Morgunblaðið - 13.01.2003, Qupperneq 4

FRÉTTIR
4 MÁNUDAGUR 13. JANÚAR 2003 MORGUNBLAÐIÐ
Skógarhlíð 18, sími 595 1000.
www.heimsferdir.is
Þessi fagra eyja á
sér fjölmarga að-
dáendur enda ríkir
hér andrúmsloft
sem er einstakt í
heiminum og náttúrufegurð sem á engan
sinn líka. Glæsileg hótel við ströndina
eða í hjarta Havana og hér getur þú valið
um spennandi kynnisferðir með farar-
stjórum Heimsferða sem eru hér á
heimavelli.
Val um:
- Dvöl í Varadero
7 nætur
- Varadero og
Havana
- Havana 7 nætur
Sérflug Heimsferða
Verð kr. 98.650
M.v. MasterCardávísun að upphæð
kr. 5.000. Almennt verð án ávísunar
kr. 103.650.
Hótel Arenas Doradas ****
Glæsilegt 4 stjörnu hótel við
ströndina með frábærum aðbúnaði.
Verð kr. 94.750
M.v. MasterCardávísun að upphæð
kr. 5.000. Almennt verð án ávísunar
kr. 99.750.
Hótel Villa Tortuga ***
Fallegt 3ja stjörnu hótel við
ströndina með góðum aðbúnaði.
Kúba
25. febrúar
frá kr. 94.750
7 nætur
INGIBJÖRG Sólrún Gísladóttir
borgarstjóri verður forsætisráð-
herraefni Samfylkingarinnar og
helsti talsmaður flokksins fyrir þing-
kosningarnar í maí. Hún verður for-
sætisráðherraefni jafnvel þótt hún
nái ekki kjöri á Alþingi en hún mun
skipa 5. sætið á framboðslista Sam-
fylkingarinnar í Reykjavíkurkjör-
dæmi norður.
Össur Skarphéðinsson, formaður
Samfylkingarinnar, mun einbeita
sér að innra starfi flokksins og leiða
stjórnarmyndunarviðræður, komi til
þess. Þessa niðurstöðu kynntu þau
Össur og Ingibjörg Sólrún fyrir fjöl-
miðlum í gær.
Á fundinum kom fram að Ingi-
björg verður fulltrúi Samfylkingar-
innar í helstu kappræðum í sjón-
varpi, m.a. í svonefndum formanna-
þætti sem jafnan er á dagskrá
sjónvarps kvöldið fyrir kjördag. Þá
sagði Össur ekki ólíklegt að kosning-
arnar myndu snúast um það hvort
yrði forsætisráðherra, Ingibjörg
Sólrún Gísladóttir eða Davíð Odds-
son.
Tvímælalaust umboð
Að sögn Össurar var haft samráð
við þingflokk Samfylkingarinnar,
frambjóðendur hennar sem eru lík-
legir til að taka sæti á Alþingi að
loknum kosningum og trúnaðar-
menn flokksins víðsvegar um land,
til að kanna viðhorf þeirra til þess að
Ingibjörg Sólrún yrði forsætisráð-
herraefni flokksins. Undantekning-
arlaust hefðu menn verið því fylgj-
andi. Aðspurður sagðist hann telja
að hún hefði tvímælalaust umboð
flokksins til að gegna þessu hlut-
verki. Össur benti á að hann myndi
leiða hugsanlegar stjórnarmyndun-
arviðræður Samfylkingarinnar og að
þeim loknum leggja fram ráðherra-
lista sem þingflokkurinn mun ann-
aðhvort hafna eða samþykkja. „Ég
hef lýðræðislegt umboð til þess að
tefla fram því liði sem ég tel best til
þess fallið að afla fylgis við flokkinn.
Það er mitt hlutverk. Ég gekk hins
vegar úr skugga um það að þeir sem
munu þurfa að samþykkja þetta eru
fylgjandi þessu fyrirkomulagi,“
sagði hann.
