Morgunblaðið - 19.08.2003, Blaðsíða 40

ÍÞRÓTTIR
40 ÞRIÐJUDAGUR 19. ÁGÚST 2003 MORGUNBLAÐIÐ
KNATTSPYRNA
1. deild kvenna A
Smárah.: Breiðablik 2 – HK/Víkingur......19
Í KVÖLD
KNATTSPYRNA
Efsta deild karla,
Landsbankadeild
Fylkir - Þróttur.........................................1:5
Sævar Þór Gíslason 60. - vítasp. – Gestur
Pálsson 5., 67., Sören Hermansen 15., 65.,
Páll Einarsson 82.
KR 14 8 3 3 21:17 27
Fylkir 14 8 2 4 22:15 26
Þróttur R. 14 7 0 7 24:21 21
FH 14 6 3 5 24:22 21
ÍA 14 5 5 4 21:19 20
ÍBV 14 6 1 7 20:21 19
Grindavík 14 6 1 7 18:23 19
KA 14 5 2 7 24:22 17
Valur 14 5 1 8 18:23 16
Fram 14 4 2 8 19:28 14
Markahæstu menn:
Björgólfur Takefusa, Þrótti ........................9
Gunnar Heiðar Þorvaldsson, ÍBV ..............9
Sören Hermansen, Þrótti ............................8
Steinar Tenden, KA .....................................8
Allan Borgvardt, FH................................... 6
Jóhann H. Hreiðarsson, Val ....................... 6
Veigar Páll Gunnarsson, KR...................... 6
Björn Viðar Ásbjörnsson, Fylki................. 5
Haukur Ingi Guðnason, Fylki .................... 5
Hreinn Hringsson, KA ............................... 5
Sigurður Ragnar Eyjólfsson, KR .............. 5
15. UMFERÐ
ÍA - Valur
KA - Fram
KR - Fylkir
Þróttur - Grindavík
FH - ÍBV
16. UMFERÐ
ÍBV - Þróttur
Valur - KA
Fram - FH
Fylkir - ÍA
Grindavík - KR
17. UMFERÐ
Valur - Fram
KA - Fylkir
ÍA - Grindavík
KR - ÍBV
Þróttur - FH
18. UMFERÐ
Fram - Þróttur
Fylkir - Valur
Grindavík - KA
ÍBV - ÍA
FH - KR
England
2. deild:
Brighton - QPR .........................................2:1
Deildarbikardráttur
Búið er að draga í 2. umferð ensku deild-
arbikarkeppninnar: Portsmouth - North-
ampton, Blackpool - Birmingham, Leicest-
er - Crewe, Wigan - Fulham, Sunderland -
Huddersfield, Notts County - Ipswich,
Wolves - Darlington, Crystal Palace -
Doncaster, Hartlepool - WBA, Bolton -
Walsall, Bristol City - Watford, Tranmere -
Nott. Forest, Oxford - Reading, Leeds -
Swindon, Stoke eða Rochdale - Gillingham,
Cardiff - West Ham, Everton - Stockport,
Charlton - Luton, Rotherham - Colchester,
Scunthorpe - Burnley, Sheff. Utd. - QPR,
Wycombe - Aston Villa, Coventry - Totten-
ham, Middlesbrough - Brighton.
Belgía
Lierse - Germinal Beerschot....................0:0
ÚRSLIT Þróttur lék
sér að Fylki
ÞRÓTTARAR áttu svo sannarlega sviðið á Fylkisvellinum í Árbæ í
gærkvöldi. Þróttarar gerðu það sem fáir bjuggust við. Þeir urðu
fyrstir til að leggja Fylkismenn á þeirra heimavelli og ekki nóg með
það. Þróttarar fögnuðu stórsigri, 5:1, og er þetta versti ósigur Ár-
bæjarliðsins á heimavelli í efstu deild og með stærstu skellum Fylk-
ismanna á Íslandsmóti frá upphafi.
