Morgunblaðið - 05.05.2003, Blaðsíða 36

AÐ UNDANFÖRNU hefur verið góð
veiði af skarkola á netavertíð í Breiða-
firði. Þegar áhöfnin á Gretti SH 104 frá
Stykkishólmi var að draga netin á Ólafs-
túni vestur af Oddbjarnarskeri slæddist
vænn skarkoli í netin. Hann reyndist
vera 74,5 sentimetrar á lengd sem er
óvenju stór skarkoli. Það er ekki oft sem
svona stórir skarkolar veiðast. Skarkol-
inn var fremur rýr, enda nýlega búinn að
hrygna og samkvæmt skoðunum fiski-
fræðinga hefur hann gefið af sér líf-
vænleg hrogn sem skila sér í veiðina eft-
ir nokkur ár.
Skarkolinn er stærstur allra kolateg-
unda hér við land og getur orðið 60-70
cm langur. Stærsti skarkoli sem mældur
hefur verið hér við land var 85 cm lang-
ur.
Morgunblaðið/Gunnlaugur Árnason
Jón Bjarki Jónatansson, stýrimaður á
Gretti SH 104, heldur á skarkolanum.
Páll Þorbergsson kokkur fylgist með.
Stórir fiskar
finnast
enn í hafinu
♦ ♦ ♦
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MÁNUDAGUR 5. MAÍ 2003 VERÐ Í LAUSASÖLU 190 KR. MEÐ VSK.
Buxnadagar
Vinnufatabúðin
BSRB leggur til í nýjum hugmyndum sínum í
skattamálum að lækka skattprósentu tekju-
skatts einstaklinga niður í allt að 20%, að sama
prósenta verði á fjármagnstekjuskatti, sem nú er
10%, og tekjuskattur fyrirtækja verði einnig
20%, en hann er almennt 18% í dag. Sömu hug-
myndir ganga út á að hæstu jaðarskattar fari
ekki upp fyrir 40% en þeir eru nú 58,55%. Nái
þessar hugmyndir fram að ganga telur BSRB að
þær geti í upphafi aukið úgjöld ríkis og sveitarfé-
laga um 6-8 milljarða króna.
Markmiðið að auka ráðstöfunartekjur
láglauna- og millitekjufólks
Gunnar Gunnarsson, hagfræðingur BSRB,
segir í viðtali í Morgunblaðinu í dag að inni í
þessu kostnaðarmati séu ekki afleidd áhrif á
tekjur ríkissjóðs, s.s. virðisaukaskattur og tekjur
vegna aukinnar neyslu. Þessi áhrif geti jafnað
þennan kostnað út til lengri tíma litið.
Gunnar, sem hefur unnið þessar tillögur síð-
astliðið ár, segir að útfærsla hugmyndanna liggi í
aðalatriðum fyrir en þær verði kynntar nánar á
skattaráðstefnu BSRB í haust. Gunnar segir höf-
uðmarkmið nýrrar skattastefnu að auka ráðstöf-
unartekjur láglauna- og millitekjufólks.
Hugmyndir BSRB miðast m.a. við að lækka
megi skattleysismörkin, sem eru í dag um 72 þús-
und krónur, niður í allt að 50 þúsund krónur.
Gunnar segir að slík lækkun muni losa um fjár-
muni sem nú sé ráðstafað með almennum hætti
en sé hægt að nýta með sértækum aðgerðum.
Gunnar segir að markmið um aukna stað-
greiðslu kalli á tvennt, annars vegar eitt almennt
skatthlutfall á alla og hins vegar útgáfu á heim-
iliskorti auk núverandi skattkorts. Hann segir að
eitt skatthlutfall þýði að afnema þurfi hátekju-
skatt í þeirri mynd sem hann er í núna. Hugmynd
BSRB um heimiliskort gengur út á að setja á
einn stað samanlagðan rétt til barna- og húsnæð-
isbóta þannig að staðgreiðsla á bótagreiðslum
verði möguleg. Ef launamaður fullnýti ekki heim-
iliskort sitt þá segir Gunnar að það komi í hlut
ríkissjóðs að greiða jákvæðan mismun með að há-
marki þriggja mánaða töf. Bendir hann á að töfin
í dag geti verið allt upp í tólf mánuðir.
Samræma stuðning við kaupendur
og leigjendur íbúðarhúsnæðis
Hugmyndir BSRB ganga einnig út að sam-
ræma stuðning við kaupendur og leigjendur
íbúðarhúsnæðis. Að sögn Gunnars ganga hug-
myndir BSRB út á að samræmdar húsnæðisbæt-
ur verði 31 þúsund kr. á mánuði að hámarki, óháð
hjúskaparstöðu, fjölda barna, skuldum og leigu-
verði. Horft verði þó til þess að eignamyndun eigi
sér stað við kaup á húsnæði en ekki leigu. Mark-
miðið sé að auka möguleika lágtekjufólks á að
komast í öruggt húsnæði og eyða skuldahvata
vaxtabótakerfisins. Húsnæðisbætur verði háðari
tekjum en áður og mun hærri fyrstu árin.
