Morgunblaðið - 05.02.2003, Qupperneq 10

FRÉTTIR
10 MIÐVIKUDAGUR 5. FEBRÚAR 2003 MORGUNBLAÐIÐ
STURLA Böðvarsson samgönguráð-
herra sagði á Alþingi í gær að í til-
lögum að samgönguáætlunum fyrir
árin 2003 til 2014 annars vegar og
2003 til 2006 hins vegar væri gert ráð
fyrir fleiri og dýrari framkvæmdum í
samgöngumálum en nokkru sinni
fyrr. Ráðherra mælti fyrir þessum
tillögum á Alþingi í gær, en í þeim er
gert ráð fyrir að um 240 milljarðar
fari til samgöngumála á tímabilinu,
þ.e. frá 2003 til 2014. Tillögurnar taka
til flugs, siglinga og landssamgangna
og eru m.a. lagðar fram á grundvelli
nýrra laga um samgönguáætlun.
„Við gerum ráð fyrir því að í lok
áætlunartímabilsins fullnægi sam-
göngukerfi þjóðarinnar í öllum meg-
inatriðum þessu landi,“ sagði ráð-
herra.
Í umræðunum um tillögurnar
spurði Ásta R. Jóhannesdóttir, þing-
maður Samfylkingarinnar, ráðherra
m.a. að því hvaða framkvæmdum
hann hygðist flýta til að bæta at-
vinnuástandið. Vitnaði hún þar til
ummæla Páls Péturssonar félags-
málaráðherra í utandagskrárum-
ræðu á Alþingi fyrir skömmu um að
ríkisstjórnin vildi flýta útboðum á
verklegum framkvæmdum á vegum
ríkisins, til að bregðast við ástandinu
í atvinnumálum hér á landi.
Ráðherra svaraði því m.a. til að
hann hefði beint þeim tilmælum til
stofnana samgönguráðuneytisins að
hraða undirbúningi og framkvæmd-
um innan ársins 2003 eins og kostur
væri. „Stofnanir hafa að sjálfsögðu
orðið vel við þessum óskum mínum,“
sagði ráðherra. Hann nefndi m.a. að
flýta ætti útboði á framkvæmdum við
mislæg gatnamót við Stekkjarbakka
í Reykjavík. Það væri stórt verkefni
og útboðið yrði á næstunni. Ráðherra
nefndi einnig að verið væri að vinna
að undirbúningi framkvæmda við
Reykjanesbraut, en skipulagsvanda-
mál gætu þó valdið töfum. Skipulags-
vandamál gætu sömuleiðis tafir
framkvæmdir í Mosfellsbænum. „En
úti um allt land er verið að herða á
framkvæmdum og útboðum og m.a.
verður á næstu vikum, innan tveggja
vikna, væntanlega boðin út brú yfir
Kolgrafarfjörð. Þá eru jarðgangaút-
boðin í undirbúningi,“ sagði ráð-
herra.
Mælt fyrir samgöngu-
áætlun til ársins 2014
Morgunblaðið/Golli
Sturla Böðvarsson samgönguráðherra mælti fyrir samgönguáætlun á Alþingi í gær.
DAVÍÐ Oddsson forsætisráðherra
sagði við upphaf þingfundar á Alþingi
í gær að það væri með ólíkindum að
fylgjast með upphlaupi þingmanna
stjórnarandstöðunnar síðustu daga
og árásum þeirra á forseta þingsins,
Halldór Blöndal. Annað eins myndi
hvergi gerast í hinum vestræna
heimi. Tilefni þessara orða var gagn-
rýni þingmanna stjórnarandstöðunn-
ar, einkum þingmanna Samfylking-
arinnar, á Halldór Blöndal fyrir að
hafa hafnað beiðni þingflokks Sam-
fylkingarinnar um að fela Ríkisend-
urskoðun að taka saman skýrslu um
fjárhagslegt uppgjör Landssíma Ís-
lands hf. við fyrrverandi forstjóra
fyrirtækisins, Þórarin V. Þórarins-
son, sem gert var í tengslum við
starfslok hans hjá fyrirtækinu. „Það
er gott að kosningamál, helsta kosn-
ingamál Samfylkingarinnar er komið
fram,“ sagði Davíð Oddsson. „Maður
velti því lengi fyrir sér hvað yrði
kosningamál hennar,“ bætti hann
við. „En að því slepptu þá er með
ólíkindum að fylgjast hér með þessu
upphlaupi og þessum árásum sem
menn gera hér að forseta þingsins.
Ég leyfi mér að fullyrða að þetta
gæti ekki gerst í nokkru öðru þingi
veraldar.“ Spurði ráðherra hvers
vegna þingmenn gæfu sér það ekki
að forseti þingsins væri með því að
hafna fyrrgreindri beiðni að kveða
upp málefnalegan úrskurð.
