Morgunblaðið - 01.05.2002, Blaðsíða 2

Fylgstu
með
nýjustu
fréttum
www.mbl.isRóbert Julian Duranona
á leið til Spánar? / B1
Manchester United lá
fyrir Leverkusen / B3
4 SÍÐUR
Sérblöð í dag
FRÉTTIR
2 MIÐVIKUDAGUR 1. MAÍ 2002 MORGUNBLAÐIÐ
Morgunblaðinu
í dag fylgir aug-
lýsingablað frá
Z-Viðauka.
Blaðinu verður
dreift um allt
land.
EKKI er hægt að fá húsaleigubætur fyrir ein-
stakt herbergi sem er tekið á leigu, einungis eru
greiddar bætur vegna leigu á íbúð með sér eld-
húsi og baðherbergi. Séra Bjarni Karlsson, sókn-
arprestur í Laugarneskirkju, sagði á málþingi
um fátækt, sem haldið var í Hallgrímskirkju, að
þetta kerfi reyndist mörgum erfitt.
Ætlað að auka möguleika fólks á að búa
í mannsæmandi húsnæði
Ingi Valur Jóhannsson, deildarstjóri í félags-
málaráðuneytinu, segir að rökin fyrir því að
greiða ekki bætur vegna leigu herbergja hafi
verið mörg þegar húsaleigubótakerfinu var kom-
ið á árið 1995. „Markmiðið með húsaleigubót-
unum var að auka möguleika fólks á að búa í
mannsæmandi húsnæði og ef stjórnvöld færu að
setja upp styrktarkerfi miðað við að fólk byggi í
herbergiskytru og hefði ekki eldhús eða klósett
fyrir sig, væri verið að viðurkenna það ástand,“
segir Ingi Valur. Hann segir einnig að erfitt
hefði verið að hafa eftirlit með útleigu herbergja.
„Við leituðum að fyrirmyndum á Norðurlönd-
unum þegar við undirbjuggum þetta, þá var
þetta alls staðar með þeim hætti að einstök her-
bergi voru ekki inni í kerfinu.“
Ingi Valur segir að það hafi komið fyrir að
fólk hafi leitað til ráðuneytisins og óskað eftir að
bætur verði greiddar vegna leigu á herbergjum,
sérstaklega námsmenn. Ingi Valur segir að allar
athugasemdir sem berist ráðuneytinu séu teknar
til skoðunar en að engin tillaga um að breyta
kerfinu hafi verið sett fram.
Námsmenn í vandræðum
Jón Kjartansson, formaður Leigjendasamtak-
anna, segir að algengt leiguverð fyrir herbergi á
höfuðborgarsvæðinu sé um 20–30 þúsund krónur
á mánuði. Leigan geti farið niður í 15 þúsund
krónur en einnig séu dæmi um hærri leigu en 30
þúsund. Herbergin eru misjöfn, geta verið allt
frá um 7 fermetrum að flatarmáli upp í um 40
fermetra og er misjafnt hvað er innifalið í leig-
unni, þ.e. aðgangur að eldhúsi, baði, þvottahúsi
og annað slíkt. Jón segir að stundum séu her-
bergin inni í íbúðum, annars oft í kjallara eða
risi og jafnvel í bílskúr.
Hann segist telja algengara að karlmenn leigi
herbergi á þennan hátt en konur, þótt eitthvað
sé um að barnlausar konur leigi herbergi. Erfitt
sé að vera með börn í einu herbergi þar sem
engin er aðstaðan, en allt geti komið upp á þegar
fólk lendir í vandræðum. Hann segir að enginn
viti hversu margir leigi herbergi hér á landi, það
sé hvergi skráð og því sé ógerlegt að fylgjast
með því.
Jón segir að námsmenn sem taki í sameiningu
íbúð á leigu á almennum markaði hafi oft lent í
vandræðum vegna þessa kerfis. Einhverjir hafi
prófað að einhver einn skrái sig fyrir leigunni og
hinir séu skráðir sem heimilismenn. Þar sem
tekjur allra á heimilinu eru teknar með í reikn-
inginn við útreikning húsaleigubóta skerðast
tekjurnar gjarnan þegar margir búa saman. Jón
segir að húsaleigubætur geti verið allt að 12 þús-
und krónum fyrir einstakling sem býr einn.
Húsaleigubætur ekki greiddar vegna leigu einstakra herbergja
20–30 þúsund krónur al-
geng leiga fyrir herbergi
HÉRAÐSDÓMUR Reykjavíkur
vísaði í gær frá dómi máli Nátt-
úruverndarsamtaka Íslands og
nokkurra einstaklinga á hendur
umhverfisráðherra vegna úr-
skurðar ráðherra um Kára-
hnjúkavirkjun. Verður niður-
staða héraðsdóms kærð til
Hæstaréttar að sögn Árna Finns-
sonar, formanns Náttúruvernd-
arsamtaka Íslands. Það ræðst af
niðurstöðu dómsins hvort efnis-
leg niðurstaða fæst í málinu.
