Morgunblaðið - 25.07.2003, Side 6

FRÉTTIR
6 FÖSTUDAGUR 25. JÚLÍ 2003 MORGUNBLAÐIÐ
Hverafold 1-3 • Torgið • Grafarvogi
Sími: 577 4949
Enn meiri
verðlækkun
Opnunartími: 11-18 mánudag-föstudag
12-16 laugardag
BAUGUR stefnir að því að hefja
sölu á bensíni og olíu á neytenda-
markaði en hyggst ekki fara inn á
stórnotendamarkaðinn fyrst í stað
þótt það kunni vel að koma til
greina síðar.
Baugur hefur þegar tekið fyrstu
skrefin í þá átt að hrinda áform-
unum í framkvæmd og hefur m.a.
óskað eftir viðræðum við borgaryf-
irvöld vegna bensínstöðvar við
Holtagarða. Þá hefur félagið sent
utanríkisráðuneytinu bréf og falast
eftir afnotum að olíutönkum varn-
arliðsins í Helguvík.
Skarphéðinn Berg Steinarsson,
yfirmaður innlendra fjárfestinga
Baugs, segir félagið hafa skoðað
þennan möguleika í allnokkurn
tíma og raunar staðið að prófunar-
vinnu frá því á síðasta ári og það
telji sig eiga fullt erindi inn á þenn-
an markað og geta keppt við olíufé-
lögin í verði. „Við höfum fyrst og
fremst einblínt á neytendamarkað-
inn, a.m.k. enn sem komið er en
auðvitað er mjög stór hluti af heild-
armarkaðinum stærri viðskiptavin-
ir, bæði í útgerð, framleiðslu auk
verktaka og stofnana og við útilok-
um ekkert þann markað í framtíð-
inni en áherslan nú snýr að neyt-
endamarkaðinum.“
Tankarnir í Helguvík
væru hentugur kostur
Skarphéðinn segir tankana í
Helguvík vera einn möguleika til
þess að að geyma olíu og bensín en
alls ekki þann eina. „Það væri auð-
vitað mjög hentugt að geta notað
þá aðstöðu sem fyrir er og uppfyllir
allar þær kröfur sem gerðar eru
vegna geymslu á eldsneyti. Það er
líka auðvitað hægt að vera í sam-
starfi við aðra en það að vera með
sem flesta þætti í eigin höndum
tryggir best að við getum gert
þetta með þeim hætti sem við telj-
um vera hagkvæmastan.“
Að sögn Skarphéðins er Baugur
með nokkrar lóðir í takinu þar sem
gert sé ráð fyrir besnínstöðvum í
skipulagi en það heyrir undir skipu-
lagsyfirvöld að heimila slíka land-
notkun þannig að þar þurfi ekki að
koma til breytingar á aðalskipulagi.
Skarphéðinn segir að hugmynd-
irnar gangi út á að opna sjálfs-
afgreiðslustöðvar eða stöðvar sem
séu að hluta eða mestu leyti til
sjálfsafgreiðslustöðvar. „Við mun-
um leggja áherslu á að halda kostn-
aði sem lægstum fyrir kaupendur
og stór liður í því efni er nátt-
úrulega að draga úr kostnaði vegna
starfsmannahalds. Við höfum horft
til þess að setja upp stórar stöðvar
með mörgum dælum og ná þannig
stærðarhagkvæmni til þess að geta
boðið sem hagstæðast verð. Svæðið
við Miklagarð liggur t.d. mjög vel
við umferðarleiðum og eiga Stoðir
talsverðar eignir á því svæði. Við
höfum áhuga á að koma fyrir stórri
bensínstöð á þessu svæði í
tengslum við aðra starfsemi sem
við erum með það.“
Skarphéðinn segir ekkert liggja
endanlegt fyrir í því hvort einhver
önnur smásölustarfsemi verði í
tengslum við bensínstöðvarnar.
