Morgunblaðið - 31.03.2002, Blaðsíða 30
ÍÞRÓTTIR
30 SUNNUDAGUR 31. MARS 2002 MORGUNBLAÐIÐ
Dagskrá:
1. Venjuleg aðalfundarstörf skv. 8. gr. samþykkta félagsins.
2. Tillaga stjórnar um að félaginu sé heimilt að kaupa eigin hluti samkvæmt 55. grein
laga nr. 2 frá 1995 um hlutafélög.
3. Önnur mál, löglega upp borin.
Aðalfundur Samskipa hf. verður haldinn
þann 11. apríl í Salnum, Kópavogi kl. 17.00.
Aðalfundur
Samskip Holtabakka við Holtaveg 104 Reykjavík Sími 569 8300 Fax 569 8327 samskip@samskip.is samskip.is
Tillögur frá hluthöfum, sem bera á fram á aðalfundi, þurfa að berast stjórn
eigi síðar en sjö dögum fyrir aðalfund.
Dagskrá, endanlegar tillögur og ársreikningur mun liggja frammi á skrifstofu
félagsins sjö dögum fyrir aðalfund.
Atkvæðaseðlar og önnur fundargögn verða afhent á fundarstað við upphaf
fundarins.
Stjórn Samskipa hf.
A
B
X
/S
ÍA
9
0
2
0
2
0
5
Kristján til Aberdeen
KRISTJÁN Helgason er kominn í aðalkeppni opna skoska
meistaramótsins í snóker eftir tvo góða sigra í viðbót í und-
ankeppninni. Hann lagði James Ferguson, 5:1, í 3. umferð og
sigraði síðan Jamie Burnett, 5:3, í fjórðu og síðustu umferð
undankeppninnar. Burnett er í 39. sæti heimslistans en Krist-
ján er í 94. sæti.
Í fyrstu umferð aðalkeppninnar í Aberdeen hinn 6. apríl,
þar sem 48 keppendur mæta til leiks, þar á meðal allir þeir
bestu, keppir Kristján við Tony Drago frá Möltu sem er í 26.
sæti heimslistans og þurfti ekki að taka þátt í undankeppn-
inni. Takist Kristjáni að sigra mætir hann margföldum heims-
meistara, Stephen Hendry, í 32 manna úrslitum.
Ein breyting var á byrjunarliði KRá föstudaginn, Herbert Arnar-
son var á bekknum en Ólafur J.
Ormsson kom inn í
hans stað, en heima-
menn stilltu upp
hefðbundnu liði
nema hvað Brenton
Birmingham var ekki með frekar en í
öðrum leik liðanna og óvíst er hvort
hann nái fjórða leiknum.
Ólíkt hinum leikjunum tveimur var
jafnræði með liðunum í upphafi og
jafnt á öllum tölum upp í 15:15 og eft-
ir að heimamenn komust í 23:19 tók
Keath Vassell sig til og gerði síðustu
átta stig leikhlutans þannig að KR
var 27:23 yfir.
Sú forysta dugði þeim ekki í næsta
leikhluta enda gerðu þeir þá 16 stig
gegn 21 stigi Njarðvíkinga sem voru
44:43 yfir í leikhléi. KR-ingar voru
einbeittir í fyrri hálfleik en komu enn
ákveðnari til þess síðari og unnu
þriðja leikhluta 24:12 og munaði þar
mestu að vörn þeirra var frábær, allir
leikmenn börðust vel í fráköstum og
það skilaði 11 stiga forystu fyrir sið-
asta leikhlutann.
Heimamenn byrjuðu betur í síð-
asta leikhluta og ætluðu greinilega
ekki að gefa neitt eftir enda engin
ástæða til því liðið hafði ekki leikið vel
og munurinn samt ekki nema 11 stig.
Þegar leikhlutinn var tæplega hálfn-
aður var staðan orðin 68:72 og KR-
ingar tóku leikhlé. Helgi Már Magn-
ússon kom alveg sprellfjörugur úr því
og gerði sex stig, tók nokkur fráköst
og var gríðarlega grimmur. Ingjaldur
Magni Hafsteinsson tók síðan við og
þeir sýnu ásamt Jóni Arnóri Stefáns-
syni hversu skemmtilegir leikmenn
þeir eru þegar sá gállinn er á þeim.
Sem dæmi um muninn á barátt-
unni í liðunum má nefna að Njarðvík-
ingar tóku 36 fráköst í leiknum en
KR-ingar tóku 36 varnarfráköst og
að auki 15 sóknarfráköst.
