Morgunblaðið - 31.12.2002, Blaðsíða 16

VIÐSKIPTI
16 ÞRIÐJUDAGUR 31. DESEMBER 2002 MORGUNBLAÐIÐ
ÍSLANDSSÍMI og Landssíminn
bjóða nú upp á nýjan stjörnuspár-
leik fyrir GSM-síma. Leikurinn, sem
byggist á SMS-skilaboðum, er unn-
inn í samvinnu Landmats og Gunn-
laugs Guðmundssonar stjörnuspek-
ings. Byggt er á gagnagrunni
Gunnlaugs, sem er afrakstur
tveggja ára þróunarvinnu. Land-
mat og Gunnlaugur hafa samið við
breska stórfyrirtækið Vodafone um
að bjóða notendum þess upp á þjón-
ustuna.
Að sögn Gunnlaugs er leikurinn
sérstakur að því leyti að hann veitir
notandanum upplýsingar; stjörnu-
spá, lýsingu á persónuleika og
fleira, sem eigi aðeins við hann og
þá sem fæddir eru sama dag og ár.
„Aðrar upplýsingaveitur miða við
stjörnumerki notandans, en hér
stimplar notandinn inn fæðingarár
sitt og -dag,“ segir hann.
Leikurinn skiptist í fjóra flokka. Í
fyrsta lagi er hægt að fá lýsingu á
persónuleika. Í öðru lagi er hægt að
biðja um daglega stjörnuspá og
velja fyrir hvaða tímabil hún eigi að
gilda. Í þriðja lagi er hægt að fá
samskipta- og ástarkort, sem segir
hve vel tveir einstaklingar eigi sam-
an. Fjórði höfuðflokkurinn er spá
um lukkudaga; þá daga sem líklegir
eru til að vera góðir í hinum ýmsu
flokkum, eins og ástarlífi, ferðalög-
um, vinnu o.s.frv.
Þjónustan í boði í Singapúr
og hjá Vodafone
Sveinn Baldursson, fram-
kvæmdastjóri Landmats, segir að
nú þegar bjóði breska fjarskiptafyr-
irtækið Vodafone upp á þjónustuna,
en lengst hefur hún verið í notkun í
Singapúr, hjá þarlenda fyrirtækinu
SingTel. Þá er verið að setja kerfið
upp í Danmörku hjá fyrirtækinu
Sonofon. Vodafone býður upp á
stjörnuspárleikinn með SMS- og
WAP-tækni, en alls eru við-
skiptavinir Vodafone 65 milljónir
talsins.
Að sögn Sveins hefur gengið vel á
báðum mörkuðum; í Bretlandi og
Singapúr. Hann segir að notkun
hafi aukist jafnt og þétt. „Tekjur
okkar fara eftir notkun, en við ger-
um samninga um að ákveðið hlutfall
renni til okkar, oftast á bilinu 35–
70%, eftir aðstæðum og löndum,“
segir hann.
Samvinna við Time Out
Að sögn Gunnlaugs er Landmat í
samvinnu við fjölmiðlafyrirtækið
Time Out í Bretlandi, en stjörnu-
spárþjónustan er markaðssett undir
vörumerki þess. „Time Out mark-
aðssetur fjórar afurðir okkar,
„Time Out Eating and Drinking“,
„Time Out Stars“, „Time Out Dat-
ing“ og „Time Out European
Breaks“. Við höfum náð kjölfestu í
Bretlandi, þar sem viðskiptavinir
Vodafone eru 13 milljónir talsins,
en markhópur okkar er 65 milljóna
notendahópur fyrirtækisins í Evr-
ópu,“ segir hann.
Sveinn segir að yfirbygging þjón-
ustunnar sé afar lítil miðað við
stærð markaðarins, en auk mark-
aðs- og sölustarfsemi starfa tveir
menn við þróun kerfisins. „Það er
ljóst að framlegðin er afar mikil
þegar þjónustan er loksins komin í
gagnið, en fram að því er kostnað-
urinn auðvitað miklu meiri en
tekjur,“ segir hann.
Selja beint og í gegnum
endursöluaðila
Að sögn Sveins leggur Landmat
áherslu á að dreifa áhættunni. „Við
viljum ekki vera með öll eggin í
sömu körfu og gerum því hvort
tveggja; seljum símafyrirtækjum
þjónustuna beint og erum í sam-
starfi við erlenda endursöluaðila.“
Landmat er með söluskrifstofur í
Reykjavík, Stokkhólmi og Singa-
púr.
Til að fá þjónustuna í valmynd í
farsíma hjá Landssímanum er hægt
að fara á simi.is, velja „vit“ og síðan
„stjörnuspeki“. Einnig er hægt að
senda SMS í símanúmerið 1848 með
textanum „vit_star_1“. Hjá Íslands-
síma þarf að fara á islandssimi.is,
skrá sig í „kjarnann“, „uppfæra
gluggann“ og velja „stjörnuspá“.
Skeytin eru misdýr og kosta á bilinu
9 til 29 krónur hjá fyrirtækjunum.
Stjörnuspárleikur í farsíma
Símans og Íslandssíma
Vodafone býður viðskiptavinum
þjónustu sem Gunnlaugur
Guðmundsson og Landmat hönnuðu
Reuters
HLUTABRÉF í Kauphöll Íslands
hækkuðu í verði á árinu en verð-
lækkun varð á helstu mörkuðum er-
lendis. Heildarvísitala aðallista
hækkaði um 21,6% og Úrvalsvísi-
talan hækkaði um 16,7%. Heildar-
vísitala vaxtalista lækkaði hins veg-
ar um 5,8%.
Í meðfylgjandi töflu má sjá mestu
lækkun og mestu hækkun einstakra
hlutafélaga auk þess sem þar er að
finna þróun vísitalna Kauphallar-
innar. Sú vísitala sem hækkaði mest
er vísitala lyfjagreinar, 55,6%, en
minnst hækkun varð hjá hluta-
bréfasjóðum og fjárfestingar-
félögum, 1,8%.
   




