Morgunblaðið - 30.07.2003, Page 26

26 MIÐVIKUDAGUR 30. JÚLÍ 2003 MORGUNBLAÐIÐ
Hallgrímur B. Geirsson.
Styrmir Gunnarsson.
Framkvæmdastjóri:
Ritstjóri:
STOFNAÐ 1913
Útgefandi: Árvakur hf., Reykjavík.
Aðstoðarritstjórar:
Karl Blöndal, Ólafur Þ. Stephensen.
Fréttaritstjóri:
Björn Vignir Sigurpálsson.
JOHN Mozena, stofnandiog varaforseti CAUCE(Coalition Against Unsol-icited Commercial Email
– samtök gegn ruslpósti), segir að
í Bandaríkjunum bíði menn
spenntir eftir að sjá hvort ákvörð-
un Evrópusambandsins um bann
við ruslpósti komi til með að hafa
áhrif. „Hér í Bandaríkjunum þarf
alríkisstjórnin að setja lög um
ruslpóst og við höfum lagt til að
tilskipun Evrópusambandsins
verði lögð til grundvallar slíkri
lagasetningu,“ segir Mozena.
Kostnaður tugir
milljarðar dala
Hann segir að Ferris Research
telji að að kostnaðurinn við rusl-
póst á þessu ári verði um tíu millj-
arðar bandaríkjadala (um átta
hundruð milljarðar króna). Aðrir
álíta kostnaðinn meiri. Þannig tel-
ur ráðgjafafyrirtækið Radicati að
kostnaðurinn nemi yfir 20 millj-
örðum dala í ár og Nucleus
Research álítur að kostnaðurinn
verði nálægt 90 milljörðum
bandaríkjadala í ár.
„Þetta tefur gagnastreymi, tek-
ur pláss á tölvum og sóar reikni-
getu hjá póstþjónum. Þá er mikill
kostnaður fólginn í því að ráða
starfsmenn til að kljást við þetta
vandamál auk þess sem það tekur
mikinn tíma fyrir fólk að fara í
gegnum pósthólfin sín, lesa þenn-
an póst og losa sig við hann,“ segir
Mozena.
Þeir sem senda óumbeðinn
auglýsingapóst safna netföngum
á póstlista. Algengasta leiðin er sú
að leitarvélar eru notaðar til þess
að leita á vefnum að texta sem lík-
ist tölvupóstfangi. Mozena segir
að margir telji að netföng þeirra
sé hvergi að finna en við leit komi
annað á daginn. Hann ráðleggur
fólki, sem vill komast að því hvort
netfang þeirra sé að finna ein-
hvers staðar á Netinu, að slá net-
fangið sitt inn sem leitarstreng
t.d. á Google-leitarvélinni.
CAUCE hefur lýst miklum
áhyggjum af því að hugsanlega sé
útbreiðsla ruslpósts á góðri leið
með að eyðileggja tölvupóst sem
samskiptaleið. „America Online
heldur því fram að á hverjum degi
séu fleiri skeyti stöðvuð á netþjóni
þeirra heldur en komið er til skila
til notenda. Þetta er mikið
áhyggjuefni því hættan er sú að
lögmætur tölvupóstur komist
ekki til skila og því sé ekki hægt
að treysta á tölvupóstinn sem
samskiptaleið,“ segir Mozena.
Þarf að greina mun
á lögmætum pósti og rusli
Fyrirtæki sem sérhæfa sig í
hugbúnaði sem stöðva ruslpóst
þurfa að huga annars vegar að því
hversu hátt hlutfall ruslpósts
kemst í gegnum síur þeirra og
hins vegar hversu hátt hlutfall
lögmætra skilaboða er ranglega
stöðvað á póstþjóninum. Í grein í
nýjasta tölublaði Technology Re-
view segir að póstsía Brightmail-
fyrirtækisins, sem meðal annars
er notuð af Microsoft og Earth-
link, nái að stöðva 70–90% rusl-
pósts og að einungis ein skilaboð
af milljón séu ranglega flokkuð
sem ruslpóstur. Gallinn við síur
sem sjaldan flokka lögmætan póst
sem ruslpóst er sá að forritin
hleypa of miklum fjölda raunveru-
legra ruslskeyta í gegn.