Öflugur vígamaður
Í sjónvarpsviðtali 30. desember
sagði Össur að ekki kæmi til greina
að Ingibjörg Sólrún yrði forsætis-
ráðherraefni Samfylkingarinnar fyr-
ir kosningarnar í vor. „Ég vísaði þá
til ummæla sem hún hafði sjálf við-
haft opinberlega þar sem hún sagði
það skýrt að hún sæktist ekki eftir
því að verða forsætisráðherra í þess-
um kosningum en tók það hins vegar
fram að hún vildi verða forsætisráð-
herra í vinstristjórn einhvern tíma í
framtíðinni,“ sagði hann. Um sama
leyti hefði hann í viðtali áskilið sér
rétt til þess að biðja hana um að
skipta um skoðun. Það hefði hann
gert laugardaginn 4. janúar sl. Það
kæmi sjálfsagt mörgum á óvart en
Ingibjörg Sólrún hefði í fyrstu ekki
léð máls á þeirri hugmynd. Hún
hefði síðan fallist á þetta í upphafi
síðustu viku. Össur sagðist afar
ánægður með að vera búinn að fá
þennan „öflugasta vígamann“ ís-
lenskra stjórnmála í dag til liðs við
Samfylkinguna fyrir kosningarnar
og viss um að stuðningsmenn Sam-
fylkingarinnar myndu fagna henni.
„Það verður að segja það eins og
er að atburðarásin hefur verið nokk-
uð hröð,“ sagði Ingibjörg Sólrún og
minnti á að í upphafi hefði hún ein-
ungis fallist á að skipa 5. sætið í
Reykjavík til að leggja Samfylking-
unni lið og vekja athygli á málefnum
borgarinnar. Atburðir hefðu á hinn
bóginn orðið til þess að hún væri nú
komin í þau spor að hún myndi beita
sér af alefli í landsmálunum. Sam-
fylkingin hefði verið í umtalsverðri
sókn á síðustu misserum og bætt við
sig fylgi. Sagðist Ingibjörg Sólrún
ætla að gera það sem í sínu valdi
stæði til að flokkurinn fengi gott
brautargengi í þingkosningunum í
vor. Aðspurð kvaðst hún ekki ætla að
bjóða sig fram sem formaður Sam-
fylkingarinnar á næsta landsfundi
flokksins.
Spurð um verkaskiptingu milli
hennar og Össurar sagði Ingibjörg
Sólrún alveg ljóst að Össur færi með
hið lýðræðislega umboð frá flokkn-
um og þau hlytu að vinna mjög náið
saman, bæði í aðdraganda kosning-
anna og að þeim loknum. Unnið yrði
eftir kosningastefnuskrá flokksins
og allir frambjóðendur væru þess
umkomnir að kynna hana fyrir kjós-
endum. Aðspurð hvort það myndi
hafa áhrif á stefnu Samfylkingarinn-
ar að henni væri teflt fram sem for-
sætisráðherraefni flokksins sagði
hún að innan Samfylkingarinnar
væri pláss fyrir ýmsar skoðanir og
kvaðst ekki hafa orðið vör við að hún
og Össur væru ósammála í einhverj-
um málum.
Össur og Ingibjörg Sólrún bentu
bæði á að ávallt væri einhver blæ-
brigðamunur á skoðunum innan
flokka, jafnvel í fremstu víglínu.
Nefndi Ingibjörg Sólrún sem dæmi
að munur væri á stefnu formanna og
varaformanna Sjálfstæðisflokks og
Framsóknarflokks. Þeir stæðu hins
vegar fyrir þá sameiginlegu stefnu
sem flokkar þeirra hefðu markað.
Óbundin til kosninga
Aðspurð hvort hún gæti hugsað
sér að sitja í ríkisstjórn með Davíð
Oddssyni sagði Ingibjörg Sólrún:
„Það sem ég hef sagt í þessum efnum
er að sjálfsögðu var ég ekki að bjóða
mig fram til að lengja lífdaga Davíðs
Oddssonar á forsætisráðherrastóli.