 

  



 

 
 
   
 


 

 
 

 !"#$% &



 


'(
&)
*
$+,
-



  
. 
#
& 
 
$
#
&


 
&
(& 
/) 0

#

 

122 
  
#
 

'
34
5
#
 




   








 Hækkun í
Kauphöllinni
VIÐSKIPTI með hlutabréf skráðra
félaga hjá Kauphöll Íslands voru líf-
leg á síðasta viðskiptadegi ársins í
gær, eða alls um þrír milljarðar
króna.
Sparisjóðurinn í Keflavík seldi
fjórar milljónir hluta í Kaupþingi
banka hf. á genginu 130 krónur á
hlut 27. desember síðastliðinn. Eftir
þau viðskipti var beinn eignarhlutur
sparisjóðsins í Kaupþingi 2,3%
hlutafjár. Í gær jók Sparisjóður
Keflavíkur svo aftur við hlut sinn í
Kaupþingi þegar hann keypti 2,5
milljónir hluta á genginu 129 krónur
á hlut. Hlutur sjóðsins í Kaupþingi
er nú tæp 3,5% eða um 964 milljónir
króna að markaðsvirði.
Íslenskir aðalverktakar keyptu í
gær hlutafé í Kögun hf. á genginu
27,5 og er hlutur þeirra í félaginu
orðinn 9,98% eða um 252 milljóna
króna virði.
Sjóvá selur í Eimskipum
Tilkynnt var um það í gær að hlut-
ur MP Verðbréfa hf. í Íslandssíma
hf. hefði farið úr 5,2% í 1,7% sam-
hliða lokuðu útboði sem lauk þann
27. desember. Þá minnkaði eignar-
hlutur Heildunar hf. í Íslandssíma
hf. einnig, fór úr 7,5% í 2,5%.
Framkvæmdastjóri verslunar-
sviðs AcoTæknivals, Bjarni Þorvarð-
ur Ákason, seldi í gær 87% af hlut
sínum í fyrirtækinu á genginu 0,80
krónur á hlut. Eignarhlutur Bjarna
eftir söluna er tæpar tvær milljónir
króna að nafnverði eða um 0,5%
hlutafjár.
Sjóvá-Almennar tryggingar hf.
seldu hlut í Hf. Eimskipafélagi Ís-
lands að markaðsvirði um 138 millj-
óna króna. Hlutur Sjóvár í Eim-
skipafélaginu lækkaði lítillega, fór úr
10,75% í 10,30%.
Lífleg
viðskipti í
Kaup-
höllinni
BANDARÍSKA Dow Jones-hluta-
bréfavísitalan hefur nú lækkað um
17% frá síðustu áramótum en þetta
er þriðja árið í röð sem vísitalan
lækkar á milli ára. Slíkt hefur ekki
gerst síðan kreppan mikla stóð yfir í
Bandaríkjunum, en hún hófst árið
1929.
Um áramót 1999–2000 var vísital-
an í hámarki eða um 11.500 stig en
hefur lækkað um hver áramót síðan,
þrenn áramót í röð. Árið sem nú er
að líða var jafnframt það versta síð-
an 1974 á bandarískum hlutabréfa-
mörkuðum.
Þessi áframhaldandi lækkun núna
er andstæð því sem greinendur á
fjármálamarkaði spáðu um síðustu
áramót en þá var talið að árið sem nú
er að líða yrði fyrirtækjum hagstæð-
ara en raunin hefur orðið.
Að sögn Braga Smith, sjóðstjóra
hjá Búnaðarbankanum Verðbréfum,
eru helstu ástæður þær að ytri að-
stæður urðu óhagstæðari en grein-