Eftir fjóra ósigra í röð áttu flestirvon á að á brattann yrði að
sækja fyrir nýliða Þróttar enda Fylk-
ismenn jafnan sterk-
ir á heimavelli. Fyrir
leikinn hafði Árbæj-
arliðið unnið alla sex
heimaleiki sína og
markatalan gamalkunn, 14:2. En
lærisveinar Ásgeirs Elíassonar voru
greinilega ekki með hugann við þessa
tölfræði. Þeir tóku leikinn föstum
tökum strax eftir upphafsflaut Gylfa
Þórs Orrasonar og þegar stundar-
fjórðungur var liðinn af leiknum var
staðan orðin 2:0, Þrótti í vil, með
mörkum Gests Pálssonar og Danans
Sörens Hermansen. Fylkismenn
voru nánast eins og statistar fyrsta
hálftímann og léttleikandi liðsmenn
Þróttara léku sér að svifasveinum og
værukærum Fylkismönnum út um
allan völl. Fylkismenn voru heppnir
að fá ekki þriðja markið á sig þegar
Kjartan Sturluson varði vel dauða-
færi frá Björgólfi á 20. mínútu en síð-
asta stundarfjórðunginn virtist eins
og Fylkismenn vöknuðu upp við
vondan draum. Þeir náðu ágætri
pressu á Þróttaramarkið og nokkr-
um sinnum skall hurð nærri hælum
en líkt og flestir liðsmanna Fylkis
voru sóknarmennirnir ekki á skot-
skónum.
Fylkismenn hófu síðari hálfleikinn
líkt og þeir enduðu þann fyrri. Þeir
sóttu stíft að marki Þróttara, stað-
ráðnir í að koma sér inn í leikinn. Og
það tókst þeim þegar Sævar Þór
Gíslason minnkaði muninn úr víta-
spyrnu eftir klukkutíma leik. Stuðn-
ingsmenn Fylkis tóku vel við sér við
þessi tíðindi en Adam var ekki lengi í
paradís. Úr fyrstu alvöru sókn sinni í
seinni hálfleik skoraði Sören Her-
mansen þriðja mark Þróttara á 65.
míunútu og við það má segja að Fylk-
isliðið hafi gefist upp. Gestur bætti
við öðru tveimur mínútum síðar og
það fór vel á því að fyrirliði og leiðtogi
Þróttarliðsins, Páll Einarsson, setti
punktinn fyrir aftan i-ið þegar hann
skoraði fimmta markið skömmu eftir
að Hermansen hafði tvívegis verið
nálægt því að fullkomna þrennu sína.
Léttleikandi leikmenn Þróttar ylj-
uðu áhorfendum hvað eftir annað
með stórgóðum leik sem hlýtur að
teljast sá besti sem liðið hefur leikið á
þessari leiktíð. Halldór Hilmisson
stóð upp úr í frábærri liðsheild, ákaf-
lega lunkinn leikmaður sem næmt
auga hefur fyrir að mata félaga sína.
Gestur Pálsson átti sömuleiðis stór-
góðan leik og Hermansen gerði usla í
vörn Fylkismanna. Það var nánast
hvergi veikan hlekk að finna og með
sigrinum stigu Þróttarar stórt skref í
þá átt að halda sæti sínu meðal þeirra
bestu, sem þeir eiga svo sannarlega
skilið miðað við frammistöðuna í gær.
Fylkismenn hljóta að fara í ræki-
lega naflaskoðun eftir þessar ófarir
og ekki vanþörf á þar sem liðið sækir
Íslandsmeistara KR heim um næstu
helgi í einum af úrslitaleikjum móts-
ins. Árbæingar voru á hælunum stór-
an hluta leiksins og virtust alls ekki
tilbúnir að taka á móti léttleikandi
leikmönnum Þróttar. Vörnin, sem
hefur verið ein sterkasta hlið Fylkis-
liðsins í sumar, var hriplek, miðju-
mennirir sáu vart til sólar og sókn-
arlínan mátti sín lítils á móti vel
skipulögðum varnarmönnum Þrótt-
ar. Fylkismenn vilja sjálfsagt gleyma
leiknum sem fyrst en kannski kom
skellurinn á góðum tíma og verður til
þess að hrista upp í Árbæingum, sem
þyrstir í að vinna Íslandsmeistaratit-
il. Víst er þó að enginn meistarabrag-
ur var á Fylkismönnum í gær og mik-
ið verður að breytast í leik þeirra ætli
þeir að koma í veg fyrir að titillinn
hafni á nýjan leik í höndum KR-inga.
