Morgunblaðið - 03.12.2002, Síða 19

AKUREYRI
MORGUNBLAÐIÐ ÞRIÐJUDAGUR 3. DESEMBER 2002 19
Heilsukoddi sem lagar sig
að líkamanum.
Verð kr. 3.990
Sendum í póstkröfu
www.islandia.is/~heilsuhorn
Bókhveiti
heilsukoddar
Glerártorgi,
Akureyri,
s. 462 1889.
Ráðstefna KPMG
KPMG á Akureyri býður til kynningar á starfsemi KPMG
og málefnum tengdum reikningshaldi og endurskoðun.
Ráðstefnan verður haldinn þann 5. desember næstkomandi á
Hótel KEA og er hún opin öllum meðan húsrúm leyfir.
Dagskráin hefst kl. 14.00 og verða flutt erindi
um eftirfarandi málefni:

Kynning á KPMG - Aðalsteinn Hákonarson,
stjórnarformaður KPMG.

Tölvuöryggismál / innbrot í tölvukerfi -
Theodór R. Gíslason, Jónas S. Sverrisson frá KPMG Ráðgjöf.

Alþjóðlegir reikningsskilastaðlar - breytingar á
reikningsskilum íslenskra fyrirtækja - Ingólfur Hauksson,
löggiltur endurskoðandi frá KPMG Akureyri.

Skattamál - Nýlegar og væntanlegar breytingar
á skattalögum - Bernhard Bogason, lögfræðingur
hjá skattasviði KPMG og Baldur Guðvinsson,
frá KPMG Akureyri.

Árangursmælingar og áætlanagerð - Ragnar Guðgeirsson,
frá KPMG Ráðgjöf og Magnús Kristjánsson frá KPMG Akureyri.

