Morgunblaðið - 03.12.2002, Qupperneq 6

FRÉTTIR
6 ÞRIÐJUDAGUR 3. DESEMBER 2002 MORGUNBLAÐIÐ
ÞÓRÐUR Þórðarson,
bifreiðastjóri og for-
stjóri ÞÞÞ á Akranesi,
varð bráðkvaddur á
heimili sínu aðfaranótt
laugardagsins 30. nóv-
ember, 72ja ára að
aldri. Þórður var einn
kunnasti knattspyrnu-
maður þjóðarinnar á
sínum yngri árum.
Þórður Þórðarson
fæddist á Akranesi 26.
nóvember 1930 og bjó
þar allan sinn aldur, en
hann var sonur hjón-
anna Þórðar Þ. Þórð-
arsonar, bifreiðastjóra og forstjóra
Bifreiðastöðvar Þórðar Þ. Þórðar-
sonar, sem lést 1989, og Sigríðar
Guðmundsdóttur.
Ungur hóf Þórður störf hjá föður
sínum, eignaðist síðan fyrirtækið og
rak það til æviloka.
Þórður var einn af
frumkvöðlum í knatt-
spyrnunni á Akranesi.
Einn þekktasti leik-
maður landsins um
árabil og ein af goð-
sögnum gullaldarliðs
ÍA. Hann lék alla leiki
íslenska landsliðinu
1951 til 1958 og gerði
níu mörk í 18 lands-
leikjum. Þórður var
heiðursfélagi bæði í
Íþróttabandalagi
Akraness og Knatt-
spyrnufélagi ÍA.
1952 kvæntist Þórður Ester
Teitsdóttur og eignuðust þau sjö
börn sem öll lifa föður sinn. Tveir
synir þeirra, Teitur og Ólafur, eru
einnig þjóðkunnir knattspyrnu-
menn.
Andlát
ÞÓRÐUR ÞÓRÐARSON
MILLJÓNATJÓN varð hjá bif-
reiðaumboðinu Ingvari Helgasyni
við Sævarhöfða á sunnudag þegar
kviknaði í bílaþvottahúsi fyrirtæk-
isins. Allt tiltækt lið Slökkviliðs höf-
uðborgarsvæðisins var sent á vett-
vang og réð niðurlögum eldsins á
um klukkustund. Eldurinn barst
upp í þak húsnæðisins og urðu
slökkviliðsmenn að rjúfa þakið á
kafla til þess að komast að eldinum.
Slökkvistarf gekk að mestu leyti vel
þótt slökkviliðsmönnum hafi gengið
erfiðlega að athafna sig á þaki hús-
næðisins vegna halla og bleytu.
Skemmdir urðu aðallega í þaki og í
bílaþvottavél, en öllum bifreiðum í
sýningarsal tókst að bjarga út und-
ir bert loft. „Starfsmenn fyrirtæk-
isins stóðu sig frábærlega við að að-
stoða slökkviliðsmenn og færðu alla
bíla út úr húsi og frá því meðan
slökkvistarf stóð yfir,“ sagði Jón
Viðar Matthíasson, varaslökkviliðs-
stjóri, við Morgunblaðið. Þrátt fyrir
tjónið eru menn þakklátir fyrir að
ekki skyldi fara verr. Guðmundur
Ingvarsson, framkvæmdastjóri fyr-
irtækisins, segir að tjónið hafi ekki
verið metið en ljóst sé þó að það
hlaupi á milljónum króna. Segir
hann að snarræði starfsfólks og
slökkviliðsins hafikomið í veg fyrir
frekara tjón í eldsvoðanum. Talið er
að kviknað hafi í vegna útleiðslu í
bílaþvottavélinni.
Morgunblaðið/JúlíusSlökkviliðsmenn urðu að rjúfa þakið á bílaþvottahúsinu til að komast að eldinum.
Milljónatjón í eldsvoða
hjá Ingvari Helgasyni
FIMMTUGUR maður sem í júní
ákvað að aka bílnum þrátt fyrir að
vera allverulega ölvaður var í gær
dæmdur til að greiða 130.000 krónur
í sekt. Á leiðinni heim til sín frá krá í
Hafnarfirði ók maðurinn bíl sínum á
umferðarskilti og upp á grjóthnull-
ung. Viðgerð á bílnum kostaði
850.000 krónur en þar sem maðurinn
var ölvaður bætir tryggingarfélagið
ekki tjónið. Maðurinn var auk þess
sviptur ökuréttindum í eitt ár og
dæmdur til að greiða allan sakar-
kostnað.
Maðurinn gekkst við broti sínu í
fyrstu, bæði hjá varðstjóra strax eft-
ir handtöku og við yfirheyrslu hjá
rannsóknarlögreglumanni daginn
eftir. Rannsókn leiddi í ljós að áfeng-
ismagn í blóði hans var 2,19 prómill.
Það er langt yfir leyfilegum mörk-
um, sem eru 0,50 prómill.
