Morgunblaðið - 16.01.2003, Blaðsíða 10

FRÉTTIR
10 FIMMTUDAGUR 16. JANÚAR 2003 MORGUNBLAÐIÐ
Á ÖÐRUM degi opinberrar heim-
sóknar sinnar í Japan átti Davíð
Oddsson forsætisráðherra fundi með
japönskum þingmönnum, forsvars-
mönnum heimssýningarinnar EXPO
2005, sem verður haldin í Aichi, og
forystumönnum samtaka ferðaskrif-
stofa, þar sem rætt var um mögu-
leika á aukinni sókn Japana til Ís-
lands. Þá var kvöldverðarboð til
heiðurs forsætisráðherrahjónunum í
móttökuhúsi japanska utanríkis-
ráðuneytisins.
Hópur þingmanna úr Nýja Komei
flokknum, og þar á meðal forystu-
menn hans, buðu Davíð til morgun-
verðarfundar. Að sögn Ólafs Davíðs-
sonar, ráðuneytisstjóra forsætis-
ráðuneytisins, var rætt um stjórn-
mál og samskipti landanna en mikið
hefði verið talað um orkumál.
„Þeir hafa mikinn áhuga á að
kynna sér betur hvernig við förum
að því að nýta okkar endurnýjanlegu
orku,“ sagði Ólafur. „Einn þingmað-
urinn er vísindamaður á sviði orku-
mála og hefur sérstaklega mikinn
áhuga á þessu; hann hefur komið til
Íslands til að kynna sér þetta. Þeir
vilja kynna sér betur hvernig við
nýtum vatnsorkuna en ekki síður
jarðvarma, því hann er mikill hér.
Þá ræddum við umhverfismál í
víðum skilningi. Hvernig okkur tekst
að sameina nýtingu náttúruauðlinda
og verndum umhverfis. Þeim líst vel
á hvernig okkur hefur tekist til.“
Forsætisráðherra fundaði síðan
með Watanabe, forseta undirbún-
ingsnefndar heimssýningarinnar
EXPO 2005, sem verður haldin í
borginni Aichi sem er fyrir sunnan
Tókýó. Að fundinum loknum sagði
Davíð að forsvarsmenn sýningar-
innar hefðu óskað eftir því að fara
yfir undirbúninginn með sér. „Þeir
höfðu óskað þess eindregið að Ísland
tæki þátt í sýningunni. Við höfum
sagt þeim að okkar hugur stefni til
þess að endar nái saman með öðrum
Norðurlöndum, ella yrði þetta okkur
ansi dýrt. Það eru viðræður í gangi
milli Norðurlandanna og ég hygg að
það sé vilji fyrir því að taka þátt í
sýningunni en það verða allir að vera
með til að af því geti orðið. Við erum
því hlynntir að svo verði, það er gott
að merki og fáni Íslands sjáist hér,
en reynslan kennir okkur að þessar
sýningar geta orðið ansi dýrar.“
Í eftirmiðdaginn átti Davíð fund
með forráðamönnum samtaka ferða-
skrifstofa í Japan. Ásamt honum sat
fundinn dr. Eyþór Eyjólfsson, ný-
kjörinn formaður Íslenska versl-
unarráðsins í Japan. Hann á ferða-
skrifstofuna K.K. Viking ásamt
Flugleiðum. Að fundinum loknum
sagði Davíð Oddsson að ferðaskrif-
stofurnar í þessum samtökum væru
eitthvað um 1.300 talsins. „Við fórum
yfir og ræddum um þá möguleika
sem eru í að auka ferðamennsku á
milli landanna, og einkum héðan og
heim.
Þeir lofuðu engu um árangur en
höfðu uppi góð orð um það og áhuga,
enda er það hagsmunamál þeirra
líka að auka ferðamennsku. Þessi
fundur var liður í því að ýta á okkar
hagsmuni, hvar sem við komum því
við.“
Eyþór hefur mikla trúa á vaxtar-
möguleikum í ferðamennsku milli
landanna. „Það sækja eitthvað um
3.000 Japanir Ísland heim árlega og
það hefur verið að aukast,“ segir
hann. „Þeir eru minna háðir árstíð-
um en ferðamenn annarra þjóða. Ef
við lítum á gistinætur á Íslandi er
kúrfan svo að segja jöfn hjá Japön-
um. Þeir fara upp á hálendi, á Mel-
rakkasléttu og ólíklegustu staði á
veturna til að horfa á norðurljósin.
