Morgunblaðið - 22.12.2002, Blaðsíða 31

FRÉTTIR
MORGUNBLAÐIÐ SUNNUDAGUR 22. DESEMBER 2002 B 31
Á ALÞJÓÐADEGI fatlaðra fyrir
skemmstu bauð Félags- og skóla-
þjónusta Þingeyinga til samsætis í
Túni, tilefnið var að afhenda
nokkrum fyrirtækjum og stofn-
unum í bænum viðurkenningar.
Þær hlutu þessir aðilar fyrir að
hafa staðið sig hvað best við að
veita fötluðum einstaklingum at-
vinnu í gegnum tíðina. Fram kom í
máli Soffíu Gísladóttur félags-
málastjóra við þetta tækifæri að
13 ár eru frá því að sambýli fyrir
fatlaða tók til starfa á Húsavík og
um leið var farið að leita skipu-
lega að atvinnu fyrir fatlaða. Það
hafi undantekningarlaust gengið
vel og skilningur atvinnurekenda
verið til eftirbreytni. Soffía sagð-
ist álíta að í raun væru Húsvík-
ingar heppnir að hafa ekki vernd-
aðan vinnustað fyrir fatlaða,
sagðist telja það betra að fatlaðir
væru studdir til atvinnuþátttöku á
almennum vinnumarkaði.
Elín Berg Stefánsdóttir hefur
búið við fötlun frá fæðingu og
sagði hún viðstöddum frá reynslu
sinni og hvernig hún upplifir það
að vera fötluð í atvinnulífinu. Elín
sagðist m.a hafa unnið á fimm
vinnustöðum og ekki hafi alls stað-
ar gengið jafn vel. Nú starfar hún
á leikskólanum í Bjarnahúsi og
þar líkar henni mjög vel að vinna,
„mér var strax mjög vel vel tekið
og hef fengið að axla ábyrgð,“
sagði Elín að lokum. Forsvars-
menn nokkurra þeirra fyrirtækja
og stofnana sem viðurkenning-
arnar hlutu tóku til máls og þökk-
uðu fyrir sig og öll báru þau þessu
starfsfólki sínu vel söguna.
Þau fyrirtæki og stofnanir sem
hlutu viðurkenningar að þessu
sinni voru Vélsmiðjan Grímur,
Skipaafgreiðsla Húsavíkur, Leik-
skólarnir í Bjarnahúsi og Besta-
bæ, Fosshótel, Húsavík, Mat-
vöruverslanirnar Úrval og Strax,
Heilbrigðisstofnun Þingeyinga,
þvottahús og Morgunblaðið.
Morgunblaðið/Hafþór Hreiðarsson
Fatlaðir einstaklingar á vinnumarkaðnum á Húsavík ásamt vinnuveitendum sínum.
Vinnuveitendum fatlaðra
veittar viðurkenningar
Húsavík
NÝLEGA barst Stríðsárasafninu á
Reyðarfirði höfðingleg gjöf frá að-
standendum Þorsteins Jónssonar
flugkappa. Björn Þorsteinsson, son-
ur flugkappans, afhenti safninu m.a.
heimskort þar sem faðir hans hafði
merkt alla golfvelli sem hann hafði
leikið á, ýmsar viðurkenningar, verð-
launagripi, orður, myndir og aðra
persónulega muni. Ómetanleg gjöf
og viðurkenning á störfum safnsins.
Þorsteinn er eini Íslendingurinn
flogið hefur orrustuvélum, m.a. flaug
hann á vegum Konunglega breska
flughersins og yfir 400 ferðir flaug
hann til Biafra fyrir 1970. Þorsteinn
flaug rúmlega 39.000 flugtíma sem
er heimsmet og ólíklegt að það met
falli, vegna allra þeirra reglugerða
sem búið er að setja um vinnutíma
o.fl.
Stríðsárasafnið er opið júní, júlí og
ágúst og eftir pöntun á vetrum. Mjög
góð aðsókn hefur verið að Stríðsára-
safninu, rúmlegas 3000 manns sl
sumar.
