Morgunblaðið - 03.12.2002, Side 46

46 ÞRIÐJUDAGUR 3. DESEMBER 2002 MORGUNBLAÐIÐ
Sýnd kl. 6.
“Besta Brosnan Bond-myndin”



GH Kvikmyndir.com
i
i i
BOND ER MÆTTUR
FLOTTARI EN
NOKKRU SINNI
FYRR
ÍSLAND Í
AÐALHLUTVERKI-
ÓMISSANDI
Sýnd kl. 8 og 10. Bi 14.
Sýnd kl. 5.30, 8 og 10.45.



DV
Miðasala opnar kl. 15.30 HUGSAÐU STÓRT
EINI THX LÚXUSSALUR LANDSINS



Kvikmyndir.com



DV



HJ. MBL
Sýnd kl. 5.30. B.i. 16.
Sýnd kl. 4, 6, 8 og 10. Bi 14.
BOND ER MÆTTUR
FLOTTARI EN NOKKRU SINNI FYRR
ÍSLAND Í AÐALHLUTVERKI- ÓMISSANDI
“Besta Brosnan Bond-myndin”



GH Kvikmyndir.com
i
i i



DV
Sýnd kl. 4, 6, 8 og 10.
4, 7 og 10
Sýnd kl. 5, 8 og 10.50.
DIE Another Day, nýjasta James
Bond-myndin, sem frumsýnd var
á föstudag, lagðist vel í landann
og fór betur af stað en nokkur
önnur Bond-mynd. Tæplega
13.400 manns sáu myndina um
helgina, eða 73% fleiri en fóru á
síðustu Bond-mynd, The World is
Not Enough, og 51% fleiri en fóru
á Bond-myndina sem átti gamla
frumsýningarmetið, Tomorrow
Never Dies. Þess að auki er um að
ræða stærstu frumsýningarhelgi
hérlendis á mynd frá 20th Cent-
ury Fox og fimmta stærsta frum-
sýningarhelgi ársins.
Enginn vafi leikur á að þessi
aukni Bond-áhugi hafi heilmikið
með þátt Íslands í nýju myndinni
að gera, en stór hluti mynd-
arinnar gerist á Íslandi og var
tekinn upp í fyrrasumar við Jök-
ulsárlón.
Að sögn Guðmundar Breiðfjörð
markaðsstjóra Skífunnar var
uppselt á allar sýningar helg-
arinnar eftir kl. 20 á kvöldin, þar
með talið í lúxussalinn. Hann seg-
ir samt áhuga hinna yngri þó hafa
komið sé mest á óvart en myndin
var einnig vel sótt á dagsýning-
unum.
Bond sveif hátt yfir Ísalandi um helgina.
Besta
Bond-
byrjunin
KVIKMYNDATÓNSKÁLDIÐ Atli
Örvarsson hefur unnið sér það til
frægðar að semja tónlist fyrir
bandarísku sjónvarpsþáttaröðina
Law and Order: Criminal Intent.
Atli, sem hefur verið búsettur í Los
Angeles síðustu fjögur árin, samdi
tónlistina við þáttinn er sýndur var í
Bandaríkjunum 13. október síðast-
liðinn.
Þetta er þó ekki í fyrsta sinn sem
hann semur tónlist fyrir þekkta sjón-
varpsþætti en eitt af fáum skiptum
sem hann hefur verið skrifaður fyrir
tónlistinni. Atli vinnur nefnilega hjá
Mike Post, sem er margfaldur
Emmy- og Grammy-verðlaunahafi,
og hefur starfað undir stjórn hans
síðustu tvö árin.
„Síðustu tvö árin hef ég aðallega
verið að útsetja tónlist fyrir Mike.
Hann semur beinagrind fyrir þessa
þætti og ég fylli út í hana,“ segir Atli
og bætir við að hann hafi verið hægri
hönd Posts við þá þætti sem þeir
hafa unnið við undanfarið.
Einna helst má nefna allar þrjár
Law and Order-þáttaraðirnar, upp-
runalegu syrpuna, SVU og CI en
þættirnir hafa verið sýndir á Skjá
einum. Atli hefur ennfremur unnið
við aðra þekkta þáttaröð, NYPD
Blue, og samdi hann tónlistina við
lokaþátt síðustu syrpu, sem sýndur
var síðasta vor vestanhafs.
Hann er ánægður með að hafa
fengið nafn sitt á skjáinn í fyrrnefnd-