Össur Skarphéðinsson, formaður
Samfylkingarinnar, hóf reyndar
þessa umræðu í upphafi þingfundar í
gær, með því að spyrja hvort það
væri við hæfi að Halldór Blöndal
kvæði upp úrskurð um umrædda
beiðni þingmanna Samfylkingarinn-
ar í ljósi þess að Halldór hefði, þegar
hann gegndi embætti samgönguráð-
herra, staðið að ráðningu Þórarins í
starf forstjóra Símans. Vísaði Össur
máli sínu til stuðnings í viðtal sem
birtist við Sturlu Böðvarsson sam-
gönguráðherra í Morgunblaðinu þar
sem Sturla segir að þegar hann tók
við embætti samgönguráðherra
hefði Halldór verið búinn að gefa
Þórarni, sem þá var stjórnarformað-
ur Símans, fyrirheit um að hann tæki
við starfi forstjóra. Verkefni Sturlu
hefði verið að efna það samkomulag.
Halldór Blöndal, sem var í forseta-
stól, tók fram að forsætisnefnd hefði
ekki borist nein beiðni um að Rík-
isendurskoðun skilaði skýrslu um
starfslokasamning forstjóra Símans.
Ítrekaði Halldór þetta a.m.k. tvisvar
síðar í umræðunni. Guðmundur Árni
Stefánsson, þingmaður Samfylking-
arinnar, tók hins vegar fram að verið
væri að gera einfalda hluti flókna.
Las hann upp úr bréfi þingmanna
Samfylkingarinnar frá nóvember sl.
til forsætisnefndar þar sem farið
væri fram á að forsætisnefndin fæli
Ríkisendurskoðun að gefa Alþingi
skýrslu um fjárhagslegt uppgjör
Símans við Þórarin V. Þórarinsson,
fyrrverandi forstjóra Símans, sem
gert var í tengslum við starfslok
hans hjá fyrirtækinu.
Sturla Böðvarsson samgönguráð-
herra kvaðst undrast þær árásir sem
forseti þingsins sæti undir frá einum
af varaforsetum þingsins, en Guð-
mundur Árni er fyrsti varaforseti
þingsins. Sturla sagði að það lægi
ljóst fyrir að það væri ekki á valdi
forseta þingsins að leggja fram
skýrslu um uppgjör við fyrrverandi
forstjóra Símans. Fyrirtækið væri
hlutafélag og ekki væri hægt að kalla
eftir endurskoðunarskýrslum frá
slíkum félögum. „Þess vegna vil ég
hvetja háttvirta þingmenn til að sýna
forseta Alþingis þá virðingu sem
hann á sannarlega skilið.“
Guðmundur Árni kom aftur í
pontu og sagði að samgönguráð-
herra væri ekki maður til að reyna að
bera skjöld fyrir forseta þingsins.
„Því sannleikurinn er sá að hæstvirt-
ur samgönguráðherra gat sjálfur
komið í veg fyrir allt þetta sem í hönd
hefur farið með því að birta umbeðn-
ar upplýsingar þegar eftir því var
leitað.“
Ummælin vítaverð
Fleiri þingmenn tóku til máls í um-
ræðunni. Jóhann Ársælsson, þing-
maður Samfylkingarinnar, sagði
m.a. að það væri ekki bætandi ofan á
önnur afglöp forseta þingsins ef
hann ætlaði að koma í veg fyrir að
þingmenn gætu beitt þinglegum ráð-
um til að afla upplýsinga. Og Lúðvík
Bergvinsson, þingmaður Samfylk-
ingarinnar, ítrekaði fyrrnefndar at-
hugasemdir Össurar. Sagði hann að
forseti hefði í engu svarað þeim og
snúið út úr málinu. Eftir ræðu sína
kallaði Lúðvík úr sal að forseti ætti
ekki að misnota stöðu sína í forseta-
stóli. Lýsti Halldór því yfir að þessi
ummæli væru vítaverð.
Guðni Ágústsson landbúnaðarráð-
herra tók upp hanskann fyrir forseta
þingsins og sagði að árásirnar á for-
seta þingsins væru þær óvenjuleg-
ustu sem hann hefði séð. Guðjón
Guðmundsson, þingmaður Sjálf-
stæðisflokksins, sagði einnig að allar
árásir á forseta þingsins væru ómak-
legar, ódrengilegar og Samfylking-
unni til skammar. Forseti þingsins
hefði afgreitt umrætt mál eins og
honum bæri og skv. niðurstöðum
færustu lögmanna.
