Morgunblaðið - 17.02.2002, Blaðsíða 17

MORGUNBLAÐIÐ SUNNUDAGUR 17. FEBRÚAR 2002 17
Golfdeild Úrvals-Útsýnar,
Hlíðarsmára 15, sími 585 4140,
peter@uu.is, www.urvalutsyn.is
„PÁSKAGOLFFERÐ TIL GALWAY“
28. mars -1. apríl.
Fararstjóri: Gylfi Kristinsson. Gist í miðbæ Galway,
stórskemmtilegum bæ á vesturströnd Írlands.
Stutt í golf á spennandi golfsvæði. Verð kr. 73.000 í tvíbýli.
Innif.: Flug, gisting m/morgunverði, allur akstur frá flugvelli til
hótels og golfvalla og 5 golfhringir.
Ekki innif.: Flugvallarskattur kr. 4.120.
Einnig kjörinn staður fyrir þá
sem spila ekki golf!
kjarna sem Ron fannst nauðsynlegt
að finna í verkinu svarar Ólafur að
sér hafi fundist þurfa að skera ým-
islegt út úr því. „Þótt grunntónninn
sé í rauninni sá sami fannst mér
nauðsynlegt að snerpa á samskipt-
um þessara tveggja manna og
skýra persónuleika þeirra. Mér
fannst líka þurfa að sýna betur
þetta margræða eðli aðalpersón-
unnar; hann er ekki bara skíthæll,
það er fleira sem í honum býr. Í
verkinu eru einnig átök um eitt og
annað, en þær hugmyndir sem
ganga á milli mannanna tveggja í
verkinu eru í rauninni bara til að
undirstrika persónuleika þeirra. Í
rauninni gengur leikritið því fyrst
og fremst út á það að bregða upp
mynd af lífi aðalpersónunnar og af-
hjúpa lygina. Það má segja að þetta
sé eins og þegar við flettum lög-
unum af lauknum, einu af öðru.“
Varðandi þá tilraun að færa verk-
ið út úr íslenskum veruleika og í al-
mennara samhengi, sem Ron talar
um, segir Ólafur að sér finnist nú
menn vera eins hvar sem þeir eru.
„Verkið er enn að fjalla um sömu
þætti mannlegs eðlis. Ég vildi þó
reyna að snerpa þetta og svo er það
alltaf þannig að þegar maður er
byrjaður þá dettur manni allt
mögulegt í hug, sem ég skrifaði inn
í textann. Fléttan er þó sú sama en
endirinn er aðeins öðruvísi. Mér
fannst nauðsynlegt að stórveldi
þessa manns, sem er hálfgert
skrímsli þótt hann sé um leið sjarm-
erandi og vel að sér, myndi hrynja.
Í lokin hefur fólk samt samúð með
honum; þegar hann brotnar þá
brotnar hann alveg og það snertir
fólk. Þess vegna ákvað ég að breyta
endinum,“ segir Ólafur Jóhann.
Blaðamaður fór á forsýningu á
verkinu og ljóst var að áhugi á upp-
færslunni var talsverður og margt
um manninn í salnum. Frammi-
staða leikaranna var með miklum
ágætum og óneitanlega afar
skemmtilegt að sjá jafn kunnuglegt
andlit og andlit Davids Warners í
svo miklu návígi sem fulltrúa ís-
lensks veruleika. Aðrir sem að
verkinu komu eiga einnig hrós skil-
ið fyrir sína vinnu, því allt, smátt
sem stórt, varð til þess að gefa
verkinu aukið vægi og studdi jafn-
framt dramatíska framvindu þess.
Augljóst er að í engu hefur verið til
sparað og því verður forvitnilegt að
fylgjast með viðtökum og viðbrögð-
um gagnrýnenda við þessari frum-
raun íslenska metsöluhöfundarins
Ólafs Jóhanns Ólafssonar á Shaft-
esbury Avenue.
Sorcha Cusack, í hlutverki ráðskon-
unnar, lagar slaufuna á Karli, sem
David Warner leikur.
ANNA Heiða
Pálsdóttir varði
nýverið dokt-
orsritgerð sína í
barnabók-
menntum við
enskudeild
University
College
Worcester á
Englandi í samvinnu við Coventry
University.
