Morgunblaðið - 26.11.2002, Síða 12

FRÉTTIR
12 ÞRIÐJUDAGUR 26. NÓVEMBER 2002 MORGUNBLAÐIÐ
EKKERT hefur komið fram í rann-
sókn lögreglu og framburði Ástþórs
Magnússonar, sem styður að grunur
hans um að ráðist verði gegn ís-
lenskri flugvél með flugráni eða
sprengjutilræði, sé rökstuddur.
Þetta segir Jón H.B. Snorrason, sak-
sóknari hjá Ríkislögreglustjóranum,
sem stjórnar rannsókninni. Ástþór
var handtekinn aðfaranótt laugar-
dags og húsleit gerð heima hjá hon-
um í kjölfar þess að hann sendi m.a.
stjórnvöldum og fjölmiðlum tölvu-
póst þar sem hann sagði samtökin
Frið 2000 hafa rökstuddan grun um
að slík árás væri í uppsiglingu.
Ástþór hefur verið úrskurðaður í
gæsluvarðhald til föstudags og er á
Litla-Hrauni. Hann hefur kært úr-
skurðinn til Hæstaréttar. Í bréfinu
segir m.a. að „við vitum“ ekki hvort
árásin muni beinast gegn almennu
flugi Icelandair eða Atlanta eða báð-
um flugfélögunum. Tilræðið muni
koma sem svar við þeim ráðagerðum
ríkisstjórnarinnar að nota borgara-
legar flugvélar íslenska flugflotans
til flutninga á hergögnum eða her-
mönnum fyrir NATO í ólögmætu
stríði gegn Írak. Rétt sé að vara al-
menning við að ferðast með þessum
flugfélögum á næstu dögum og vik-
um.
Jón segir að rannsókn málsins
gangi ágætlega, alls vinni rúmlega
tugur lögreglumanna í málinu. Efni
bréfsins og framsetning þess sé á
þann hátt að það geti ekki verið
mönnum refsilaust að senda slíkan
póst, innihaldið valdi ótta og óöryggi
fyrir flugsamgöngur. Slík brot teljist
mjög alvarleg.
Talinn brotlegur við fjórar
greinar hegningarlaga
Talið er að háttsemi Ástþórs varði
við ákvæði almennra hegningarlaga
og koma þá til skoðunar fern ákvæði,
þ. á m. 100. grein sem var bætt inn í
almenn hegningarlög með laga-
breytingu á Alþingi í vor. Sam-
kvæmt henni varðar það refsingu að
skapa ótta um hryðjuverk eða yfir-
vofandi hryðjuverk.
Þá er einnig byggt á 120. grein
sem segir að veiti maður vísvitandi
rangar upplýsingar eða láti uppi vís-
vitandi rangar tilkynningar, sem séu
fallnar til að vekja ótta um líf, heil-
brigði eða velferð manna, um atriði
er varða loftöryggi eða öryggi í flug-
höfn, varði það sektum eða allt að
þriggja ára fangelsi.
168. grein kveður á um að það geti
varðað sektum eða allt að eins árs
fangelsi raski maður öryggi farar-
eða flutningatækja og loks er stuðst
við 233. grein sem segir að hver sá
sem hafi í frammi hótun um að
fremja refsiverðan verknað sem sé
til þess fallinn að vekja öðrum ótta
um líf, heilbrigði eða velferð sína
varði sektum eða allt að tveggja ára
fangelsi.
Þótti lögreglu nauðsynlegt að Ást-
þór væri úrskurðaður í gæsluvarð-
hald. Héraðsdómari úrskurðaði Ást-
þór í viku gæsluvarðhald á
laugardagskvöld til síðdegis næst-
komandi föstudag. Úrskurðurinn
var kærður til Hæstaréttar.
Rannsóknin beinist, að sögn Jóns,
einkum að því á hverju Ástþór byggi
bréfið, sem hann sendi frá sér á
föstudag, hvernig þessi sending varð
til og hverjir stóðu að henni. „Fram
hefur komið að það er ekkert sem
styður þennan rökstudda grun [sem
Ástþór nefnir í bréfinu]. Engar
ástæður og ekkert tilefni er til þess-
ara hugmynda sem hann telur rök-
studdar,“ segir Jón.