Að því leyti eru þeir gífurlega mikil-
vægir ferðamenn. Þeir koma allt árið
um kring og eyða mun meira en aðr-
ir ferðamenn; þeir búa á bestu hótel-
unum, borða á bestu veitingastöð-
unum, kaupa minjagripi og skilja
mikið eftir. Þeir eru mikilvægir fyrir
alla sem eru í ferðaþjónustu á Ís-
landi.“ Og Eyþór segir draum sinn
vera þann að sjá tíu þúsund Japani
sækja Ísland heim eftir þrjú ár og
það sé ekki óraunhæft því tugir þús-
unda Japana sæki Noreg heim ár-
lega.
Þessum öðrum degi heimsóknar-
innar lauk með kvöldverðarboði til
heiðurs Davíð og frú Ástríði Thor-
arensen í móttökuhúsi utanríkis-
ráðuneytis Japans. Aðstoðarutan-
ríkisráherrann tók á móti forsætis-
ráðherrahjónunum og sendiherrum
ríkjanna og boðið var upp á hefð-
bundinn japanskan mat.
Dagskráin í dag, á þriðja degi op-
inberrar heimsóknar forsætisráð-
herrahjónanna, hefst á einkaáheyrn
þeirra hjá Naruhitu krónprinsi og
Masako krónprinsessu Japans.
Morgunblaðið/Einar Falur
Í kvöldverðarboði til heiðurs Davíð Oddssyni í móttökuhöll japanska utanríkisráðuneytisins ræddi Davíð við Motegi aðstoðarutanríkisráðherra og Kawai,
sendiherra Japans á Íslandi. Fyrr um daginn ræddi hann við forystumenn í viðskiptum í Japan. Á morgun hittir forsætisráðherra krónprins Japans.
Davíð Oddsson átti fund með áhrifamönnum í stjórnmálum í Japan
Áhugi á auknu
samstarfi í
ferðaþjónustu
Davíð Oddsson forsætisráðherra heimsótti í gær höfuðstöðvar JATA, sam-
taka japanskra ferðaskrifstofa. Þar ræddi hann við forseta og fram-
kvæmdastjóra samtakanna ásamt Ingimundi Sigfússyni sendiherra og Ey-
þóri Eyjólfssyni, meðeiganda söluskrifstofu Flugleiða í Japan og nýkjörn-
um formanni Íslenska verslunarráðsins í Japan. Þeir ræddu möguleikana á
að fjölga heimsóknum japanskra ferðamanna til Íslands á komandi árum.
STURLA Böðvarsson samgönguráð-
herra segir að til greina komi að
Vegagerðin greiði hluta af kostnaði
við að bæta GSM-samband á stofn-
vegum landsins, einkum á fjallvegum
þar sem allra veðra er von.
Vegagerðin er nú að hefja athugun
á því hvar bæta þurfi sambandið en
Helgi Hallgrímsson vegamálastjóri
telur að kostnaður við verkefnið
hlaupi á hundruðum milljóna króna.
Sturla segir að öryggissjónarmið
ráði mestu um að ráðist sé í þessa
könnun. Með betri vegum, m.a. um
fjallgarða þar sem veður eru válynd,
hafi ferðalög að vetrarlagi aukist. Þá
sé oft á tíðum mikilvægt að vera í
símasambandi. „Það er hins vegar al-
veg ljóst að notendur gera mjög
miklar kröfur um þjónustu og þær
fara vaxandi. Þeir sem nota síma
mikið, hvort sem er fastlínu eða
GSM-kerfið og greiða stórfé fyrir,
eru í vaxandi mæli farnir að gera þá
kröfu að þeir séu tengdir á ferðum
sínum um landið. Þetta snýr ekki
bara að þeim sem búa á landsbyggð-
inni heldur verð ég þess ekki síður
var að stórnotendur gera kröfu um
að þeir geti verið í sambandi hvar
sem er á landinu,“ segir Sturla. Ekki
standi þó til að skylda símafyrirtæki
til að bæta sambandið.
Samgönguráðherra
Hugsanlegt
að Vegagerð-
in taki þátt í
kostnaði
HELGI Jóhannesson, lögmaður
fjárfestingafélagsins Gaums hf., seg-
ir að þrátt fyrir að bandarískir dóm-
stólar hafi fellt niður kyrrsetningu á
skemmtibátnum Thee Viking, sem
Gaumur hafði látið leggja á til að
tryggja 40 milljóna kr. fjárkröfu
Gaums á hendur Jóni Gerald Sullen-
berger vegna láns sem félagið veitti
til kaupa á bátnum, muni það eftir
sem áður halda áfram að innheimta
kröfuna, enda sé hún enn ógreidd.