Uppgjör við fyrrverandi forstjóra Símans aftur rætt á þingi
Undrast gagnrýni þing-
manna á þingforseta
ÞINGFUNDUR Alþingis hefst
kl. 13.30 í dag. Á dagskrá verða
fyrirspurnir til ráðherra. Kl. 15.30
fer fram utandagskrárumræða
um úrskurð ráðherra um Norð-
lingaölduveitu. Málshefjandi
verður Steingrímur J. Sigfússon,
VG, en Jón Kristjánsson heil-
brigðisráðherra verður til and-
svara.
BORGARFULLTRÚAR Sjálfstæð-
isflokks lögðu fram svohljóðandi
fyrirspurn til Þórólfs Árnasonar
borgarstjóra á fundi borgarráðs í
gær:
„Við afgreiðslu fjárhagsáætlunar
Reykjavíkurborgar fyrir árið 2003 á
fundi borgarstjórnar 2. janúar 2003
bókuðu borgarfulltrúar sjálfstæðis-
manna meðal annars eftirfarandi:
„Við brotthvarf Ingibjargar Sól-
rúnar Gísladóttur úr stóli borgar-
stjóra er eðlilegt að gerð sé úttekt á
þróun fjármála Reykjavíkurborgar í
hennar tíð. Slíkt er til þess fallið að
auðvelda nýjum borgarstjóra að
horfast í augu við hina ótrúlegu
skuldasöfnun borgarinnar undir for-
ystu Ingibjargar Sólrúnar Gísla-
dóttur, sem lofaði kjósendum árið
1994 að skuldir Reykjavíkurborgar
yrðu lækkaðar undir hennar for-
ystu.“
Á fyrsta borgarráðsfundi nýs
borgarstjóra vilja borgarráðsfulltrú-
ar sjálfstæðismanna vekja athygli á
því, að hreinar skuldir Reykjavík-
urborgar án lífeyrisskuldbindinga
hafa aukist um 1100% síðan árið
1993, á sama tíma hafa sambæri-
legar skuldir ríkissjóðs lækkað um
13%. Þá er staðfest, að heildarskuld-
ir á hvern Reykvíking eru 733 þús-
und krónur og þar með hærri en í
nokkru öðru stóru sveitarfélagi í
landinu eða á höfuðborgarsvæðinu.
Með vísan til þessara staðreynda
er spurt: Ætlar nýr borgarstjóri að
óska eftir úttekt á því hvað veldur
þessari miklu skuldaaukningu? Ætl-
ar borgarstjóri að beita sér fyrir því
að snúið sé af þessari braut?
Samkvæmt fjárhagsáætlun
Reykjavíkurborgar fyrir árið 2002
sem samþykkt var í borgarstjórn í
desember 2001 var gert ráð fyrir því
að hreinar skuldir borgarinnar í árs-
lok 2002, án lífeyrisskuldbindinga,
yrðu 33,2 milljarðar króna. Útkomu-
spá fyrir árið 2002 gerir nú ráð fyrir
því að niðurstaðan verði rúmir 43
milljarðar króna eða tæpum 10
milljörðum hærri. Frávikið er því
30% miðað við það sem áætlunin
gerði ráð fyrir. Fjárhagsáætlun fyr-
ir árið 2003 er reist á sama grunni
og áætlunin fyrir árið 2002.
Með vísan til þessa er spurt: Ætl-
ar nýr borgarstjóri að grípa í taum-
ana, svo að þróunin verði ekki hin
sama í ár og árið 2002, að skuldir
aukist 30% umfram áætlun?“
Sjálfstæðismenn á
borgarráðsfundi
Hvetja borg-
arstjóra til að
grípa inn í
skuldasöfnun
NOKKRIR sterkir jarðskjálftar, í
kringum 5 stig á Richter, urðu á
Reykjaneshrygg um helgina um
950 km suðvestur af landinu. Þrír
skjálftar komu fram á mælum sl.
laugardag, sá stærsti upp á 5,5
stig, og tveir daginn eftir af svip-
uðum styrkleika.
Skjálftahrinur á þessu svæði
hafa verið nokkrar á síðustu þrem-
ur árum. Í október sl. varð hrina
um 100 km norðar á hryggnum, sú
mesta í ein 40 ár þar sem stærsti
skjálftinn var 5,5 stig á Richter líkt
og nú.
Gunnar B. Guðmundsson á jarð-
eðlissviði Veðurstofunnar segir
hrinuna hafa verið nálægt þver-
gengi sem kennt sé við rannsóknar-
skipin Charley og Gibbs. Erfitt sé
að segja til um hvort þetta hafi ein-
hver áhrif á skjálftavirkni hér á
landi, en Ísland liggur sem kunn-
ugt er á Reykjaneshryggnum.
Áfram verði fylgst með þróun
mála, ekki síst ef virknin færist
norðar á hryggnum og nær landi.
Enn skjálfta-
hrina á Reykja-
neshrygg
♦ ♦ ♦