Morgunblaðið - 07.05.2002, Síða 20

VIÐSKIPTI/ATHAFNALÍF
20 ÞRIÐJUDAGUR 7. MAÍ 2002 MORGUNBLAÐIÐ
R
Nánari uppl‡singar hjá sölumönnum
EJS e›a á www.ejs.is
Dell PowerEdge 4600 netfljónn
1-2 Xeon örgjörvar 1,8 til 2,2GHz
Me› 400MHz minnisbraut
Allt a› 12GB High Speed DDR minni
6 x PCI-X raufar, n‡r sta›all
Gigabit netkort á mó›urbor›i
f
a
s
t
la
n
d
-
8
0
7
2
-
3
0
0
4
0
2
Skv. IDC seldust Dell netfljónar mest allra netfljóna
í Bandaríkjunum á sí›asta ári.
S É R S N I ‹ N A R L A U S N I R O G F Y R I R T Æ K J A R Á ‹ G J Ö F + I S O 9 0 0 1 V O T T A ‹ G Æ ‹ A K E R F I + H A F ‹ U S A M B A N D Í S Í M A 5 6 3 3 0 0 0 + W W W . E J S . I S
Dell PowerEdge 4600 er fyrstur í rö›inni af n‡rri kynsló› netfljóna
me› tveimur Xeon örgjörvum frá Intel og afköstum sem hinga› til
hafa a›eins fengist í stærri og d‡rari netfljónum.
Sá fyrsti af n‡rri kynsló›
SKÝRSLA hnattvæðingarnefndar,
sem er nefnd sem utanríkisráðherra
skipaði í nóvember í fyrra, var lögð
fram í gær. Halldór Ásgrímsson ut-
anríkisráðherra sagði að skýrslan
staðfesti að Íslendingum hefði farn-
ast vel í alþjóðavæddum heimi. Útrás
í ýmsum atvinnugreinum hefði geng-
ið vel, bæði í sjávarútvegi og upplýs-
ingaiðnaði. Þessi útrás og þátttaka í
alþjóðavæðingunni sagði hann að
krefðist ákveðins ramma eða skil-
yrða, bæði á alþjóðavettvangi og
innanlands. Þennan ramma sagði
Halldór meðal annars að finna í
samningnum um evrópska efnahags-
svæðið, í þátttöku Íslands í ýmis kon-
ar fríverslunarsamningum, í samn-
ingum um fjárfestingar, tvísköttun og
fleira.
Nauðsynlegt að varðveita
sveigjanlegan vinnumarkað
Þórður Friðjónsson, forstjóri
Verðbréfaþings og formaður nefnd-
arinnar, gerði grein fyrir helstu nið-
urstöðum skýrslunnar. Í skýrslunni
eru dregnir saman þættir um innviði
þjóðarbúskaparins og viðbúnað Ís-
lendinga til að taka þátt í hnattvæð-
ingunni. Fjallað er um kröfur til efna-
hagsstefnu í síopnara hagkerfi með
sjálfstæðan gjaldmiðil, auk þess sem
rædd eru meginatriði aðildar að Evr-
ópusambandinu.
Í skýrslunni er lögð áhersla á mik-
ilvægi markaðsbúskapar og sam-
keppni, góðrar menntunar og nátt-
úruauðlinda Íslendinga. Fjallað er
um að skattar hafi verið lækkaðir á
fyrirtæki hér en að jaðarskattlagning
á einstaklinga sé há og geti torveldað
staðsetningu starfsemi hér á landi
sem reiðir sig á hámenntað starfsfólk.
Þá segir að vinnumarkaður hér á
landi sé sveigjanlegur og að þann
sveigjanleika sé nauðsynlegt að varð-
veita. Loks segir að öflugir fjármála-
markaðir séu snar þáttur í þróttmiklu
hagkerfi og að þeir þurfi enn að eflast
hér á landi. Sömu sögu er að segja um
stofnanir sem vinna að því að stuðla
að útflutningi og erlendri fjárfest-
ingu, þær telur nefndin að þurfi að
efla.
Nefndin segir hnattvæðingu gera
miklar kröfur til hagstjórnar og segir
að eigi krónan að verða gjaldmiðill
landsmanna um langa framtíð sé
lækkun erlendra skulda sérlega mik-
ilvæg. Þá telur hún að sjálfstæður
gjaldmiðill leiði til þess að vaxtastig
hér á landi verði töluvert hærra en í
helstu viðskiptalöndum okkar og að
fjárfesting verði minni. Af þessu megi
sjá að töluverður kostnaður fylgi því
að reka sjálfstæðan gjaldmiðil í litlu
hagkerfi.
Óvíst að EES-samningurinn
sé fullnægjandi til lengdar
Nefndin kemst að þeirri niðurstöðu
að þótt samningurinn um Evrópska
efnahagssvæðið tryggi í mörgum at-
riðum samskipti Íslendinga við Evr-
ópusambandið hvað varði viðskipti
með vörur, þjónustu, fjármagn og
vinnuafl, sé óvíst að samningurinn sé
fullnægjandi umgjörð um samskiptin
til lengri tíma. Í kynningu sinni sagði
Þórður að sameiginleg sjávarútvegs-
stefna Evrópusambandsins og ólíkar
hagsveiflur í Evrópu og hér á landi
hafi þótt helsta fyrirstaða þess að Ís-
land gæti sótt um aðild að samband-
inu. Þetta þurfi hins vegar ekki endi-
lega að koma í veg fyrir aðild.
