Morgunblaðið - 28.07.2003, Blaðsíða 32
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MÁNUDAGUR 28. JÚLÍ 2003 VERÐ Í LAUSASÖLU 190 KR. MEÐ VSK.
HJÖRLEIFUR Jakobsson, forstjóri
Olíufélagsins, segir öruggt að félagið
muni tryggja hagsmuni viðskiptavina
sinna í þeirri samkeppni sem fram-
undan er á olíumarkaði. Stefán
Kjærnested, einn eigendi Atlantsolíu,
sagði í samtali við Morgunblaðið fyrir
helgi að fyrirtækið ætlaði að bjóða
olíulítrann á krónu lægra verði en
samkeppnisaðilarnir.
Hjörleifur segist ekki geta upplýst
að sinni hver viðbrögð fyrirtækisins
verði við komu Atlantsolíu á markað-
inn. „Það er þó öruggt að við munum
tryggja hagsmuni okkar viðskipta-
vina,“ sagði Hjörleifur í samtali við
Morgunblaðið í gær.
Olíufélag, Atlantsolía, hóf sölu á
olíu til verktaka og skipa í síðustu
viku. Að sögn Stefáns Kjærnested er
ætlunin að selja olíulítrann að
minnsta kosti krónu ódýrari en hin fé-
lögin á markaðnum.
Miðað við þá forsendu að olíuverðið
verði einni krónu lægra hjá Atlants-
olíu en hinna olíufélaganna verður
dísilolían hjá fyrirtækinu seld á 2–3%
lægra verði en hinna félaganna. Hér
er miðað við grunnverð en ekki tekið
tillit til hugsanlegra afslátta.
„Verðið er síbreytilegt og munum
við fylgjast vel með þróun verðlags.
Sömuleiðis munum við gera tilboð til
stórnotenda sem munu vera mjög
hagstæð,“ sagði Stefán í samtali við
Morgunblaðið í gær.
Mikill sparnaður fyrir
stórnotendur
Sparnaður verður umtalsverður
fyrir stóra notendur, að sögn Stefáns.
„Sem dæmi má nefna skip sem þarf
300 tonn af olíu og við seljum þeim
lítrann 5 til 6 krónum ódýrari en hin
félögin í samræmi við tilboð. Þar yrði
sparnaður að minnsta kosti ein og
hálf milljón króna. Að sjálfsögðu
verður olían ódýrust fyrir skipin, því
þar er um svo stóra afgreiðslu að
ræða í einu. Hins vegar munum við
semja við verktaka og aðra stórnot-
endur um „tilboð“ útskýrir Stefán.
Forstjóri Skeljungs vildi ekkert
segja um viðbrögð fyrirtækisins við
olíusölu Atlantsolíu. Ekki náðist í for-
stjóra OLÍS.
Forstjóri Olíufélagsins segir að brugðist verði við tilboðum Atlantsolíu
Munum tryggja hagsmuni
viðskiptavina félagsins
ÞAÐ er að jafnaði mikið um að vera á Árbæjarsafni
yfir sumarið enda fjölbreytt dagskrá í boði. Í gær
var áformað að heyja á túninu við safnið enda
Heyannir að hefjast samkvæmt gömlu tímatali. Í
gær var hins vegar rigning í Reykjavík og því varð
ekkert úr heyskapnum. Eftir sem áður var vel tekið
á móti gestum safnsins og þeim m.a. boðið upp á
lummur. Það voru Arndís Vilhjálmsdóttir (til vinstri
á myndinni) og Helga Einarsdóttir sem önnuðust
baksturinn.
Morgunblaðið/Jim Smart
Lummur á Árbæjarsafni
BÖÐVAR Bragason, lögreglustjóri í
Reykjavík, telur að lögregluembættum
þurfi að fækka til muna, jafnvel niður í þrjú
til fjögur, til að ná fram hagkvæmari rekstri
en nú er. Lögregluembætti í landinu eru nú
26. Þá segir Böðvar að á Íslandi leggi lög-
regla mun meiri áherslu á umferðareftirlit
en gert sé á Norðurlöndum og með aukinni
tæknivæðingu mætti fjölga lögreglumönn-
um sem sinna öðrum verkefnum. Þessar
skoðanir reifar hann í inngangi að árs-
skýrslu lögreglunnar í Reykjavík fyrir árið
2002.
