Morgunblaðið - 28.07.2003, Blaðsíða 21

HESTAR
MORGUNBLAÐIÐ MÁNUDAGUR 28. JÚLÍ 2003 21
Reiðfatnaður
Náttúrulegur lífsstíll
FREMSTIR FYRIR GÆÐI
„ÞAÐ hefur verið leiðindaveður hér á
mótssvæðinu í Herning og satt best
að segja frekar erfitt að átta sig á
styrkleika keppinautanna. Það var al-
veg ausandi rigning hér í dag og við
slíkar aðstæður er lítið að marka
hrossin og þar fyrir utan eru menn
ekkert farnir að taka til hestanna að
neinu viti,“ sagði Sigurður í upphafi
viðtals og bætti við að allar þátttöku-
þjóðir væru komnar með hesta sína á
svæðið. „Sumir voru reyndar að
koma í gær (laugardag innsk. blm.)
svo segja má að flestir séu svona rétt
að byrja að liðka hrossin eftir langt
ferðalag.“
Klakkur í stillingu
Spurður um stöðuna á Klakki frá
Búlandi sem Vignir Jónasson mun
kepp á sagði Sigurður að segja mætti
að ennþá væri verið að raða honum
saman og finna réttu stillingarnar á
hann. „Mér heyrðist á Vigni að hann
sé bara ánægður með klárinn og telji
góðar líkur á að allt verið smollið í lið-
inn fyrir ögurstundina. Þá var Hafliði
mjög ánægður með Ásdísi frá Lækj-
arbotnum á æfingu í dag og sama má
segja um Guðmund Einarsson og
Hersi en þeir voru með feiknagóðan
æfingasprett í dag þrátt fyrir að
brautin væri mjög blaut. Þá sá ég til
Daníels á Sjóla frá Dalbæ og sýnist
mér þar allt í mjög góðu lagi,“ sagði
Sigurður.
Hvernig hefur gengið hjá Karenu
Líndal með hryssuna Náttfaradís?
„Það lítur bara vel út. Olil Amble
og Magnús Skúlason hafa verið að
leiðbeina henni og sagði Maggi mér
að þau næðu prýðilega vel saman,“
svaraði Sigurður að bragði.
Vellirnir stóðust
þunga prófraun
Þegar talið barst að aðstöðunni
sem Danir bjóða sagði Sigurður hana
hrikalega góða. „Hér er mikið lagt í
alla hluti og gildir þar einu hvort um
er að ræða aðstöðu fyrir áhorfendur,
keppendur eða hesta. Eins og áður
sagði rigndi heil feikn hér í dag og
stóðust vellirnir þá raun með mikilli
prýði og sýnist mér að fyrst svo fór
þurfi ekki að óttast að þeir bregðist.
Hér eru firnastórar skemmur sem
nýtast vel fyrir ýmsa þætti mótsins
og má nefna að sérstök höll verður
fyrir sköpulagsdóma kynbótahrossa.
Mótsstaður er það sem kallað er hér
„dyreskueplads“ og sá stærsti sinnar
tegundar í Danmörku. Hér eru
haldnar dýrasýningar af ýmsu tagi og
þar á meðal hestamót margvíslegra
hestakynja. Þá eru einnig haldnar
hér vörusýningar í þessum stóru höll-
um sem eru sumar á stærð við stóru
fótboltahallirnar heima á Íslandi og
jafnvel stærri,“ sagði Sigurður.
Að sögn Sigurðar hefst dýralækn-
isskoðun í dag kl. átta en knapar eru
ræstir kl. sex á morgnana til að fóðra
hestana. Hann sagði aðstöðu fyrir
hrossin frá Íslandi mjög góða, þau
hefðu eina mjög rúmgóða skemmu en
þar væru einnig þau hross banda-
rísku sveitarinnar sem komu með frá
Íslandi. Þeir Guðmundur Einarsson,
Styrmir Árnason, Jóhann R. Skúla-
son og Karen Líndal væru með sín
keppnishross á öðrum stað þar sem
allt samneyti hrossanna frá Íslandi
við önnur hross á mótinu væri tak-
markað eins og framast er unnt til
koma í veg smit, þar sem ætlað er að
þau séu mjög viðkvæm fyrir öllu
slíku.
