Morgunblaðið - 28.04.2002, Qupperneq 2

Morgunblaðið/Jón Páll Ásgeirsson
Um 50 erlendir togarar eru nú að úthafskarfaveiðum á Reykjaneshrygg, rétt utan íslensku landhelginnar, og þar verður oft þröng á þingi.
ÚTHAFSKARFAVEIÐIN á
Reykjaneshrygg hefur farið mjög
vel af stað, skipin hafa fengið mjög
góðan afla síðustu vikuna og hafa
getað haldið uppi fullri vinnslu. Að
sögn Kristjáns Péturssonar, skip-
stjóra á Höfrungi III, hafði heldur
dregið úr aflabrögðunum á föstu-
dag, enda leiðindaveður á miðunum
og aðstæður gætu því breyst til
hins betra á svipstundu.
Íslenskum skipum er heimilt að
veiða samtals 45.000 tonn af úthafs-
karfa á þessu ári. Íslendingar
veiddu samtals um 42.473 tonn af
karfa í úthafinu á síðasta ári og
ætla má að útflutningsverðmæti
aflans hafi numið allt að 4 millj-
örðum króna. Alls voru 17 íslenskir
togarar að veiðum um 30 sjómílur
innan við 200 mílna landhelgislín-
una á föstudag. Þar var mjög góð
veiði alla síðustu viku, skipin að fá
allt upp í 50 tonn á sólarhring og
hafa því getað haldið uppi fullum af-
köstum í vinnslunni um borð.
„Skipin hafa verið að fá allt upp í
þrjú tonn á togtímann alla vikuna,
sem teljast verður mjög góður afli.
Hins vegar má segja sem svo að
það sé eðlilegt ástand á þessum árs-
tíma. Við höfum fengið mjög góðan
karfa, heldur betri en oft áður á
þessum slóðum. Þessa stundina er
hins vegar heldur daufara yfir veið-
unum, hér er fremur slæmt veður,
mikill straumur og þá er gjarnan
minna um að vera. En ástandið get-
ur breyst í einni svipan og vonandi
glæðist aflinn fljótlega aftur,“ sagði
Kristján Pétursson í samtali við
Morgunblaðið.
Flugvél Landhelgisgæslunnar fer
reglulega í eftirlitsflug yfir Reykja-
neshrygg og samkvæmt upplýsing-
um þaðan eru nú um 50 erlendir
togarar að veiðum við íslensku land-
helgislínuna.
Íslenskir togarar mokveiða úthafskarfa á Reykjaneshrygg
Aflinn nær að
halda uppi
fullri vinnslu
FRÉTTIR
2 SUNNUDAGUR 28. APRÍL 2002 MORGUNBLAÐIÐ
MARGIR sjúklingar þekkja og
neyta daglega lúpínuseyðis sem
Ævar Jóhannesson og kona hans
Kristbjörg Þórarinsdóttir fram-
leiða á heimili sínu í Kópavogi og
gefa krabbameinssjúklingum og
öðrum sem þjást af margvíslegum
meltingarfærasjúkdómum, æða-
þrengingum, of háu kólesteróli,
bólgum í blöðruhálskirtli og ýms-
um sjúkdómum í ónæmiskerfinu.
Að sögn Ævars telur fólk sig
hafa umtalsvert gagn af seyðinu
en talið er að blóð krabbameins-
sjúklinga verði betra og líkaminn
betur undir aðra lyfja- og geisla-
meðferð búinn hjá þeim sem nota
seyðið. Ævar notar rætur af lúp-
ínu í seyðið, auk tveggja tegunda
af hvönn, litunarmosa og njóla en
til að fullnægja eftirspurn nota
þau hjón um 6 kíló af rótum á dag.
Nýverið kom upp sú staða að
allur rótalagerinn var uppurinn,
en aðaluppskerutíminn er á haust-
in þegar rætur af 5–6 ára gömlum
plöntum eru plægðar upp á ökrum
Landgræðslu ríkisins á Suður-
landi. Mestöll tínslan er fram-
kvæmd af sjálfboðaliðum, m.a. fé-
lögum í Rótarýklúbbi Rangæinga
og starfsmönnum Landgræðsl-
unnar.
„Það sem skiptir sköpum í þessu
er framlag Landgræðslu ríkisins
sem leggur til aðstöðu og
mannafla til hreinsunar og pökk-
unar á rótunum. Þegar í ljós kom
að við vorum að verða stopp í
framleiðslunni fóru starfsmenn
Landgræðslunnar austur á Skóga-
sand og tíndu rætur til að tryggja
áframhaldandi framleiðslu og
ekki má gleyma börnunum á
Kirkjubæjarklaustri sem tíndu
fulla kerru af rótum. Starfsmenn
fræverkunarstöðvar Landgræðsl-
unnar hafa hreinsað, kurlað og
pakkað rótunum í 6 kílóa kassa,
en birgðirnar eru síðan fluttar í
frystigeymslu Eimskips í Hafn-
arfirði, þar sem ég nálgast þær
eftir þörfum,“ sagði Ævar sem
vildi koma þakklæti á framfæri til
allra sjálfboðaliða og starfsmanna
Landgræðslunnar sem hafa unnið
óeigingjarnt starf í þágu þeirra
fjölmörgu sjúklinga sem telja sig
eiga lúpínuseyðinu líf sitt að
launa.
