Morgunblaðið - 11.06.2003, Blaðsíða 52
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 11. JÚNÍ 2003 VERÐ Í LAUSASÖLU 190 KR. MEÐ VSK.
Áskriftarsími 881 2060
Í FORMI
HELGI Ágústsson, sendiherra Íslands í
Washington, mun í dag eiga stuttan fund
með yfirmanni Evrópu- og Asíudeilar þjóð-
aröryggisráðsins í Hvíta húsinu. Erindið er
að afhenda svarbréf Davíðs Oddssonar for-
sætisráðherra til George W. Bush Banda-
ríkjaforseta. Var bréfið boðsent vestur um
haf í gær með Flugleiðavél.
Sem kunnugt er sendi Bush bréf til Dav-
íðs í síðustu viku sem Elizabeth Jones, að-
stoðarráðherra í bandaríska utanríkisráðu-
neytinu, afhenti á fundi með Davíð og
Halldóri Ásgrímssyni utanríkisráðherra í
Ráðherrabústaðnum sl. fimmtudag. Efni
bréfsins frá Bandaríkjaforseta hefur ekki
verið gert opinbert, að öðru leyti en því sem
fram hefur komið að það hafi fjallað um
varnarsamstarf ríkjanna. Að loknum fund-
inum í Ráðherrabústaðnum vildu hvorki
Davíð né Halldór upplýsa um efni bréfsins
frá Bush en utanríkisráðherra sagði m.a.
við fréttamenn að Bandaríkjamenn vildu
fara „nýjar leiðir í þessu sambandi“.
Bréf Davíðs
til Bush af-
hent í dag
FEÐGAR á Vopnafirði fengu hnúfubak í net-
in hjá sér í gær og reyndist hann vera tæp-
lega níu metra langur og ekki undir sex tonn
að þyngd.
„Það var hvalreki hjá okkur,“ sagði Björg-
vin Hreinsson við Morgunblaðið í gærkvöldi,
en þá voru þeir feðgar, Hreinn Björgvinsson,
Björgvin og Eiríkur, að skera hvalinn, sem
fer allur á markað. „Hann kom í netin út af
Tangarifi, rétt utan við bæinn, og við urðum
að drösla honum í land með netunum, því
ekki var hægt að koma neinum böndum á
hann. Við hengdum bara netadræsurnar aft-
an í bátinn.“
Feðgarnir voru á litlum sex tonna Sómabát
og var hvalurinn því heldur stærri en bátur-
inn. Björgvin segir að þeir hafi komið bátnum
í tveggja mílna hraða með hvalinn í eftir-
dragi og verið um klukkutíma í land. „Það
kom sér vel að það var stutt að fara,“ segir
hann og bætir við að hvalurinn hafi mælst
8,95 metra langur og hafi ekki verið undir
sex tonnum að þyngd.
Feðgarnir voru á þorskveiðum og segir
Björgvin að veiðin hafi annars verið dræm.
„Við fengum um 400 kg meðafla af þorski
eftir nóttina.“
Morgunblaðið/Jón Sig.
Fengu sex tonna flykki í netin
EKKI hefur verið hægt að bjóða
öllum barnshafandi konum, sem
það kjósa, upp á svokallaða MFS-
þjónustu á meðgöngu á Landspít-
alanum – háskólasjúkrahúsi.
Ástæðan er, að sögn Rósu Guð-
nýjar Bragadóttur, deildarstjóra í
Hreiðrinu, mikil ásókn í þessa
þjónustu og fátt starfsfólk. Konur
hringi jafnvel strax og þær viti af
þungun til að tryggja sér aðgang
að þjónustunni. Um 15 konum
þurfi að vísa frá í hverjum mánuði
sökum þessa.
MFS stendur fyrir meðganga,
fæðing, sængurlega og byggist á
því að sama ljósmóðirin sinnir
verðandi móður frá upphafi með-
göngunnar, í sjálfri fæðingunni og í
viku eftir að hún kemur heim með
nýburann. Þessi þjónusta hefur
verið veitt á Landspítalanum frá
haustinu 1993.
Rósa segir að fyrst um sinn hafi
sex ljósmæður verið í MFS-teym-
inu. Síðan var fjölgað í starfsliðinu
en fækkað í því síðar. Nú sinni níu
ljósmæður þessari þjónustu. „Þá
kom upp þessi staða að þær geta
ekki annað eftirspurninni og við er-
um að vonast til að það verði ein-
hver fjölgun aftur í haust,“ segir
Rósa. Eftir sem áður geti konur
nýtt sér þjónustu Hreiðursins og
legið þar inni í sólarhring með
barni og barnsföður eftir fæðingu á
fæðingargangi.