Undanfarið hafi verið bent á að
hugsanlega gætum við sagt okkur
undir hina sameiginlegu sjávarút-
vegsstefnu án þess að missa stjórn á
fiskimiðunum kringum landið. Einnig
segir nefndin að þrátt fyrir að með
aðild Íslands að Evrópusambandinu
og upptöku evru sem framtíðargjald-
miðils sé vafalítið hægt að ná miklum
árangri til sveiflujöfnunar með skyn-
samlegum ríkisfjármálaaðgerðum og
þeim sveigjanleika sem einkenni ís-
lenskan vinnumarkað. Þess vegna
þurfi sú staðreynd, að stjórntæki
vaxta og gengis tapast við aðild, ekki
að útiloka aðild að sambandinu og
sameiginlegri mynt.
Aðild að evru gæti sparað
15 milljarða króna á ári í vexti
Nefndin telur að meginbreytingin
sem fylgdi upptöku evrunnar yrði að
álag á innlenda vexti myndi hverfa og
vaxtakostnaður hér á landi því
minnka. Lauslega áætlað gætu raun-
vextir á innlendum skuldabréfum
lækkað um 1,5–2 prósentustig við
upptöku evru miðað við það sem þeir
hafi verið á undanförnum árum. Slík
lækkun vaxta myndi lækka vaxta-
greiðslur heimila og atvinnuvega til
lánakerfisins um 15 milljarða króna.
Nefndin telur að nauðsynlegt sé að
vinna skipulega að rannsókn á kost-
um og göllum aðildar Íslands að Evr-
ópusambandinu og telur að breyting-
ar sem séu í sjónmáli á næstu árum
muni auka væntanlegan ávinning af
inngöngu. Hér komi einkum tvennt
til. Breytingar verði á aðgengi Ís-
lands að mörkuðum þeirra ríkja sem
gangi í sambandið og stækkun mynt-
bandalagsins verði einnig til þess að
mjög stór hluti utanríkisviðskipta
verði við ríki innan þess.
Auk Þórðar Friðjónssonar for-
manns skipuðu nefndina Ari Edwald,
framkvæmdastjóri Samtaka atvinnu-
lífsins, Grétar Már Sigurðsson, skrif-
stofustjóri í utanríkisráðuneyti, Guð-
brandur Sigurðsson, forstjóri
Útgerðarfélags Akureyringa, Gylfi
Arnbjörnsson, framkvæmdastjóri Al-
þýðusambands Íslands, Páll Sigur-
jónsson, formaður stjórnar Útflutn-
ingsráðs, Rannveig Rist, forstjóri
Íslenska álfélagsins, Runólfur Smári
Steinþórsson, dósent við Háskóla Ís-
lands, og Sigurður Einarsson, for-
stjóri Kaupþings.
Skýrsla nefndar utanríkisráðherra um hnattvæðingu með sérstöku tilliti til evrunnar
Nauðsynlegt
að kanna
aðild að ESB
Morgunblaðið/Kristinn
Utanríkisráðherra ásamt hluta nefndarmanna hnattvæðingarnefndar.
irfara skipið og uppfylla íslenzk
lög og reglugerðir sem ná yfir
skipin en að því loknu verður
haldið til síldveiða. Því miður höf-
um við engan kolmunnakvóta, en
dæmið lítur engur að síður vel út
og ég er bjartsýnn á að þetta
gangi allt upp,“ segir Ingimundur.
NÝR Svanur RE 45 er kominn til
heimahafnar í Reykjavík. Skipið
var smíðað í Noregi 1988 og leysir
af hólmi eldra skip með sama
nafni.
Ingimundur Ingimundarson,
framkvæmdastjóri útgerðarinnar,
segist ánægður með nýja skipið
sem er nokkuð stærra og afkasta-
meira en hið gamla.
Skipið verður með tæplega 2%
af loðnukvótanum, einn síldar-
kvóta, leyfi til veiða á norsk-
íslenzku síldinni, líklega um 2.200
tonn á komandi vertíð og dálítinn
rækjukvóta, sem verður skipt á
fyrir síld. „Við þurfum að láta yf-
Skipið er 60,2 metrar að lengd
og 11 metra breitt. Aðalvél er
3.060 hestöfl og það er búið til
veiða bæði í nót og flottroll. Í
skipinu er búnaður til heilfryst-
ingar á loðnu og síld og hægt er
að vera með aflann í sjókælingu í
lestum. Sé verið að fiska í bræðslu
er burðargetan um 1.150 tonn, en
nokkru minni, þegar fiskað er til
manneldisvinnslu. Skipið kostar
um hálfan milljarð króna og
stefnt er að því að selja gamla
skipið án veiðiheimilda. Skipstjóri
á nýja skipinu verður Gunnar
Gunnarsson, en hann var með
gamla Svaninn.
Morgunblaðið/Jón Páll Ásgeirsson
Svanur RE 45 heldur brátt til síldveiða en hann var keyptur frá Noregi og er nýkominn til heimahafnar í Reykjavík.
Nýr Svanur
til Reykja-
víkur