Um sex hundruð manns nota lúpínuseyði daglega sér til heilsubótar
Margir leggja
hönd á plóg við
að útvega rætur
Morgunblaðið/Aðalheiður
Starfsmenn taka á móti lúpínurótum til vinnslu í fræverkunarstöðinni í
Gunnarsholti, f.v. Sigurður Óskarsson og Hjörtur Guðjónsson.
Hellu. Morgunblaðið.
Hunangs-
flugur
komnar
á kreik
VART hefur orðið við hunangs-
flugur að undanförnu á suð-
vesturhorni landsins, en hun-
angsflugur eru afar stundvísir
vorboðar og fara venjulega á
kreik um 20. apríl, að því er
fram kemur á vef Náttúru-
fræðistofnunar.
Þar kemur ennfremur fram
að það er húshumla, Bombus
lucorum, sem fer fyrst á kreik
þeirra þriggja hunangsflugna-
tegunda sem eru hér á landi.
Hún er jafnframt nýjasti land-
neminn hér á landi, en hún
fannst fyrst árið 1979 í Reykja-
vík og Heiðmörk. Síðan hefur
hún dreifst um landið.
Aðrar tegundir eru mó-
humla, Bombus jonellus, sem
er útbreidd á láglendi um land
allt og hefur auk þess fundist á
nokkrum stöðum á hálendinu.
Hún hefur að líkindum verið
hér á landi frá ómunatíð. Um og
upp úr miðri 20. öldinni barst
hingað síðan þriðja tegundin
sem kölluð er garðhumla, Bom-
bus hortorum. Henni vegnaði
vel framan af og náði töluverðri
útbreiðslu á Suðvesturlandi, en
hefur átt mjög erfitt uppdrátt-
ar síðustu tvo áratugina og er
nú því sem næst horfin.
Skjálftar í
Mýrdalsjökli
NOKKRIR jarðskjálftar urðu í
Mýrdalsjökli í gærmorgun milli
klukkan 7:18 og 7:21. Stærsti
skjálftinn var 3,3 á Richters-
kvarða. Ekki eru merki þess að
meira sé í vændum, segir Þór-
unn Skaftadóttir, jarðfræðing-
ur á jarðeðlissviði Veðurstofu
Íslands. Upptök skjálftanna
hafi verið í öskju jökulsins. Að
hennar sögn eru skjálftar á
þessu svæði ekki óvanalegir en
ekki er hægt að segja til um
hvað veldur. Ekkert bendir til
þess að órói sé undir jöklinum.
Ölvaður á
stolnum bíl
LÖGREGLAN á Húsavík hand-
tók í gærmorgun ökumann sem
sterklega var grunaður um ölv-
un við akstur. Við nánari eftir-
grennslan kom í ljós að ökumað-
urinn var ekki á eigin bíl heldur
hafði gripið hann traustataki
annars staðar í bænum.
Þegar eigandi bílsins hringdi
síðar til að tilkynna stuldinn
hafði lögreglan bílinn því undir
höndum. Að sögn lögreglu er
þetta í annað sinn sem bifreið er
stolið á Húsavík á árinu og í báð-
um tilfellum fann lögreglan bíl-
ana áður en eigendur voru búnir
að uppgötva hvarfið.
UPPSKERUHÁTÍÐ bráðgerra
barna var haldin í Réttarholtsskóla
í gær. Mátti þar sjá afrakstur
þeirra barna sem tekið hafa þátt í
verkefninu „Bráðger börn – verk-
efni við hæfi“ og sótt námskeið við
Háskóla Íslands.
Um er að ræða samstarfsverk-
efni Fræðslumiðstöðvar Reykjavík-
ur, Háskóla Íslands og foreldra-
samtakanna Heimilis og skóla. Er
þetta í annað sinn sem bráðgerum
börnum í grunnskólum er boðið
upp á námskeið af þessu tagi. Að
þessu sinni tóku 124 börn þátt í
námskeiðunum og voru þau úr
grunnskólum af öllu höfuðborg-
arsvæðinu.
Hér má sjá Geir Guðbrandsson
leggja lokahönd á verkefni svokall-
aðs jarðskjálftahóps en meðal þess
sem mátti berja augum á uppskeru-
hátíðinni var loftbelgur sem börnin
höfðu sjálf búið til. Þá var farið í
leiki auk þess sem foreldrar og
börn nutu veitinga í góðum hópi.
Uppskeruhátíð bráðgerra barna
Jarðskjálftar,
loftbelgur og leikir
Morgunblaðið/Sverrir