Morgunblaðið - 08.11.2003, Blaðsíða 60

ÍÞRÓTTIR
60 LAUGARDAGUR 8. NÓVEMBER 2003 MORGUNBLAÐIÐ
ÚRSLIT
ÞORVALDUR Makan Sigbjörnsson, fyrirliði knattspyrnuliðs
KA, hefur að undanförnu átt í viðræðum við Fylkismenn um
að leika með þeim á næsta tímabili. Jafnframt er opið fyrir
að hann spili áfram með Akureyrarliðinu, en samningur
hans þar rennur út um áramótin og honum er því frjálst að
ræða við önnur félög.
Þorvaldur sagði við Morgunblaðið í gærkvöld að hjá sér
snerist málið um atvinnu. „Ég þarf að nýta mitt nám sem við-
skiptafræðingur og það ræður úrslitum um hvort ég verð á
Akureyri eða í Reykjavík. Hvað fótboltann varðar, eru þetta
tveir mjög góðir kostir. Fylkir er afar spennandi kostur og
það eru líka spennandi hlutir að gerast hjá KA. Vonandi
skýrist þetta á næstu vikum,“ sagði Þorvaldur.
Þorvaldur er 29 ára og hefur verið fyrirliði KA undanfarin
fjögur ár. Hann hóf meistaraflokksferilinn með KA 1992 og
lék með félaginu til 1996, var þá eitt ár með Leiftri í úrvals-
deildinni og síðan hálft annað ár með Öster í Svíþjóð, en
sneri aftur til KA árið 1999. Í sumar missti hann nokkuð úr
vegna meiðsla, spilaði aðeins 11 deildaleiki og skoraði eitt
mark.
Þorvaldur Makan í
viðræðum við Fylki
Morgunblaðið/Skapti Hallgrímsson
Þorvaldur Makan Sigbjörnsson
JÓHANNES Karl Guðjónsson, landsliðs-
maður í knattspyrnu, hefur lofað því að haga
sér vel þegar lið hans, Wolves, mætir Birm-
ingham í nágrannaslag í ensku úrvalsdeild-
inni í dag. Jóhannes var í sviðsljósinu í fyrra
þegar hann fékk að líta rauða spjaldið í leik
með Aston Villa gegn Birmingham, fyrir
grófa tæklingu á Matthew Upson, varnar-
manni Birmingham.
„Ég missti stjórn á mér, gerði mistök sem
ég hef lært af. Ég lét spennustigið í leiknum,
slæma stöðu og slaka frammistöðu liðsins
fara í taugarnar á mér. Sem betur fer var í
lagi með Matthew og ég ætlaði mér ekki að
meiða hann. Ég mun aldrei aftur missa stjórn
á mér á þennan hátt,“ sagði Jóhannes við
staðarblaðið Evening Mail í gær. Blaðið segir
að Jóhannes hafi bætt ráð sitt í vetur því
hann hafi aðeins fengið tvö gul spjöld í sjö
leikjum með Wolves í úrvalsdeildinni í vetur.
Jóhannes lofar
góðri hegðun
SINISA Mihajlovic, leikmaður Lazio, var í gær dæmdur í átta leikja bann af
Knattspyrnusambandi Evrópu, UEFA, fyrir að hrækja á Adrian Mutu, leik-
mann Chelsea, í viðureign liðanna í Meistaradeild Evrópu í knattspyrnu á
síðasta þriðjudag. Auk þess var Mihajlovic gert að greiða 20.000 sviss-
neskra franka í sekt, en það er jafnvirði 1,1 milljónar króna. Bannið nær til
leikja í Meistaradeild Evrópu og í UEFA-bikarnum.
Mihajlovic var rekinn af leikvelli í síðari hálfleik viðureignarinnar sem
fram fór á Ólympíuleikvanginum í Róm en þá hafði hann sparkað Damien
Duff niður. Mihajlovic hrækti á Mutu í fyrri hálfleik, en það fór fram hjá
dómara og aðstoðardómara en sást greinilega á sjónvarpsupptöku. Auk
þess hrinti Mihajlovic Mutu nokkrum sinnum í fyrri hálfleik aukinheldur
sem hann hrópaði ókvæðisorðum að honum.
Mihajlovic hefur frest fram á mánudag til þess að áfrýja.
Mihajlovic fékk 8
leikja bann og sekt
ARSENAL-klúbburinn á Íslandi,
sem var stofnaður á Selfossi 15.
október 1982, hefur gefið út bók
um klúbbinn í tilefni 20 ára afmæl-
isársins. Bókin er 182 blaðsíður og
hefur að geyma yfir 1.200 myndir
sem tengist klúbbnum og starfi
hans. Ritstjóri bókarinnar er Kjart-
an Björnsson, fyrrverandi formað-
ur klúbbsins, sem lét af störfum á
dögunum.