Miklar endurbætur hafa verið
gerðar á húsinu og nú er verið að
gera upp tvo bíla, Weapon árg. 1941
og GMC hertrukk árg. 1943 sem
verða til sýnis á næsta ári. Má segja
að þessir bílar hafi verið upphafið að
samgöngum og fólksflutningum á Ís-
landi.
Gáfu stríðsára-
safninu gögn
Reyðarfjörður
Ljósmynd/Hallfríður
Björn Þorsteinsson afhendir Jón Birni Hákonarsyni gjöfina.
ÞESSI mynd er tekin þegar hópur
aldraðra úr Borgarfirði heimsótti
Norræna húsið fyrir nokkru, en þar
var drukkið kaffi og húsið skoðað
undir leiðsögn Áslaugar Eiríks-
dóttur frá Geitsstöðum.
Hressing í Norræna húsinu var
vel þegin eftir tveggja tíma viðveru
í Laugardalshöll og Vestnorræna
handverkssýningin skoðuð. Að lok-
um hélt hópurinn í Háskólabíó og
sá þar hina ágætu mynd Hafið sem
skömmu áður hafði hlotið átta
Edduverðlaun. Allir ferðafélag-
arnir voru sammála um, að deg-
inum hefði verið vel varið, og héldu
heim á leið kl. átta um kvöldið.Morgunblaðið/Davíð Pétursson
Aldraðir í
Norræna
húsið
Skorradalur
FJÖLMENNI var í Pakkhúsinu um
síðustu helgi þegar gestum og gang-
andi var boðið upp á jólaglögg og
bakkelsi og til að næra andann var
Jazzsveit Ólafsvíkur fengin til að
flytja djass.
Jazzsveit Ólafsvíkur var stofnuð í
september síðastliðnum og hefur æft
einu sinni í viku síðan. Sveitina skipa
Jens Toghöj á trompet, Valentina
Kai sem leikur á píanó, Rúnar Hall-
grímsson leikur á bassa og Jóhann
Þór Baldursson á trommur.
Jazzsveitin spilaði bæði hraðan og
hægan djass og var það mál manna
að skemmtileg stemning hefði skap-
ast í Pakkhúsinu þegar þessi fjöl-
þjóðlega djasssveit lék, menn sötr-
uðu jólaglögg og gleymdu um stund
stressinu sem oft vill fylgja undir-
búningi jólanna.
Djassinn
dunaði
Ólafsvík
Morgunblaðið/Alfons
UM 70 börn og unglingar stunda
nú æfingar hjá Karatefélagi Akra-
ness og á dögunum buðu þau for-
eldrum og öðrum aðstandendum á
karatesýningu, þar sem um 40
börn og unglingar sýndu færni sína
í karate. Karateíþróttin er sífellt
vaxandi íþróttagrein á Akranesi og
er slík sýning orðin árlegur við-
burður sem haldinn er eftir belta-
próf, eða gráðun eins og það nefn-
ist.
Sýnt var kihon, eða grunnhreyf-
ingar, kata, sem er ákveðið mynst-
ur æfinga þar sem barist er við
ímyndaðan andstæðing, og kumite,
en þar takast tveir einstaklingar á
með karatetækni. Í kumite eru not-
aðir hlífðarhanskar og fá kepp-
endur stig fyrir að snerta andstæð-
inginn, en full snerting er ekki
leyfileg. Þá reyndi líka á hæfni iðk-
enda í að setja saman sín eigin sýn-
ingaratriði þar sem hugmyndaflugi
og kunnáttu í karate var blandað
skemmtilega saman. Áhorfendur,
sem voru um eitt hundrað, fögnuðu
vel að loknum atriðum og fræddust
heilmikið um karateíþróttina.
Karate
krefst hug-
myndaflugs
og kunnáttu
Akranes
Morgunblaðið/Sigurður Elvar
Stúlkur láta mikið að sér kveða í karateíþróttinni.