„Þetta var hræðileg frammistaða
hjá okkur og ég veit hreinlega ekki
hvað kom fyrir. Þróttarar yfirspiluðu
okkur í byrjun leiks og komust 2:0 yf-
ir. Við náðum að rétta okkar hlut og
komum okkur inn í leikinn í byrjun
seinni hálfleiks en þegar Þróttur
skoraði þriðja markið þá hættum við.
Mér fannst allt ganga upp hjá Þrótti
og það verður ekki af þeim tekið að
þeir léku okkur á köflum sundur og
saman. Við töpuðum dýrmætum stig-
um og ekki nóg með það heldur fór
markatalan í súginn. Við þurfum
heldur betur að taka okkur saman í
andlitinu fyrir leikinn á móti KR,“
sagði Ólafur Ingi Skúlason, einn
skásti leikmaður Fylkis, við Morgun-
blaðið.
Guðmundur
Hilmarsson
skrifar
Fylkir 1:5 Þróttur R.
Leikskipulag: 4-3-3 Landsbankadeildin,
14. umferð Fylkisvöllur
Mánudaginn 18. ágúst 2003
Aðstæður:
Hægur vindur, rigning með
köflum og 12 stiga hiti. Völl-
urinn góður.
Áhorfendur: 1.355
Dómari:
Gylfi Þór Orrason,
Fram, 5
Aðstoðardómarar:
Gísli H. Jóhannsson,
Einar Guðmundsson
Skot á mark: 15(4) - 11(8)
Hornspyrnur: 11 - 2
Rangstöður: 3 - 0
Leikskipulag: 3-5-2
Kjartan Sturluson
Þórhallur Dan Jóhannsson
Kjartan Antonsson
Hrafnkell Helgason
Arnar Þór Úlfarsson
(Gunnar Þ. Pétursson 35.)
Sverrir Sverrisson
(Valur Fannar Gíslason 59.)
Finnur Kolbeinsson M
Ólafur Ingi Skúlason M
Sævar Þór Gíslason
Haukur Ingi Guðnason
(Theódór Óskarsson 67.)
Björn Viðar Ásbjörnsson
Fjalar Þorgeirsson M
Eysteinn P. Lárusson M
Jens Sævarsson M
Erlingur Þ. Guðmundsson M
(Kári Ársælsson 84.)
Vignir Þór Sverrisson M
Halldór A. Hilmisson MM
Páll Einarsson M
Gestur Pálsson MM
(Hallur Hallsson 82.)
Ingvi Sveinsson
Sören Hermansen M
Björgólfur Takefusa
(Hjálmar Þórarinsson 82.)
0:1 (5.) Gestur Pálsson fékk sendingu frá Halldóri Hilmissyni. Hann lagði knött-
inn fyrir sig og skoraði með föstu skoti sem hafnaði neðst í markhorn-
inu.
0:2 (15.) Vignir Sverrisson átti sendingu inn á vítateiginn á Sören Hermansen
sem skoraði með lúmsku skoti frá markteig.
1:2 (60.) Jens Elvar Sævarsson braut á Birni Viðari Ásbjörnssyni innan teigs og
úr vítaspyrnunni sem dæmd var skoraði Sævar Þór Gíslason af öryggi.
1:3 (65.) Eftir góðan undirbúning Erlings Guðmundssonar barst boltinn til Sö-
rens Hermansen sem skoraði með föstu skoti úr vítateignum.
1:4 (67.) Gestur Pálsson komst í gegnum hripleka vörn Fylkismanna og skoraði
framhjá Kjartani Sturlusyni sem hafði hendur á boltanum en réð ekki
við fast skotið.
1:5 (82.) Páll Einarsson skoraði frá markteig eftir hornspyrnu Björgólfs Take-
fusa.
Gul spjöld: Halldór A. Hilmisson, Þrótti R. (27.) fyrir brot  Ingvi Sveinsson, Þrótti R. (72.)
fyrir brot  Rauð spjöld: Engin
HALLDÓR Hilmisson var af öðrum
ólöstuðum besti maður vallarins í
sigri Þróttar á Fylki í gær. Þessi
lipri miðjumaður sýndi frábær til-
þrif á Fylkisvellinum og áttu koll-
egar hans hjá Fylki ekkert svar við
leik hans.