Afmælisbók
Arsenalklúbbsins
Westfalen-leikvangurinn í Dort-mund var stækkaður í sumar,
tók áður 66.000 áhorfendur en rúmar
nú 83.000 manns. Mörgum þótti það
mikil bjartsýni þegar ákveðið var að
ráðast í stækkunina, en það hefur
sýnt sig að þetta var rétt ákvörðun
því íbúar Ruhr-héraðsins eru miklir
áhugamenn um knattspyrnu. Þrátt
fyrir dapurt gengi Dortmund í vetur
hefur það ekki komið niður á aðsókn á
leiki liðsins og forráðamenn félagsins
eru ánægðir með það.
Til loka október voru 36.492 áhorf-
endur að meðaltali á leik í efstu deild
og hafði áhorfendum fjölgað um 2.500
að meðaltali frá sama tíma í fyrra. Í
Englandi voru 34.816 áhorfendur að
meðaltali á úrvalsdeildarleikjum,
29.345 á Spáni og 26.084 á Ítalíu.
Ástæðan fyrir þessum mikla fjölda
áhorfenda í Þýskalandi er ekki síst
mikill áhugi fólks í Ruhr-héraðinu þar
sem Dortmund leikur og Schalke, en
leikvangar félaganna eru ekki langt
hvor frá öðrum. Á þessu svæði eru
einnig Bochum, Mönchengladbach,
Köln og Leverkusen og segir sagan
að fólk á þessu svæði hafi ekki minni
ástríðu á knattspyrnu en íbúar Buen-
os Aires, Ríó eða Mílanó. Einnig má
benda á svæði í norðaustan verðu
Englandi þar sem Newcastle, Middl-
esbrough og Sunderland eru en þar
snýst líf fólks – karlmanna nær ein-
göngu þó – um fótbolta, rétt eins og
jörðin snýst um sólina. „Knattspyrna
er þjóðaríþrótt okkar og í sumum
bæjum snýst bæjarlífið meira og
minna um knattspyrnu. Dortmund er
einn slíkra staða,“ segir Franz Beck-
enbauer.
Meistarar Dortmund eru í fjórða
sæti deildarinnar sem stendur, með
22 stig, fimm stigum á eftir Stuttgart
sem er í efsta sæti. Schalke er hins
vegar í 10. sæti með 14 stig. Bæði liðin
eru dottin út úr þýska bikarnum, en
stuðningsmenn liðanna láta misjafnt
gengi sinna liða ekki trufla ánægjuna
af því að fara á völlinn og mæta gal-
vaskir á heimaleiki liðanna. Það sem
af er vetri hafa rúmlega 61.000 manns
mætt á heimaleiki Schalke.
Önnur ástæða þess að mikil
sprenging hefur orðið í fjölda áhorf-
enda í Þýskalandi er að þar í landi
hafa menn á síðustu árum byggt nýja
velli og lagað þá eldri. Andreas Kroll,
framkvæmdastjóri vegna HM 2006 í
Þýskalandi, er mjög ánægður. „Hröð
endurnýjun valla hefur sitt að segja.
Fólk kemur frekar á völlinn ef and-
rúmsloftið er notalegt og þægilegt.
Margir vellir hafa verið gerðir þægi-
legri fyrir áhorfendur og það skilar
sér. Ég er sérstaklega ánægður með
hvernig fólk hefur brugðist við bættri
salernisaðstöðu. Þegar fólk sér að það
er hugsað um það bregst það við með
þeim hætti, að það gengur mun betur
um og lítur á völlinn sem sinn og
gengur um þar eins og heima í stofu,“
segir Kroll.
Enn eitt má að sjálfsögðu nefna en
það er spenningurinn fyrir HM 2006.
Engin þjóð, nema Brasilíumenn, get-
ur státað af eins góðum árangri á
stóru knattspyrnumótunum og Þjóð-
verjar.
Er Dortmund
stærsta félags-
lið Evrópu?
HVERGI í Evrópu eru fleiri áhorfendur á knattspyrnuleikjum en í
Þýskalandi. Þar í landi er Borussia Dortmund í broddi fylkingar með
um 78.000 áhorfendur að meðaltali á leik. Ekkert annað lið í Evrópu
getur státað af álíka aðsókn og þýsku meistararnir.HANDKNATTLEIKUR
Laugardagur:
1. deild karla, RE/MAX-deildin, norður-
riðill:
Víkin: Víkingur - Fram .........................16.30
1. deild kvenna, RE/MAX-deildin:
KA-heimili: KA/Þór - Víkingur ............16.45
Hlíðarendi: Valur - Fram ..........................14
Sunnudagur:
1. deild karla, RE/MAX-deildin, norður-
riðill:
Varmá: Afturelding - Valur .......................17
Suðurriðill:
Kaplakriki: FH - Stjarnan.........................17
Smárinn: Breiðablik - Selfoss ...................16
Meistaradeild Evrópu:
Ásvellir: Haukar - Vardar .........................20
1. deild kvenna, RE/MAX-deildin:
Kaplakriki: FH - Stjarnan.........................15
Seltjarnarn.: Grótta/KR - Haukar............17
KÖRFUKNATTLEIKUR
Laugardagur:
1. deild kvenna:
Grindavík: UMFG - Keflavík ...............17.15
DHL-höllin: KR - ÍR..................................16
1. deild karla:
Grafarvogur: Fjölnir - Höttur...................17
Sunnudagur:
1. deild karla:
Borgarnes: Skallagrímur - Höttur ...........12
Hlíðarendi: Valur - Stjarnan .....................16
Fyrirtækjakeppni KKÍ, Hópbílabikarinn,
8-liða úrslit, seinni leikur:
Keflavík: Keflavík - Hamar ..................19.15
Mánudagur:
1. deild kvenna:
Kennaraháskóli: ÍS - UMFN ...............19.30
BLAK
Laugardagur:
1. deild kvenna:
Neskaups.: Þróttur N. - Þróttur R. .....13.30
Sunnudagur:
1. deild kvenna:
Neskaups.: Þróttur N. - Þróttur R. .....13.30
KNATTSPYRNA
Knattspyrnuhátíð fyrir stúlkur verður í
Egilshöll kl. 13 til 18 í dag. Boðið verður
upp á ýmsar knattþrautir, en lokaatriði há-
tíðarinnar verður kl. 17 er úrvalslið
Reykjavíkur og landsins mætast.