Fjárfestingar í fyrirtækjum innanlands og erlendis -
Hrannar Hólm frá KPMG Ráðgjöf, Þorsteinn Már Baldvinsson,
forstjóri Samherja hf., Jón Hallur Pétursson,
fjármálastjóri Útgerðarfélags Akureyringa hf.
Áætluð ráðstefnuslit eru klukkan 17:30.
Ráðstefnustjóri: Arnar Árnason, KPMG Akureyri.
KONRÁÐ Alfreðsson formaður Sjó-
mannafélags Eyjafjarðar mun stýra
félaginu áfram næstu tvö árin en að-
eins einn framboðslisti til kjörs
stjórnar og trúnaðarráðs barst fyrir
aðalfund sem haldinn verður á milli
jóla og nýárs. Framboðsfrestur rann
út í vikunni. Kristinn Pálsson núver-
andi gjaldkeri félagsins verður vara-
formaður og tekur hann við stöðunni
af Gylfa Gylfasyni sem sagði af sér
fyrr í haust.
Árni Sigurðsson tekur við stöðu
gjaldkera, Sigurður Viðar Heimisson
verður ritari og Þorvaldur Aðal-
steinsson meðstjórnandi. Konráð hef-
ur verið formaður Sjómannafélags
Eyjafjarðar frá árinu 1989 og þá var
hann endurkjörinn varaformaður
Sjómannasambands Íslands á dögun-
um en þeirri stöðu hefur hann gegnt
frá árinu 1994. Rúmlega 500 sjómenn
á Eyjafjarðarsvæðinu greiða fé-
lagsgjald til Sjómannafélags Eyja-
fjarðar og hefur þeim fækkað nokkuð.
Konráð sagði að sjómönnum ætti
eftir að fækka enn frekar. „Með sam-
einingu fyrirtækja og stækkun þeirra
er verið að færa aflaheimildir á færri
skip, auk þess sem skip eru seld. En
þótt skip séu seld fækkar stöðugild-
unum þó ekki sem því nemur. Tekjur
sjómanna verða betri, menn taka sér
lengri frí og því eru fleiri menn í
kringum hvert skip. Við verðum að
reyna að horfa jákvætt á þessar
breytingar sem eru að eiga sér stað
og vinna frekar með mönnum en á
móti. Reynslan hefur sýnt að þeir
sem vinna á móti þróuninni fara hall-
oka en þeir sem vinna með standa upp
úr. Hins vegar þarf að semja um
ýmsa hluti sem menn eru að reyna í
dag í veiðum og vinnslu, þannig að
eðlileg þróun geti átt sér stað í grein-
inni.“
Konráð sagði að stjórnarkjöri yrði
lýst á aðalfundi félagsins mánudaginn
30. desember nk. og þá jafnframt tek-
in fyrir þau mál sem brenna á sjó-
mönnum. Hann sagði að kjarasamn-
ingar sjómanna væru bundnir til loka
næsta árs með dómi gerðardóms og
því nægur tími til að fara yfir kjara-
málin. Hins vegar hefðu umræður um
öryggismál ávallt hljómgrunn meðal
sjómanna.
Konráð Alfreðsson formaður Sjómannafélags Eyjafjarðar
Sjómönnum á eftir að
fækka enn frekar
VEGFARANDI sá
reyk koma út um
glugga á íbúðarhúsi
við Sunnuhlíð á Ak-
ureyri laust eftir há-
degi í gær og heyrði
auk þess í vælandi
reykskynjara innan
dyra. Hann tilkynnti
atburðinn og fór
slökkvilið á vett-
vang. Í ljós kom að
kviknað hafði í út
frá potti á eldavél og
hafði nokkur hiti
myndast bak við
vélina og dálítill eld-
ur. Búið var að
slökkva eldinn þegar
slökkviliðið kom á
staðinn, en mikill og
þykkur reykur var um allt hús.
Reykkafarar fóru inn og gengu úr
skugga um að enginn væri inni í
húsinu, en að því búnu var farið í
að reyklosa húsið. Gengu störf
hratt og vel fyrir sig. Einn var
fluttur á slysadeild með snert af
reykeitrun. Talsverðar reyk-
skemmdir urðu í íbúðinni, en ann-
að tjón óverulegt.
Talsverðar reykskemmdir
Slökkviliðsmennirnir Jón Knudsen varðstjóri og
Magnús Arnarson eldvarnareftirlitsmaður við
eldavélina þar sem eldurinn kom upp í húsinu.
Morgunblaðið/Kristján
Sjálfsbjörg á Akureyri og Þroska-
hjálp á Norðurlandi eystra munu í
dag, á alþjóðadegi fatlaðra, varpa
ljósi á málefni sín og baráttumál.
Athöfn verður við Leirutjörn kl.
18.30 þar sem kertum verður
fleytt á tjörninni. „Með þessum
hætti viljum við gleðjast saman
um leið og við lýsum upp skamm-
degið og beinum ljósi okkar að
mikilvægum baráttumálum,“ segir
í frétt frá félögunum, en þar eru
félagar, vinir og velunnarar hvatt-
