Morgunblaðið - 08.05.2002, Blaðsíða 16

HÖFUÐBORGARSVÆÐIÐ
16 MIÐVIKUDAGUR 8. MAÍ 2002 MORGUNBLAÐIÐ
UNGIR sem aldnir tóku
þátt í hverfaþingi sem
Reykjavíkurborg stóð fyr-
ir í Vesturbæ á fimmtu-
dagskvöld. Þingið var lið-
ur í því að efla samráð við
almenning en á því var
leitað eftir hugmyndum
þátttakenda um það
hvernig efla mætti lífs-
gæði í Vesturbæ.
Á þinginu mynduðu íbú-
ar og aðrir sem láta
hverfið sig varða vinnu-
hópa þar sem unnið var
með þemu á borð við
mannlífið, samskipti og
félagslíf, öryggi, menn-
ingu, fræðslumál, skipu-
lagsmál, íþróttir og um-
hverfið svo eitthvað sé
nefnt. Við þessa vinnu
voru notaðar aðferðir sem
tryggja eiga að allir komi
sjónarmiðum sínum á
framfæri, að því er fram
kemur í fréttatilkynningu
frá borginni.
Niðurstöðurnar verða
svo kynntar á fundi í
hverfinu, í Vesturbæj-
arblaðinu og á Reykjavik.-
is. Fundarstaður og tími
verður auglýstur síðar.
Morgunblaðið/Golli
Vesturbær
Íbúar
móta sér
stefnu
BYGGING 1.250 fermetra
reiðskemmu við Hattarvelli í
Garðabæ er hafin en fyrsta
skóflustungan að skemmunni
var tekin á mánudag. Við
sama tækifæri undirrituðu
fulltrúar Garðabæjar og
hestamannafélagsins And-
vara samning um byggingu
skemmunnar.
Húsið mun rísa sunnan við
félagsheimili Andvara. Að
sögn Hannesar Hjartarson-
ar, sem situr í stjórn And-
vara, er byggingarkostnaður
áætlaður rúmar 37 milljónir
króna en samkvæmt samn-
ingnum fjármagnar Garða-
bær 70 prósent af kostnaðin-
um á næstu sex árum.
Eftirstandandi hlut mun
Andvari standa straum af
ásamt velunnurum félagsins.
Gert er ráð fyrir að stofnað
verði einkahlutafélag um
rekstur reiðskemmunnar
sem mun veita þeim einstak-
lingum sem kaupa sér hlut
forgang að tímum í skemm-
unni en til stendur að selja
mönnum fastan tíma í hverri
viku frá fyrsta janúar og út
apríl. „Við ætlum að reyna að
selja 40 hluti,“ segir Hannes.
„Hver hlutur gefur síðanfor-
gang að einum tíma í viku og
30% lægra tímaverð. Þannig
höfum við hugsað að fjár-
magna þetta og tryggja
reksturinn í leiðinni.“
Hann segir þetta einnig
gert til að tryggja að skemm-
an nýtist fyrst og fremst fyr-
ir hestamenn. „Það hefur
viljað brenna við í öðrum
hestafélögum að til þess að
fjármagna reksturinn hafi
skemmurnar verið leigðar út
undir knattspyrnu og aðrar
íþróttir sem hefur þá hamlað
því að hestamenn komist að.
En þarna á þetta eingöngu
að vera fyrir hestamenn
þessa fjóra mánuði, frá ára-
mótum og fram í maí meðan
hestar eru á húsi. Svo nýta
menn þetta fyrir reiðskóla á
sumrin en haustin verða síð-
an opin fyrir annarri notkun
ef áhugi er fyrir hendi.“
Að sögn Hannesar mun
skemman gjörbylta aðstöðu
hestamanna í Garðabæ en
Andvari telur rúmlega 500
félagsmenn. „Við erum eina
félagið á höfuðborgarsvæðinu
sem ekki hefur haft aðgang
að reiðskemmu en það er
nauðsynlegt með tilliti til
þjálfunar, keppni á hestum
og kennslu.“
Gert er ráð fyrir að reið-
skemman verði tilbúin í sept-
ember en Stálbær ehf. sér
um byggingu hússins. Hönn-
un skemmunnar var í hönd-
um Sveins Pálmasonar hjá
Stálbæ og Guðmundar Gunn-
arssonar verkfræðings.
Bygging hafin á 1.250
fermetra reiðskemmu
  !  "

