Morgunblaðið - 28.06.2003, Blaðsíða 4

FRÉTTIR
4 LAUGARDAGUR 28. JÚNÍ 2003 MORGUNBLAÐIÐ
REKSTRARSTAÐA Landspítala – háskóla-
sjúkrahúss (LSH) hefur verið að versna jafnt og
þétt að undanförnu. Rekstraruppgjör fyrir fyrstu
fimm mánuði ársins sýnir rúmlega 380 milljóna
króna útgjöld umfram fjárheimildir, eða sem nem-
ur 3,5% umfram heimildir á tímabilinu.
Samkvæmt upplýsingum forsvarsmanna spítal-
ans eru margar skýringar á þessu en ljóst þykir að
spítalinn er að sinna meiri þjónustu en rúmast á
fjárlögum. Fram kemur í nýbirtri greinargerð
framkvæmdastjóra fjárreiðna og upplýsinga LSH
að í þessum tölum séu meðtalin útgjöld við S-merkt
lyf sem fóru 13,9% umfram fjárheimildir á tíma-
bilinu. Launagjöld nema rúmum 65% af heildar-
gjöldum sjúkrahússins og eru þau 2,7% hærri en
áætlað var fyrir tímabilið. Rekstrargjöld eru tæp
25% af heildargjöldum og eru 4,2% umfram áætl-
un.
„Rekstrarstaða nokkurra sviða spítalans er
mjög erfið og hefur staða þeirra versnað eftir því
sem liðið hefur á árið. Einkum eru þetta svið sem
sinna mikilli bráðaþjónustu við sjúklinga, s.s. lyf-
lækningasviðin og skurðlækningasviðin en þau
svið eiga erfiðara með að stýra innlögnum á legu-
deildir vegna þess að sjúklingar leggjast mikið inn
brátt. Þá er staða annarra sviða, s.s. öldrunarsviðs
og endurhæfingarsviðs einnig versnandi en gert er
ráð fyrir að þau muni ná að stýra sínum rekstri á
þann veg að ekki verði umframkeyrsla á árinu í
heild. Einnig er gert ráð fyrir að stjórnsýsla spít-
alans verði innan fjárheimilda ársins,“ segir í
greinargerð framkvæmdastjóra.
Bregðast þarf við
með afgerandi hætti
Bent er á að meðal skýringa á umframútgjöldum
er hækkun framlaga í séreignasjóði starfsmanna.
Þá hefur starfsmönnum fjölgað lítilsháttar vegna
aukinnar framleiðslu, sérstaklega á skurðlækn-
ingasviðum þar sem ný legudeild var opnuð í lok
síðasta árs og skurðaðgerðum fjölgað sem aftur
hefur leitt til fækkunar á biðlistum eftir þjónustu
spítalans. „Hækkun sérhæfðra lækninga-, hjúkr-
unar- og rannsóknarvara umfram vísitöluviðmið
heldur áfram í ár eins og undanfarin ár. Lyfja-
kostnaður hækkar sífellt, sérstaklega við hin svo-
kölluðu S-merktu lyf, sem eru lyf sem gefin eru á
spítalanum eða í tengslum við hann. Í þeim flokki
eru öll nýjustu og dýrustu lyfin,“ segir þar enn-
fremur.
„Rekstrarstaða LSH hefur jafnt og þétt verið að
versna og er ljóst að bregðast þarf við með afger-
andi hætti. Ljóst er að spítalinn er að sinna meiri
þjónustu en rúmast í fjárlögum. Aðhald hefur verið
mikið í starfsmannamálum en það verður enn hert
í tengslum við samdrátt í þjónustu en kostnaður
við laun nemur um 2/3 af heildarkostnaði við rekst-
ur spítalans. Að auki er nauðsynlegt að endurmeta
aðra þætti s.s. kaup á vörum sem fela í sér nýja
tækni sem leiðir til hærra innkaupsverðs varanna,
kaup á nýjum lyfjum nema klínískar leiðbeiningar
hafi verið gerðar um notkun þeirra, kaup á sér-
fræðiráðgjöf, framlög spítalans til kennslu og
rannsókna og viðhaldsverkefni af ýmsum toga sem
flest eru tilkomin vegna sameininga sérgreina á
spítalanum. Eftir sumarleyfi taka gildi sparnaðar-
aðgerðir sem unnið verður að í samvinnu við heil-