ir til að mæta og taka þátt í at-
höfninni.
Í DAG
ÁSGRÍMUR Hilmisson var kjör-
inn formaður Golfklúbbs Akureyr-
ar á aðalfundi klúbbsins í síðustu
viku. Hann tók við formennsku af
Þórhalli Sigtryggssyni, sem setið
hefur við stjórnvölinn undanfarin
fjögur ár. Ásgrímur er ekki ókunn-
ur starfinu, því hann var einnig
formaður GA árin 1996-1998. Á
síðasta rekstrarári, frá 1. október
2001 til 30. september 2002, varð
um einnar milljóna króna tap á
rekstri klúbbsins. Ásgrímur sagði
að rekstur klúbbsins hefði batnað
og þar skipti aðkoma Akureyrar-
bæjar að málinu miklu. Hins vegar
yrði reksturinn áfram erfiður. Ás-
grímur sagði að félögum í GA
hefði fjölgað lítillega og eru þeir
nú um 500 talsins.
Kylfingar í GA náðu góðum
árangri á golfvellinum í sumar.
Sigurpáll Geir Sveinsson varð Ís-
landsmeistari í karlaflokki í þriðja
sinn og María Ósk Jónsdóttir og
Helena Árnadóttir sigruðu í sínum
flokkum á Unglingameistara-
mótinu. Þá sigraði sveit GA í
sveitakeppni stúlkna 16-18 ára.
Auk Ásgríms eru í stjórn GA
þeir Halldór Rafnsson varafor-
maður, Andrea Ásgrímsdóttir
gjaldkeri, Benedikt Guðmundsson
ritari og Erlendur Hermannsson
meðstjórnandi.
Nýr formaður
GA kjörinn
STEINN Guðni Hólm
íbúi á Dvalarheim-
ilinu Hlíð á Akureyri
varð 101 árs sl.
sunnudag. Hann
fæddist á Hrúthóli í
Ólafsfirði 1. desem-
ber 1901. Steinn
Guðni hefur dvalið á
elliheimilum í rúm
20 ár, í Skjaldarvík,
í Kjarnalundi og nú
á Hlíð.
Hann sagðist í
samtali við Morg-
unblaðið vera orðinn
heldur lélegur til
heilsunnar og nokk-
uð gleyminn. Hann heyrir þokka-
lega en hefur misst sjón á vinstra
auga og hefur litla sjón á því
hægra, að eigin sögn. „Ég er þó
þakklátur fyrir þá sjón sem ég
hef.“
Steinn Guðni er því hættur að
horfa á sjónvarp en hann hlust-
ar á útvarp og fer sinna ferða
sjálfur á Hlíð og styðst þá við
göngugrind. Hann varð fyrir því
að detta og meiða sig í skrokkn-
um og hefur honum gengið illa
að fá bót meina sinna. Þrátt fyr-
ir að vera ekki við
hestaheilsu er Steinn
Guðni þó léttur í
lund og lætur vel af
dvölinni á Hlíð.
Kona Steins Guðna
hét Sigríður Elín-
borg Guðmunds-
dóttir en hún er lát-
in. Hann kynntist
henni í Skjaldarvík
og var rúmlega átt-
ræður er þau giftust.
Steinn Guðni rak
m.a. verslun í Ólafs-
firði og verslaði þar
sem alls kyns muni,
eins og hann orðaði
það sjálfur. Hann hafði gaman
af að ferðast og fór víða um
Evrópu og þá las hann mikið af
bókum, sérstaklega bækur um
alls kyns fróðleik. Hann sagðist
oft hafa verið spurður hverju
hann þakkaði þennan háa aldur.
„Það hefur enginn séð mig velta
um göturnar í fylliríi enda hef
ég látið bæði áfengi og tóbak al-
veg eiga sig. Ég drekk heldur
ekki kaffi og hef aldrei gert en
er þeim mun meira fyrir mjólk
og malt.“
Steinn Guðni Hólm
„Hef látið áfengi og
tóbak alveg eiga sig“
Steinn Guðni Hólm hélt
upp á 101 árs afmælið
FJÖLDI fólks lagði leið sína á
Ráðhústorg í veðurblíðunni á
laugardag, þar sem kveikt var á
jólatrénu sem Randers, vinabær
Akureyrar í Danmörku, færði
bæjarbúum að gjöf. Það var
Helgi Jóhannesson, konsúll Dana
á Akureyri, sem tendraði ljósin
við mikinn fögnuð yngstu kyn-
slóðarinnar. Helgi flutti ávarp
sem og Kristján Þór Júlíusson
bæjarstjóri.
Lúðrasveit Akureyrar lék létt
lög, Barnakór Lundarskóla söng
nokkur lög og það gerði Friðrik
Ómar einnig. Þá komu þrír jóla-
sveinar í heimsókn, sungu nokkur
jólalög og heilsuðu upp á börnin,
Þetta voru þeir Hurðaskellir,
Kjötkrókur og Kertasníkir. Nær-
vera jólasveinanna vakti mikla
ánægju og voru þau mörg börnin
sem vildu eiga orð við þá bræður.
Eftir að dagskránni lauk á Ráð-
hústorgi var gengið að kirkju-
tröppunum þar sem einnig var
kveikt á jólaljósum Kaldbaks.
Morgunblaðið/Kristján
Kveikt á jólaljósum á Ráðhústorgi