Þögull sem gröfin
Þegar talið barst að árangri í
keppninni og þeim fjölda gullverð-
launa sem hugsanlega ynnust varðist
Sigurður öllum slíkum spurningum
og sagði að á þessu stigi málsins væri
allsendis ómögulegt að gera sér
nokkra grein fyrir styrkleika keppi-
nautanna og svo sem ekki heldur gott
að sjá fyrir hvernig einstakir kepp-
endur íslenska liðsins komi til með að
standa sig. Það er því greinilegt að
allar vonir og draumar um glæsta
sigra eru enn djúpt í farteski ein-
valdsins.
Svona til gamans má leika sér með
hlutina og reikar þá hugurinn fyrst að
skeiðinu en ætla má að vonir Íslands
á þeim vettvangi séu nokkuð góðar.
Líklega hefur Ísland aldrei mætt til
leiks með eins sterka breiðfylkingu
vekringa þar sem allir þrír hestarnir
hafa skeiðað langt undir 22 sek. og
tveir þeirra þar undir. Helstu keppi-
nautar gætu orðið heimsmeistarinn
Mjölnir frá Dalbæ og Anna Skúlason,
Svíþjóð, sem reyndar hlutu sigur fyr-
ir ógildan sprett á síðasta móti fyrir
tveimur árum. Enn einu sinni mætir
Lothar Schenzel frá Þýskalandi með
Gamm frá Krithóli og skyldi enginn
vanmeta þá þótt ekki hafi þeir enn
haft erindi sem erfiði á HM.
Í fimmgangi hefur Sigurður V.
Matthíasson verið talinn eiga góða
sigurmöguleika á Fálka frá Sauðár-
króki en svona fljótt á litið má ætla að
það geti orðið þungur róður hjá þeim
félögum ef allt smellur saman hjá nú-
verandi heimsmeistara, Vigni Jónas-
syni og Klakki frá Búlandi. Um aðra
verulega skæða keppinauta er ekki
vitað sem þýðir þó auðvitað alls ekki
að þeir séu ekki til.
Fjórgangurinn gæti verið dálítið
spurningarmerki eins og oft áður.
Innan okkar raða er núverandi meist-
ari Styrmir Árnason með sterkan
hest, Hamar frá Þúfu, sem hefur ver-
ið að velgja helstu keppinautunum,
Þjóðverjum, undir uggum í sumar og
á bak við hann er enginn aukvisi sem
er hinn drjúgsterki Bassi frá Möðru-
völlum sem Berglind Ragnarsdóttir
ríður að venju.
Tölthornið
heim á ný?
Það er að sjálfsögðu töltið sem
augu flestra beinist að. „Tölthornið á
heima á Íslandi“ hefur löngum verið
sagt og það var alltaf tregablandin til-
finning að horfa á Þjóðverja hampa
þeim grip lengi vel. Við höfum tvö
tromp á hendi þá Jóhann R. Skúlason
og Snarp frá Kjartansstöðum og Haf-
liða Halldórsson á Ásdísi. En þeir
eiga fyrir höndum harða rimmu við
hinn tröllaukna Dökkva frá Mosfelli
sem var hársbreidd frá því að vinna í
töltinu í Austurríki og nú er hann
sagður ennnú sterkari. Ætla má að
úrslitin í töltinu verði æsispennandi.
Í lokin sagðist Sigurður greinilegt
að framundan væri feikna gott mót.
„Ég hef það sterklega á tilfinning-
unni að hrossin verði sterkari nú en
nokkru sinni fyrr.“
Enn er lagt í brekkuna
bröttu með hóflegum vonum
Morgunblaðið/Vakri
Hinni vösku sveit Íslands bíður erfitt verkefni næstu dagana á heimsmeistaramótinu og verður spennandi að sjá
hvernig þeim gengur í baráttunni um gullin sem allt snýst um hjá Sigurði Sæmundssyni og hans fólki.
Heimsmeistaramótið í hestaíþróttum hefst í Herning á morgun
Heimsmeistaramótið
í hestaíþróttum hefst
á morgun. Hestar
íslenska liðsins fóru
utan fyrir viku og eru
æfingar knapa og hesta
komnar á góðan skrið.