Verið er að rannsaka hvort aðrir
einstaklingar tengjast bréfsending-
unni. Þegar húsleit var gerð á heimili
Ástþórs og í höfuðstöðvum Friðar
2000 voru tölva og ýmis önnur gögn
gerð upptæk og rannsakar lögregla
þau einnig.
Ástþór Magnússon úskurðaður í gæsluvarðhald vegna
póstsendingar um yfirvofandi hættu í flugsamgöngum
Ekkert styður að um rök-
studdan grun sé að ræða
SIGRÍÐUR Erla Sig-
urbjörnsdóttir kenn-
ari lést á Landspítal-
anum við Hringbraut
sunnudaginn 24. nóv-
ember, 61 árs að aldri.
Foreldrar Sigríðar
Erlu voru Sigurbjörn
Ásbjörnsson mat-
sveinn og Margrét
Guðjónsdóttir en Sig-
ríður Erla var fædd í
Reykjavík 22. febrúar
1941. Hún lauk versl-
unarprófi frá Verslun-
arskóla Íslands 1959,
stúdentsprófi úr öld-
ungadeild MH 1977 og kennara-
prófi frá Kennaraháskóla Íslands
1980.
Sigríður Erla sótti ýmis kenn-
aranámskeið hérlendis og erlendis.
Árið 2000 stundaði hún framhalds-
nám við University of Central Flo-
rida í Orlando í Bandaríkjunum og
lagði stund á lesþjálfun og kennslu
nemenda sem eiga í les- og rit-
unarerfiðleikum, en hún átti stutt í
að ljúka mastersnámi, þegar hún
lést. Sigríður Erla kenndi íslensku
og stærðfræði um árabil en hún
var kennari við Ölduselsskóla 1980
til 1989, við Fjöl-
brautaskóla Suður-
nesja 1989 til 1990 og
við Hagaskóla frá
1990.
Félagsmál voru of-
arlega í huga Sigríðar
Erlu. Hún var í stjórn
Bandalags kvenna í
Reykjavík, í stjórn
Sambands íslenskra
háskólakvenna, í or-
lofsnefnd Bandalags
kvenna, í stjórn og
formaður Svalanna, í
stjórn Delta Kappa
Gamma og UNICEF
á Íslandi.
Hún lét einnig íþróttir til sín
taka. Sigríður Erla stundaði sund
frá unga aldri og átti m.a. Norð-
urlandamet í flugsundi. Hún var í
Sundfélaginu Ægi og keppti á
mörgum mótum fyrir hönd Ís-
lands. Hún lagði einnig stund á
fimleika og sýndi fimleika opinber-
lega.
Eftirlifandi eiginmaður Sigríðar
Erlu er Vilhjálmur Auðun Þórð-
arson, flugstjóri hjá Flugleiðum,
og eignuðust þau þrjú börn og eru
barnabörn þeirra orðin þrjú.
Andlát
SIGRÍÐUR ERLA
SIGURBJÖRNS-
DÓTTIR
listaverð frá framleiðendum hefur
lækkað um að minnsta kosti 20%.
Almennt séð hefur jólasteikin
lækkað um 25–30% að mínu mati.
Um næstu helgi ætlum við til að
mynda að bjóða 40% afslátt af úr-
beinuðum hamborgarhrygg frá
Ferskum kjötvörum,“ segir Guð-
mundur.
Sigurður Gunnar Markússon,
JÓLASTEIKIN er þriðjungi ódýr-
ari í ár en í fyrra, að sögn mat-
vörukaupmanna. Telja sumir 30–
40% ódýrara að kaupa í jólamat-
inn um þessar mundir. Kalkúnn
var auglýstur á 499 krónur kílóið í
Fjarðarkaupum um síðustu helgi
og segir Gísli Sigurbergsson verð-
lagsstjóri að átta tonn af kalkúni
hafi selst í versluninni fyrir vikið.