Ríkislögmaður krafðist þess að
máli stefnenda, Náttúruverndar-
samtaka Íslands, Atla Gísla-
sonar, Guðmundar Páls Ólafsson-
ar og Ólafs S. Andréssonar, á
hendur Sif Friðleifsdóttur um-
hverfisráðherra, vegna úrskurð-
ar hennar um Kárahnjúkavirkjun
frá 20. desember 2001, yrði vísað
frá dómi og tók rétturinn þá
kröfu til greina.
Hafa lögvarða
hagsmuni í málinu
Í úrskurðinum segir m.a. að
niðurstaða dómsins, stefnendum í
vil, kunni að leiða til þess að taka
þurfi matsferlið upp að nýju sem
geti leitt til breytinga á endan-
legum úrskurði um mat á um-
hverfisáhrifum. Með hliðsjón af
þessu verði að líta svo á að stefn-
endur hafi áfram lögvarinna
hagsmuna að gæta af því að bera
sakarefnið undir dómstóla þótt
Alþingi hafi samþykkt lög sem
heimila virkjunarframkvæmdir.
Kröfum eingöngu
beint að ríkinu
Ennfremur segir í úrskurðin-
um að stefnendur beini kröfum
sínum eingöngu að íslenska rík-
inu en ekki að Landsvirkjun og
öðrum þeim aðilum sem jafn-
framt kærðu úrskurð Skipulags-
stofnunar til umhverfisráðherra
og áttu því aðild að stjórnsýslu-
málinu á kærustigi.
Með vísan til þeirra ótvíræðu
hagsmuna sem Landsvirkjun og
aðrir þeir sem kærðu úrskurð
Skipulagsstofnunar hafa af úr-
lausn málsins og dómafordæma
Hæstaréttar var óhjákvæmilegt
að stefnendur beindu kröfum
sínum jafnframt að þessum að-
ilum, en að því var ekki gætt við
höfðun málsins.
Sigurður Tómas Magnússon
héraðsdómari kvað upp úrskurð-
inn ásamt meðdómendunum og
héraðsdómurunum Gretu Bald-
ursdóttur og Þorgeiri Inga
Njálssyni.
Mál Náttúruverndarsamtaka
Íslands gegn ríkinu vegna úr-
skurðar um Kárahnjúkavirkjun
Málinu vís-
að frá dómi
SEXTÁN kínverskir ferðamenn, sem
hugðust koma hingað til lands í vik-
unni á vegum kínversku ferðaskrif-
stofunnar „Iceland Commerce and
Tourist Bureau“, hafa hætt við för
sína hingað til lands sökum þess að
ljóst var að þeir fengju ekki vega-
bréfsáritanir í tíma, að sögn Ólafs Eg-
ilssonar, sendiherra Íslands í Kína.
Á morgun hefst vikulangt frí í Kína
og segir Ólafur að mennirnir hafi ætl-
að að nota það til ferðalagsins. Í gær-
kvöld var ætlunin að þeir færu með
Finnair til Helsinki og þaðan til Ís-
lands um Frankfurt. Þar sem vega-
bréfsáritanir lágu ekki fyrir varð ekk-
ert af því. Kínverskt fyrirtæki sem
hafði bókað mennina í ferðina hafði
samband við ferðaskrifstofuna í gær
og afpantaði ferðina. Tveir 18 manna
hópar eru einnig væntanlegir á veg-
um sömu ferðaskrifstofu en Ólafur
hafði ekki fengið fregnir af því hvort
ferðaáætlanir þeirra hefðu breyst.
Georg Kr. Lárusson, forstjóri Út-
lendingaeftirlitsins, fékk þær fregnir
í gær, að aðalræðisskrifstofa Dana í
Guangzhou hefði móttekið vegabréfs-
umsóknir fyrir 16 manns. Enn vant-
aði þó upplýsingar um nokkra en mið-
að væri við að upplýsingaöflun yrði
lokið fyrir helgi. Þar sem aðalræðis-
skrifstofan er ekki tengd við upplýs-
ingakerfi Schengen þarf að senda um-
sóknirnar með pósti til Kaupmanna-
hafnar og þaðan til Útlendinga-
eftirlitsins. Ekki er búist við að þær
berist fyrr en í næstu viku og segir
Georg að fyrr sé ekki hægt að taka af-
stöðu til umsóknanna.
Sextán
Kínverjar
hættir við
FRAMKVÆMDIR eru að hefj-
ast við brúna yfir Tjörnina í
Reykjavík, en hún er á Skot-
húsvegi. Að sögn Sigurðar
Skarphéðinssonar gatna-
málastjóra er brúin orðin veik-
burða og þarfnast endurbóta
eins og öll gömul mannvirki.
Hann segir að ætlunin sé að
byggja brúna í upphaflegri
mynd. Ekki er ljóst hvort mikl-
ar truflanir verða á umferð um
Skothúsveg meðan á fram-
kvæmdum stendur, a.m.k. verð-
ur umferð með eðlilegum hætti
til að byrja með.
Morgunblaðið/Golli
Brúin yfir Tjörnina í
Reykjavík endurbyggð