Undir lokin lá Njarðvíkingum mik-
ið á og tóku þriggja stiga skor um leið
og færi gafst til að freista þess að
minnka muninn. Það tókst ekki og
KR-ingar fögnuðu vel og lengi enda
tókst þeim ætlunarverkið, að vera
áfram með í baráttunni um Íslands-
meistaratitilinn.
Páll Kristinsson var bestur Njarð-
víkinga og Friðrik Stefánsson átti
ágætan leik en aðrir voru nokkuð frá
sínu besta, sumir áttu þó fína spretti
en duttu heldur betur niður þess á
milli. Philo er skemmtilegur leik-
stjórnandi en hann gerir á stundum
of mikið sjálfur og það var í raun það
sem varð Njarðvíkingum að falli,
sóknin gekk ekki eins og hún á að
gera, allir héngu of lengi á boltanum
og reyndu síðan sjálfir maður gegn
manni og skotin voru því úr erfiðum
færum.
Allir áttu góðan leik hjá KR að
þessu sinni. Jón Arnór var þeirra
bestur og besti maður vallarins
ásamt dómurunum, sem áttu fínan
leik. Liðið á hrós skilið fyrir aðdáun-
arverða baráttu og vilja til að halda
áfram í keppninni.
Morgunblaðið/Hilmar Bragi
Helgi M. Magnússon lék vel með KR á föstudaginn og hér ver
hann skot frá Pete Philo, leikstjórnanda Njarðvíkinga.
KR-sigur í
Njarðvík
KR-INGAR sneru dæminu við í Njarðvík á föstudagskvöldið. Eftir að
hafa tapað annarri viðureign liðanna í undanúrslitum úrvalsdeild-
arinnar í körfuknattleik á heimavelli og þar með komnir upp að
vegg, lögðu þeir Njarðvíkinga 91:80 í Njarðvík og staðan er því 2-1
og liðin mætast fjórða sinni á miðvikudag eða fimmtudag.
Skúli Unnar
Sveinsson
skrifar
MÉR fannst vanta þann neista
sem gerir okkur að góðu liði. Þeg-
ar þannig er þá erum við bara
með miðlungslið,“ sagði Friðrik
Ragnarsson, þjálfari Njarðvíkinga,
eftir tapið fyrir KR á föstudaginn.
„Við útfærðum sóknina illa, vor-
um óþolinmóðir og óðum einn á
móti einum í allt kvöld. Hinum
megin sá maður KR-inga berjast
um öll sóknarfráköst og rífa af
okkur alla lausa bolta.
Það er engin afsökun til fyrir
því að hafa ekki þann neista sem
til þarf í svona leiki. Þetta var
bara einbeitingarleysi og það þarf
hver og einn leikmaður að líta í
eigin barm hvað það varðar. Ég
er grútsvekktur yfir að tapa
leiknum því ég var ákveðinn í að
klára einvígið hér í kvöld,“ sagði
Friðrik og bætti því við að hann
lofaði því að liðið yrði betra í
næsta leik.
Gat ekki verið verra
en í síðasta leik
„Það var ekki hægt að vera lé-
legri en í síðasta leik og við vor-
um staðráðnir í að sýna að við
gætum leikið af krafti og það
tókst. Helgi og Magni komu virki-
lega sterkir inn og sýndu hvað er
mikið varið í þá og sama má segja
um aðra sem komu af bekknum,“
sagði Ingi Þór Steinþórsson, þjálf-
ari KR-inga, eftir leikinn.
„Við fórum loksins að hreyfa
okkur í vörninni og hjálpa hver
öðrum þar og ég var sérlega
ánægður með vörnina í síðari
hálfleiknum enda er hún lykillinn
að því að ná fráköstum.
Nú erum við komnir í sömu
stöðu og við vorum fyrir annan
leikinn og erum enn með í barátt-
unni og það var alltaf ætlunin,“
sagði Ingi Þór.
Þess má geta að Steinar Kaldal
verður ekki meira með, er meidd-
ur, og Baldur Ólafsson fer til
Bandaríkjanna á morgun þannig
að nýr leikmaður mun mæta í
fjórða leik liðanna.
Vantaði
neistann
JES Hansen, danski körfuknatt-
leiksmaðurinn sem lék með Njarðvík
í fyrra, var sérstakur heiðursgestur
Njarðvíkinga í leiknum við KR á
föstudagskvöldið. Hansen leikur í
Danmörku í vetur en kom hingað til
lands í heimsókn um páskana. Það
var vel tekið á móti honum þegar
hann var kynntur fyrir leikinn.