Sambærilegt lögum
um auglýsingar á faxi
Mozena bendir á að í Banda-
ríkjunum hafi verið sett lög gegn
því að fyrirtæki gætu sent óum-
beðnar auglýsingar á faxi. Þe
faxtækin komu fyrst til sögun
gripu aðgangsharðir sölume
tækifærið og sendu mikið magn
myndskeytum til fyrirtæk
Þetta hafði þau áhrif að næst
ómögulegt var að nota faxtækið
annars en móttöku slíkra augl
inga og var auglýsingamennsk
gegnum faxtæki því bönnu
Bandaríkjunum. CAUCE he
bent á að þetta gæti allt eins
við um tölvupóst og segir Moze
að notast verði við blöndu af
ræðum, lagalegum og tæknil
um, til að ráða bót á vandanum
„Við mælumst til þess að s
verði lög sem gera fólki kleift
kæra sendanda ruslpósts og
sekt upp á fimm hundruð d
verði ákveðin við slíkum ágan
Ruslpóstur á Netinu er síva
Getur eyðila
skipti með tö
Talið er að um 13
milljarðar óumbeð-
inna tölvuskeyta séu
sendir í heiminum á
degi hverjum. Þór-
lindur Kjartansson
kannaði málið og
ræddi við John Moz-
ena, varaforseta
CAUCE, samtaka
gegn ruslpósti í
Bandaríkjunum.
ÞEIR sem leggja stund á að senda fólki óumbeðið
kynningarefni og ruslpóst beita fyrir sig marg-
víslegum aðferðum til þess að komast yfir netföng.
1. Orðabókarárás
Notuð eru sérstök forrit til þess að senda póst á öll
hugsanleg netföng innan ákveðins léns. Fyrsti
pósturinn er sendur á a@len.is svo b@len.is. Settar
eru saman allar mögulegar samsetningar á bók-
stöfum. Í ljós kemur að yfirgnæfandi meirihluti
netfanganna er ekki til og því kemur villumelding
til baka. Forritin taka svo saman lista yfir þau net-
föng sem eru virk og þeim er bætt inn á dreifing-
arlistann.
Þessari aðferð er beitt á stórar póstþjónustur, t.d.
Hotmail og AOL.
Ef ákveðið er að senda póst á öll hugsanleg netföng
sem innihalda einn til átta bókstafi og tölustafi þarf
póstþjónnin
skeyta. Ef h
urra stafa n
tán hundru
Forritin flo
ákveðnum f
2. Nöfn tek
Notaðar er
saman öllum
netfangi. N
arlista. Þet
ara.
3. Spjallrás
Ef notendu
spjallrásum
netfangalis
pósti.
Hvernig endar netfang á útsend
ENGIN trygg leið er til þess að komast alveg hjá
því að fá sendan ruslpóst. Samtök gegn ruslpósti í
Bandaríkjunum hafa þó tekið saman fimm ráðlegg-
ingar sem draga úr líkunum á því að netföng lendi
á ruslpóstslistum.
1. Ef nauðsynlegt er að birta netfang á vefnum er
ráðlagt að „dulbúa“ það svo leitarvélar net-
fangasafnara greini ekki að um netfang sé að
ræða. Þannig yrði netfang@len.is ritað netfang
hjá len.is.
2. Lesið vandlega eyðublöð á Netinu sem krefjast
þess að netfang sé gefið upp. Rannsóknir hafa
sýnt að flest fyrirtæki standa við fyrirheit um að
senda netfangið ekki þriðja aðila. Mikilvægt er
að athuga hvort heimasíðan sem verið er að
heimsæk
3. Notið mö
sækja síð
stakt net
fremur e
4. Notið pó
þannig a
lýsingap
möppu.
5. Notið lön
staklega
póstþjón
arar gisk
nonnisem
jonn@le
Aðferðir til að komast hjá ruslp
KRAFTUR Í AUSTFIRÐINGUM
HARÐNAR Á DALNUM
Frá því Bush Bandaríkja-forseti lýsti því yfir aðstríðinu í Írak væri lokið
hinn 1. maí sl. hafa 50 banda-
rískir hermenn verið felldir þar í
landi í árásum að því er virðist
fámennra skæruliðahópa, sem
hverfa jafnskjótt og þeir hafa
lokið verki sínu. Þótt Banda-
ríkjamenn hafi hert aðgerðir
gegn þessum hópum hefur þeim
ekki tekizt að stöðva árásirnar.
Fall tveggja sona Saddams
Hussein virðist ekki hafa dregið
úr árásunum.
Fáir efuðust um að Banda-
ríkjamenn og Bretar mundu
vinna stríðið í Írak, þótt tak-
mörkuð mótspyrna Írakshers
hafi komið á óvart. Fleiri spurðu
hins vegar þeirrar spurningar,
hvort Bandaríkjamönnum og
Bretum mundi takast að koma á
friði í landinu að stríðsátökum
loknum. Þær efasemdir virðast
hafa við nokkur rök að styðjast.
