Morgunblaðið - 11.06.2003, Blaðsíða 4
FRÉTTIR
4 MIÐVIKUDAGUR 11. JÚNÍ 2003 MORGUNBLAÐIÐ
VEGGHLEÐSLUR úr torfi og
grjóti, hugsanlega frá þjóðveld-
isöld, eru meðal þess sem verið
er að grafa upp á Þingvöllum í
sumar. Verið er að grafa í Bisk-
upshóla sem eru rétt norðvestur
við gamla bæinn og kirkjuna,
austan megin við ána.
Fornleifastofnun Íslands stend-
ur að fornleifarannsóknunum á
Þingvöllum í umboði Þingvalla-
nefndar og fær styrk til verksins
frá Kristnihátíðarsjóði.
Markmiðið með uppgreftrinum
er að afla nýrra heimilda um
sögu Þingvalla og þinghalds á Ís-
landi, athuga skipulag þingstað-
arins og leita að þingbúðaleifum,
segir Adolf Friðriksson, for-
stöðumaður Fornleifastofnunar
Íslands. Uppgröfturinn í sumar
kemur í kjölfar tilraunaskurðar
sem var grafinn síðasta sumar.
Þá var komið niður á voldugan
vegg úr torfi og grjóti sem Adolf
segir líklegt að sé mjög gamall.
Adolf segir líklegt að í Bisk-
upshólum, sem verið er að grafa í
núna, megi finna búðir sem hugs-
anlega séu frá þjóðveldisöld.
Hann segir að búðirnar hafi verið
hlaðnir veggir sem tjaldað hafi
verið yfir og búið í á meðan þing-
haldi stóð.
Mikilvægt er að átta sig á hvar
fornleifar leynast undir grasinu
áður en farið er í framkvæmdir
eins og lagningu göngustíga eða
byggingu brúa. Til að fá góða
mynd af því hvar fornleifar leyn-
ast á að grafa tilraunaskurði víða
á Þingvöllum næstu fimm til sex
sumur, að sögn Adolfs.
Grafið í þjóðargrafreitinn?
Adolf segir að fornleifar hafi
fundist nokkuð víða á svæðinu í
kringum gamla bæinn og kirkj-
una og segir að jafnvel gæti verið
eitthvað um minjar undir þjóðar-
grafreitnum. „Ef þar eru merkar
minjar gæti komið til greina að
minnka [þjóðargrafreitinn] eða
færa hann,“ segir Adolf, en tekur
fram að það þurfi að vera miklar
líkur á merkum fundi, til dæmis
vel varðveittum rústum frá upp-
hafi þinghalds, til að grafið verði
meira en tilraunaskurður í reit-
inn.
Hægt er að fræðast nánar um
uppgröftinn í gönguferðum um
Þingvelli alla virka daga klukkan
13. Einnig er gengið eftir messu
á sunnudögum klukkan 15.
Uppgröftur á Biskupshólum gengur vel og reikna má með að hann standi næstu fjórar til fimm vikur.
Komið niður á fornar
þingbúðatóftir
Fornleifauppgröftur er hafinn á Þingvöllum
BORGARRÁÐ samþykkti á fundi
sínum í gær 80 milljóna króna auka-
fjárveitingu til að mæta þeim vanda
sem skapast hefur í atvinnumálum
ungmenna í sumar. Í febrúar var 150
milljóna aukafjárveiting samþykkt í
sama skyni. Heildarfjárveiting
Reykjavíkurborgar til sumarráðn-
inga ungmenna verður því 750 millj-
ónir en í fjárhagsáætlun Reykjavík-
urborgar var gert ráð fyrir að
kostnaðurinn yrði 520 milljónir
króna. Þetta er hækkun upp á 230
milljónir, eða ríflega 44%.
Þessar auknu fjárveitingar gera
borginni kleift að ráða alls um fimm
þúsund ungmenni í sumarstörf en
upphaflega var gert ráð fyrir að
ráðningar yrðu 3.900. Þrátt fyrir
þetta eru um 430 ungmenni enn á
biðlista eftir sumarvinnu hjá
Reykjavíkurborg og um 320 hjá At-
vinnumiðstöð stúdenta. Þess ber þó
að geta að einhverjir einstaklingar
eru á báðum listunum.