„Ef til vill verður einnig reynt að
tryggja kröfuna með nýrri kyrrsetn-
ingu á bátnum eða áfrýja niðurstöðu
dómara um að fella niður núverandi
kyrrsetningu,“ segir Helgi. Að sögn
Helga hafði Jón Gerald talað um að
greiða kröfuna en ekkert hafi orðið
um efndir og því sé Gaumi nauðugur
einn kostur að tryggja kröfuna með
þessum hætti.
Helgi segir þá að vinnubrögð dóm-
ara hafi ennfremur valdið furðu og
reiði bandarískra lögmanna Gaums
með því að hann skyldi fella málið
niður án þess að gefa þeim færi á að
skýra málið efnislega fyrir dómi.
„Ákvörðun dómarans var að mati
lögmannanna fáheyrð,“ segir hann.
Skemmtibáturinn
Thee Viking
Gaumur hf.
íhugar áfrýj-
un málsins
♦ ♦ ♦
SVEITARSTJÓRN Norður-Héraðs
hefur samþykkt að veita Landsvirkj-
un framkvæmdaleyfi fyrir Kára-
hnjúkavirkjun með 750 MW afli að
því leyti sem framkvæmdin snertir
sveitarfélagið. Í næstu viku mun
Fljótsdalshreppur taka fram-
kvæmdaleyfið til afgreiðslu.
Þrír sveitarstjórnarmenn Norður-
Héraðs samþykktu virkjunarleyfið
en tveir sátu hjá.
Sveitarstjórn taldi að fullnægt
væri skilyrðum sem tilgreind eru
fyrir veitingu framkvæmdaleyfis
skv. skipulags- og byggingarlögum,
auk annarra skilyrða sem rædd voru
á fundinum.
Varðandi stíflur og aðrar tengdar
verklegar framkvæmdir við Hálslón
var vísað til úrskurðar umhverfis-
ráðherra frá 20. desember 2001 og
sérstaks svæðisskipulags Kára-
hnjúkavirkjunar sem staðfest var 16.
ágúst 2002. Þá var staðfest með bréfi
Náttúrufræðistofnunar Íslands frá
29. júlí 2002 að fyrir lægi viðunandi
rannsóknaáætlun varðandi tiltekna
jarðfræðiþætti sem fram koma í úr-
skurði umhverfisráðherra.
Í fundargerð sveitarstjórnar segir
ennfremur að Kárahnjúkavirkjun
hafi stórkostleg áhrif, einkum á nátt-
úrufar í sveitarfélaginu. Á öræfum
frá Brúarjökli að Fremri-Kárahnjúk
muni myndast hið 57 km² Hálslón og
enda við stíflurnar þrjár að Kára-
hnjúk.
Mikil áhrif á umhverfi
Að mati sveitarstjórnar mun við
myndun lónsins tapast hluti frið-
landsins við Kringilsárrana auk þess
sem um 30 km² gróins lands fari und-
ir vatn. Í byggð verði áhrifin einkum
þau að Jökulsá á Dal hverfi úr far-
vegi sínum þar sem hún verði leidd
40 km leið um jarðgöng yfir til
Fljótsdals. Muni yfirbragð árinnar
gjörbreytast. Áreyrar Jökulsár allt
til sjávar muni stækka með minnkun
árinnar og líklegt sé talið að strand-
rof verði við Héraðsflóa þegar áin
hætti að bera sína 10 milljónir rúm-
metra af aur og sandi til sjávar ár-
lega. Jafnframt muni vatnsmagn
nær tvöfaldast í Lagarfljóti við það
að Jökulsá á Dal sameinist Jökulsá í
Fljótsdal ofan stöðvarhússins í
Fljótsdal og geti aukið vatnsmagn
Lagarfljóts haft áhrif á umhverfi
þess innan sveitarfélagsmarkanna á
utanverðu Norður-Héraði.
„Allar þessar breytingar og ýmsar
aðrar fyrirsjáanlegar á náttúrufari
samþykkir sveitarstjórn, að þessu
framkvæmdaleyfi afgreiddu, að skuli
yfir sveitarfélagið og íbúa þess
ganga, þrátt fyrir það að við núgild-
andi löggjöf virðist svo sem að sveit-
arfélagið Norður-Hérað muni hafa
hverfandi framtíðartekjur af Kára-
hnjúkavirkjun,“ segir m.a. í fundar-
gerðinni.
Sveitarstjórn Norður-Héraðs hefur tekið afstöðu til Kárahnjúkavirkjunar
Veitti framkvæmda-
leyfi fyrir virkjuninni