Leiðbeinendur voru dr. Sigrún
Klara Hannesdóttir, sem tekur við
stöðu landsbókavarðar hinn 1. apríl
nk., og dr. Jean Webb, dósent við
University College Worcester og
forstöðumaður rannsóknarnáms-
deildar háskólans. Tilkvaddir sér-
fræðingar voru Silja Aðalsteins-
dóttir bókmenntafræðingur og Tony
Watkins frá The University of Read-
ing. Andmælendur voru dr. Peter
Hunt, prófessor við Cardiff Univers-
ity í Wales, og dr. David Roberts frá
enskudeild UCW, sem nú er yf-
irmaður enskudeildar The Univers-
ity of Central England í Birm-
ingham.
Í fréttatilkynningu segir: „Rit-
gerðin ber yfirskriftina „History,
Landscape and National Identity: A
Comparative Study of Contempor-
ary English and Icelandic Literat-
ure for Children“. Teknar voru fyrir
43 enskar og 43 íslenskar barnabæk-
ur, aðallega frá árunum 1970–1999,
og skoðað hvernig þjóðerniskennd
endurspeglast í þeim, sérstaklega í
landslagslýsingum og afstöðu sögu-
persóna til umhverfisins. Þá var
einnig litið á hvernig saga hvors
lands fyrir sig, Englands sem fv. ný-
lendusinna og Íslands sem áður laut
stjórn Danaveldis, hefur áhrif á
þjóðerniskennd landsmanna og við-
horf til annarra þjóða eins og það
kemur fram í barnabókum....
Rannsóknin naut styrks frá rann-
sóknarnámssjóði RANNÍS og ORS
(Overseas Students Research Fund)
í Bretlandi. Þetta er fyrsta dokt-
orsritgerð um íslenskar barnabók-
menntir svo vitað sé.
Anna Heiða lauk stúdentsprófi frá
Menntaskólanum í Reykjavík 1976.
Hún rak tískuverslunina Partý í
Reykjavík í meira en áratug en sneri
aftur til náms, lauk BA-prófi frá Há-
skóla Íslands 1996 og MA-prófi frá
Háskóla Íslands 1999, en hluta af því
námi tók hún við The University of
Liverpool á Englandi. Hún skrifaði
barnabókina Galdrastafir og græn
augu (1997) og þýddi Gyllta áttavit-
ann (2000) og Lúmska hnífinn (2001)
eftir Philip Pullman. Þá hefur Anna
Heiða m.a. skrifað fræðigreinar og
flutt fyrirlestra um barnabók-
menntir og kennt skapandi skrif við
Endurmenntunarstofnun HÍ, auk
þess sem hún heldur úti vefsíðu um
Harry Potter (www.mmedia.is/ah/
harry.htm). Hún er formaður Barna
og bóka, Íslandsdeildar IBBY-
samtakanna.“
Foreldrar Önnu Heiðu eru Páll S.
Pálsson hrl. f. 29. janúar 1916, d. 11.
júlí 1983, og Guðrún Stephensen
kennari, f. 11. maí 1919. Anna Heiða
er gift Hilmari Ævari Hilmarssyni,
f. 12. febrúar 1958, tölvusérfræðingi
hjá Streng, og eiga þau tvö börn,
Sigríði Ástu, f. 1983, og Hilmar Æv-
ar, f. 1988.
Doktor í
barnabók-
menntum
Reykjavík
á nýrri öld
OPINN FUNDUR
um skipulagsmál MIÐBORGARINNAR
Uppbygging og endurreisn
miðborgarinnar er forgangsverkefni
Borgarfulltrúar Sjálfstæðisflokksins halda opinn fund um
skipulagsmál miðborgarinnar í Ráðhúsi Reykjavíkur
þriðjudaginn 19. febrúar kl. 18.
www.xd.is
www.reykjavik2002.is
Júlíus Vífill
Ingvarsson
Jóna Gróa
Sigurðardóttir
Inga Jóna
Þórðardóttir
Vilhjálmur Þ.
Vilhjálmsson
Guðlaugur Þór
Þórðarson Kjartan Magnússon
Ávarp
Björn Bjarnason
menntamálaráðherra
Fundarstjóri
Eyþór Arnalds
varaborgarfulltrúi
Miðborgin kemur okkur öllum við