Fyrirséð vandamál
Stúdentaráð Háskóla Íslands
sendi frá sér ályktun um miðjan apríl
þar sem skorað var á atvinnurekend-
ur og ráðamenn að gera gangskör í
atvinnumálum stúdenta. Í ályktun-
inni segir að námsmenn hafi aldrei
átt jafnerfitt með að fá vinnu eins og
nú. Tölur frá Íþrótta- og tómstunda-
ráði staðfesta þessa þróun. Í frétta-
tilkynningu frá Reykjavíkurborg
kemur fram að gríðarleg eftirspurn
hafi verið eftir sumarstörfum í ár.
Alls hafi 2.708 sótt um störf hjá
Vinnumiðlun skólafólks en árið 2001
voru umsóknirnar 1.856. Þetta er
tæplega 46% fjölgun á aðeins tveim-
ur árum. Svipuð þróun hefur átt sér
stað hjá Atvinnumiðlun stúdenta.
Áberandi er hversu mjög ástandið
versnaði á milli áranna 2001 og 2002.
Formaður Stúdentaráðs telur hluta
af ástæðunni vera þá að fyrirtæki
treysti ekki á fyrirsjáanlegan bata í
efnahagslífinu heldur haldi að sér
höndum í ráðningum.
Hækkun sjálfræðisaldurs dreg-
ur úr eftirspurn
Svo virðist sem hækkun sjálfræð-
isaldurs úr sextán í átjan ár hafi haft
áhrif á atvinnumöguleika ungs fólks.
Það er nokkrum vandkvæðum bund-
ið að ráða fólk undir sjálfræðisaldri
til vinnu og svo virðist sem sú fyr-
irhöfn hafi orsakað minni eftirspurn
eftir vinnuafli á aldrinum sextán til
átján ára, samkvæmt upplýsingum
sem blaðið aflaði sér í gær. Þá hafi
óvissa í efnahagsmálum dregið úr al-
mennri eftirspurn á vinnumarkaði.
Ráðning sumarstarfsmanna sé í
mörgum tilfellum dýr þar sem slíkir
starfsmenn hafi litla sérþekkingu og
starfsþjálfun. Sú tilhneiging fyrir-
tækja að draga mjög úr ráðningum
bitni sérstaklega á sumarstarfs-
mönnum en lengi hefur tíðkast að
fyrirtæki ráði ungt fólk, sérstaklega
háskólafólk, í tímabundin störf með
það fyrir augum að festa sér starfs-
krafta þess til lengri tíma.
Kolbeinn Óttarsson Proppé er for-
maður starfshóps á vegum Reykja-
víkurborgar um atvinnumál ung-
menna. Hann segist hafa sérstakar
áhyggjur af skólafólki á aldrinum
sextán til átján ára: „Það virðist vera
miklu minna af störfum í boði fyrir
ungt fólk á almennum vinnumarkaði.
Þetta hefur valdið mikilli fjölgun í
umsóknum hjá borginni. Að hluta til
held ég þetta sé vegna hækkunar
sjálfræðisaldurs upp í 18 ár. Eitt af
því sem fylgdi þeirri ákvörðun lög-
gjafans er að fyrirtæki leita síður til
þessa aldurshóps því það gerir þeim
málið flóknara varðandi tryggingar
og annað slíkt. Þessi hópur leitar því
mun meira til borgarinnar og opin-
berra aðila en hann gerði áður,“ seg-
ir Kolbeinn.
Endurmeta þarf stöðuna
Kolbeinn segir að samfélagsbreyt-
ingar þær sem orðið hafa á síðustu
árum kalli á að atvinnumál ungs
fólks verði tekin til endurskoðunar.
Hér sé rík hefð fyrir sumarvinnu
unglinga en breytingar á atvinnu-
háttum hafi orðið til þess að sífellt
stærri hluti ungmenna sækist eftir
vinnu hjá opinberum aðilum. „Mér
finnst að menn þurfi að fara að velta
fyir sér hvert sé hlutverk og ábyrgð
stjórnvalda almennt í þessum mál-
um. Þetta er ástand sem allir verða
að horfast í augu við og taka á; ekki
síst ríkisvadið. Þetta er vandamál í
svo til öllum sveitarfélögum hér á
höfuðborgarsvæðinu og það getur
ekki eingöngu verið á ábyrgð sveit-
arfélaganna að takast á við þetta.
Það hlýtur að vera sameiginlegt
samfélagsátak sem þarf til,“ segir
Kolbeinn. Við afgreiðslu á hækkun
fjárveitingar í borgarstjórn lét R-
listinn bóka hvatningu til ríkis og
einkafyrirtækja um að feta í fótspor
borgarinnar og auka umsvif eftir
föngum til að ráða sem flest ung-
menni í sumarstörf.
