Morgunblaðið - 08.12.2003, Blaðsíða 6
FRÉTTIR
6 MÁNUDAGUR 8. DESEMBER 2003 MORGUNBLAÐIÐ
Ferðir blóðbankabílsins:
Þriðjudagur 9. desember Nýherji við Borgartún 37 klukkan 9.00-15.00
Miðvikudagur 10. desember Hekla við Klettagarða klukkan 9.30-15.00
www.blodbankinn.is
ARTHUR Bogason, formaður
Landssambands smábátaeigenda,
fagnar því að sjávarútvegsráðherra
hefur nú lagt
fram frumvarp
um að tekin verði
upp línuívilnun
fyrir dagróðrar-
báta. „Ég fagna
því að það eigi að
framkvæma
þetta loforð og er
sáttur við það,“
segir Arthur.
Hann segist þó vilja sjá ýmsar
frekari breytingar en gert er ráð
fyrir í frumvarpinu, m.a. vilji hann
að línuívilnun í þorski taki gildi
strax fremur en að beðið verði með
gildistöku þess til 1. september á
næsta ári. „Ég sé ekki hvaða rök
eru fyrir því að geyma það,“ segir
hann.
Hann segir hins vegar mikil von-
brigði að ekki skuli vera tekið á
vanda dagabátanna svonefndu jafn-
hliða þessum aðgerðum í frumvarp-
inu.
„Ráðherra er fullkunnugt um að
það er annað alveg jafnstórt mál
sem þarf að hengja inn í þetta frum-
varp, en það er vandi sóknardaga-
bátanna okkar. Við höfum talað fyr-
ir því í ein sex eða sjö ár að lögfestur
verði lágmarksfjöldi sóknardaga.
Ég stóð í þeirri trú að þetta yrði lát-
ið fljóta með og er ekki búinn að
gefa upp alla von um það því frum-
varpið á eftir að fara í gegnum Al-
þingi. Það er ekkert síður mikilvægt
að leysa þetta mál,“ segir hann.
Smábátar í aflamarks-
kerfinu fá sárabót
Arthur segist hins vegar fagna
því sérstaklega að þarna fái smábát-
ar í aflamarki, sem hafa farið mjög
illa út úr gildandi kerfi á umliðnum
árum, töluverða sárabót.
„Við höfum margsinnis brýnt
stjórnvöld til að gera eitthvað fyrir
þessa báta vegna þess að þegar nið-
urskurður þorskveiðiheimilda hófst
var alveg ljóst að þeir sem voru með
hlutfallslega mest í þorski urðu fyr-
ir hlutfallslega mestri skerðingu, en
það voru smábátarnir. Þeir sem eru
með smábáta í aflamarkskerfinu í
dag og veiða með línu fá þarna
skyndilega þó nokkra sárabót og
fagna ég því sérstaklega,“ segir
Arthur.
Arthur Bogason, for-
maður Landssam-
bands smábátaeigenda
Fagna
frumvarpi
um línu-
ívilnun
Arthur Bogason
„ÉG er mjög sáttur við þessa
niðurstöðu og met það frum-
kvæði sem sjávarútvegsráðherra
hefur sýnt með
því að höggva á
þennan hnút,“
segir Einar K.
Guðfinnsson, al-
þingismaður og
formaður þing-
flokks sjálf-
stæðismanna,
um frumvarp
sjávarútvegs-
ráðherra um
línuívilnun og heimild til að koma
byggðarlögum sem standa höll-
um fæti til aðstoðar.
„Mér var það mjög ljóst að
þetta var erfitt mál vegna þess
að það voru uppi mjög andstæðar
skoðanir og ég held að þetta sé
málamiðlun sem allir eigi að geta
unað við,“ segir hann.
Einar bendir á að frumvarpið
feli m.a. í sér að sett verði á línu-
ívilnun og ákveðnar skorður jafn-
framt settar varðandi þorskinn,
sem ýmsir hafi lýst áhyggjum af.
„Reglum um byggðakvóta er
breytt. Þessir byggðapottar, sem
svo hafa verið kallaðir og hafa
verið mjög umdeildir, hverfa
smám saman út en gefinn er að-
lögunartími, þannig að þeir sem
núna nýta þessar heimildir ættu
ekki að verða fyrir alvarlegri
röskun.“
Misskilningur og vanþekk-
ing Magnúsar Kristinssonar
Spurður um þá gagnrýni út-
gerðarmanna, m.a. af hálfu
Magnúsar Kristinssonar, útgerð-
armanns í Vestmannaeyjum, sem
beinst hefur að Einari og fleiri
þingmönnum sem hafa barist fyr-
ir línuívilnuninni, segist Einar
vísa því á bug að ríkisstjórninni
hafi verið stillt upp við vegg.
„Ríkisstjórnin hafði frumkvæði
að þessu frumvarpi og menn sjá
af því að þar eru farnar talsvert
aðrar leiðir en oft hefur verið
rætt um varðandi byggðakvót-
ana. Ég held því að það sé um
misskilning og hreina vanþekk-
ingu að ræða hjá Magnúsi Krist-
inssyni. Hins vegar veit ég að
hann er mikill andstæðingur þess
að fundnar séu lausnir fyrir hin-
ar veikari sjávarbyggðir og ég er
ósammála honum um það,“ segir
Einar.
Einar K. Guðfinnsson
alþingismaður
Málamiðl-
un sem
allir geti
unað við
Einar K.
Guðfinnsson
MÉR finnst gagnrýni útvegs-
manna eðlileg,“ segir Árni M.