Kostnaður hins opinbera
yrði 6–8 milljarðar króna
 Skattprósenta/12
BSRB setur fram hugmyndir um 20% skatt á laun, fjármagn og fyrirtæki
Morgunblaðið/Árni Sæberg
Í öruggum höndum
HIN fimm mánaða gamla
Marta María Sæberg sýndi lítil
hræðslumerki er henni var lyft
hátt upp úr Skálatúnslauginni,
enda í öruggum höndum
Snorra Magnússonar sem stað-
ið hefur fyrir ungbarnasundi á
þessum stað í nærri þrettán ár.
Á þeim tíma hafa komið til
hans um 2.300 börn á aldrinum
tveggja til átta mánaða og um
tvöfalt fleiri foreldrar. Marta
María fær þarna gott tækifæri
til að þjálfa jafnvægisskynið en
auk þeirrar þjálfunar er mark-
miðið hjá Snorra að börnin að-
lagist vatninu, að hreyfiþroski
þeirra og skynfæri séu örvuð
og ekki síst er markmiðið að
efla tengslin milli barns og for-
eldra. Að sögn Snorra fer um þriðj-
ungur allra íslenskra ungbarna í
sundkennslu af þessu tagi, en svo
hátt hlutfall hefur vakið athygli nor-
rænna starfsbræðra Snorra. Víða um
land er farið að bjóða upp á ung-
barnasund en alls eru 26 virkir sund-
kennarar í sérstökum félagsskap
sem stofnaður hefur verið meðal
þeirra.
BÆJARSTJÓRN Hafnarfjarðar
samþykkti á aukabæjarstjórnarfundi
í gær tillögu fræðsluráðs um að segja
upp samningi við Íslensku mennta-
samtökin (ÍMS) um rekstur leikskól-
ans Tjarnaráss. Hafnarfjarðarbær
tekur því við rekstrinum í dag. Lúð-
vík Geirsson bæjarstjóri vonast eftir
að starfsemi skólans verði með eðli-
legum hætti í dag.
„Bæjarstjórn staðfesti samþykkt
fræðsluráðs frá því á föstudag þann-
ig að við göngum að því sem vísu að í
fyrramálið [í dag] verði starfsemin
með eðlilegum hætti í skólanum. Við
hvetjum foreldra til að koma aftur
með börnin sín,“ sagði Lúðvík.
Hann sagði bæjarstjórn hafa feng-
ið yfirlýsingu og bréf frá ÍMS í hend-
urnar rétt áður en fundurinn hófst
þar sem lýst er vilja til að aðilaskiptin
færu vel fram og með friðsemd.
Viðræður um uppgjör
Lúðvík sagði viðræður við ÍMS
hafa staðið yfir í gær. „Það verða
væntanlega teknar upp viðræður í
beinu framhaldi um uppgjör og frá-
gang mála milli ÍMS og bæjarins. Ég
vænti þess að það verði hægt að
ganga frá því með góðum friði á allra
næstu dögum.“
Að sögn Lúðvíks mun bærinn taka
upp viðræður við leikskólastjóra um
að draga uppsögn sína til baka, sam-
kvæmt óskum foreldra, en hún átti
að taka gildi 1. júní. „Ég er mjög
sáttur við að við getum uppfyllt þær
kröfur og óskir sem foreldrar hafa
sett fram í þessu máli,“ sagði Lúðvík.
Magnús Baldursson fræðslustjóri
tók í sama streng. „Þetta virðist vera
sú lausn á málinu sem foreldrar og
starfsfólk hefur óskað eftir. Það er
mikill léttir að málinu sé lokið því það
reynir heilmikið á að standa í þessu.
Það skiptir öllu máli að það sé friður í
leikskóla þar sem eru börn á þessum
aldri,“ sagði Magnús.
Bærinn
tekur við
rekstri
Tjarnar-
áss í dag
JACK Welch, fyrrver-
andi forstjóri General
Electrics (GE), er
væntanlegur til lands-
ins á næstu dögum, en
hann mun halda fyr-
irlestur um hugmyndir
sínar um rekstur fyr-
irtækja. Það er Kaup-
þing sem á frumkvæði
að komu hans til Íslands.
Welch var forstjóri GE í 20 ár og átti
hvað mestan þátt í að gera fyrirtækið
að stórveldi. Hann lét af störfum vikuna
fyrir hryðjuverkaárásirnar á Bandarík-
in hinn 11. september 2001.
Welch starfaði alls í 40 ár hjá GE og
varð yngsti forstjórinn árið 1981, aðeins
44 ára gamall. Hann breytti markaðs-
virði fyrirtækisins úr 12 milljörðum í
280 milljarða á þeim 20 árum sem hann
var forstjóri. Hann fækkaði einnig
stjórnunarþrepunum í fyrirtækinu úr 29
í 6 og fækkaði dótturfyrirtækjum úr
350 í 12.
Ein frægasta setningin sem höfð er
eftir Welch er „Breyttu áður en þú
þarft að breyta“ og má segja að hann
hafi stjórnað GE að nokkru eftir því.
Welch starfaði eftir þremur meg-
inlögmálum. Í fyrsta lagi að hræðast
ekki breytingar, í öðru lagi að losa sig
við íhaldssama stjórnendur og í þriðja
lagi að hætta að stjórna en leiða í stað-
inn.
Jack Welch á
leið til landsins