Morgunblaðið - 27.04.2002, Page 22

ERLENT
22 LAUGARDAGUR 27. APRÍL 2002 MORGUNBLAÐIÐ
FYRRVERANDI nemandi vopn-
aður skammbyssu og haglabyssu
varð sautján manns að bana og fyr-
irfór sér síðan í skóla fyrir nem-
endur á aldrinum 10–19 ára í borg-
inni Erfurt í Þýskalandi í gær. „Ég
ætla ekki að skrifa neitt,“ æpti mað-
urinn er hann ruddist inn og hóf síð-
an skothríð en nemendur voru í
prófi er hann framdi ódæðið.
Sex að auki særðust. Þetta er
blóðugasta ofbeldisverk sem framið
hefur verið í Þýskalandi í áratugi,
og það versta í Evrópu síðan í mars
1996 er andlega vanheill maður
skaut 16 nemendur og kennara
þeirra í Dunblane í Skotlandi, og
skaut síðan sjálfan sig. Fórn-
arlömbin í Erfurt voru fleiri en í
Columbine-framhaldsskólanum í
Bandaríkjunum í apríl 1999, þar
sem tveir nemendur myrtu 13
manns og frömdu síðan sjálfsmorð.
Talsmaður lögreglunnar, Man-
fred Etzel, sagði að byssumaðurinn
hefði farið inn í skólahúsið kl. 11 í
gærmorgun að staðartíma (klukkan
níu að íslenskum tíma) og skotið á
nemendur og kennara, einnig skaut
hann til bana 42 ára gamlan lög-
regluþjón sem var meðal þeirra er
héldu á staðinn en nemendur munu
margir hafa notað farsíma til að
hringja í lögreglu eða í foreldra
sína.
Um 750 nemendur voru í húsinu
er maðurinn hóf skothríðina, voru
þeir í stærðfræðiprófi. Að sögn BBC
féllu 15 þeirra sem dóu þegar á
fyrstu mínútunum en tvær klukku-
stundir liðu áður en lögreglan
komst í skotfæri við manninn sem
þá fyrirfór sér. Flestum nemend-
unum var fljótlega bjargað út úr
húsinu en um 180 komust ekki út
fyrr en yfir lauk. Þau fengu áfalla-
hjálp og voru mörg flutt á sjúkra-
hús.
„Hélt að þetta væri brandari“
Börnin í einni stofunni rituðu orð-
ið Hjálp á spjald sem þau límdu á
glugga og sást spjaldið í beinum
sjónvarpssendingum frá staðnum
meðan verið var að yfirbuga morð-
ingjann. Skelfingu lostnir nem-
endur, er sluppu út úr byggingunni,
kváðust hafa séð svartklæddan
mann hlaupa um gangana með
byssu. „Ég heyrði skothvell og hélt
að þetta væri brandari,“ sagði Mel-
anie Steinbrück, 13 ára. „En svo sá
ég kennara liggjandi dáinn á gang-
inum fyrir framan stofu 209 og
svartklæddan mann með byssu.“
„Hann var alveg svartklæddur –
hanskarnir, húfan, allt var svart,“
sagði Juliane Blank, 13 ára. „Hann
hlýtur að hafa náð að opna dyrnar
án þess að heyrðist í honum og fara
inn í skólastofuna. Við hlupum fram
á gang. Við vildum bara komast út.“
Þrettán þeirra sem létust voru
kennarar við skólann, einn var
skólaritari, tveir voru stúlkur úr
röðum nemenda en að áðurnefndum
lögreglumanni og morðingjanum
meðtöldum féllu 18 manns. Að sögn
lögreglu fundust lík þeirra á göng-
um, inni í skólastofum og inni á sal-
erni. Þegar sérsveitarmenn, sem
komu á staðinn í brynvörðum vagni
og voru klæddir skotheldum vest-
um, króuðu manninn loks af í einni
stofunni skaut hann sig til bana.
Brottrekinn nemandi í borginni Erfurt skaut 17 manns til bana og fyrirfór sér að því loknu
Reuters
Spjald með orðinu „Hilfe“, eða „hjálp“, sem börn límdu á glugga skóla-
stofu sinnar áður en lögreglunni tókst að yfirbuga árásarmanninn.
AP
Björgunarmenn bera stúlku nálægt Gutenberg-skólanum í þýsku borginni Erfurt eftir skotárás fyrrverandi
nemanda hans í gær. Er þetta blóðugasta ofbeldisverk sem framið hefur verið í Þýskalandi í áratugi.
Fjöldamorð í þýsk-
um framhaldsskóla
Reuters
Lögreglubílar við Gutenberg-skólann í Erfurt eftir blóðsúthellingarnar.
Erfurt. AP, AFP.
Nemendurnir
voru í prófi þegar
skothríðin hófst