Morgunblaðið - 25.07.2003, Blaðsíða 11

FRÉTTIR
MORGUNBLAÐIÐ FÖSTUDAGUR 25. JÚLÍ 2003 11
„EN það veður!“ sögðu hollensku
göngugarparnir sem ljósmyndari
og blaðamaður Morgunblaðsins
hittu á förnum vegi á Gjábakkavegi
milli Þingvalla og Laugarvatns í
vikunni.
Leðjan náði upp á kálfa, regn-
jakkinn gegnblautur, og andlitið
rjótt eftir útiveruna. „Við komum
til landsins á mánudag, og lögðum
af stað gangandi frá Þingvöllum í
morgun,“ sögðu þau. „Það er
hvergi tré eða steinn til að skýla sér
við, svo við höfum lítið hvílt okkur.“
Stefnan var tekin á Laugarvatn
þann daginn, en framtíðarplönin
náðu inn að Landmannalaugum og í
Skóga undir Eyjafjöllum. „Við höf-
um fengið hughreystandi bros og
vink frá fólkinu í bílunum sem
brunað hefur fram hjá, og nokkrar
kindur hafa sýnt okkur áhuga,“
bættu þau við, og héldu leið sinni
áfram í úrhellinu.
Morgunblaðið/Arnaldur
Þrammað í rigningu
RANGÁRNAR eru það heitasta í
laxveiðinni þessa dagana þótt ein-
stakar ár, eins og Haffjarðará og
Laxá í Kjós, séu einnig að gera það
afar gott. Í Eystri Rangá hafa feng-
ist upp í 70 laxar á dag að undan-
förnu og dagveiðin í ánni hefur
varla farið undir 50 á þessum tíma.
Ytri Rangá er einnig afar drjúg, en
veiðin í henni er yfirleitt 30 til 40
laxar á dag.
Það hefur verið stígandi í veiðinni
og að sögn Stefáns Sigurðssonar hjá
Lax-á, sem hefur árnar á leigu, bíða
menn spenntir næstu daga. „Það eru
ekki enn komnir hundrað laxa dag-
arnir sem eystri áin er fræg fyrir, en
stígandinn í veiðinni og vaxandi
straumur veldur spennu fyrir aust-
an, menn eru að vona að næstu dag-
ar verði glæsilegir,“ sagði Stefán.
Tölurnar breytast hratt í Rangánum
núna og sagði Stefán að við sam-
anburð á veiðibókum sé t.d. Ytri
Rangá aðeins á eftir miðað við sum-
arið 2001, er frábær veiði var í ánum
báðum, „hún gefur svipaða dagveiði
nú og þá, en veiðin fór betur af stað
það sumar, þess vegna er talan að-
eins lægri í sumar,“ sagði Stefán.
Mikil veiði á fjöllum
Gríðarleg veiði hefur verið í
Veiðivötnum á Landmannaafrétti og
einnig prýðisveiði í vötnum sunnan
Tungnaár, en þau eru þó mun minna
stunduð. Á vefnum veidivotn.is er að
finna upplýsingar um veiðiskapinn
og þar stendur að eftir fjögurra
vikna veiði í sumar hafi verið komn-
ir 5.704 fiskar á land úr Veiðivötn-
um, 4.747 urriðar og 957 bleikjur.
Litlisjór er besta vatnið með 1.922
fiska allt að 9 punda, en meðalþungi
aflans þar er 2,7 pund. Næst kemur
Skyggnisvatn með 552 fiska, þar af
454 bleikjur. Stóra Fossvatn, þar
sem aðeins er veitt með flugu, hafði
gefið 520 urriða, allt að 6 punda.
Langavatn hafði gefið 338 fiska, þar
af 292 bleikjur, allt að 5 punda,
Nýjavatn 326 fiska, þar af 138 bleikj-
ur allt að 6,5 pund, Hraunsvötn 318
urriða allt að 9,6 pund og Snjóöldu-
vatn 310 fiska, þar af 15 bleikjur, allt
að 5,4 pund. Önnur góð á svæðinu
eru Ónýtavatn með 244 urriða upp í
5 pund, Stóra Skálavatn með 251
urriða allt að 5 punda. 8,5 punda
urriði hefur veiðst í Breiðavatni, 6
punda í Grænavatni og 9 punda í
Ónefndavatni. Sunnan Tungnaár
voru skráðir 603 fiskar eftir fjórar
vikur, mest 349 í Frostastaðavatni.
Löðmundarvatn hafði gefið 104 sil-
unga. Stærsti fiskurinn var 5 punda
úr Dómadalsvatni.
Örn Þórðarson með 19 punda hæng
úr Rangárflúðum í Ytri Rangá.
Morgunblaðið/Páll Ketilsson
Bræðurnir Björn og Ólafur Björnssynir með tvo laxa Páls Ketilssonar úr
Ytri Rangá.
Rangárnar heitar þessa dagana
ERU
ÞEIR AÐ
FÁ’ANN?
STJÓRNENDUR Atlantsolíu hafa
þegar átt í viðræðum við a.m.k.
Reykjavíkurborg og Kópavogsbæ
vegna lóða undir bensínstöðvar, sem
félagið stefnir að því opna á höfuð-
borgarsvæðinu á næstu mánuðum
eða misserum, og mun senda inn
formleg erindi vegna málsins á næst-
unni.
Helga Jónsdóttir, borgarritari