Valdimar Kristinsson
ræddi við Sigurð
Sæmundsson
landsliðseinvald.
Morgunblaðið/Vakri
Sigurður Sæmundsson landsliðsþjálfari verður ekki í eldlínunni innan vall-
ar næstu dagana heldur mun hann stjórna sínu fólki af hliðarlínunni.
Hafliða Halldórssyni og Ásdísi frá Lækjarbotnum tókst vel upp á æfingu í
gær þrátt fyrir ausandi rigningu í Herning.
Stóðhestastöðin
í Gunnarsholti
Tæplega
200 hryssur
sæddar
LOKIÐ er starfsemi Sæðinga-
stöðvarinnar í Gunnarsholti þetta
árið en sæddar voru rétt tæplega
200 hryssur sem er mun fleira en
áður hefur verið gert. Á síðasta
ári voru aðeins 80 hryssur sæddar
en mest hafa 118 hryssur áður
verið sæddar. Páll Stefánsson for-
stöðumaður stöðvarinnar sagðist
ánægður með útkomuna að þessu
sinni en tók það fram að ekki
lægju fyrir endanlegar tölur um
það hversu margar hryssur hefði
náðst að fylja.
Fjórir stóðhestar voru á stöð-
inni að þessu sinni og var Orri frá
Þúfu með langflestar eða rúmlega
90. Af þeim er búið að staðfesta
fyl í 56 hryssum en 28 eru óskoð-
aðar og tæplega tíu hryssur eru
því væntanlega tómar.
Næstur kemur sonur Orra,
Þristur frá Feti en rúmlega 70
hryssur voru sæddar með sæði úr
honum og hefur fyl verið staðfest
í 40 hryssum en 25 hryssur eru
enn óskoðaðar. Er þetta mjög
svipuð útkoma og hjá Orra.
Sæði úr Glampa frá Vatnsleysu
fengu 16 hryssur og eru 12 þeirra
fyljaðar en 4 hryssur fóru bón-
leiðar búðar.
11 hryssur voru sæddar með
sæði úr Kjarna frá Þjóðólfshaga
og hefur fyl verið staðfest í 5
þeirra. Sagði Páll að eitthvað lægi
ekki ljóst fyrir með skoðun á hin-
um hryssunum og því gæti vel ver-
ið að fleiri væru þegar fyljaðar.
Ef allir þeir 120 tollar sem
heimild er fyrir hjá Orra frá Þúfu
verða nýttir má gera ráð fyrir að
hann eigi eftir að taka á móti í
kringum 30 hryssum í girðingu.
Einnig virðist sem verulega hafi
létt á Þristi því hann þarf að af-
greiða 110 hryssur á árinu. 40 eru
nú þegar afgreiddar og gera má
ráð fyrir að fyl reynist vera í 15
hryssum af þeim eftir er að óm-
skoða. Þá afgreiðir hann 30 hryss-
ur fyrir miðjan ágúst norður í
Þingeyjarsýslu og restina 25
hryssur þarf hann þá væntanlega
að dunda sér við í Feti fram á
haust. Það kemur sér því vel að
sæðið í Þristi er afbragðsgott
bæði hvað varðar magn og gæði.
Spurning er hinsvegar sú hvort
hann þurfi að klaga til nýskipaðs
umboðsmanns hesta eins og teikn-
arinn góðkunni Sigmund frá Vest-
manneyjum lét að liggja í einni
teikningu sinni eftir að hafa lesið
frétt þess efnis að Þristur þyrfti
að klára sig af 110 hryssum.
Ástæðuna fyrir góðum árangri í
sæðingum nú sagði Páll að vissu-
lega kæmi þar til gott í sæði í öll-
um þessum fjórum hestum. Sæðið
úr Orra hefði reyndar verið frek-
ar dapurt framan en hann tók sig
og fjölgaði bæði frumum og jók
magnið eftir því sem á leið. Þá
nefndi Páll einnig nýjan þynning-
arvökva sem gerði það að verkum
að þeir gátu þynnt sæðið meira en
áður. Nú hefðu verið í kringum
250 til 350 milljónir fruma í
skammti í stað 500 milljónir áður.
Þá þakkaði einnig því að aðbún-
aður fyrir hryssurnar í Gunn-
arsholti hefði verið mjög góð.