Morgunblaðið - 03.12.2002, Síða 20

SUÐURNES
20 ÞRIÐJUDAGUR 3. DESEMBER 2002 MORGUNBLAÐIÐ
NÁTTÚRUVERND ríkisins hefur
kært til umhverfisráðherra úrskurð
Skipulagsstofnunar vegna fyrirhug-
aðrar nýtingar Hitaveitu Suðurnesja
á jarðhitanum á Reykjanesi. Hita-
veitan er að undirbúa svar við kær-
unni.
Hitaveita Suðurnesja vinnur að
rannsóknum á jarðhitasvæðinu á
Reykjanesi en áætlanir eru uppi um
að hefja þar framleiðslu á rafmagni,
meðal annars vegna stækkunar ál-
vers Norðuráls á Grundartanga. Nú
er unnið að borunum samkvæmt fyrri
leyfum en Hitaveitan hafði hug á að
bora sex holur til viðbótar í 2. og 3.
áfanga nýtingar svæðisins.
Skipulagsstofnun féllst á borun
fimm af þessum holum með
ákveðnum skilyrðum en lagðist gegn
borun þriðju holunnar í þriðja áfanga
framkvæmdarinnar vegna áhrifa
hennar á umhverfið.
Áhrif á ferðamenn og kríur
Náttúruvernd ríkisins sættir sig
ekki við þessa niðurstöðu og hefur
kært úrskurðinn til umhverfisráð-
herra. Leggst stofnunin gegn borun
annarrar holunnar í þriðja áfanga
vegna umtalsverðra umhverfisáhrifa
hennar og jafnframt að sett verði skil-
yrði fyrir borun fyrstu holu í þriðja
áfanga að leiðslur frá henni verði sett-
ar í jörðu. Þá fer Náttúruvernd fram
á að umhverfisráðherra úrskurði
hvort réttmætt hafi verið að falla frá
því að safna upplýsingum um lífríki
þynningarsvæðis affallsvatns í
strandsjó eins og gert hafi verið ráð
fyrir í matsáætlun.
Náttúruvernd færir meðal annars
þau rök fyrir afstöðu sinni til borunar
annarrar holunnar í þriðja áfanga að
gerð borplans muni spilla ímynd
svæðisins og hafa áhrif á upplifun
ferðamanna sem inn á svæðið koma.
Taka verði mið af því að um er að
ræða vinsælt útivistarsvæði og að
þangað komi fjöldi ferðamanna á ári
hverju. Þá telur stofnunin að ekki sé
viðunandi út frá náttúruverndarsjón-
armiðum að staðsetja borholuna þar
sem kríuvarpið er þéttast enda hafi
það verndargildi sem eitt af stærstu
kríuvörpum landsins.
Að sögn Alberts Albertssonar, að-
stoðarforstjóra Hitaveitu Suður-
nesja, hefur verið leitað umsagnar
fyrirtækisins vegna þessarar kæru
og segir hann unnið að því að svara
henni. Vill Albert sem minnst segja
um málið á þessu stigi nema hvað
ljóst sé að hann sé ósammála þeim
sjónarmiðum sem fram komi í kær-
unni.
Ein ríkisstofnun kærir aðra
Albert vekur athygli á því að
Skipulagsstofnun hafi heimilað þess-
ar framkvæmdir eftir að hafa leitað
umsagnar Náttúruverndar ríkisins.
Báðar séu stofnanir ríkisins og báðar
heyri undir umhverfisráðherra. Hann
segir sérstakt að nú kæri ríkisstofnun
aðra ríkisstofnun til ráðherra sem
báðar stofnanirnar heyri undir. Þetta
geti varla talist góð stjórnsýsla.
Albert telur ekki að kæran tefji
rannsóknir á svæðinu því heimildir
séu fyrir þeim rannsóknum sem nú er
unnið að. Hann segir hins vegar að
þetta auki kostnað við undirbúning
framkvæmda sem þegar sé orðinn
mikill. Nefnir hann að kostnaður við
mat á umhverfisáhrifum og rann-
sóknir vegna þess nemi orðið um
tveimur tugum milljóna króna.
Umhverfisáhrif frekari nýtingar jarðhitans við Reykjanesvita
Náttúruvernd kærir úr-
skurð Skipulagsstofnunar
Reykjanes
BORUN rannsóknarholu á há-
hitasvæðinu á Reykjanesi gengur
samkvæmt áætlun. Er þetta þriðja
holan sem Hitaveita Suðurnesja
borar í þessum áfanga en er tólfta
borholan á svæðinu.