Böðvar segir að kröfur um aukna lög-
gæslu hafi bæði komið fram hjá almenningi
og lögreglumönnum. Sameiginlegir sjóðir
landsmanna séu á hinn bóginn ekki ótæm-
andi og í þessum efnum verði ávallt að velja
og hafna. Það sé síðan skylda forsvars-
manna ríkisstofnana að sjá til þess að fjár-
mununum sé sem best varið. „Um íslensku
lögregluna er það að segja að skipulag henn-
ar er ekki með þeim hætti að öruggt sé að
vinnulag og nýting fjármuna sé eins og best
verður á kosið. Umdæmum þarf að fækka til
muna, jafnvel niður í þrjú til fjögur svo fá
megi eðlilegan samanburð milli eininga og
ná fram hagkvæmari rekstri en nú er,“ segir
Böðvar.
Tæknivæða umferðareftirlit
Taka þurfi til skoðunar að fjölga sérhæfðu
aðstoðarfólki lögreglu og um leið tæknivæða
allt eftirlit lögreglu til muna. Nýlegur sam-
anburður á vinnulagi okkar og starfsbræðra
á Norðurlöndum sýni hversu miklu meiri
áherslu við leggjum á umferðareftirlit en
þeir. „Aukin tæknivæðing á umferðarsvið-
inu, svo sem fjölgun myndavéla, gæti orðið
til þess að fjölga lögreglumönnum í öðrum
verkefnum. Búnaður í farartækjum sem
þegar er farið að setja í nýjar bifreiðir er-
lendis eykur umferðaröryggi án atbeina lög-
reglu, svo sem búnaður til þess að bifreiðir
komist ekki upp fyrir ákveðinn hámarks-
hraða og ennfremur „svartir kassar“ sem
skrá ýmsar upplýsingar um notkun en það
kemur sér til dæmis vel þegar upplýsa skal
um orsakir óhappa,“ segir Böðvar. Þá hafi
notkun eftirlitsmyndavéla í miðborg
Reykjavíkur gefið góða raun.
Böðvar segir það góðan sið að meta ár-
angur nýrrar löggjafar þegar hæfilegur tími
sé liðinn frá gildistöku hennar. Núgildandi
lögreglulög verða brátt sex ára gömul.
Böðvar segir að þegar árangurinn hafi verið
metinn sé nauðsynlegt að gerð verði áætlun
á breiðum grunni um þróun löggæslunnar.
Lögreglustjórinn í Reykja-
vík vill þróa löggæsluna
Fækka þarf
lögregluemb-
ættum í þrjú
til fjögur
MUN fleiri af þeim sem leita til neyðarmóttöku
vegna nauðgana leggja fram kæru en áður tíðk-
aðist. Málum hjá neyðarmóttökunni fjölgaði
hins vegar ekki í fyrra. Í fyrra og árið áður
lagði um helmingur brotaþola fram kæru en
það er talsverð aukning frá árinu 2000. Svo
virðast sem fleiri þekki rétt sinn og vilja fylgja
málunum alla leið.
Í ársskýrslu lögreglunnar í Reykjavík kemur
fram að tilkynntum nauðgunum hafi fjölgað um
39% á síðasta ári. Það vekur athygli að þetta er
svipuð aukning og hefur orðið á nauðgunarmál-
um sem borist hafa Stígamótum. Að sögn Rúnu
Jónsdóttur, starfskonu Stígamóta, er erfitt að
segja til um ástæður fyrir þessari fjölgun,
þeim rétt sinn. Öll þessi umræða hefur skilað
því að konur beina ábyrgðinni þangað sem hún
á heima, þ.e. hjá geranda,“ segir Eyrún Jóns-
dóttir, umsjónarhjúkrunarfræðingur hjá neyð-
armóttöku.