„Ég vissi vel að við gætum unnið
Fylki á þeirra heimavelli en að við
skyldum taka þá svo hressilega í
bakaríið kom mér skemmtilega á
óvart. Við vildum komast á sigur-
braut á ný eftir fjóra ósigra í röð
og nú tel ég að við þurfum einn
sigur til viðbótar til að tryggja
okkur veru í deildinni,“ sagði Hall-
dór við Morgunblaðið eftir leikinn.
„Það var til mikils að vinna og
það er ekki spurning að þungu
fargi er af okkur létt eftir þennan
sigur. Við fengum mikið sjálfs-
traust við þessa góðu byrjun og
það hjálpaði okkur mikið. Við viss-
um að Fylkismenn kæmu brjálaðir
til leiks í seinni hálfleik en við
héldum sem betur fer haus og unn-
um okkur út úr vandræðunum.
Þriðja markið drap þá alveg og við
hefðum kannski alveg getað skor-
að fleiri en fimm mörk á móti
þeim.“
Spurður út í möguleika Fylkis
hvað meistarabaráttuna varðar
sagði Halldór; „Eru ekki allir að
vinna alla í þessari deild? Ég
reikna alveg með að KR tapi ein-
hverjum stigum í þeim leikjum sem
þeir eiga eftir og ef Fylkir vinnur
sína leiki þá verða þeir meistarar.
Það er vel hugsandi en fyrst og
fremst ætlum við Þróttarar að
hugsa um okkur og nú stefnum við
bara að því að ná þriðja sætinu.“
Þurfum
einn sigur
í viðbót
ÍSLENSKA landsliðið í handknattleik mætir heima-
mönnum í fyrsta leiknum á Evrópumóti landsliða í Slóv-
eníu 2004. Ísland, sem leikur í C-riðli ásamt Slóveníu,
Tékklandi og Ungverjalandi í Celje, mætir Slóveníu
fimmtudaginn 22. janúar, síðan verður leikið gegn Ung-
verjalandi 23. janúar og Tékklandi sunnudaginn 25. jan-
úar. Í gær var EM tímasett.
Þrjár þjóðir komast áfram í milliriðil og leika í riðli
með þremur efstu þjóðunum í D-riðli (Pólland, Frakk-
land, Þýskaland og Serbía-Svartfjallaland). Leikir í
milliriðli fara fram þriðjudaginn 27. janúar, miðviku-
daginn 28. janúar og fimmtudaginn 29. janúar. Undan-
úrslitaleikirnir fara fram laugardaginn 31. janúar og úr-
slitaleikurinn verður leikinn sunnudaginn 1. febrúar.
Þjóðirnar í A-riðli á EM eru Svíþjóð, Rússland, Úkra-
ína og Sviss. Í B-riðli leika Danmörk, Spánn, Portúgal og
Króatía.
Ísland varð í fjórða sæti á EM 2002, Danmörk í þriðja,
Þýskaland í öðru og Svíar urðu Evrópumeistarar.
Fyrsti leikurinn á
EM gegn Slóveníu
BJÖRGVINIR, sem er félag
stuðningsmanna Björgvins
Sigurbergssonar atvinnu-
kylfings, verða með nokkuð
sérstakt styrktarmót á
sunnudaginn milli kl. 13 og
17. Mót þetta kalla þeir
Bryggjugolf og fer þannig
fram að þeir setja floteyju –
flotflöt – um 50 metra út í
Hafnarfjarðarhöfn og síðan
geta gestir og gangandi
reynt að slá af teig framan
við Fjörukrána í Hafnarfirði
og hitta á flötina fljótandi.
Vegleg verðlaun verða í
boði fyrir þá sem eru næstir
holunni. Það kostar 1.500
krónur að slá tvo bolta,
3.000 ef menn kaupa fimm
bolta og 5.000 vilji menn
reyna tíu sinnum. Menn
þurfa ekki að koma með
sína eigin bolta því þeir fá
bolta afhenta um leið og
greitt er og fríar veitingar
fylgja einnig með.
Björgvinir hafa verið
nokkuð frjóir síðustu árin,
Björgvin og Sveinn Sig-
urbergssynir léku í fyrra frá
Keflavík til Reykjavíkur,
voru með púttmót í garð-
inum heima hjá Sveini árið
þar áður og nú er það
Bryggjugolf. „Við nenntum
ekki að labba aftur frá
Keflavík,“ sagði Björgvin.
Bryggjugolf
hjá Björgvinum
Björgvin