Ég hef enga sérstaka löngun til þess.
Ég tel að það sé komin ákveðin vald-
þreyta og tími til að skipta. Það er
hins vegar auðvitað ekki mitt að
ákveða það, hvernig Samfylkingin
hagar sínu stjórnarmynstri. Það er
formannsins og þingflokksins í sam-
einingu að gera það. Ég ræð því ekki
í sjálfu sér.“ Samfylkingin ynni að
því að festa sig í sessi sem mótvægi
við Sjálfstæðisflokkinn. „Hins vegar
er það auðvitað á ábyrgð allra þeirra
sem kjörnir eru að mynda starfhæfa
ríkisstjórn eftir kosningar. Og þá
verða menn auðvitað að ráða í spilin
og hvaða skilaboð kjósendur hafa
sent,“ sagði hún.
Össur sagði Samfylkinguna ganga
óbundna til kosninga og flokkurinn
hefði aldrei útilokað ríkisstjórnar-
samstarf með Sjálfstæðisflokknum.
„Það hefur hins vegar verið þannig
að formaður Sjálfstæðisflokksins
hefur talað með þeim hætti að hann
hefur gert sínum flokki og sinni þjóð
ákaflega góða grein fyrir því að hann
hafi ákaflega lítinn áhuga á slíku
samstarfi en það verður hann að eiga
við sjálfan sig og sinn flokk,“ sagði
hann.
Ingibjörg Sólrún Gísladóttir er forsætisráðherraefni Samfylkingarinnar
Af fullum
krafti í
landsmálin
Morgunblaðið/Þorkell
Ingibjörg Sólrún Gísladóttir verður fulltrúi Samfylkingarinnar í helstu
kappræðum í sjónvarpi, m.a. í svonefndum formannaþætti sem jafnan er á
dagskrá sjónvarps kvöldið fyrir kjördag.
KJÖRNEFND Sjálfstæðisflokksins
í Norðvesturkjördæmi samþykkti á
fundi sínum á laugardag að Adolf
Berndsen frá Skagaströnd skyldi
taka fimmta sæti, en Vilhjálmur Eg-
ilsson alþingismaður lenti í því sæti í
prófkjöri sem fram fór 9. nóvember
sl. Vilhjálmur er á leið til starfa hjá
Alþjóðagjaldeyrissjóðnum í Wash-
ington í Bandaríkjunum. Adolf tók
ekki þátt í prófkjörinu.
„Þarna var tækifæri til að flytja
konur upp. Í staðinn kemur maður
inn sem er fimmti karlmaðurinn í
röðinni og fimmti maðurinn frá sjáv-
arþorpi,“ segir Jóhanna Pálmadótt-
ir, bóndi á Akri í Húnavatnssýslu,
sem tók þátt í prófkjörinu.
Jóhanna lenti í sjötta sæti, á eftir
Vilhjálmi, en hlaut 52% atkvæða í
fimmta sætið. Hún er formaður Fé-
lags sauðfjárbænda í Austur-Húna-
vatnssýslu og varaformaður Lands-
sambands sauðfjárbænda. Hún segir
að eðlilegast hefði verið að færa hana
og Birnu Lárusdóttur, sem lenti í
sjöunda sæti, upp um sæti.
Bókaði mótmæli
Reynir Kárason frá Sauðárkróki
situr í kjörnefnd og tók þátt í at-
kvæðagreiðslu um tillögu nefndar-
innar. Hann segir að við upphaf
fundarins á laugardaginn hafi skiln-
ingur flestra nefndarmanna verið sá,
að færa ætti þá sem komu á eftir Vil-
hjálmi Egilssyni upp um eitt sæti
eftir brotthvarf hans. Síðan hafi
komið eindregin tillaga frá þremur
nefndarmönnum og stuðningsmönn-
um Vilhjálms um að Adolf tæki
fimmta sætið. Samþykktu nefndar-
menn það en hann bókaði mótmæli
við afgreiðsluna og sagði óeðlilegt að
nýr maður væri tekinn fram fyrir þá
sem tóku þátt í prófkjörinu.