brigðisráðuneyti,“ segir í greinargerð fram-
kvæmdastjóra fjárreiðna og upplýsinga LSH.
Rekstrarstaða Landspítala – háskólasjúkrahúss fer versnandi
381 milljón umfram heimildir
á fyrstu 5 mánuðum ársins
SAMNINGUR milli Þjóðminjasafns
Íslands og Háskóla Íslands um sam-
starf á sviði kennslu og rannsókna
tengdum íslenskum menningararfi
var undirritaður í Háskóla Íslands í
gær.
Grundvöllur samningsins er sá
vilji að nýta sem best sérfræðiþekk-
ingu, kunnáttu, efnivið og aðstöðu
þessara stofnana, segir Hrefna Ró-
bertsdóttir, sviðsstjóri rannsókna-
og varðveislusviðs við Þjóðminja-
safn Íslands. Efla á fræðilega
menntun nemenda á þessum sviðum
og auka rannsóknir og kynningu á
menningararfi þjóðarinnar.
„Þetta er skref í þá átt að nýta
þann safnkost sem við eigum hér í
safninu og vekja áhuga stúdenta á
því að nýta sér þennan menningar-
arf til rannsókna,“ segir Hrefna.
Annars vegar er um að ræða sam-
starf um kennslu og samnýtingu á
rannsóknarstofum tengdum forn-
leifafræði, listfræði, safnafræði og
forvörslu. Hins vegar snýr samning-
urinn að meðleiðbeiningu nemenda
í ýmsum greinum eftir atvikum og
aðgangi þeirra að sérfræðingum og
gögnum safnsins og frumgögnum
sem safnið ber ábyrgð á.
Háskóli Íslands gerir samninginn
fyrir hönd heimspekideildar, fé-
lagsvísindadeildar, raunvís-
indadeildar og læknadeildar.
Hrefna segir að upphaf þessa sam-
starfs megi rekja til nýs náms í forn-
leifafræði sem vakti menn til um-
hugsunar um aukið samstarf
þessara aðila. „Um árabil hafa sagn-
fræðinemar og þjóðháttafræðinem-
ar komið hér tilviljunarkennt og
fengið aðgang að aðstöðu, en það er
verið að bæta þessa aðstöðu og
koma þessu í formlegri farveg.“
Deildirnar tengjast samningnum
af mismunandi áhuga á rann-
sóknum. Áhugi sagnfræði- og forn-
leifafræðinema segir Hrefna að
liggi í augum uppi en hún segir
læknadeild og raunvísindadeild
einnig njóta góðs af þessu sam-
starfi, yfirleitt við rannsóknir
tengdar beinafræðum og efnafræði-
rannsóknum á gömlum munum.
Efla rannsóknir og kynn-
ingu á menningararfinum
Morgunblaðið/Jim Smart
Páll Skúlason, rektor Háskóla Íslands, og Margrét Hallgrímsdóttir þjóð-
minjavörður skrifuðu undir samning um samstarf.
Nýr samningur Þjóðminjasafns og Háskóla Íslands
NÝ og endurbætt flugslysaáætlun
fyrir Vestmannaeyjaflugvöll, þar
sem finna má upplýsingar um verk-
efni og samhæfingu allra viðbragðs-
aðila í Vestmannaeyjum, var undir-
rituð í gær.
Flugslysaáætlunin er unnin sam-
kvæmt verkþáttaskipulaginu stjórn-
un, áætlanir, bjargir og framkvæmd-
ir sem er sameiginlegt skipulag allra
viðbragðsaðila á Íslandi.
„Menn eru að læra af reynslunni
eftir æfingar undanfarinna ára,“
segir Heimir Már Pétursson, upp-
lýsingafulltrúi Flugmálastjórnar Ís-
lands. „Þetta er mjög árangursríkt
kerfi til að samhæfa störf ólíkra aðila
sem koma að hópslysi. Það þarf að
sjálfsögðu að laga hlutina að nútím-
anum.“
Stefnt er að því að reyna virkni
áætlunarinnar með flugslysaæfingu í
lok október þar sem allir hlutaðeig-
andi aðilar koma að.
Ný flug-
slysaáætl-
un fyrir
Eyjar
FLUTNINGASKIPIÐ Haukur er
lagt af stað austur á firði með
1.830 tonn af sementi frá Sements-
