Eftir er að klæða loft og leggja gólfefni. Glæsi-
legt útsýni er af 2. hæðinni. Húsið stendur á 1.500 fm
eignarlóð, en auk þess fylgir því 8.500 fm leigulóð til
99 ára.
Staðsetning hússins er einstök, en það stendur und-
ir Esjunni með miklu útsýni til hafs og til fjalla, sagði
Einar Páll. Þetta er tilvalinn staður fyrir þá, sem vilja
komast úr skarkala höfuðborgarinnar og hafa áhuga á
t.d. skógrækt, hestamennsku og rólegu umhverfi.
Húsið er tvær hæðir og kjallari, alls 205 ferm. og stendur á 10.000 ferm. lóð. Ásett verð er 19,2 millj. kr., en
þessi eign er til sölu hjá Fasteignasölu Mosfellsbæjar.
Skriða við Kollafjörð
Reykjavík - Hjá Fasteignamiðstöðinni er nú
til sölu lögbýlið Suðurhlíð úr landi Úlfars-
fells. Landstærð er 7.620 ferm. eignarland.
„Þarna er um að ræða gott íbúðarhús byggt
1990,“ sagði Magnús Leópoldsson hjá Fast-
eignamiðstöðinni.
Íbúðarhúsið er á einni hæð og 152 fm að
stærð. Það skiptist í þrjú svefnherbergi, eld-
hús, stofu og borðstofu, baðherbergi, þvotta-
hús, geymslu og anddyri ásamt rúmgóðum
innbyggðum bílskúr.
Inn af bílskúrnum er þvottahúsið og eitt
aukaherbergi. Loftin í stofunni og borðstof-
unni eru upptekin og klædd furu. Parket er á
stofu og borðstofu, en flísar á anddyri og
dúkur á öðru.
Vegleg verönd um 38 fm hefur verið byggð
fyrir framan húsið og er gengið út á hana úr
stofu. Hesthúsið er glæsilegt, sem að framan
segir, og með aðstöðu fyrir 22 hross. Þar er
einnig kaffiaðstaða, hnakkageymsla, hlaða og
spónahlaða, einnig aðstaða fyrir fimm hesta í
viðbót, en hesthúsbyggingin er um 250 fm
alls, en sjálft hesthúsið er 160 fm samkvæmt
fasteignamati. Verðhugmynd er 35 millj. kr.
„Öll aðstaða er þarna til fyrirmyndar,“
sagði Magnús Leópoldsson að lokum. „Þetta
er óskastaður fyrir alla þá, sem vilja búa í fal-
legu og friðsælu umhverfi en vera samt í
grennd við þéttbýlið.“
Íbúðarhúsið er á einni hæð og 152 ferm. að stærð með innbyggðum bílskúr. Þarna er ennfremur glæsilegt hesthús. Landstærð er 7.620 ferm. eign-
arland. Verðhugmynd er 35 millj. kr., en þessi eign er til sölu hjá Fasteignamiðstöðinni.
Suðurhlíð