Morgunblaðið - 27.04.2002, Síða 2

FRÉTTIR
2 LAUGARDAGUR 27. APRÍL 2002 MORGUNBLAÐIÐ
Fylgstu
með
nýjustu
fréttum
www.mbl.isKA skellti Íslandsmeisturum
Hauka og mætir Val / C2
Verðum að stöðva
Stefánsson / C1
4 SÍÐUR16 SÍÐUR
Sérblöð í dag
Á LAUGARDÖGUM
Morgunblaðinu
í dag fylgir
auglýsingablað
frá Slökkviliði
höfuðborg-
arsvæðisins.
Blaðinu verður
dreift um allt
land.
KULDAKASTIÐ á höfuðborg-
arsvæðinu og nágrenni er ekki
bara neikvætt svona í sumar-
byrjun, a.m.k. ekki fyrir skíða-
áhugamenn. Vegna þess er unnt að
opna stólalyftuna í Kóngsgili í Blá-
fjöllum um helgina.
Í frétt frá skíðasvæðinu segir að
frítt verði í hana en nægur snjór er
í Kóngsgili og prýðilegt skíðafæri.
Stefnt er að því að lyftan verði op-
in frá klukkan 10 til klukkan 18 á
laugardag og sunnudag.
Gott færi er í Hlíðarfjalli á Ak-
ureyri en í dag verður þar loka-
dagur Andrésar Andar-leikanna
þar sem krakkar víðsvegar af
landinu spreyta sig á skíðum.
Opið í
Bláfjöllum
um helgina
LÖGREGLAN í Hafnarfirði
handtók í gærmorgun fjögur
ungmenni á aldrinum 18–20 ára
sem vegfarandur sáu til
skömmu áður við innbrot og
skemmdarverk á bílum í Garða-
bæ.
Ungmennin, þrír drengir og
ein stúlka, voru tekin til yfir-
heyrslu þar sem lögreglan grun-
aði þau um aðild að fleiri inn-
brotum að undanförnu. Hafa
þau komið við sögu lögreglunn-
ar áður í svipuðum málum.
Að sögn lögreglu játuðu ung-
mennin að hafa brotist inn í ann-
an bílinn. Rannsókn málanna
verður haldið áfram en ung-
mennunum var sleppt að yfir-
heyrslum loknum.
Innbrot og
skemmdir á bíl-
um í Garðabæ
HÉRAÐSDÓMUR Reykjavík-
ur úrskurðaði í gær tvítugan
karlmann í tíu daga gæsluvarð-
hald að kröfu lögreglunnar í
Reykjavík, en maðurinn er
grunaður um nokkur innbrot í
Reykjavík og nágrannasveitar-
félögum að undanförnu.
Lögreglan handtók manninn
ásamt félaga hans í fyrrakvöld
við tilraun til að brjótast inn í
hús við Laugaveg. Var talin
ástæða til að fara fram á svo-
nefnda síbrotagæslu yfir mann-
inum og úrskurðaði dómarinn
að hann skyldi sæta tíu daga
gæslu.
Úrskurðaður
í tíu daga
gæsluvarðhald
ÞAÐ var ekki sérlega vorlegt um
að litast á Eskifirði í gær en þá lá
snjór yfir bænum og Kári blés um
úfinn sæ. Minnismerki sjómannsins
var að hluta þakið snjó og og mann-
fólkið hefur eflaust beðið um blíðu
enda heldur almanakið því fram að
sumarið sé komið og tveimur dög-
um betur.
Morgunblaðið/Helgi Garðarsson
Beðið um blíðu
ÓÁNÆGJA er meðal leiðbeinenda
í framhaldsskólum þar sem þeir
telja sig njóta takmarkaðra rétt-
inda og hafi í reynd ekkert at-
vinnuöryggi. Hafin er könnun með-
al leiðbeinenda í skólum á því
hvort grundvöllur sé fyrir stofnun
sérstakra hagsmunasamtaka.
Skv. upplýsingum sem fengust
meðal forsvarsmanna málsins hafa
verið send út bréf í alla framhalds-
skóla landsins til að kanna und-
irtektir við stofnun sérsamtaka
leiðbeinenda. Einn leiðbeinenda
sem Morgunblaðið ræddi við í gær
benti á að um þessar mundir væri
verið að auglýsa lausar kennara-
stöður. Ef kennari með kennslu-
réttindi væri svo ráðinn í stöðu
sem leiðbeinandi gegndi væri leið-
beinandinn kominn út á kaldan
klaka.
Skipti þá engu máli hvaða
menntun eða reynslu hann hefði að
baki heldur það eitt hvort hann
væri með lögboðin kennsluréttindi.
„Við höfum nákvæmlega ekkert at-
vinnuöryggi,“ segir hann.
Um 20% þeirra sem annast
kennslu í framhaldsskólum eru
leiðbeinendur eða nálægt 250
manns. Leiðbeinendur sem rætt
var við í gær gagnrýndu Kenn-
arasambandið fyrir að hafa ekki
gætt réttar þeirra sem skyldi og
aldrei viljað horfast í augu við þá
staðreynd að 20% meðlima þess
væru réttindalaus en greiddu engu
að síður full gjöld til félagsins.