Ofbeldismenn í þeim málum sem kærð voru
til lögreglu árið 2002 voru 101 og 97% þeirra
karlmenn. Þessi tala er hins vegar mun hærri
hjá Stígamótum en þar telja ofbeldismennirnir
336 og ríflega 95% þeirra eru karlar. Eyrún
segir að aðeins eitt mál hafi borist neyðarmót-
töku frá upphafi þar sem kona er gerandi og í
örfáum tilvikum hafi kona verið grunuð um að
vera meðsek. „Þetta eru brot karlmanna,“ seg-
ir Eyrún.
hvort hún er vegna þess að nauðgunum hefur
fjölgað eða hvort fleiri leiti sér aðstoðar og til-
kynni slík brot. Innan við 10% nauðgunarmála
sem koma á borð Stígamóta eru tilkynnt til lög-
reglu svo að þessar tölur skarast aðeins að litlu
leyti.
Hjá neyðarmóttöku vegna nauðgana fengust
þær upplýsingar að nauðgunarmálum sem ber-
ast þeim fjölgaði ekki mikið milli áranna 2001
og 2002. Hins vegar hefur þeim sem kæra fjölg-
að, en í fyrra og árið þar áður hefur um helm-
ingur brotaþola kært en það er talsverð aukn-
ing frá árinu 2000. „Það virðast vera fleiri sem
þekkja sinn rétt og vilja fylgja málunum alla
leið. Hér eru réttargæslumenn sem kynna
Svipuð aukning á nauðgunarmálum á borði Stígamóta og lögreglunnar í Reykjavík
Fleiri kæra nauðgun nú en áður
MIKIÐ haglél gerði í Biskups-
tungum snemma í gærkvöld.
Að sögn Kolbrúnar Sæmunds-
dóttur, veðurathugunarmanns
á Hjarðarlandi í Biskupstung-
um, man hún vart annað eins él.
„Það heyrðist ekki mannsins
mál í fjósinu, lætin voru svo
mikil í élinu sem buldi á þakinu
og þrumunum sem drundu,“
sagði hún í samtali við Morg-
unblaðið í gærkvöld.
Högl á stærð við bláber
Kolbrún segir haglið hafa
verið óvenju stórt og hríðin
staðið í um hálftíma. „Höglin
voru á stærð við bláber, stærri
en ég hef nokkurn tímann séð
áður. Skýið hafði myndast
smám saman og var orðið mjög
svart. Þrumur og eldglæringar
heyrðust sömuleiðis,“ sagði
Kolbrún. Segist hún ekki minn-
ast annars eins éls á þessu
svæði. „Það hafa komið él áður,
en oft fyrr um sumarið en núna.
Sömuleiðis hafa höglin aldrei
verið svona stór,“ útskýrir Kol-
brún. „Haglið var svo kraftmik-
ið að háin hér á túnunum hefur
lagst og rýgresið á sléttunum
lamdist einnig niður. Við stóð-
um orðlaus og hlustuðum á læt-
in í haglinu. Önnur eins læti hef
ég aldrei upplifað, manni var
skapi næst að hugsa að eldgos
væri hafið,“ sagði Kolbrún.
Haglél buldi
í Tungunum
SAMKVÆMT könnun NITL Blog-
Census er íslenska í tíunda sæti á
lista yfir algengustu tungumálin
sem notuð eru til að skrifa net-
dagbækur eða svokallað „blogg“.
Algengasta tungumálið er enska
en portúgalska og pólska koma
þar á eftir.
Már Örlygsson, einn af frum-
herjum vefdagbóka á Íslandi, seg-
ir að honum komi ekki á óvart
hversu ofarlega Íslendingar skipi
sér á þessum lista. „Það væri ekki
ólíklegt að Íslendingar væru að
slá heimsmet í þessu eins og
hverju öðru. Við eigum það til að
byrja ívið seinna og vorum svona
tveimur til þremur árum á eftir
t.d. Bandaríkjamönnum að byrja
[á blogginu]. Ég hugsa hins vegar
að þetta sé orðið miklu stærri
hluti af netsamfélaginu á Íslandi
heldur en það er í Bandaríkj-
unum,“ segir Már.
Íslenskan í
tíunda sæti
í „blogginu“