um Law and Order-þætti í haust.
„Ég samdi alla tónlistina í þessum
þætti því Mike var í sumarfríi og það
þurfti nauðsynlega að klára þáttinn.
Það var rosalega gaman. Gaman að
fá viðurkenningu fyrir þetta því ég
hef samið mikið af tónlistinni fyrir
þessa þætti,“ segir hann.
„Það er ekki spurning um hvort
heldur hvenær ég fæ aftur viður-
kenningu fyrir þessa Criminal
Intent-þætti því ég vinn mjög mikið
fyrir þá, segir Atli og bætir við að
þolinmæðin sé þörf dyggð í þessari
vinnu.
Hann upplifir þetta þó alls ekki
þannig að hann standi í skugganum
af Post. „Ég er að læra af honum.
Þetta er mjög góður skóli. Besta
leiðin til að komast inn í þennan heim
hér er að aðstoða einhvern sem er
mjög vel þekktur. Hollywood virkar
mikið svona. Það er svona meistara-
og nemakerfi á öllu. Þetta er mjög
gott kerfi og viðheldur þekking-
unni.“
Atli komst í kynni við Post eftir að
hafa unnið samkeppni á vegum BMI,
sem eru samtök svipuð STEFi.
Launin voru að komast í læri hjá
meistara Post í nokkrar vikur og er
það reynsla, sem hefur komið sér vel
fyrir Atla. „Eiginlega öll vinna, sem
ég hef fengið hefur verið á einn eða
annan hátt í gegnum þessa keppni,“
útskýrir hann.
Atli er búinn að eyða bróðurparti
síðustu tíu ára í Bandaríkjunum en
áður en hann fluttist til Los Angeles
var hann við nám í Boston og Norð-
ur-Karólínu. Hann er ekki á leiðinni
heim til Íslands í bráð, nema þá í
heimsókn.
„Ég held örugglega áfram að
vinna hjá Mike í einhvern tíma áður
en ég flýg úr hreiðrinu. Planið hjá
mér er að fara að vinna sjálfstætt og
ég vonast til þess að geta gert það
eftir svona tvö ár og þá starfað við
kvikmyndir. Ég hef gaman af því að
vinna við sjónvarp en hef miklu
meira gaman af kvikmyndum. Það er
öðruvísi áskorun. En það er nauð-
synlegt að koma heim á milli til að
jarðtengja sig svolítið.“
Ljósmynd/Hildur
Atli Örvarsson hefur verið búsettur í Los Angeles síðustu fjögur árin.
Hægri hönd
meistarans
Semur tónlist fyrir þættina Law and Order
HERA Hjartardóttir hefur verið
býsna áberandi í íslensku tónlistar-
lífi undanfarna
mánuði, hefur farið
um landið með
Bubba Morthens, á
lag í myndinni
mögnuðu Hafinu
og sendi síðan frá
sér breiðskífu um daginn, Not Your
Type, sem er, ótrúlegt en satt, þriðja
sólóskífa hennar þótt ekki sé hún
nema nítján ára gömul.
Eftir því sem næst verður komist
fór Hera í hljóðver til að taka upp
nokkur lög sem setja átti á disk með
laginu úr Hafinu, „Itchy Palms“. Áð-
ur en varði voru tíu lög komin inn á
band til viðbótar við tvö eldri, áð-
urnefnt „Itchy Palms“ og „Makebe-
lieve“. Fyrir vikið var orðin til breið-
skífa sem er býsna heilsteypt þrátt
fyrir svo skamman aðdraganda.
Aðal Heru er söngur hennar, hún
hefur geysifallega rödd og beitir
henni jafnan vel, en á það líka til að
syngja fulltilgerðarlega, sjá til að
mynda upphafslag plötunnar – nokk-
uð sem fer af með meiri reynslu. Í
öðrum lögum plötunnar syngur hún
aftur á móti fjarska vel og á stundum