RAGNAR Ragnarsson, leikmaður
Njarðvíkur, og unnusta hans Þórey
Ástráðsdóttir eignuðust stúlku á
miðvikudaginn. Þeim mæðgum heils-
ast vel og var Ragnar hinn hamingju-
samasti með fyrsta barn sitt.
ÍSLENSKA landsliðið í íshokkíi
tekur þátt í 2. deild HM, B-flokki,
þessa dagana og er keppt í Novi Sad í
Júgóslavíu. Liðið hefur leikið þrjá
leiki og tapað þeim öllum, síðast fyrir
Litháum, 20:0, en Litháar eru í sér-
flokki í riðlinum. Áður hafði liðið tap-
að 8:1 fyrir heimamönnum og 11:1
fyrir Spánverjum. Liðið leikur í dag
við Búlgaríu og síðan Lúxemborg á
morgun.
JACKSON Richardson, franski
handknattleiksmaðurinn, er hættur
við að ganga til liðs við Bad Schwar-
tau í Þýskalandi. Þess í stað hefur
hann ákveðið að framlengja samning
sinn við Portland San Antonio á
Spáni og reiknar með að ljúka ferl-
inum þar.
HEIÐAR Helguson lék allan leik-
inn með Watford sem gerði jafntefli,
0:0, við Bradford í ensku 1. deildinni í
knattspyrnu á föstudagskvöldið.
GÚSTAF Bjarnason skoraði eitt
mark fyrir Minden sem tapaði fyrir
Eisenach, 27:19, í þýsku 1. deildinni í
handknattleik á skírdag.
RÓBERT Sighvatsson og Gylfi
Gylfason skoruðu 4 mörk hvor fyrir
Düsseldorf sem vann Wuppertal,
31:20, í þýsku 2. deildinni á skírdag.
GUÐJÓN Þórðarson, knatt-
spyrnustjóri Stoke, krækti í tvo leik-
menn áður en frestur til félagaskipta
á þessu tímabili rann út í Englandi á
skírdag. Hann fékk til sín Ian Brig-
htwell, varnarmann frá Walsall, og
John Miles, miðjumann frá Liver-
pool, en báðir sömdu við Stoke til
vorsins.
DION Dublin, sóknarmaður hjá
Aston Villa, var á skírdag lánaður til
1. deildarliðs Millwall, út þetta tíma-
bil.
RONALDO lék sinn fyrsta lands-
leik fyrir Brasilíu í hálft þriðja ár að-
faranótt fimmtudags. Brasilía sigraði
þá Júgóslavíu, 1:0, í Fortaleza og lék
Ronaldo fyrri hálfleikinn. Luizao
kom inn á fyrir hann og skoraði sig-
urmarkið á 72. mínútu.
BRASILÍSKIR áhorfendur voru
orðnir langeygir eftir markinu. Þeir
bauluðu óspart á sína menn og sungu
nafn „útlagans“ Romarios í tíma og
ótíma.
IVAN Kaviedes skoraði tvö mörk
fyrir Ekvador sem vann Búlgaríu,
3:0, í vináttulandsleik sem háður var í
New York aðfaranótt fimmtudags.
SHAQUILLE O’Neal, körfuknatt-
leiksmaðurinn tröllvaxni hjá LA La-
kers, slapp með skrekkinn í fyrrinótt
þegar lið hans vann Portland, 91:79.
Shaq þeyttist langt upp í áhorfenda-
palla og mikil mildi þótti að hvorki
hann né einhver áhorfenda skyldu
verða fyrir alvarlegum meiðslum.
SHAQ reis á fætur eftir að hafa
gengið úr skugga um að einu meiðsli
sín væru skurður á fingri, og skokk-
aði á ný inn á völlinn, við gífurlegan
fögnuð áhorfenda og undir stefinu úr
„Superman!“
MICHAEL Jordan sýndi gamal-
kunna takta og skoraði 34 stig þegar
Washington vann Milwaukee,
107:98. Sam Cassell og Glenn Rob-
inson hjá Milwaukee voru báðir
reknir af velli í leiknum.
ÞÓRHALLUR Hálfdánarson úr ÍR
og Steinþór G. Jóhannsson úr KFR,
unglingalandsliðsmenn í keilu, eru í
Svíþjóð um páskana þar sem þeir æfa
undir stjórn þarlends þjálfara og taka
þátt í tveimur alþjóðlegum mótum.
FÓLK