Jóhanna segir að það hafi komið
sér og stuðningsmönnum sínum á
óvart þegar fréttist af þessari til-
lögu. Brugðust stuðningsmennirnir
við snemma á laugardagsmorgun,
sama dag og kjörnefnd fundaði, og
söfnuðu 52 undirskriftum á tveimur
tímum þar sem þessu var mótmælt.
Var mótmælaskjal með undirskrift-
unum sent símleiðis til kjörnefndar,
sem sat á rökstólum á Staðarflöt við
Staðarskála. Hún segir að það hafi
engin áhrif haft á afgreiðslu nefnd-
arinnar.
„Þegar tækifæri gefst til að stilla
upp á þessum lista er fulltrúa land-
búnaðarins, fulltrúa kvenna og full-
trúa þessara mörgu kjósenda ekki
gefinn kostur á að færast upp, held-
ur bætt við fimmta manninum sem
kemur úr sjávarþorpi eins og allir
hinir,“ segir Jóhanna. Hún bendir á
að í kjördæminu sé mikill landbún-
aður í Borgarfirði, Húnavatnssýsl-
unum og Skagafirði, og mikilvægt að
fulltrúi landbúnaðarins sé líka á
þessum lista. Hún segist ekki geta
gefið neinar skýringar á þessari nið-
urstöðu kjörnefndar. „Fólki finnst
þetta ólýðræðislegt.“
Samkvæmt tillögu kjörnefndar
verður Sturla Böðvarsson í fyrsta
sæti, Einar K. Guðfinnsson í öðru
sæti, Einar Oddur Kristjánsson í
þriðja, Guðjón Guðmundsson í fjórða
og Adolf Berndsen í fimmta. Jó-
hönnu Pálmadóttur hefur verið boð-
ið sjötta sæti og Birnu Lárusdóttur
sjöunda sætið. Jóhanna segir ekki
ljóst hvort breytingartillaga verði
lögð fram á fundinum. Fólk sé að
melta þessa niðurstöðu ennþá.
Kjörnefnd Sjálfstæðisflokksins í Norðvesturkjördæmi
Adolf Berndsen stillt
upp í fimmta sæti
„Fólki finnst þetta
ólýðræðislegt,“
segir Jóhanna
Pálmadóttir
ELLERT B. Schram, forseti
ÍSÍ og fyrrverandi þingmað-
ur Sjálfstæðisflokksins, segir
að það komi til greina af sinni
hálfu að vera í 5. sæti á lista
Samfylkingarinnar í Reykja-
víkurkjördæmi suður verði
honum boðið það. Ellert hef-
ur afþakkað
boð um að
taka 6. sætið
á lista flokks-
ins í Reykja-
víkurkjör-
dæmi norður,
á eftir Ingi-
björgu Sól-
rúnu Gísla-
dóttur
borgarstjóra.
Hann segir að uppstilling-
arnefnd hafi rætt um hvort
hægt væri að finna honum
stað annars staðar á listanum
og að m.a. sé rætt um 5. sæti
í Reykjavíkurkjördæmi suður
í því sambandi. Hann segist
ekki vita hvenær útséð verði
um hvort hann tekur sæti á
lista Samfylkingarinnar.
„Ég er mjög afslappaður út
af þessu. Ef þeir vilja eitt-
hvað við mig tala heyri ég
sjálfsagt frá þeim.“
Hann vill ekki gefa upp
hver hafi komið að máli við
hann um að hann tæki sæti á
lista flokksins en segir að það
sé fólk innan flokksins sem
hann „taki mark á“. Það hafi
þó ekki verið formaður
flokksins.
Páll Halldórsson formaður
uppstillingarnefndar vildi
ekki tjá sig um málið þegar
Morgunblaðið innti hann eftir
því.
Ellert Schram hafn-
ar boði um 6. sæti á
lista Samfylkingar
Kæmi til
greina
að taka
5. sætið
Ellert B.
Schram