Kvað annan hafa ekið bílnum
Hann breytti á hinn bóginn fram-
burði sínum við þingfestingu málsins
í október en þá lá fyrir að trygging-
arfélag mannsins neitaði að borga
viðgerð á bílnum, nema maðurinn
yrði hreinsaður af sök um ölvunar-
akstur. Maðurinn hélt því fram að
ungur maður sem hljóp af vettvangi
þegar lögreglu bar að hefði ekið bif-
reiðinni. Gegn því vitnaði lögreglu-
maður sem kominn var á vettvang
10-15 sekúndum eftir að bifreiðin
hentist út af veginum á mótum Hval-
eyrarbrautar og Miklaholts í Hafn-
arfirði. Fjórir aðrir lögreglumenn
heyrðu manninn viðurkenna að hafa
sjálfur ekið bifreiðinni.
Jónas Jóhannsson, héraðsdómari,
kvað upp dóminn. Alda Hrönn Jó-
hannsdóttir, sýslufulltrúi, sótti málið
f.h. lögreglustjórans í Hafnarfirði.
Ölvunarakstur kostaði
ökumanninn eina milljón
PERCY Westerlund, skrif-stofustjóri í utanríkis-máladeild framkvæmda-stjórnar Evrópusam-
bandsins og væntanlegur aðalsamn-
ingamaður í viðræðum við Ísland og
Noreg vegna stækkunar Evrópska
efnahagssvæðisins, segir að ekki
komi til greina að semja við Ísland
um aukinn markaðsað-
gang fyrir sjávarafurð-
ir í ESB nema á móti
verði liðkað til fyrir er-
lendum fjárfestingum í
sjávarútveginum. Með
öðrum orðum er af-
staða framkvæmda-
stjórnarinnar sú að
aukin fjárframlög í
sjóði ESB dugi ekki til
að fá aukna fríverzlun
með fisk.
Westerlund fer með
málefni EFTA og EES
í utanríkismáladeild
framkvæmdastjórnar-
innar. Hann staðfestir
að í drögum að samningsumboði
framkvæmdastjórnarinnar sé gert
ráð fyrir meira en tuttuguföldun á
framlögum Íslands og Noregs til
þróunarsjóða ESB, um leið og sam-
bandið – og þar með Evrópska efna-
hagssvæðið – stækkar til austurs.
„Það er rétt að í drögunum leggjum
við til að EFTA-ríkin leggi til fé-
lagslegrar samheldni í Evrópusam-
bandinu í sama mæli og aðildarríkin
gera,“ segir Westerlund. Þegar rætt
er um framlög til félagslegrar sam-
heldni er átt við styrki til fátækari
svæða sambandsins.
„Við leggjum til verulega hækkun
og þar að baki liggur sú hugsun að
ríkari löndin leggi sitt af mörkum til
að hjálpa fátækari löndunum að ná
meiri lífsgæðum. Það má segja að
það sé verðið sem greiða þarf fyrir
að skapa sem hagstæðastan innri
markað,“ segir Westerlund. „Fyrir-
tæki í EFTA-ríkjunum á Evrópska
efnahagssvæðinu hafa sama aðgang
að þessum markaði og fyrirtæki í
ríkjum ESB og við teljum því að það
sé rökrétt að EFTA leggi sitt af
mörkum í sama mæli og ESB.“
Val Íslendinga að halda
sjávarútveginum utan við
Á móti þessum rökum ESB hafa
íslenzk stjórnvöld m.a. fært þau rök
að Ísland njóti ekki fulls aðgangs að
innri markaðnum, þar sem sjávaraf-
urðir séu stærstur hluti útflutnings
til ESB og þær beri að hluta til tolla.
Þá hefur Halldór Ásgrímsson utan-
ríkisráðherra bent á að Ísland glími
við sín eigin byggðavandamál, sé
strjálbýlasta land í Evrópu og þurfi
að verja miklu fé til að halda uppi
samgöngum. Útreikningar fram-
kvæmdastjórnarinnar miðist við
lönd, sem búi við allt aðrar aðstæður.
Westerlund fellst ekki á fyrri rök-
semdina. „Ég vil orða það svo að
EFTA-ríkin njóti meiri forréttinda á
innri markaðnum en aðildarríkin af
því að EFTA-ríkin hafa fengið að
undanþiggja viðkvæma geira at-
vinnulífsins, eins og sjávarútveg og
landbúnað. Það var ekki ESB sem
vildi þetta, heldur fóru Ísland og
Noregur fram á að fá undanþágur
vegna þess að ríkin vildu ekki að
þessir geirar byggju við frjálsa sam-
keppni. Þetta snýst meðal annars
um frjálst flæði fjármagns, sem er
óaðskiljanlegur hluti innri markað-
arins. Það er alveg ljóst að þegar
menn hafa farið fram á að undan-
þiggja sjávarútveginn – og við höf-
um samþykkt það – þá geta menn
ekki á sama tíma kvartað yfir þessu
sem galla á samningnum. Íslending-
um er frjálst hvenær sem er að láta
sjávarútveginn verða hluta af innri
markaðnum að öllu leyti. En af
ástæðum, sem við þekkjum, eru
menn ekki tilbúnir til þess.“
Hvað varðar röksemdina um sér-
stöðu Íslands vegna dreifbýlis og
erfiðra samgangna seg-
ir Westerlund að í út-
reikningum á framlagi
Íslands og Noregs sé
ekki óeðlilegt að tekið
sé tillit til þess hvað
kæmi í hlut þessara
ríkja úr sjóðum sam-
bandsins ef þau ættu
sjálf aðild að Evrópu-
sambandinu. Svíþjóð
fái til dæmis u.þ.b.