Reykjavíkurborgar, segir að formlegt
erindi hafi ekki enn borist frá Atlants-
olíu. „En við funduðum með þeim í
gær [miðvikudag] og við gerum ráð
fyrir því að fá frá þeim formlegt er-
indi þar sem þeir munu fylgja þeim
fundi eftir. Á honum voru þeir ein-
faldlega að lýsa þeim áformum sem
þeir hafa uppi en það er eðlilegra að
við tjáum okkur betur um þetta þegar
formlegt erindi hefur borist. Þeir fóru
yfir þessi mál með okkur og eru með
athyglisverðar hugmyndir sem munu
fá afgreiðslu í borgarkerfinu þegar
erindi hefur borist,“ segir Helga.
Sigurður Geirdal, bæjarstjóri í
Kópavogi, segir formlegt erindi frá
Atlantsolíu ekki enn hafa borist en
hann segist fastlega eiga von á slíku
erindi á næstunni og að félagið muni í
því leita eftir aðstöðu í Kópavogi.
Hann segir lóðamál vegna bensín-
stöðva ekki vera einföld, einkum þar
sem breyta þurfi aðalskipulagi ef ekki
hafi verið gert ráð fyrir slíkum stöðv-
um. Sigurður segir Kópavogsbæ
þekkja nokkuð vel til félagsins, þar
sem höfuðstöðvar Atlantsskipa séu í í
Kópavogi, og bærinn muni því taka
erindi Atlantsolíu vel. Ekki náðist í
bæjarstjórana í Hafnarfirði og
Garðabæ í gær.
Atlantsolía í viðræðum
við sveitarfélögin
TILRAUNIR með boranir eftir
heitu vatni í Grímsey hófust ný-
lega og hafa boranir nú staðið
yfir í rúma viku. Að sögn Garð-
ars Ólasonar, sem situr í sveit-
arstjórn Grímseyjar, hefur verið
borað á þremur stöðum á eyj-
unni. Við Bása á norðanverðri
eyjunni var gerð um 80 m djúp
hola og vatn þar hefur verið um
12-14°. Nokkur hundruð metr-
um ofar var borað 118 metra of-
an í jörðina og vatnið þar var um
17° og á miðri eyjunni var einnig
boruð 80 metra hola en þar
reyndist vatnið kaldast, um 10°,
en holan var hins vegar vatns-
mikil. Að auki var borað 70
metra niður við fiskverkunarhús
sem stendur við sjóinn með það í
huga að bora eftir sjávarvatni en
upp kom hins vegar ósalt vatn.
Hitaveita breytir miklu
fyrir eyjuna
Garðar segir að þeir vísinda-
menn sem komi að verkinu séu
bjartsýnir á framhaldið og
stefnt sé að því að bora tvær eða
þrjár holur til viðbótar. Til-
raunaboranir munu standa í um
tvær vikur til viðbótar og verður
í kjölfarið tekin ákvörðun um
framhaldið en að mati Garðars
myndi það breyta miklu fyrir
eyjuna ef hitaveita kæmi á stað-
inn. Nú eru hús í Grímsey kynt
með olíu sem er kostnaðarsamt
fyrir íbúa og dæmi um að kostn-
aður við hitun stórra húsa sé yfir
40 þúsund krónur á mánuði.
Talið er að hitaveita á eyjunni
gæti borgað sig upp á um tólf ár-
um en kostnaður við fram-
kvæmdina hleypur á bilinu 20-
40 milljónum króna, að því er
fram kemur í skýrslu sem nefnd
á vegum iðnaðarráðuneytisins
vann um sjálfbært orkukerfi í
Grímsey.
Borað á
þremur
stöðum í
Grímsey
ÚTTEKT á þjónustuverði í 30 Evr-
ópulöndum árið 2001 er birt á heima-
síðu norsku hagstofunnar. Niður-
staða úttektarinnar er sú að
þjónustuverð er hæst í Sviss, 59% yf-
ir vegnu meðaltali samanburðar-
landanna, en lægst í Búlgaríu þar
sem verðið er aðeins 22% af með-
altalinu. Á Íslandi er verðlag á þjón-
ustu nálægt meðaltali, fær vísitölu-
gildið 109, svipað og í Þýskalandi
sem fær gildið 107.
Þjónusta er dýrari á öllum hinum
Norðurlöndunum en á Íslandi, dýr-
ust í Noregi, eða 23% yfir meðaltali.
Í frétt norsku hagstofunnar kem-
ur einnig fram að neysluvörur heim-
ilanna voru dýrastar í Noregi, 42%
yfir vegnu meðaltali. Ísland er í öðru
sæti og hefur vísitölugildið 134. Sví-
þjóð er ódýrast Norðurlandanna en
verðlag þar var þó 13% yfir vegnu
meðaltali samanburðarlandanna ár-
ið 2001.
Áberandi er að tilvonandi Evrópu-
sambandsríki búa við lægra verðlag
en þau sem þegar eru í Evrópusam-
bandinu eða taka þátt í EES-sam-
starfinu. Spánn er ódýrastur Evr-
ópusambandsríkjanna en þar er
vöruverð 85% af vegnu meðaltali.




