Morgunblaðið - 04.04.2003, Síða 31

UMRÆÐAN
MORGUNBLAÐIÐ FÖSTUDAGUR 4. APRÍL 2003 31
BÆJARSTJÓRN Garðabæjar
hefur nú óskað eftir því að íbúar bæj-
arins taki þátt í hugmyndavinnu um
uppbyggingu nýs grunnskóla fyrir
Ásahverfi, Sjáland og Grundir. Skip-
aður hefur verið starfshópur sem á að
leiða undirbúning að hönnun á bygg-
ingu skólamannvirkisins en áhersla
er lögð á að hópurinn hafi sem við-
tækast samráð við þá hagsmunaaðila
sem koma að byggingu skólans svo
sem íbúa í skólahverfinu, nemendur,
skólafólk, foreldraráð, atvinnulífið og
ekki síst hönnuð mannvirkisins sem
mun starfa með hópnum á undirbún-
ingstímanum. Gert er ráð fyrir að
vinnuhópurinn skili niðurstöðum í
byrjun maí.
Nú þegar undirbúningsvinnan er
byrja vil ég hvetja alla þá Garðbæ-
inga sem áhuga hafa á að taka þátt í
samstarfinu að senda inn nafn og
heimilsfang til Oddnýjar Eyjólfsdótt-
ur grunnskólafulltrúa á netfangið,
oddnye@gardabear.is. Samstarfið er
mjög mikilvægt enda hefur öflugt for-
eldrasamstarf í grunnskólum Garða-
bæjar stuðlað að ýmiss konar
framþróun í skólum bæjarins. Nú
geta foreldrar í Garðabæ í fyrsta sinn
haft áhrif á allra fyrstu stigum starfs-
ins, þ.e. áður en hönnun byggingar-
innar hefst.
Eðlilegt framhald af íbúaþingi
Ósk bæjarstjórnar nú um náið
samstarf við íbúa um uppbyggingu
skólans er í anda í fjölmenns íbúa-
þings sem haldið var í október sl. Eitt
af þeim málum sem bæjarstjórn
Garðabæjar vildi sérstaklega fá fram
hver væru sjónarmið íbúanna er stað-
setning á nýjum skóla fyrir Ásahverf-
ið, Sjáland og Grundir.
Á þinginu fjölluðu tveir hópar um
staðsetninguna og gerðu hóparnir
samanburðartöflu fyrir þær 5 lóðir
sem komu til greina. Borinn var sam-
an kostnaður lóðanna, aðgengi fyrir
gangandi vegfarendur, nálægð við al-
menningssamgöngur og möguleiki á
stækkun skólans. Ekki var tekið mið
af skoðunum stjórnmálamanna eða
almennings við þessa vinnu. Niður-
staða þingsins var sú að þrjár af þess-
um fimm lóðum væru álitlegir kostir,
þ.e. lóð á Grundum, Héðinslóð og lóð
á mörkum Sjálands og Grunda.
Síðastliðnir mánuðir hafa verið not-
aðir til að þróa þessar hugmyndir
frekar og nú liggur fyrir að vilji bæj-
arstjórnar er sá að nýr skóli rísi á
mörkum Sjálands og Grunda. Ástæð-
ur þess að Sjáland er valið umfram
Héðinslóð eru allnokkrar.
Í fyrsta lagi gæti skóli á Héðinslóð
einungis nýtt hluta lóðarinnar þar
sem ljóst er að starfsemi fyrirtækis-
ins verður áfram á stórum hluta lóð-
arinnar. Það þýðir að skólinn yrði að
laga sig að þungri iðnaðarframleiðslu
og hávaðamengun. Lögun skólans
yrði því afar óheppileg en mannvirkið
yrði líka að vera nokkurskonar hljóð-
vörn fyrir starfsemi skólans. Leyfi-
legur hávaði á lóðarmörkum iðnaðar-
lóðar Héðins er 70 db(A) en 55 (45)
db(A) á skólalóð og 30 db(A) í skóla-
stofu. Nábýli skóla og iðnaðarfram-
leiðslu á því ekki vel saman.