Þegar Bandaríkjamenn tóku
við hlutverki Frakka í Víetnam
fyrir u.þ.b. fjörutíu árum og
sendu þangað fjölmennan her
vel búinn vopnum töldu flestir að
þeim mundi takast á auðveldan
hátt að vinna stríðið í Víetnam.
Niðurstaðan varð önnur. Þeir
töpuðu.
Ísrael er mesta herveldi í Mið-
Austurlöndum. Palestínumenn
eru fátækir, illa skipulagðir og
illa þjálfaðir. Ísraelsmönnum
hefur samt sem áður ekki tekizt
að koma á friði á sínum vett-
vangi. Spurning er, hvort mesta
herveldi heims, Bandaríkja-
menn, kunni að standa frammi
fyrir sama veruleika í Írak. Þeir
geti ráðið landinu en þeim takist
ekki að koma í veg fyrir stöð-
ugar árásir fámennra skæruliða-
sveita.
Sú var tíðin, að lok kalda
stríðsins voru talin geta skapað
þáttaskil í Mið-Austurlöndum.
Um leið og andstæðingar Ísr-
aelsmanna fengju ekki lengur
vopn og fjárhagslegan stuðning
frá Sovétríkjunum mundi draga
úr hernaðarátökum í Mið-Aust-
urlöndum. Sú hefur ekki orðið
raunin. Peningarnir koma ann-
ars staðar frá til þess að halda
hernaði áfram, hvort sem er
gegn Ísraelsmönnum eða nú
Bandaríkjamönnum og Bretum í
Írak, hvaðan svo sem þeir pen-
ingar koma.
Haldi bandarískir hermenn
áfram að falla í Írak getur það
haft alvarleg áhrif á möguleika
Bush Bandaríkjaforseta að ná
endurkjöri í nóvember 2004. Ví-
etnamstríðið varð til þess að
Lyndon B. Johnson ákvað að
gefa ekki kost á sér til endur-
kjörs í forsetakosningunum
1968. Honum var ljóst, að banda-
rískur almenningur þoldi ekki
mannfallið í Víetnam. Bush kann
að standa frammi fyrir því, að
ári liðnu, takist ekki að stöðva
mannfall Bandaríkjamanna í
Írak, að möguleikar hans til end-
urkjörs fari þverrandi.
Virkjanaframkvæmdir á há-lendinu og undirbúningur
að byggingu álvers í Reyðarfirði
hafa hleypt miklum krafti í allt
mannlíf á Austurlandi eins og
m.a. má lesa um á nýrri frétta-
síðu, sem birtist þrisvar í viku í
Morgunblaðinu um málefni
þessa landshluta.
Í samtali við Morgunblaðið í
gær segir Eiríkur Bj. Björg-
vinsson, bæjarstjóri Austur-
Héraðs, m.a.: „Fólksfjölgunin,
sem hefur átt sér stað á þessu
ári kemur skemmtilega á óvart.
Þegar við unnum okkar mark-
mið í sex ára áætlun sveitarfé-
lagsins 2003–2009 vorum við
með fjölgunartölur upp á 34 ein-
staklinga á árinu. Nú er fjölg-
unin komin í 43 og við þurfum
því strax að endurskoða mark-
mið okkar. Auðvitað höfðum við
væntingar til þess, að hér yrði
hröð íbúaþróun og höfum unnið
markvisst að því að vera með
íbúðaframboð og ýmis verkefni
til að hér gæti átt sér stað fjölg-
un. En þetta kemur okkur þó
engu að síður í opna skjöldu.“
Þá er athyglisvert, að sam-
keppnin er að hefjast á milli
byggðarkjarna á Austurlandi
um fólk og fyrirtæki. Þannig
segir bæjarstjóri Austur-Hér-
aðs: „Bæjarstjórnin hér hefur
lagt línur í því að lækka skatta
á fyrirtæki í 1% eins og Fjarða-
byggð hyggst gera. Við þurfum
að gera heilmargt til að þessi
fólksfjölgun og atvinnutækifæri
verði að veruleika og íbúar sátt-
ir og ánægðir með það, sem þeir
fá. Það kostar vinnu og peninga.
Það skiptir miklu máli að koma
því á framfæri við almenning.“
Það er skemmtilegt að fylgj-
ast með þeim krafti og þeirri
bjartsýni, sem einkennir Aust-
firðinga um þessar mundir.
Augljóst er að þessi landshluti
verður eitt af vaxtarsvæðunum
á Íslandi á næstu árum. Af þeim
sökum munu fyrirtæki, sem
starfrækt eru annars staðar
leggja áherzlu á að koma sér
upp starfsstöðvum á Austur-
landi eftir því sem við á, sem
mun svo enn auka á vaxtar-
möguleika svæðisins.