„Við höfum svo sem séð fyrir okkur
þann möguleika að hafa eitthvað
víðtækari þjónustu á hverjum stað,
hvort sem það væri verslunarrekst-
ur í því formi sem menn þekkja í
dag eða veitingastarfsemi eða ann-
að. Baugur er í smásölurekstri og
þekkir þann rekstur mjög vel og
neytendur hafa tekið fyrirtækinu
vel. Hvort verður byggt á þeirri
reynslu eða farið inn á einhverjar
nýjar brautir hefur ekki enn verið
ákveðið. En við höfum ýmsar hug-
myndir í þeim efnum.“
Baugur stefnir
í bensínsölu
á neytenda-
markaði
„ÞETTA var heilmikið ævintýri,“
segir Hermann Þorsteinsson, um
ferð nær fimmtíu KFUM-drengja,
til Jótlands í Danmörku árið 1953,
en utanförin var í tilefni 75 ára af-
mælis KFUM í Danmörku það árið.
Drengirnir dvöldu í tjaldbúðum við
bæinn Bygholm, skammt frá Hors-
ens á Jótlandi, og nefndu þeir sig
„Hólmverja“ m.a. með tilliti til
nafns staðarins, sem þeir dvöldu á.
Auk íslensku drengjanna, sem voru
frá Vestmannaeyjum og Reykjavík,
voru fjölmargir KFUM-drengir frá
Danmörku og nágrannalöndum.
Fimmtíu ár eru nú liðin frá Dan-
merkurferðinni og af því tilefni
hittist hópurinn með fjölskyldum
sínum, börnum og barnabörnum, í
Perlunni í gær. Síðan var haldið að
Friðrikskapellu við Hlíðarenda.
Hermann var fararstjóri drengj-
anna á sínum tíma og segir í samtali
við Morgunblaðið að tjaldbúðunum
í Bygholm, þar sem drengirnir
dvöldu, hafi verið skipt í 40 sóknir
og um fjörutíu drengir voru í
hverri sókn. „Þarna var því mikill
fjöldi drengja frá Íslandi, Noregi,
Svíþjóð, Þýskalandi, Englandi og
Hollandi.“ Hann segir að íslenski
hópurinn hafi siglt með Gullfossi
fram og til baka; þeir hafi komið að
landi í Edinborg og skoðað sig um í
Skotlandi. Þá ferðuðust þeir um
Jótland en í Bygholm dvöldu þeir í
um vikutíma. Þar var dagskráin
þéttskipuð. Hópurinn var, að sögn
Hermanns, vakinn klukkan sjö á
morgnana og tíminn fyrir hádegi
fór m.a. í morgunþvott, morgunmat
og Biblíulestur. Eftir hádegi var
m.a. farið í knattspyrnu þar sem
„okkar strákar stóðu sig vel“, rifjar
Hermann upp og á kvöldin var
varðeldur og leikið og sungið. Hann
segir að ferðin hafi tekist vel og
verið afskaplega skemmtileg. „Það
var heldur ekki algengt á þessum
tíma að krakkar færu mikið til út-
landa.“
Kunnum ekki alla hirðsiðina
Eins og fyrr segir var mótið í
Danmörku í tilefni 75 ára afmælis
KFUM í Danmörku. Hermann rifjar
það upp að Friðrik Danakonungur
og Ingiríður eiginkona hans hafi
heilsað upp á KFUM-drengina á
mótsvæðinu. Kom það í hlut Her-
manns að taka í höndina á konungs-
hjónunum en íslensku drengirnir
stóðu hjá „nýþvegnir og stroknir“,
eins og hann orðar það.
Hermann átti þó í fyrstu ekki von
á því að kóngurinn myndi koma við
hjá íslenska hópnum. „Ég hafði ver-
ið á Þingvöllum árið 1944 þar sem
við Íslendingar kvöddum Danakon-
ung. Ég hélt því að hann myndi
sniðganga okkur á mótinu þar sem
við höfðum verið svo ókurteis að
segja bless við hann á Þingvöllum.