 
  







 
 






 !"



 


 
#

 
$"%


%&

'

( 

 

( 

)
 

*

+,

+-



.&

  
/

  
/ 
012
034
035
035
030
006
005
007
072
078
075
22
22
21
48
40
82
83
98
15
63
53
50
50
57
32
39
36
36
33
: 



 





Úttekt á þjónustuverði í 30 löndum
Þjónusta
á Íslandi
9% yfir
meðaltali
SAMTÖK verslunarinnar telja að
frumathugun Samkeppnisstofnunar
á meintu ólögmætu samráði olíu-
félaganna, eins og frá henni hefur
verið greint í fjölmiðlum, bendi ein-
dregið til þess að félögin hafi haft
með sér víðtækt samráð á árunum
1993–2001. Tilgangurinn hafi fyrst
og fremst verið sá að draga úr sam-
keppni og þar með koma í veg fyrir
að fyrirtæki og allur almenningur í
landinu gætu notið þeirra mikil-
vægu réttarbóta sem samkeppnis-
lögin eiga að tryggja.
Í fréttatilkynningu frá samtökun-
um segir að efni skýrslunnar verði
að teljast með ólíkindum og frá-
sögnin minni á köflum helst á reyf-
ara. Að olíufélögin hafi í mörg ár,
eftir að hið miðstýrða innkaupakerfi
á olíuvörum heyrði sögunni til, hald-
ið áfram samráði um markaðinn sé
með öllu óafsakanlegt. „Að virtir
forystumenn í íslensku atvinnulífi
hafi haft frumkvæði að slíku hátta-
lagi er gersamlega óviðunandi,“
segir þar.
Segja
meint sam-
ráð óaf-
sakanlegt
Samtök verslunarinnar