Í öðru lagi er stofnkostnaður við lóð
Héðins um 40 mkr. hærri en á lóðinni
við Sjáland.
Í þriðja lagi er lóðin við Sjáland
miðsvæðis fyrir allt skólahverfið, þ.e.
Ásahverfið, Sjáland og Grundir en
þar er verið að huga að frekari upp-
byggingu í ljósi niðurstaðna íbúa-
þingsins. Þessi staðsetning gæfi líka
börnum úr Arnarnesi möguleika á að
sækja skólann, allt eftir því hvernig
íbúasamsetnig þróast í hinum ýmsu
hverfum í framtíðinni.
Í fjórða lagi eru greiðar gönguleiðir
að lóðinni við Sjáland frá öllum hverf-
unum þremur sem ætti að stuðla að
því að börn gangi í skólann. Vissulega
er styttra fyrir mörg börn úr Ása-
hverfi að ganga í skóla á Héðinslóð en
á móti kemur að gert er ráð fyrir að
stór hluti nemenda komi einnig úr
Sjálandi og af Grundum.
Í fimmta lagi er aðkoma bíla einnig
mun betri á Sjálandi því að skóli á
Héðinslóð myndi stuðla að mjög auk-
inni umferð í gegnum Ásahverfið.
Í sjötta lagi er lóðin við Sjáland
rýmri og því betur til fallin til þess að
laga skólann að vaxandi bæjarfélagi.
Í sjöunda lagi skapast á Sjálandi
raunhæfur möguleiki á að samnýta
íþróttamannvirki sem og almenn sal-
arkynni skólans í tengslum við fé-
lagsstarf fyrir eldri borgara, en fyr-
irhugað Jónshús fyrir eldri borgara
verður í næsta nágrenni. Þannig
mætti ná góðri samnýtingu á húsnæð-
inu hvort sem er á skólatíma, t.d með
bókasafni og mötuneyti, eða eftir að
almennu skólastarfi lýkur á daginn.
Sú gagnrýni sem aðallega hefur
heyrst varðandi Sjálandslóðina er sú
að nálægð hennar við ströndina sé of
mikil og að fjaran verði of mikið að-
dráttarafl í frímínútum. Draga verður
úr því að sú hætta geti skapast m.a.
með hönnun skólalóðarinnar en jafn-
framt er mikilvægt að börn sem búa
við sjóinn læri að umgangast hann af
mikilli varfærni. Reyndar má einnig
telja staðsetningunni það til tekna
hve miklir möguleikar skapast í
kennslu við að hafa ströndina svo
nærri skólanum. Það hefur að
minnsta kosti ekki komið að sök fyrir
hina grunnskólana í bænum að báðir
liggja þeir nærri lækjum. Einnig hef-
ur verið nefnt að vindasamt sé við sjó-
inn en hafa verður í huga að Sjáland
liggur við Arnarnesvog, sem er mikil
náttúruperla, en ekki við opið haf. Þá
er ástæða til að taka fram að dýrustu
og eftirsóttustu lóðirnar jafnt í Garða-
bæ sem og á höfuðborgarsvæðinu eru
sjávarlóðir.
Ég vil nota þetta tækifæri til að
þakka íbúum Garðabæjar fyrir gott
samstarf á íbúaþingi við val á lóð fyrir
nýjan skóla og jafnframt hvetja þá til
að láta ekki sitt eftir liggja við mótun
hugmynda um uppbyggingu hins
nýja skóla.
Náin samvinna við
íbúa um nýjan skóla
Eftir Pál
Hilmarsson
„Nú geta for-
eldrar í
Garðabæ í
fyrsta sinn
haft áhrif á
allra fyrstu stigum
starfsins ...“
Höfundur er bæjarfulltrúi og for-
maður skólanefndar Garðabæjar.