glæsilega, til að mynda í „Naughts
and Crosses“ og „Forbidden Fruit“
og „Itchy Palms“ er frábærlega
sungið. Þessi lög eru lágstemmd og
rólyndisleg en hún kann líka að gefa í
eins og heyra má í einu besta lagi
skífunnar, „Precious Girl“.
Útsetningar eru almennt vel
heppnaðar en dulítið gamaldags á
köflum, á reyndar við í slíkri tónlist.
Hljóðfæraleikarar standa sig af-
skaplega vel, fremstur meðal jafn-
ingja Guðmundur Pétursson sem
bregður sér í allra kvikinda líki á
gítara, vel studdur skælifetlum og
bjögunartólum. Heyr til að mynda
fjölbreyttan gítarleik í laginu
„Forbidden Fruit“; hljómar frekar
sem safn ólíkra gítarleikara, en einn
maður. Hann á líka sterkan leik á
orgelið, notar það smekklega og
hæfilega mikið. Mjög vel kemur út
lágfiðluleikur í „Naughts and Cross-
es“.
Textar Heru eru vel ortir en mis-
góðir eins og gengur. Þannig kann
ég vel að meta textana í „Naught and
Crosses“, „Forbidden Fruit“, sem er
býsna átakanlegur, „Itchy Palms“ og
„Precious Girl“ (ekki er þó góð línan
„they know themselves also“).
„Chamelion Girl“ finnst mér aftur á
móti klénn texti og ekki eru öll erindi
í „Suits Me“ viðkunnanleg, en það er
kannski tepruskapur að amast við
því. Nokkuð er um fullbillegar línur í
„Suffer from You“ og „Not Your
Type“ er innihaldsrýr.
Þessi diskur Heru er forvitnilegur
fyrir margt og þá ekki síst það hve
hann er einstakur í íslenskri plötuút-
gáfu; enginn tónlistarmaður starf-
andi á þessu sviði hér á landi, í
bandarískum sveitarokkbræðingi,
vel kryddað með þjóðlagatónlist,
þótt á skífunni séu lög sem kalla má
hreina þjóðlagatónlist og menn
þekkja allvel hér. Hera á eflaust eftir
að láta vel í sér heyra í framtíðinni og
getur vissulega náð langt úti í heimi,
hefur útlit, aldur og hæfileika til
þess. Hún myndi líka græða mikið á
því að finna sér góðan samstarfs-
mann í lagasmíðar og útsetningar.
Umslag skífunnar er ekki gott,
hugmynd sem gengur ekki upp, í það
minnsta á framhliðinni. Myndin á
bakhlið er aftur á móti skemmtilega
slæm; ekki hefðu allir listamenn haft
kjark til að birta af sér svo óvenju-
lega mynd. Plús fyrir það.
Tónlist
Geysifalleg
rödd
Hera Hjartardóttir
Not Your Type!
Foolsday/Skífan
Not Your Type!, breiðskífa Heru Hjartar-
dóttur. Hera semur öll lög og texta á skíf-
unni, syngur og leikur á gítar. Guðmundur
Pétursson leikur á rafgítara og ýmis önn-
ur strengjahljóðfæri, orgel og hljómborð,
en hann sá einnig um útsetningar á flest-
um laganna og stýrði upptökum. Jakob
Smári Magnússon leikur á bassa, Arnar
Geir Ómarsson á trommur og slagverk,
Eyþór Gunnarsson á píanó, Jóhann Hjör-
leifsson á bassa í einu lagi og Brent Dow-
son á píanó og Helen Webb á hörpu í
öðru, Bryndís Halla Gylfadóttir á selló.
Foolsday gefur út, Skífan dreifir.
Árni Matthíasson
Morgunblaðið/Þorkell
Í umsögn um plötu Heru segir að
hún hafi allt til að bera til að geta
náð langt úti í heimi, útlit, aldur og
hæfileika.