Morgunblaðið - 28.07.2003, Blaðsíða 8
FRÉTTIR
8 MÁNUDAGUR 28. JÚLÍ 2003 MORGUNBLAÐIÐ
Það þýðir ekkert að glápa á þetta, Nonni minn, það er ekkert val. Þeir taka allir jafnt.
Ömmukaffi í Austurstræti
Vöfflur og kakó
með rjóma
Á undanförnum ár-um hefur kaffi-húsum fjölgað
mjög hér á landi. Hvert
þeirra er með sínu sniði. Í
Austurstræti 20 í Reykja-
vík, sama húsi og Hress-
ingarskálinn – Hressó –
var í í gamla daga, er rek-
ið notalegt kaffihús sem
sker sig svolítið úr
kaffihúsaflórunni og heit-
ir það Ömmukaffi. Þang-
að sækja jafnt Íslending-
ar sem ferðamenn og var
staðurinn þéttsetinn þeg-
ar blaðamann bar að
garði. Þessa dagana er til
sýnis á Ömmukaffi
skemmtileg ljósmynda-
sýning, Svipmyndir frá
höfninni, eftir Árna Ein-
arsson ljósmyndara.
Ryan Wade er núverandi eig-
andi og framkvæmdastjóri
Ömmukafffis.
Hvenær var Ömmukaffi stofn-
að?
Ömmukaffi var stofnað í októ-
ber 2001 af hjónunum Kjartani
og Sue Ólafsson í þessu húsnæði
sem þá heyrði undir KFUM og
KFUK. Hér hafði þá verið rekið
og er enn svokallað Miðborgar-
starf, sem er ætlað að veita ungu
fólki athvarf. Það er séra Jóna
Hrönn Bolladóttir sem fer fyrir
því starfi. Kjartan og Sue
ákváðu að opna kaffihús hér á
neðri hæðinni en Jóna Hrönn
hafði áfram afnot af staðnum
fyrir Miðborgarstarfið. Ég tók
síðan við rekstri Ömmukaffis í
október á seinasta ári.
Hverjir eru helstu viðskipta-
vinir þínir?
Hingað kemur alls konar fólk
og eigum við okkar fastagesti,
bæði Íslendinga og ferðamenn.
Aðallega kemur þó hingað fjöl-
skyldufólk þar sem staðurinn er
reyklaus og býður upp á friðsælt
andrúmsloft. Íslendingum líkar
vel að geta komið hingað og
fengið sér vöfflur og kakó, slak-
að á í önn dagsins og horft á
mannlífið.
Við höfum afnot af garði
Hressingarskálans og þegar veð-
ur leyfir notum við okkur það.
Hver er sérstaða Ömmukaffis?
Ég myndi segja að hér sé
öðruvísi andrúmsloft en annars
staðar, við seljum t.d. ekki
áfenga drykki auk þess sem
reykingar eru ekki leyfðar. Við-
skiptavinir hafa haft orð á að hér
sé vingjarnlegt og þægilegt and-
rúmsloft.
Húsið á sér nokkra sögu, er
það ekki?
Austurstræti 20 var reist 1805
og var húsið friðað árið 1990.
Fólk sem kemur hingað spyr
mikið um gamla „Hressó“ sem
var hér við hliðina á okkur. Upp
á veggjum hjá okkur hanga göm-
ul dagblöð frá um 1895 sem
fundust undir gólffjölum þegar
unnið var að framkvæmdum.
Hvað er á döfinni hjá Ömmu-
kaffi?
Við komum til með
að stækka staðinn í
haust og þar með
bjóða upp á meira úr-
val af mat. Í dag er
opið hjá okkur frá
klukkan níu til sex en það stend-
ur til að breyta því og hafa opið
fram á kvöld. Mig langar að
halda sérstöðu Ömmukaffis, að
það verði ekki eins og hvert ann-
að kaffihús. Ég vil að það verði
áfram staður þar sem fólk getur
komið og notið vingjarnlegs and-
úmslofts í reyk- og áfengislausu
umhverfi.
Á hvað munuð þið leggja
áherslu í matargerðinni?
Mig langar til að kynna fyrir
Íslendingum hið suður-afríska
bragð, án þess þó að hafa alla
réttina suður-afríska, en leyfa
fólki að bragða aðeins á ein-
hverju framandi. Hver veit nema
ég eigi eftir að bjóða upp á
krókódíla og snáka!
Ég myndi vilja leggja áherslu
á morgunmat og hádegismat,
það er óráðið hvernig kvöldin
verða.
Í dag býð ég upp á súpu og
brauð, samlokur, vöfflur, tertur
og góðgæti úr bakaríinu.
Hvert er hið suður-afríska
bragð?
Í Suður-Afríku búa um fimm
milljónir manna frá ólíkum lönd-
um, t.d. Hollandi, Englandi og
Frakklandi auk fjölda ólíkra afr-
ískra ættbálka. Þetta gefur suð-
ur-afrísku eldhúsi mjög alþjóð-
legt bragð. Við borðum mikið af
kjöti, ferskum ávöxtum og græn-
meti, okkur líkar vel að grilla úti
í sólinni.
Hvernig datt þér í hug að
koma til Íslands?
Ég hafði ferðast víða um heim,
bæði um Afríku, Mið-Austurlönd
og Evrópu. Ég átti vinkonu sem
bjó hér og hún stakk upp á því
við mig að koma hingað og prófa
eitthvað allt öðruvísi. Upphaf-
lega ætlaði ég bara að koma hér
við á leið minni til Suður-Am-
eríku, vera hér kannski í ár en
það breyttist þegar ég hitti þá
tilvonandi eiginkonu mína og nú
er ég „fastur“ hér.
Hvernig líkar þér að búa á Ís-
landi?
Ég er mjög ánægð-
ur með að búa hér. Ís-
lendingar eru mjög
vinalegir og þegar
maður er kominn inn
fyrir skelina sér mað-
ur hvað þeir eru sérstakir. Það
má þó segja að það sé hálf-
spaugilegt að ég skuli hafa end-
að hér þar sem ég er mikið fyrir
sól og strandlíf auk þess sem
köfun er í miklu uppáhaldi hjá
mér. Ég er kominn til að vera, í
bili að minnsta kosti, og hef
hugsað mér að setjast á skóla-
bekk í Háskóla Íslands í haust til
að halda áfram að læra íslensku.
Ryan Wade
Ryan Wade er fæddur í Suður-
Afríku árið 1973. Hann stundaði
náttúrufræðinám í Afríku og
hefur síðan þá ferðast og starfað,
aðallega á veitingastöðum, víðs
vegar um heiminn. Ryan kom
upphaflega til Íslands til að
skoða sig um og vinna. Hann hef-
ur nú rekið Ömmukaffi í Austur-
stræti í tæpt ár. Ryan er giftur
Stefaníu Halldórsdóttur sem er
ástæða þess að dvöl hans ílengd-
ist á klakanum.
Íslenskir jafnt
sem erlendir
fastagestir