verksmiðju ríkisins á Akranesi. Að
sögn Gylfa Þórðarsonar fram-
kvæmdastjóra er þetta stærsti ein-
staki farmurinn í sögu verksmiðj-
unnar en sementið verður notað
bæði í Kárahnúkavirkjun og Fá-
skrúðsfjarðargöng.
Það tók nærri tvo vinnudaga að
skipa sementssekkjunum, alls um
1.200, um borð í Hauk en skipið
kom einnig við í Reykjavík til að
taka farm frá BM Vallá austur á
firði.
Sementsverksmiðjan hefur sam-
ið um sölu á sementi til steypu-
framleiðslu á virkjunarsvæðinu og
í Fáskrúðsfjarðargöngum sem
nemur um hálfsársframleiðslu í
verksmiðjunni, en í fyrra seldust
um 82 þúsund tonn hjá Sements-
verksmiðjunni. Mun meira magn
af sementi verður notað við gerð
stíflu og aðrennslisganga Kára-
hnjúkavirkjunar en Impregilo not-
ast aðallega við innflutt sement frá
Noregi.
1.830 tonn af sementi austur
Stærsti einstaki farmur frá Sementsverksmiðjunni
Það var tveggja daga verk að skipa sementinu um borð á Akranesi.
HAFIST var handa í gærmorgun við
lagningu nýja sæstrengsins
FARICE-1 í Skotlandi. Íslenska rík-
ið, Landssíminn, færeyska símafélag-
ið ForoyaTele og fleiri aðilar standa
að verkefninu og voru fulltrúar
þeirra viðstaddir þegar lagning
strengsins hófst í bænum Casteltown
í Dunnet Bay í Skotlandi í gærmorg-
un.
Strengurinn mun liggja milli Seyð-
isfjarðar og Skotlands um Færeyjar.
Að sögn Jóns Birgis Jónssonar,
stjórnarformanns Farice hf., hefur
lengi verið notast við gamlan streng
sem er orðinn ansi dýr í rekstri.
„Gamli strengurinn virkar vel ennþá
en hann bilar hins vegar af og til og
þá þarf að senda öll símtöl í gegnum
gervihnött. Það veldur truflunum í
símasambandi en auk þess er orðið
mjög dýrt að nota gervihnetti,“ segir
Jón Birgir.
Kapalskipið lagði í gærdag af stað
áleiðis til Færeyja en þaðan verður
svo haldið áfram við lagningu
strengsins til Íslands. Gert er ráð fyr-
ir að strengurinn komi á land á Seyð-
isfirði í lok ágúst, samkvæmt upplýs-
ingum sem fengust hjá Símanum. Í
Skotlandi fer sambandið um ljósleið-
ara sem liggur á milli Dunnet Bay og
Edinborgar og liggur um alls tíu bæi
á norðausturströnd Skotlands.
Tæplega 3.000 km langur
Áætlanir gera ráð fyrir að
FARICE-strengurinn verði tekinn í
notkun í lok ársins en undirbúningur
hófst hjá Símanum árið 1999. Heild-
arfjárfesting í hinu nýja ljósleiðara-
kerfi er um 43 milljónir evra eða rúm-
lega 3,7 milljarðar ísl. króna.
Undrritaður var samningur um
framleiðslu og lagningu sæstrengsins
við ítalska fyrirtækið Pirelli 26. nóv-
ember sl. að undangengnu alþjóðlegu
útboði. Um er að ræða sæstreng sem
hannaður er skv. ítrustu kröfum um
hagkvæmni og rekstraröryggi, skv.
upplýsingum Símans. Sæstrengurinn
er alls 1.407 km langur en í heild er
símastrengurinn tæpir 3000 km.
Vegalengdin frá Seyðisfirði til Dunn-
er Bay er um 1.210 km. og lengdin frá
úttaki strengsins að Funningsfirði í
Færeyjum, þar sem strengurinn
verður lagður á land, eru um 197 km.
Strengur frá Reykjavík til Seyðis-
fjarðar mun tengjast sæstrengnum
en flutningsgeta hans verður aukin
með viðbótarbúnaði.
Lagning
FARICE-sæ-
strengsins hafin
Ljósmynd/Kristján Bjartmarsson

 

 


 
 
 
 !"
#
$!
%
&'
(
  )*

 
 +,
&- )


.