Mathiesen sjávarútvegsráðherra
spurður um þá
gagnrýni sem
fram hefur kom-
ið af hálfu út-
gerðarmanna og
LÍÚ á frumvarp
sem sjávarút-
vegsráðherra
hefur lagt fram
um að tekin
verði upp línu-
ívilnun fyrir dag-
róðrarbáta.
„Það er auðvitað ljóst að þær
aflaheimildar sem verða notaðar í
þetta verða teknar af öðrum. Þetta
er einfaldlega ákvörðun sem var
tekin af landsfundi Sjálfstæðis-
flokksins og flokksþingi Fram-
sóknarflokksins og er á stefnuskrá
ríkisstjórnarinnar,“ segir Árni.
„Það hefur legið fyrir hvað mig
varðar allt frá landsfundi Sjálf-
stæðisflokksins að línuívilnunin
yrði að raunveruleika. Það væri
einungis tímaspursmál hvenær
hún kæmi og til og hvernig hún
yrði útfærð í sjálfu sér og í
tengslum við aðrar aðgerðir sem
væri ætlað að styðja við byggðirn-
ar,“ segir Árni.
Árni M. Mathiesen
sjávarútvegsráðherra
Árni M. Mathiesen
Gagnrýni
útvegs-
manna
eðlileg
TILVERA, samtök gegn ófrjósemi,
mótmælir harðlega þeim hugmynd-
um sem uppi eru um að loka glasa-
frjóvgunardeild Landspítala – há-
skólasjúkrahúss (LHS), og segja
samtökin að ekki sé hægt að sinna
þessum verkefnum á einkastofum
að óbreyttu.
Þórdís G. Magnúsdóttir, sem sit-
ur í stjórn Tilveru, segir að fyrir
um mánuði hafi stjórnin fundað
með heilbrigðisráðherra og hug-
myndir hafi verið uppi um að lækka
kostnað fólks við glasafrjóvganir.
Nú sé klárlega annað uppi á ten-
ingnum.
„Það er mjög brýn þörf á þessum
meðferðum og Landspítalinn er eini
aðilinn sem framkvæmir þessar
meðferðir,“ segir Þórdís. Hún segir
að heimsóknir á tæknifrjóvgunar-
deildina séu um 6.000 á ári og telur
fjölda einstaklinga sem fara í slíkar
aðgerðir um 600 á ári.
Ljóst er að að óbreyttu er ekkert
sem tekur við fyrir þá sem þurfa á
slíkum aðgerðum að halda, segir
Þórdís. Eina stofnunin sem er með
leyfi til að framkvæma tæknifrjóvg-
un er glasafrjóvgunardeild LHS og
fyrirséð að breytingar á því fyr-
irkomulagi sem verið hefur muni
taka dýrmætan tíma frá fólki sem
má engan tíma missa.
Samtökin skora á stjórn LSH að
hugsa sig tvisvar um áður en deild-
inni verði lokað. Einnig skora þau á
stjórnvöld að sjá til þess að gervi-
frjóvgunardeildin fái það fjármagn
sem hún þarf til að sinna sínu góða
starfi. Ljóst er að fjölmörg pör eru
búin að fá staðfestingu á því að þau
eigi tíma í glasafrjóvgun á næsta
ári, og framtíð þeirra því í uppnámi.
Verkefnunum
verður ekki sinnt
á einkastofum
Mótmæla hugmyndum um lokun
glasafrjóvgunardeildar LSH
LÖGREGLAN í Reykjavík og um-
ferðarstofa Ríkislögreglustjóra voru
með umferðareftirlit við Stekkja-
bakka aðfaranótt sunnudags og
voru hátt í eitt hundrað bílar stöðv-
aðir og athugað með ástand öku-
manna, réttindi og ástand bifreiða.
Enginn ökumaður reyndist undir
áhrifum áfengis, en um einum tug
ökumanna var bent á að ljósabún-
aður bifreiðanna væri í ólagi og
fimm bent á að færa bíla sína til
skoðunar. Að sögn lögreglu er það
góðs viti að enginn hafi reynst ölv-
aður, en eftirlitinu var sérstaklega
beint gegn ölvunarakstri.
Að sjálfsögðu var allt var í himna-
lagi hjá ökumanninum á myndinni
og hélt hann för sinni áfram eftir
spjall við lögreglu.
Morgunblaðið/Júlíus
Umferðareftirliti beint
gegn ölvunarakstri
Frumvarp sjávarútvegsráðherra um
línuívilnun og byggðakvóta hefur mætt
harðri andstöðu útvegsmanna. Smábáta-
sjómenn hafa hins vegar lýst yfir
ánægju með innihald frumvarpsins.
INFLÚENSAN sem stakk sér nið-
ur hérlendis í haust er nú afstaðin,
en í Noregi geisar hún og leggur
hvern Norðmannin á fætur öðrum í
rúmið. Haraldur Briem, sóttvarnar-
læknir hjá Landlækni, segir flens-
una á Íslandi hafa komið snemma og
gengið yfir í lok september og októ-
ber. Fólk hafi brugðist skjótt við og
farið í bólusetningu af svo miklum
móð að ársbirgðir af bóluefni klár-
uðust að mestu á skömmum tíma,
sem hafi verið hið besta mál út af fyr-
ir sig. „Við vonum því að við séum
þokkalega varin,“ segir Haraldur.
Lungnabólgutilvik virðast þá inn-
an allra eðlilegra marka um þessar
mundir, að sögn hans.
Inflúensan afstaðin