Verið er að rannsaka jarð-
hitasvæðið, meðal annars vegna
undirbúnings virkjunar gufuaflsins
í þágu hugsanlegrar stækkunar ál-
vers Norðuráls á Grundartanga.
Um helgina voru bormenn á Jötni
komnir niður í 850 metra og gekk
verkið samkvæmt áætlun. Ekkert
óvænt hefur komið upp að sögn Al-
berts Albertssonar, aðstoðar-
framkvæmdastjóra Hitaveitu Suð-
urnesja.
Morgunblaðið/Helgi Bjarnason
Borun gengur vel á Reykjanesi. Fjær sést í Reykjanesvita.
Hola 12 komin í 850 metra
FYRIRHUGAÐ er að nota jarð-
sjártæki til að kanna betur tóttir
landnámsskálans í Höfnum og ná-
grenni hans. Bæjarstjóri Reykja-
nesbæjar hefur áhuga á að ráðist
verði í frekari uppgröft á svæð-
inu.
Í gær var mokað ofan í rann-
sóknarholuna sem Bjarni F. Ein-
arsson fornleifafræðingur og bæj-
aryfirvöld í Reykjanesbæ létu
gera til að kanna tilgátu Bjarna
um að þarna væri skáli frá land-
námsöld. Við uppgröftinn komu
fram vísbendingar um að tilgátan
væri rétt og er þetta þá fyrsti
landnámsskálinn sem finnst á
Reykjanesi.
Að sögn Sigrúnar Ástu Jóns-
dóttur, forstöðumanns Byggða-
safns Reykjanesbæjar, verður ná-
grenni skálans kortlagt betur
með jarðsjártæki og að því búnu
muni fornleifafræðingurinn gera
skýrslu um fundinn og tillögur
um frekari rannsóknir.
Árni Sigfússon, bæjarstjóri í
Reykjanesbæ, segir gaman að
þessar mannvistarleifar skyldu
finnast svona stuttu eftir að vík-
ingaskipið Íslendingur kom til
bæjarins. Telur Árni að uppgötv-
unin muni styrkja það verkefni
sem bæjaryfirvöld hafa beitt sér
fyrir, að finna Íslendingi var-
anlegan samastað og byggja upp
landnámsþorp.
Segir bæjarstjórinn að þegar
fyrir liggja niðurstöður þeirra
frumathugana sem nú er unnið
að og kostnaður hefur verið áætl-
aður megi búast við að leitað
verði eftir stuðningi við frekari
rannsóknir sem búast megi við að
verði dýrar vegna þess hversu
sérhæfð vinnan er. „Við höfum
mikinn áhuga á að fylgja þessu
máli eftir,“ segir Árni Sigfússon.
Morgunblaðið/Helgi Bjarnason
Tjaldið sem skýldi rannsóknarmönnum við uppgröftinn er í miðjum landnámsskálanum og allt í kringum það sést
móta fyrir tóftunum. Bjarni F. Einarsson fornleifafræðingur tók eftir útlínum skálans þegar hann skoðaði loft-
mynd af Höfnum. Mishæðin nær kirkjunni telur Bjarni að sé tóftir fjóss bæjarins. Í baksýn sést Kirkjuvogskirkja.
Kannað betur
með jarðsjá
Hafnir
REYKJANESBÆR efnir til sam-
keppni um best skreyttu hús bæj-
arins, undir heitinu Ljósahús
Reykjanesbæjar 2002, og fallegustu
gluggaskreytingar í verslunum en sú
keppni er haldin undir heitinu Jóla-
glugginn 2002.
Bærinn hefur haldið keppni af
þessu tagi undanfarin ár. Að sögn
Valgerðar Guðmundsdóttur menn-
ingarfulltrúa er tilgangurinn að
hvetja fólk til að skreyta fyrir jólin
og vekja athygli íbúa annarra byggð-
arlaga á jólastemmningunni í
Reykjanesbæ. Menningar-, íþrótta-
og tómstundasvið Reykjanesbæjar
og Hitaveita Suðurnesja standa fyrir
samkeppni um Ljósahúsið. Íbúar
eru hvattir til að láta vita um fallega
skreytt hús. Það er hægt að gera á
heimasíðu Reykjanesbæjar,
www.reykjanesbaer.is, og með því
að hringja á bæjarskrifstofurnar.
Frestur til tilnefninga rennur út 17.
desember næstkomandi.
Úrslit í hvorri keppni fyrir sig
verða gerð kunn og verðlaun afhent
við sérstaka athöfn í Duus-húsum
föstudaginn 20. desember næstkom-
andi.
Samkeppni um ljósa-
hús og jólaglugga
Reykjanesbær