BORÐTENNIS
Pepsi-mótið fer fram í dag og á morgun í
Íþróttahúsi TBR við Gnoðarvog. Úrslita-
leikir fara fram á sunnudag kl. 13.30.
UM HELGINA
KÖRFUKNATTLEIKUR
1. deild karla
Þór Ak. – ÍG .......................................... 86:77
Staðan:
Valur 4 4 0 343:318 8
Fjölnir 4 3 1 355:305 6
Þór Ak. 5 3 2 424:427 6
Stjarnan 4 3 1 313:292 6
Skallagrímur 3 2 1 288:237 4
ÍG 5 1 4 401:452 2
Höttur 3 1 2 238:242 2
ÍS 4 1 3 313:331 2
Ármann/Þróttur 3 1 2 233:236 2
Selfoss 3 0 3 224:292 0
NBA-deildin
Úrslit í fyrrinótt:
LA Lakers – San Antonio................120:117

Kobe Bryant skoraði 37 stig og Shaquille
O’Neal 35 stig, hirti 20 fráköst, átti sex
stoðsendingar og varði fjögur skot. Tim
Duncan og Tony Parker, leikmenn San
Antonio, léku ekki vegna meiðsla. Manu
Ginobili skoraði 33 stig fyrir liðið.
New Jersey – Indiana ..........................81:87
Toronto – Dallas...................................77:71

Jón Arnór Stefánsson var ekki í leik-
mannahópi Dallas.
BLAK
1. deild kvenna
Þróttur N. – Þróttur R ..................... frestað

Reykjavíkur-Þróttur komst ekki austur í
gær þar sem ekki var flugfært. Leikurinn
hefur verið settur á í dag kl. 13.30 og liðin
mætast aftur á sama tíma á morgun.
KNATTSPYRNA
Holland
Vitesse – Willem II................................... 2:2
Belgía
Gent – Genk .............................................. 1:1
RICARDO La Volpa, hinn argent-
ínski landsliðsþjálfari Mexíkó í
knattspyrnu, valdi í gær 18 leik-
manna hóp fyrir vináttuleikinn gegn
Íslandi í San Francisco 20. nóvem-
ber. Tveir nýliðar eru í hópnum, en
jafnframt aðeins tveir fastamenn úr
HM-liði Mexíkó á síðasta ári, og í
hópnum eru sjö leikmenn sem voru í
sigurliði Mexíkó í Gullbikarnum frá
því í sumar. Allir 18 leikmennirnir
spila með liðum í Mexíkó, flestir
landsliðsmannanna koma jafnan
þaðan, en þó vantar sterka menn
sem hafa spilað á Spáni og voru
áberandi á HM í fyrra, þá Cuauhte-
moc Blanco og Francisco Palencia.
Sóknarmaðurinn Braulio Luna
(Necaxa) og miðjumaðurinn Ramón
Morales (Guadalajara) léku alla leiki
Mexíkó á HM í fyrra og markvörð-
urinn Oswaldo Sánchez (Guadalaj-
ara) var varamarkvörður liðsins þar.
Þeir Sánchez markvörður, Ricardo
Osorio (Cruz Azul), Fernando Salaz-
ar (Atlas), Ocatavio Valdez (Pach-
uca), Mario Méndez (Atlas) og Juan
Pablo Rodríguez (Guadalajara) léku
úrslitaleik Gullbikarsins í júlí en
Mexíkó vann þá 23-ára lið Brasilíu,
1:0.
Aðrir í hópnum eru José de Jesús
Corona (Atlas), Claudio Suárez
(Tigres), Mario Pérez (Necaxa),
Héctor Altamirano (Santos), Davikd
Oteo (Tigres), Gonzalo Pineda
(UNAM), Fernando Acre (Atlante),
Omar Bravo (Guadalajara), Adolfo
Bautista (Pachuca) og Emilio Mora
(Veracruz).
Reuters
Oswaldo Sánchez, markvörður Mexíkó, fagnar sigri liðsins í
Gullbikarnum á heimavelli sínum í sumar. Sánchez er í liðinu
sem mætir Íslendingum í San Francisco.
Tveir nýliðar
hjá Mexíkó
gegn Íslandi