Óánægja meðal leiðbeinenda í framhaldsskólum
Kanna möguleika á
stofnun sérsamtaka
HÆSTIRÉTTUR hefur staðfest
úrskurð Héraðsdóms Reykjaness
um rétt konu til hlutdeildar í lífeyr-
isréttindum fyrrverandi eiginmanns
hennar. Konan og maðurinn slitu
samvistum eftir átján ára samband,
þar af 15 ár í hjúskap, og hafði kon-
an verið heimavinnandi á samvist-
artímanum og sinnt heimilisstörfum
og uppeldi barna þeirra. Hafði hún
því nánast engra tekna aflað á tíma-
bilinu eða lífeyrisréttinda sér til
handa. Maðurinn var hins vegar í
öruggu starfi, með háar tekjur og
veruleg lífeyrisréttindi.
,,Með skírskotun til forsendna
héraðsdóms er fallist á að ósann-
gjarnt sé að halda lífeyrisréttindum
sóknaraðila utan skipta. Þegar fjár-
greiðsla til varnaraðila er ákveðin á
grundvelli 2. mgr. 102. gr. hjúskap-
arlaga verður auk þeirra atriða,
sem héraðsdómur tilgreinir, að líta
til aldurs varnaraðila og þeirra
kosta, sem gera verður ráð fyrir, að
henni muni nýtast til öflunar eigin
lífeyrisréttinda. Við svo búið verður
að telja, að lækkun héraðsdóms á
kröfu varnaraðila sé réttmæt, og
verður hinn kærði úrskurður stað-
festur,“ segir í dómi Hæstaréttar í
gær.
Í dómi héraðsdóms er miðað við
áunnin lífeyrisréttindi mannsins 1.
janúar 2001 og skv. útreikningi
tryggingafræðings nam höfuðstóls-
verðmæti lífeyrisréttindanna 8,5
milljónum króna.
Hlutdeild konunnar
metin 2,5 milljónir króna
Konan krafðist helmings þeirrar
fjárhæðar en í dómnum segir að
þegar litið er til þess hagræðis að
konan fengi hlutdeildina greidda nú
þegar og sú fjárhæð myndi ekki
stofn til greiðslu tekjuskatts hjá
henni var talið rétt að lækka fjár-
hæðina í 2,5 milljónir.
Einnig var litið til aldurs kon-
unnar sem er 44 ára og þeirra kosta
sem gera yrði ráði fyrir að henni
myndu nýtast til öflunar eigin líf-
eyrisréttinda. Hæstiréttur staðfesti
svo þessa niðurstöðu héraðsdóms í
gær.
Hæstiréttur staðfestir rétt konu til hlutar í lífeyrisréttindum fyrrv. eiginmanns
Ósanngjarnt að
halda lífeyrisrétt-
indum utan skipta
FORELDRAR í Garðabæ
munu fá val um leikskólapláss
allt frá því að fæðingarorlofi lýk-
ur gangi fyrirheit Sjálfstæðis-
flokksins í Garðabæ eftir. Þetta
er meðal þess sem finna má í
stefnuskrá flokksins fyrir kom-
andi sveitarstjórnarkosningar.
Í stefnuskránni segir að for-
eldrar muni fá val um leikskóla-
pláss eða þjónustu dagforeldra
að loknu fæðingarorlofi, allt eft-
ir því hvað þeir kjósa. Segir að
nú færist í vöxt að foreldrar taki
fæðingarorlofið á allt að 12 mán-
uðum.
„Unnið verður að útfærslu
þessarar þjónustu í nánu sam-
ráði og samstarfi við dagfor-
eldra og leikskólakennara í
Garðabæ, t.d. með því að byggja
upp sérstakar deildir fyrir
yngstu börnin á leikskólum bæj-
arins,“ segir í stefnuskránni.
Val um leik-
skóla að
loknu fæð-
ingarorlofi
Sjálfstæðisflokk-
urinn í Garðabæ
RÚSSNESKU sendiráðsstarfs-
mennirnir sem urðu eftir í Kaup-
mannahöfn á fimmtudag þegar vél
Flugleiða tafðist um tvo tíma, þar
sem forseti Íslands og forsætisráð-
herra voru meðal farþega, voru
væntanlegir til landsins í gær.
Hjá rússneska sendiráðinu í
Reykjavík fengust þær upplýsingar
að starfsmennirnir hefðu verið í
reglubundinni ferð með sendiráðs-
póst milli landanna sem þeim er ætl-
að að taka með í handfarangri. Sam-
kvæmt alþjóðlegum reglum er slíkur
farangur ekki skoðaður af öryggis-
vörðum.
Eins og fram kom í Morgun-
blaðinu í gær meinaði flugstjóri vél-
arinnar starfsmönnunum að fara
með farangurinn óskoðaðan um
borð. Talsmaður sendiráðsins sagði
starfsmennina hafa sýnt þeim til-
mælum skilning og ekki viljað tefja
flugið frekar og ákveðið að fara með
næstu vél daginn eftir til Íslands.
Ekki yrði um nein eftirmál að ræða
vegna þessa atviks af hálfu sendi-
ráðsins.
Reglu-
bundin ferð
með póst
Rússneska sendiráðið
♦ ♦ ♦