Morgunblaðið - 28.07.2003, Blaðsíða 5
FRÉTTIR
MORGUNBLAÐIÐ MÁNUDAGUR 28. JÚLÍ 2003 5
RÍKISLÖGREGLUSTJÓRI hefur
boðað forstjóra og lögfræðing
Samkeppnisstofnunar á sinn fund í
dag til þess að ræða rannsókn
Samkeppnisstofnunar á meintu
samráði olíufélaganna. Jón H.
Snorrason, saksóknari og yfirmað-
ur efnahagsbrotadeildar ríkislög-
reglustjóra, sem einnig mun sitja
fundinn, sagði í samtali við Morg-
unblaðið í gær að tilefni fundarins
væri að ræða hvernig Samkeppn-
isstofnun ætti að koma málinu til
lögreglu. „Við munum skoða hvaða
lagalegar kröfur þurfa að liggja
fyrir, svo sem ákveðið sakarefni og
gögn sem styðja það. Mun emb-
ættið verða Samkeppnisstofnun að
liði ef til þarf í þessum efnum,“
sagði Jón. Vonast hann til þess að
fundurinn leiði til þess að Sam-
keppnisstofnun geti komið málinu
frá sér ef það sé tímabært að svo
stöddu.
Guðrún Ögmundsdóttir alþing-
ismaður, sem sæti á í allsherj-
arnefnd Alþingis fyrir hönd Sam-
fylkingarinnar, hefur óskað eftir
að nefndin komi saman til fundar
vegna rannsóknar Samkeppnis-
stofnunar á meintu samráði olíufé-
laganna.
„Starfandi formaður nefndarinn-
ar, Jónína Bjartmarz, hefur tekið
vel í þá málaleitan mína að haldinn
verði fundur. Það þarf að meta
stöðu málsins á hverjum degi og
ærin ástæða til að nefndin komi
saman. Misvísandi skilaboð hafa
birst, sem og vafi um túlkunar-
atriði,“ sagði Guðrún í samtali við
Morgunblaðið í gær.
Embættismenn
komi til fundarins
Guðrún hefur óskað þess að
fulltrúar ríkislögreglustjóra og
Samkeppnisstofnunar sitji fund-
inn, ásamt fulltrúa frá lagadeild
Háskóla Íslands til þess að skýra
lagatúlkun. „Fyrst og fremst vil ég
fá fram málefnalegar og skýrar
umræður um þetta mál,“ sagði
Guðrún.
Óskað eftir fundi í allsherjarnefnd um meint samráð olíufélaganna
Ríkislögreglustjóri
boðar fund með
Samkeppnisstofnun
FORSTÖÐUMAÐUR skrifstofu AP-
fréttastofunnar í London hefur beðið
Björn Bjarnason dómsmálaráðherra
afsökunar á mistökum sem gerð voru
við vinnslu fréttar um þá skoðun
Björns að Íslendingar eigi að koma
sér upp eigin varnarsveitum.
Fram kemur á heimasíðu Björns að
athyglin vegna fréttar AP-fréttastof-
unnar um erindi hans í september
1995 um varnarmál og nauðsyn þess
að Íslendingar litu í eigin barm við
gæslu öryggis síns hafi komið honum
í opna skjöldu.
Björn segist ekki hafa átt annan
orðastað við fréttaritara AP en í
tölvupósti. Fréttamaðurinn lagði fyrir
Björn nokkrar spurningar um afstöðu
hans til þátttöku Íslendinga í eigin
vörnum og segist Björn hafa vísað til
þessa erindis á vefsíðu sinni.
„Fréttaritarinn las það og spurði
síðan, hvort hann mætti taka úr því
setningar og gera þannig viðtal við
mig. Ég játti því. Í fréttinni eins og
hún var send um heiminn var sagt, að
ég hefði „urged“ eða hvatt ríkisstjórn
Íslands til þess síðastliðinn mánudag,
21. júlí, til að ganga til þess verks að
stofna íslenskan her og Íslendingar
„should“ eða ættu að hafa hann 500 til
1.000 manna og gætu myndað allt að
21 þúsund manna varalið.
Gott og vel. Í erindinu hafði ég
nefnt þessar tölur og sagt, að þær
væru meira en fræðilega raunhæfar,
ef til dæmis væri tekið mið af áætl-
unum stjórnvalda í Lúxemborg. Í
fréttinni voru orð mín ekki lengur
vangaveltur um það, sem unnt væri,
ef vilji væri fyrir hendi, þau voru orð-
in að tillögu, sem ég hafði lagt fyrir
ríkisstjórnina sl. mánudag. Ég komst
að þeirri niðurstöðu, að ég gæti ekki
látið við það sitja, að í nafni AP hefði
ég staðið þannig að málum. Ég hef
aldrei lagt neina slíka tillögu fyrir rík-
isstjórnina auk þess sem hún hittist
ekki sl. mánudag og ég var raunar að
leitast við að taka mér sumarfrí þann
dag. Í samtali mínu við forstöðumann
AP-skrifstofunnar í London að
morgni fimmtudags bað hann mig af-
sökunar á þessum alvarlegu mistök-
um og lofaði að senda út leiðréttingu,“
segir Björn á heimasíðu sinni.
AP biður
Björn
afsökunar
BJÖRGUNARSVEIT og skálaverð-
ir komu til hjálpar þegar bifreið sökk
í Markarfljóti í gær. Þær upplýsing-
ar fengust hjá lögreglunni á Hvols-
velli að bíllinn hefði sloppið
óskemmdur og engan hefði sakað.
Markarfljót er aðeins fært sérbún-
um bílum og nauðsynlegt er að fara
eftir réttri slóð til að komast yfir.
Það sem af er sumri hefur verið
óvanalega mikið í ám sunnanlands
og því öruggast að fara að öllu með
gát þegar farið er yfir árnar.
Bíll sökk í
Markarfljót
PLASTENDUR sem fóru í sjóinn
eftir að gám tók út af gámaflutn-
ingaskipi í Kyrrahafinu fyrir 11
árum eru enn að reka á land víðs-
vegar um heiminn. Um var að
ræða 29.000 endur sem síðan hafa
þvælst um heimsins höf; í kringum
Bandaríkin, norðurskautssvæðið
og framhjá Grænlandi. Fyrirtækið
sem framleiddi endurnar segir
þær vera við austurströnd Banda-
ríkjanna en a.m.k. hluti þeirra
virðist hafa tekið stefnuna á Bret-
land.
Finnist slík önd við Íslands-
strendur eða í Kanada hefur fyr-
irtækið US-based heitið finnanda
100 dollara verðlaunum. Svipað er
uppi á teningnum í Bandaríkjun-
um en þar fær finnandi skuldabréf
að andvirði 100 dollara.
Verðlaun
fyrir að finna
plastendur
♦ ♦ ♦
♦ ♦ ♦