    
#$%&'%
 

()


 



 





 
 


Garðabær
FJÖLDI lögreglumanna í
Kópavogi er ekki í samræmi
við fólksfjölda í byggðarlag-
inu og er ástand löggæslu-
mála þar óviðunandi. Þetta
kemur fram í ályktun
Landssambands lögreglu-
manna sem bæjarráð hefur
móttekið.
Ályktunin var samþykkt á
24. þingi sambandsins sem
haldið var í Munaðarnesi í
apríl. Segir í ályktuninni að
þingið telji „núverandi
ástand löggæslumála í
Kópavogi óviðunandi þar
sem fjöldi lögreglumanna er
engan veginn í samræmi við
þá miklu fólksfjölgun sem
orðið hefur í byggðarlaginu,
fjölgun ökutækja og út-
þenslu bæjarfélagsins“.
Þá kemur fram að árið
1984 hafi verið 632,43 íbúar
á bak við hvern lögreglu-
mann í Kópavogi, en árið
2000 hafi fjöldi íbúa á bak
við hvern lögreglumann ver-
ið kominn í 871,37. Síðan þá
hafi íbúum enn fjölgað.
Ítrekað óskað eftir
fjölgun í lögregluliði
Í bókun sinni á fundinum
þar sem ályktunin var tekin
fyrir tók bæjarráð undir
hana og segir Sigurður
Geirdal bæjarstjóri bæjaryf-
irvöld hafa annað slagið sent
dómsmálaráðuneytinu bréf
þar sem óskað hafi verið eft-
ir fjölgun í lögregluliði bæj-
arins. Þessar bréfaskriftir
hafi þó lítinn árangur borið
enn sem komið er.
Hann segir bæjarbúa þó
ekki verða mikið vara við að
jafn fáum löggæslumönnum
sé til að dreifa og raun ber
vitni. „Þetta er svo rólegur
bær þannig að maður verð-
ur lítið var við þetta. Hins
vegar er kvartað undan því
að það séu ekki nógu margir
á vöktum. Það er staðreynd
sem allir vita að við erum
með næstum tvöfalda íbúa-
tölu á bak við hvern lög-
regluþjón miðað við suma
nágranna okkar. Og auðvit-
að kallar öll þessi uppbygg-
ing á aukna gæslu.“
Löggæslan eigi heima
hjá sveitarfélögunum
Aðspurður segist hann al-
mennt vera fylgjandi því að
fleiri þjónustuþættir flytjist
frá ríki til sveitarfélaganna.
„Maður hefur verið að tala
um þessa nærþjónustu á
borð við þjónustu við fatlaða
og heilsugæsluna og annað
slíkt og lögreglan er auðvit-
að eitt af því. Ég hef alltaf
verið þeirrar skoðunar að
þessi venjulegu lögreglu-
störf, sem eru þjónusta við
íbúana, eigi heima hjá sveit-
arfélögunum en svo geti
verið ríkislögregla sem sæi
um vegalöggæslu o.þ.h. eins
og var hér áður fyrr.“
Ekki náðist í dómsmála-
ráðherra vegna málsins en
Björn Friðfinnsson, ráðu-
neytisstjóri í dómsmálaráðu-
neytinu, segist vænta þess
að fjölgun verði í lögreglu-
liði Kópavogs. Hins vegar
hafi ekki verið teknar nein-
ar ákvarðanir þar að lútandi
þar sem þær séu háðar fjár-
lagagerð á hausti komanda.
Hann segir ljóst að Kópa-
vogur hafi breyst mikið
hvað varðar löggæsluþörf.
„Svona svefnbæir, eins og
bæirnir í kringum Reykja-
vík hafa verið, eru ekki með
sömu þörf fyrir löggæslu og
í Reykjavík þar sem menn
koma saman á vissum stöð-
um. Hins vegar er þetta að
breytast í Kópavogi því þar
eru að koma slíkir staðir og
okkur er alveg ljóst að það
þurfi fjölgun þar. En við
verðum að bíða eftir fjár-
veitingum og möguleikum til
þess að koma því í fram-
kvæmd.“
Óviðunandi
ástand lög-
gæslumála
í bænum
Kópavogur