endur gerðu ráð fyrir. Hneyksli í við-
skiptalífinu, yfirvofandi hernaðar-
átök í Írak og minni tekjur fyrir-
tækja en spáð hafði verið hafi allt
haft sín áhrif.
Talað um að 2003 verði gott ár
„Þetta hlýtur að vera síðasta tíma-
bil lækkunar vísitölunnar. Það er
ekki líklegt að vísitalan lækki fjögur
ár í röð,“ segir Bragi.
Aðspurður hvort að yfirvofandi
stríðsátök geti ekki sett strik í reikn-
inginn sagði hann að síðast þegar
Bandaríkjamenn fóru í stríð við
Íraka árið 1990 þá hafi markaðir
lækkað töluvert fram að stríði en eft-
ir innrás hafi markaðir farið að
hækka. „Það má reikna með að verði
væntanlegt stríð háð í janúar og
fram í febrúar, það standi stutt og
mannfall verði ekki mikið þá sé útlit
fyrir að markaðir hækki aftur strax
eftir stríð. Almennt séð er talað um
að næsta ár verði gott ár. Bush for-
seti hefur einnig verið að undirbúa
jarðveginn í efnahagsmálum, þ.e.
hann hefur boðað skattalækkanir og
ráðið til sín sérstakan efnahagsráð-
gjafa og nýjan fjármálaráðherra og
allt þetta hefur jákvæð áhrif á mark-
aðinn.“
Bragi bendir einnig á að undanfar-
in ár hafi menn í 90% tilfella náð mun
hærri ávöxtun með því að fjárfesta í
skuldabréfum en hlutabréfum og
það hafi ekki gerst síðan í kreppunni
miklu. Þetta sé skýrt dæmi um
slæmt ástand hlutabréfamarkaða.
Dow Jones-vísitalan er vinsælasti
mælikvarðinn á ástand hlutabréfa-
markaða í Bandaríkjunum.Vísitalan
er vegið verðmeðaltal 30 stórfyrir-
tækja, aðallega iðnfyrirtækja. Fyr-
irtækin í vísitölunni eru valin af rit-
stjórum bandaríska stórblaðsins The
Wall Street Journal sem gefið er út
af Dow Jones & Company. Vísitalan
á rætur sínar að rekja allt til ársins
1896 en Charles Dow bjó hana upp-
haflega til úr hlutabréfaverði 11 fyr-
irtækja.
Vísitalan er einfaldlega reiknuð
þannig út að ritstjórar WSJ leggja
saman verð hlutabréfa allra 30 fyr-
irtækjanna og deila svo í með fjölda
fyrirtækja, eða 30.
Dow Jones lækkar
þriðju áramótin í röð
Ekki gerst síðan í
kreppunni miklu
Reuters
Samvinnulífeyrissjóðurinn seldi í
gær hlutabréf að nafnverði 60 millj-
óna króna í SÍF hf. Í kjölfarið
minnkaði hlutur sjóðsins í SÍF úr
6,45% í 2,42%.
Ker hf. keypti hlut í SÍF fyrir tæp-
ar 14 milljónir að nafnvirði í gær á
genginu 4,75. Eftir þau viðskipti er
eignarhlutur Kers orðinn 8,97% en
var áður 7,03%.
Í gær seldi Ker hf. eigin bréf fyrir
5,5 milljónir á genginu 12 til Mundils
ehf., sem er fjórði stærsti hluthafinn
í SÍF hf.
Ker eykur hlut
sinn í SÍF
♦ ♦ ♦