„Offramleiðsla á kjöti hefur leitt
til lægra verðs. Við höfum heyrt af
framleiðendum á svínakjöti, sem
ekki koma sinni vöru að í versl-
unum og selja í heimasölu. Heyrst
hefur að þeir fari með tilboðsblöð í
fyrirtæki,“ segir hann.
Matarinnkaup fyrir jólin eru
30–40% hagkvæmari í ár en í
fyrra, ef rétt er á málum haldið,
segir Elías Þór Þorvarðarson,
verslunarstjóri í Nettó í Mjódd.
Nettó auglýsti hamborgarhrygg
frá Norðlenska á 695 krónur kílóið
í síðustu viku og segir Elías að
samkeppni á matvörumarkaði sé
orðin það hörð að „gangi auglýs-
ingar ekki fram af fólki“ sé jafn-
gott að sleppa þeim.
Segir Elías ýmislegt meðlæti
einnig ódýrara nú en á sama tíma í
fyrra. „Meira er flutt inn af dósa-
mat en áður og samkeppni að
aukast milli bestu merkjanna,“
segir hann.
Guðmundur Marteinsson, fram-
kvæmdastjóri Bónuss, hefur selt
hangiframpart með beini á 599
krónur kílóið og kveðst hafa
„mokað því út“ úr versluninni á
því verði og selt tíu tonn á tveimur
vikum. „Framboð á hangikjöti er
mjög mikið um þessar mundir og
rekstrarstjóri Nóatúnsversl-
ananna, segir ljóst að jólamatur
verði yfirhöfuð ódýrari í ár en í
fyrra, með einni undantekningu,
sem er rjúpan.
„Veiðimenn hafa farið fram á að
fá 2.000 krónur fyrir fuglinn. Þá á
ég eftir að hamfletta, leggja á og
greiða virðisaukaskatt. Þetta er
verð sem ég hef aldrei nokkurn
tímann heyrt áður,“ segir hann.
Sigurður kveðst ekki viss um að
um sé að ræða heildarverðlækkun
á mat. „Tilboð eru hins vegar mun
fleiri nú en áður, einkum á kjöti.
Offramboð er stór hluti af skýr-
ingunni en að mínu mati erum við
líka að ganga í gegnum tímabil
sem kemur upp í matvöruverslun
á fáeinna ára fresti. Hún hefur
sýnt ákveðin samdráttareinkenni,
almenningur heldur að sér hönd-
um, sem veldur titringi milli versl-
ana því allir vilja vera á undan að
gera betur. Það sem ég óttast hins
vegar er að kappið sé meira en
forsjáin og að ekki sé alltaf um að
ræða vöru í hæsta gæðaflokki. Hér
er jólamáltíðin í húfi og ég er
hræddur um að margir kaupi nú,
geymi fram til jóla í góðri trú og
verði svo fyrir vonbrigðum,“ segir
Sigurður Gunnar að endingu.
Jólasteikin þriðjungi ódýrari í ár
en í fyrra en rjúpan verður þó dýr
Kalkúnn hefur sótt í sig veðrið sem jólamatur og verið seldur á 499 krónur
kílóið á tilboðsverði í versluninni Fjarðarkaupum í Hafnarfirði.
FLUGLEIÐIR settu viðbúnaðar-
áætlun af stað eftir að fréttir bár-
ust af bréfi Ástþórs Magnússonar,
að sögn Guðjóns Arngrímssonar,
upplýsingafulltrúa Flugleiða.
Hann segir að ákveðin vinna hafi
verið sett af stað, bæði hér á landi
sem og skrifstofum Flugleiða er-
lendis, samkvæmt starfsreglum
fyrirtækisins. Þessu viðbúnaðar-
ástandi hafi verið aflétt á sunnu-
dag, þar sem ljóst þótti að ekki
væri hætta á ferðum.