þriðjung af framlagi
sínu til baka. Þetta séu
hins vegar sýndarút-
reikningar og engin
einhlít útkoma úr dæm-
inu; það hljóti að vera
samningsatriði og verði rætt í þeim
samningaviðræðum, sem standi fyr-
ir dyrum. „En það er ljóst að menn
munu taka tillit til sérstakra að-
stæðna og við vitum að Ísland er í
sérstakri stöðu,“ segir hann.
Westerlund staðfestir að Evrópu-
sambandið líti svo á að tenging sé
milli krafna EFTA-ríkjanna um frí-
verzlun með fisk og kröfu ESB um
frjálsar fjárfestingar í sjávarútvegi.
„Þegar sjávarútvegurinn var undan-
þeginn EES-samningnum var það
vegna þess að EFTA-ríkin gátu ekki
samþykkt það, sem var forsendan
fyrir frjálsum markaðsaðgangi, þ.e.
frjálst flæði fjármagns innan grein-
arinnar. Ef menn vilja nú breyting-
ar, sem hafa í för með sér aukinn
markaðsaðgang, hlýtur spurningin
um fjármagnsflæðið að koma upp á
borðið.“ Westerlund segir að ekki sé
hægt að slá því föstu hversu langt
fjárfestingarfrelsið eigi að ganga;
það geti orðið í hlutfalli við þá aukn-
ingu markaðsaðgangs, sem farið sé
fram á. „En það verður að ná jafn-
vægi í þessu máli innan sjávarút-
vegsgeirans,“ segir hann.
Westerlund segir að krafan um
aukin fjárframlög „standi á eigin fót-
um“ og sé ekki tengd öðrum þáttum
samningaviðræðnanna. „Auðvitað
munu báðir samningsaðilar meta
heildarmyndina þegar þar að kemur,
en þrátt fyrir það er ekki hægt að
hugsa sér niðurstöðu, sem felur í sér
aukinn markaðsaðgang fyrir sjávar-
afurðir án þess að þar sé náð jafn-
vægi innan sjávarútvegsgeirans.“
Ótímabært að ræða
uppsögn EES
Í norskum fjölmiðlum hefur verið
látið að því liggja að framkvæmda-
stjórn ESB sé reiðubúin að leggja til
að EES-samningnum verði sagt
upp, gangi Ísland og Noregur ekki
að kröfum ESB. Westerlund segir
algerlega ótímabært að ræða slíkt.
„Þetta er fræðileg spurning sem ég
vil alls ekki ræða,“ segir hann. „Ég
geng út frá því að lausn finnist á mál-
inu. Ég hef satt að segja aldrei gert
ráð fyrir að okkur muni mistakast.“
En hvað gæti gerzt ef ekki næðist
niðurstaða í samningaviðræðum fyr-
ir apríllok á næsta ári? Gæti svo far-
ið að stækkun EES frestaðist og
færi ekki fram samhliða stækkun
ESB? „Það gæti gerzt, en ég vil ekki
spá neinu í því efni,“ segir Wester-
lund.
EFTA-ríki njóta
forréttinda í EES
Percy Westerlund, væntanlegur aðalsamninga-
maður ESB í viðræðum við Ísland og Noreg, segir
í samtali við Ólaf Þ. Stephensen að erfitt sé að sjá
fyrir sér samkomulag um betri markaðsaðgang
fyrir fisk í ESB án þess að aukið frelsi í fjárfest-
ingum í sjávarútvegi EFTA-ríkjanna komi á móti.
Percy Westerlund
olafur@mbl.is
LESENDUM mbl.is er að
venju boðið upp á að senda vef-
jólakort til vina og vanda-
manna. Geta allir skrifað
kveðju og valið ókeypis mynd
en boðið er upp á 20 mismun-
andi myndir. Þeim sem skrá sig
sérstaklega býðst einnig aukin
þjónusta, svo sem yfirlit yfir þá
sem þeir hafa sent jólakort og
tölvupóstur sem staðfestir að
kort hafi verið lesin. Þá geta
skráðir notendur keypt myndir
úr Myndasafni Morgunblaðsins
og látið þær fylgja með jóla-
kortinu. Hver mynd úr mynda-
safninu kostar 500 krónur.
Hægt að
senda
jólakort
á mbl.is