40–50 konur í
hverjum mánuði
Um 40 til 50 konur eru í MFS-
einingunni í hverjum mánuði en í
sumar verður einhver fækkun
vegna sumarfría. Milli 230 og 260
fæðingar eru í hverjum mánuði á
Landspítalanum.
Rósa segir konur jafnvel hringja
þegar þær eru komnar fimm til sex
vikur á leið og rétt búnar að kom-
ast að því að þær eru ófrískar. Að
öllu jöfnu fara konur ekki í fyrstu
mæðraskoðun fyrr en eftir tíu til
fjórtán vikna meðgöngu.
Anna ekki eftirspurn eftir MFS-þjónustu á meðgöngu
Panta um leið og
þungun er staðfest
Morgunblaðið/Kristinn
Mikil ásókn er í MFS-þjónustu fæðingardeildarinnar.
RÚNAR Kristinsson slær í kvöld enn og
aftur landsleikjametið þegar Íslendingar
mæta Litháum í Kaunas í undankeppni
EM í knattspyrnu. Að
þessu sinni nær Rúnar
þeim glæsilega áfanga
að spila 100. landsleik
sinn fyrir Ísland en
Rúnar hefur verið í
landsliðinu allar götur
síðan 1987 þegar hann
lék sinn fyrsta landsleik
– gegn Rússum í Simf-
eropol.
Rúnar hefur tekið þá ákvörðun að enda
feril sinn með landsliðinu í haust eftir leik-
ina við Þjóðverja og ef að líkum lætur
verður kveðjuleikur hans á Laugardals-
vellinum laugardaginn 11. október.
„Ég er búinn að taka þá ákvörðun að
vera með fram á haust og svo reikna ég
með því að hætta í landsliðinu. Mig er ein-
faldlega farið að langa til að fá meiri tíma
með fjölskyldu minni og gefa henni tæki-
færi til að njóta sín líka,“ segir Rúnar sem
verður 34 ára í haust og er á samningi hjá
Lokeren í Belgíu til 2005.
Rúnar hyggst
kveðja lands-
liðið í haust
Leikur sinn 100. landsleik
í kvöld gegn Litháen
Rúnar Kristinsson
Heppinn að hafa / 40
♦ ♦ ♦
ALLS hafa 29 útlendingar
óskað eftir hæli hérlendis það
sem af er árinu, sem er svip-
aður fjöldi og á sama tíma í
fyrra. Hælisleitendum hefur
snarfjölgað undanfarin ár, en
117 manns leituðu hælis hér-
lendis árið 2002 á móti ríflega
50 árið 2001 og um 25 árið
2000.
Senn fer í hönd sá tími árs-
ins þar sem mest er um komu
hælisleitenda til landsins, ef
marka má reynslu undanfar-
inna ára, en mest hefur verið
um hælisleitendur frá júní til
september. Langflestir hæl-
isleitendur fara af landi brott
án þess að mál þeirra séu tek-
in til meðferðar hjá íslenskum
yfirvöldum að sögn Kristínar
Völundardóttur lögfræðings
hjá Útlendingastofnun. Ýmist
eru þeir sendir úr landi þar
sem þeir eiga inni hælisum-
sókn í öðru landi, eða þeir
fara að eigin ósk. Þannig var
einungis úrskurðað í 14 mál-
um í fyrra af 117 og þar af
voru veitt 5 dvalarleyfi. Út-
lendingastofnun synjaði 8
hælisleitendum um hæli og
kærðu þeir úrskurði sína til
dómsmálaráðuneytisins og
bíða niðurstöðu þess.
Hælisleit-
endur
orðnir 29
á árinu
FORNLEIFAUPPGRÖFTUR er hafinn á
Þingvöllum annað sumarið í röð. Grafið er
við Þingvallakirkju í Biskupshólum þar sem
Adolf Friðriksson, forstöðumaður Forn-
leifastofnunar Íslands, segir miklar líkur á
að séu gamlar búðir.
Hann segir þó ekki miklar líkur á því að
finna búðir biskupa undir hólnum heldur sé
nafngift staðarins byggð á ímyndunarafli
frekar en heimildum.
Markmið rannsóknanna er að afla þekk-
ingar um sögu þingstaðarins og þinghalds á
Íslandi ásamt því að leita að þingbúðaleif-
um.
Uppgröftur
hafinn við Þing-
vallakirkju
Komið niður/4
♦ ♦ ♦