En þau komu, blessuð hjónin, og
heilsuðu okkur vinalega og spjöll-
uðu,“ segir hann. Og þegar kon-
ungshjónin kvöddu stóðu dreng-
irnir „í fallegri röð“, bætir hann
við. „Við kunnum ekki alla hirðsið-
ina en við reyndum að vanda okk-
ur.“
Hermann segir að hópurinn hafi
hist fyrir tíu árum. Þá höfðu þeir
ekki hist í fjörutíu ár. Það hafi síð-
an þótt ástæða til að hittast nú þeg-
ar fimmtíu ár eru liðin frá Dan-
merkurferðinni. „Okkur hinum
eldri fannst við þurfa að sjá strák-
ana og hvernig þeir taka sig út og
báðum þá einnig um að taka börnin
og barnabörnin með,“ segir Her-
mann að síðustu. Að vonum urðu
miklir fagnaðarfundir í gær þar
sem skemmtileg atvik frá utan-
landsförinni góðu voru án efa rifjuð
upp.
Saman á ný nær 50 árum eftir KFUM-ferð til Danmerkur
Hittu Danakonung
nýþvegnir og stroknir
Morgunblaðið/Kristinn
Hópurinn kom saman með fjölskyldum, börnum og barnabörnum í Perl-
unni í gær. Síðan var haldið að Friðrikskapellu við Hlíðarenda.
SKRIFAÐ var undir samninga um
kaup Orkuveitu Reykjavíkur (OR) á
vatnsveitu Borgarness. Heildarverð
samningsins er um 200 milljónir
króna. Að undanförnu hafa farið fram
athuganir á vegum OR og Borgar-
byggðar á uppbyggingu á nýrri
vatnsveitu fyrir sveitarfélagið og
hagkvæmni slíkrar framkvæmdar.
Þörfin fyrir öfluga vatnsveitu í Borg-
arbyggð er aðkallandi, ekki síst
vegna þeirrar uppbyggingar sem átt
hefur sér stað á svæðinu frá Bifröst
að Borgarnesi.
Samkomulag er um að OR byggi
upp vatnsveitu frá Grábrókarhrauni í
Borgarfirði og leggi aðveituæð til
Borgarness sem framlag sitt til þess-
arar uppbyggingar. Framvegis mun
OR eiga og reka vatnsveitu sveitarfé-
lagsins. Með þessu verður tryggð
fullnægjandi vatnsöflun fyrir Borg-
arnes og nærsveitir auk þess sem
gæða- og öryggismál vatnsveitunnar
munu verða færð til sama horfs og
hjá OR á næstu tveimur til þremur
árum.
Viljayfirlýsing um aðkomu OR
að rekstri rafveitna
Vatnsveita Borgarbyggðar verður
frá og með 1. janúar 2004 eign OR og
mun starfsemi vatnsveitu Borgar-
ness verða hluti af starfsemi Orku-
veitunnar. Þá lýsir OR yfir vilja til að
kanna kaup eða sameiningu vatns-
veitu Álftanesshrepps og verður mið-
að við að slíkri athugun verði lokið
um mitt ár 2004.
Ennfremur undirrituðu aðilar
viljayfirlýsingu um að kannað verði
hvort OR geti einnig komið að rekstri
rafveitna í sveitarfélaginu.
Helga Halldórsdóttir, forseti bæj-
arstjórnar, fagnaði kaupunum og
sagði samninginnn leysa úr vanda
sveitarfélagsins varðandi vatnsskort.
Héraðið yrði betra til búsetu og þar
sem hér væri nú þegar fyrirtæki sem
breytti vatni í vín, og skírskotaði þar
til Víngerðarinnar ehf., væri von til
þess að fleiri fyrirtæki kæmu. Helga
þakkaði jafnframt samvinnu þeirra
aðila sem að málinu komu og sagði að
hún hefði verið jákvæð og góð.
Alfreð Þorsteinsson þakkaði þeim
sem stóðu að vinnu við undirbúning
og óskaði til hamingju með kaupin.
Hann sagði að svæðið frá Reykjavík
og upp í Borgarfjörð væri orðið að
einu og sama svæðinu og hvarvetna
gerðu menn sömu kröfur um verð og
gæði. Augljóst er að vatn eykur gæði
búsetunnar hvar sem er.
Orkuveita Reykjavíkur kaupir vatnsveitu Borgarness
Verðmæti samnings-
ins 200 milljónir króna
Morgunblaðið/Guðrún Vala Elísdóttir
Páll S. Brynjarsson bæjarstjóri og Alfreð Þorsteinsson stjórnarformaður
OR innsigla samninginn með handabandi.