Skila mikilvægri vinnu
Fulltrúar Sjálfstæðisflokks í borg-
arráði bókuðu áhyggjur vegna þess
skólafólks sem ekki fær störf hjá
borginni í sumar og gagnrýna að
Reykjavíkurborg skuli ekki ná að
ráða til vinnu alla þá sem eftir henni
sækjast. Guðlaugur Þór Þórðarson
borgarfulltrúi hefur áhyggjur af
stöðu mála: „Það verða tæplega
fimm hundruð börn og ungmenni
sem ekki fá vinnu, sem er auðvitað
mjög bagalegt af mörgum ástæðum.
Fólkið gerir almennt ráð fyrir þess-
um atvinnutekjum og það er eðli
málsins samkvæmt betra að hafa
eitthvað fyrir stafni á sumrin. Það
þarf hins vegar að endurskoða þetta
í heild sinni því þessi staða virðist
koma upp á hverju ári.“
Kolbeinn og Guðlaugur Þór benda
báðir á mikilvægi sumarstarfa ung-
menna fyrir borgina. „Það er ekki
eins og þessi vinna fyrir borgina og
borgarfyrirtækin nýtist ekki. Þvert
á móti eru þetta mjög mikilvæg
störf. Ég held það sé kominn tími á
að menn hugi að breytingum hvað
vinnulag varðar í þessum efnum svo
ekki komi upp neyðarástand á
hverju ári,“ segir Guðlaugur Þór.
80 milljóna aukafjár-
veiting samþykkt
Reykjavíkurborg ræður á sjötta þúsund ungmenna í sumarstörf en 430 eru enn á biðlista
MIKLAR breytingar
eru fyrirhugaðar á
rekstri Kaffis Reykja-
víkur, en Valur Magn-
ússon veitingamaður
hefur keypt eignina við
Vesturgötu 2 á ný og
hyggst opna fyrsta hlut-
ann um miðjan mánuð-
inn.
Valur Magnússon hóf
veitingarekstur í húsinu
fyrir um áratug en seldi
eignina og hefur rekið
Naustið að undanförnu.
Hann segir að Kaffi
Reykjavík eigi ekki að
vera skemmtistaður sem
verði opinn fram í morg-
unsárið heldur verði um
margskiptan stað að
ræða, sem verði lokað
fljótlega eftir miðnættið.
Kabarett í rishæð-
inni
„Í risinu verður stór
kabarettstaður sem
verður væntanlega
tilbúinn í september,“
segir hann. „Á annarri
hæð verða fjórir funda-
og veislusalir, en á jarð-
hæðinni verður kaffi- og matsölu-
staður í léttari kantinum með blús-
og píanóstemmningu síðla kvölds.
Þarna verður líka klakabar fyrir
ferðamennina. Frystir, þar sem
gestir sitja á klaka við bar úr klaka,
þar sem drykkir verða framreiddir í
staupum úr klaka. Borðin verða úr
klaka og allar skreytingar. Í kjall-
aranum verður síðan barinn eins og
hann er.“
Að sögn Vals verður salurinn á
jarðhæðinni fyrir utan klakabarinn
opnaður um miðjan mánuðinn og
aðrir salir í kjölfarið. „Ég tengist
hótelinu sem verður opnað hinum
megin við götuna innan skamms og
fannst spennandi að taka við Kaffi
Reykjavík á ný en staðurinn hefur
verið lokaður um tíma,“ segir Valur.
„Það er ekki hægt að vera nær
mannlífinu en hérna og það verður
ögrandi verkefni að byggja staðinn
upp á ný.“
Miklar breytingar
á Kaffi Reykjavík
Nýir eigendur Kaffi Reykjavíkur opna staðinn
aftur innan skamms eftir gagngerar breyt-
ingar.
Morgunblaðið/Halldór Kolbeins
Klakabar fyrir ferðamenn á 1. hæð
FIMM ára drengur var hætt kom-
inn í heitri setlaug í sundlauginni á
Stokkseyri á mánudag og lá við
drukknun, samkvæmt upplýsing-
um lögreglunnar á Selfossi. Dreng-
urinn var fluttur með sjúkrabíl á
heilsugæslustöðina á Selfossi en
mun ekki hafa orðið meint af. Ekki
er vitað hvað varð til þess að svona
fór en lögregla kannar málið.
Dreng lá við
drukknun í setlaug