Bæjarráð sammála ályktun
Landssambands lögreglumanna
HÁMARKSHRAÐI í Ártúns-
brekkunni verður hækkaður í
80 kílómetra á klukkustund og
hraðamyndavél, sem sinnir
viðvarandi eftirliti, verður
komið fyrir í brekkunni. Borg-
arráð staðfesti í gær samþykkt
samgöngunefndar þar að lút-
andi.
Breytingarnar, sem sam-
þykktar hafa verið, taka til
nokkurra vega í Reykjavík en
Vegagerðin hefur tekið hraða-
takmörk fjölda vega á höfuð-
borgarsvæðinu til endurskoð-
unar og gert tillögur um ný
hraðamörk. Segir í greinar-
gerð með tillögunum að þær
eigi að stuðla sem best að ör-
yggi vegfarenda. Eins eigi til-
lögurnar að miða að því að
gera lögregluyfirvöldum kleift
að rækja árangursríkt eftirlit
með hraðakstri. Þá eiga þær
að stuðla að samræmi varð-
andi leyfðan hraða á öllu höf-
uðborgarsvæðinu.
Kannað með hækkun
í 90 kílómetra síðar
Hækkun hámarkshraða í
Ártúnsbrekkunni tekur til
Vesturlandsvegar til gatna-
móta Suðurlandsvegar og seg-
ir í greinargerðinni að á þess-
um vegarkafla sé leyfður hraði
óeðlilega lágur. Ökumenn virði
ekki hraðamörkin og sé ekið á
80-100 kílómetra hraða.
„Lögreglan virðist ekki geta
haldið hraðanum innan leyfðra
marka. Þessi vegarkafli er
örugglega besti vegarkafli
landsins hvað varðar umferð-
aröryggi og það skynja öku-
menn. 80 km leyfður hraði
virðist vera hæfilegur þar sem
ekki er um langan kafla að
ræða.“ Þá segir í greinargerð-
inni að skoða beri möguleikann
á að hækka leyfðan hraða í 90
km þegar samskonar vegur
hefur verið byggður að Mos-
fellsbæ.
Breytingarnar gera enn
fremur ráð fyrir að hraðamörk
á Vesturlandsvegi að bæjar-
mörkum Mosfellsbæjar verði
samræmd í 80 kílómetra
hraða. Felur það í sér að há-
markshraði verður hækkaður
úr 70 kílómetrum á vegarkafl-
anum frá Suðurlandsvegi að
Víkurvegi og lækkaður úr 90
kílómetrum frá Víkurvegi að
bæjarmörkunum. Undantekn-
ingin er gatnamót Vestur-
landsvegar og Víkurvegar þar
sem samþykktur var 70 kíló-
metra hámarkshraði enda
leggur Vegagerðin til þá al-
mennu reglu að ekki verði
leyfður hærri hraði á ljósa-
stýrðum gatnamótum en 70
kílómetrar.
Lækkað við Úlfarsfell
og á Hafravatnsvegi
Þá var samþykkt að hækka
hraðamörk á Kringlumýrar-
braut frá Listabraut að bæj-
armörkum Kópavogs í 80 kíló-
metra og sömuleiðis á
Suðurlandsvegi frá Vestur-
landsvegi að Breiðholtsbraut.
Á Suðurlandsvegi austur fyrir
Hafravatnsveg var hins vegar
samþykkt að lækka hámarks-
hraðann úr 90 kílómetra hraða
í 80 kílómetra.
Loks var samþykkt að
lækka hámarkshraða á Úlfars-
fellsvegi meðfram Úlfarsfelli
úr 80 kílómetrum á klukku-
stund í 70 kílómetra og sömu-
leiðis að lækka hámarkshraða
á Heiðmerkurvegi úr 80 kíló-
metra hraða í 60 kílómetra.
Samfara tillögunum skoðaði
Vegagerðin merkingar á leyfð-
um hraða og leiddi sú könnun í
ljós að merkingar eru mjög
mismunandi og ekki er gætt
samræmis. Þá vantar merk-
ingar á sumum stöðum. Er
lagt til að gerðar verði reglur
um skilti sem tilgreini leyfðan
hraða og gildi fyrir allt höfuð-
borgarsvæðið.
Breytingar á hraða-
takmörkunum
Reykjavík