Guðjón segir að það fylgi því allt-
af einhver kostnaður að ræsa við-
búnaðaráætlunina en ekki sé vitað
hversu hár hann sé. Hótun sem
þessi hafi einnig áhrif á viðskipti
félagsins, einhverjir gætu orðið
hræddir og veigrað sér við að
fljúga. Vitað sé að slík áhrif séu
einhver, en vonast sé til þess að
þau verði sem minnst. Fréttir af
bréfinu hafi ekki borist út fyrir
landsteinana svo hann viti.
Guðjón segist telja að lögreglu-
yfirvöld hafi tekið rétt á þessu
máli, svona hótanir beri að taka al-
varlega. Engin ákvörðun hafi verið
tekin um hvort skaðabótamál verði
hugsanlega höfðað gegn Ástþóri
vegna þess skaða sem bréf hans
hafi valdið fyrirtækinu.
Flugleiðir afléttu viðbúnað-
arástandi á sunnudag
KARL V. Matthíasson, þingmaður
Samfylkingarinnar á Vestfjörðum,
hefur hafnað tillögu uppstillingar-
nefndar í Norð-
vesturkjördæmi
flokksins um að
taka fjórða sæti
listans fyrir þing-
kosningarnar. Er
hann tilbúinn til
að taka þriðja
sætið en uppstill-
ingarnefnd hefur
gert þar ráð fyrir
Gísla S. Einars-
syni, þingmanni á
Vesturlandi. Fyrir ofan hann er til-
laga um Önnu Kristínu Gunnars-
dóttur frá Sauðárkróki í annað sætið
og Jóhann Ársælsson, þingmann á
Vesturlandi, í fyrsta sætið.
Karl sagði að þetta snerist í hans
huga um að orð ættu að standa. Vís-
aði hann þar til samþykktar á kjör-
dæmisþingi Samfylkingarinnar sem
haldið var í Hólmavík 26. október sl.
Þar hefði verið samþykkt að með
uppstillingu í stað prófkjörs fengi
hvert hinna þriggja gömlu kjör-
dæma sinn fulltrúa í þrjú efstu sæt-
in. Í bréfi til uppstillingarnefndar
segir Karl m.a. um þetta: „Það er óá-
sættanlegt að uppstillingarnefnd
sniðgangi samþykkt fundarins og líti
framhjá eina fulltrúanum úr Vest-
fjarðakjördæmi sem gefið hefur kost
á sér. Svar mitt við tilboði uppstill-
ingarnefndar um fjórða sætið er því
nei. Þessi ákvörðun er tekin í fullu
samráði við félaga mína í Samfylk-
ingunni á Vestfjörðum, enda snýst
málið fyrst og fremst um rétt Vest-
firðinga til að eiga fulltrúa í einu af
þremur efstu sætum listans. Að
þessu sögðu ítreka ég að ég er tilbú-
inn til að taka þriðja sæti listans
enda hef ég eindregið verið hvattur
til þess bæði af félögum í Samfylk-
ingunni á Vestfjörðum og öðrum.“
Snorri Styrkársson, formaður
uppstillingarnefndarinnar í kjör-
dæminu, vildi ekki tjá sig um störf
nefndarinnar en sagði að tillögurnar
yrðu klárar fyrir fund kjördæmis-
ráðs í Hólmavík nk laugardag.
Samfylkingin í Norð-
vesturkjördæmi
Hafnar
boði um
fjórða sætið
Karl V.
Matthíasson
TANNLÆKNAR hafa sam-
þykkt samstarfssamning sem
samninganefndir Tannlækna-
félags Íslands, TFÍ, og Trygg-
ingastofnunar ríkisins, TR,
skrifuðu undir í síðasta mánuði.
Á heimasíðu TFÍ segir að
mesta gagnrýnin á samninginn
sé á að tannlæknum sé skylt að
afhenda TR gögn um meðferðir
sem reikningar byggjast á, óski
stofnunin þess. En samkvæmt
lögum skuli skoðun sjúkra-
skrár fara fram á þeim stað þar
sem skráin sé varðveitt og því
sé gengið lengra en lögin leyfa.
Tannlæknar
samþykkja
samning