Morgunblaðið - 08.12.2003, Blaðsíða 18

LISTIR
18 MÁNUDAGUR 8. DESEMBER 2003 MORGUNBLAÐIÐ
BIRGIR Rafn Friðriksson myndlistarmaður,
eða Biurf eins og hann kallar sig, stendur í
ströngu þessa dagana. Í síðustu viku opnaði
hann tvær sýningar og þá þriðju opnar hann
svo í glænýju eigin galleríi í Kópavogi, Teits
galleríi, næstkomandi föstudag.
Sýningin Dagbók 05.10.–
11.11. 2001 var opnuð í
öðru nýju galleríi í Húsi
Silla og Valda, Aðalstræti
10, fyrir réttri viku. Sýn-
ingin inniheldur 75 pastel-
málverk og krítarteikn-
ingar og stendur til 8.
janúar.
Þessi sýning er dagbók
Birgis Rafns, þess tíma er
ofan getur en þá var Birgir
á ferðlagi á Spáni og Ítalíu.
Dagbókin er skráð í myndletri og myndirnar
unnar á tilheyrandi gististað það og það
skiptið, er heim var komið eftir upplifun
dagsins. Myndirnar eru því byggðar á upplif-
unum og þeim áhrifum (hugmyndafræðileg-
um, lit- eða formrænum) og um leið tilraun til
að athuga hvernig framandi umhverfi skilar
sér skynrænt á manneskju.
„Öll dagbókin er sýnd, engin ritskoðun og
er hún í röð, 75 pastelmálverk og krítarteikn-
ingar, lesin frá vinstri til hægri þrátt
fyrir númerabrengl. Þetta er sölu-
sýning og verður þetta því í fyrsta og
eina skiptið sem þessi sýning verður í
heild,“ segir listamaðurinn.
52 í stokknum
Birgir Rafn opnaði sýninguna 52 í
stokknum á Kaffi Karólínu á Ak-
ureyri sl. laugardag. Þar sýnir hann
52 málverk og teikningar unnar í
ýmsa miðla. Sýningin stendur fram í
byrjun janúar 2004.
„Spil eru óneitanlega tákn fyrir
leik og skemmtun. En spil eru gott
meira en það. Spil eru í eðli sínu sam-
einingartákn, eins og svo margir
aðrir leikir. Spil, rjúfa alla menning-
ar-, trúar- og aldursmúra, gera eng-
an greinarmun á kyni, hæð, þyngd
eða annarri gerð. Með öðrum orðum
sameina mannkynið í leik,“ segir
Birgir Rafn.
„Þessi sýning kom til vegna vanga-
velta minna um sundurleitan heim og hvaða
öfl það séu að verki sem þó haldi okkur sam-
an sem „heimsþjóð“. Hvað það er sem er
beint fyrir framan nefið á okkur en við sjáum
ekki þegar við ætlum okkur leita langt yfir
skammt og trúum ekki að lausnir kunni að
vera nærri okkur. Spil-leikir. Þannig má
segja að þessi sýning sé leikur sem ég vonast
eftir að áhorfandinn taki þátt í á sínum for-
sendum en þó til að rjúfa múra.“
Skáldlegar landslagsmyndir
Birgir Rafn opnar síðan nýtt gallerí kl. 17 á
föstudag í verslunarmiðstöðinni Engihjalla 8
í Kópavogi. Galleríið heitir Teits gallerí og er
yfirlýst stefna gallerísins að sýna framsækin
tvívíð verk, málverk, teikningar, grafík ljós-
myndir o.s.frv., með áherslu á málverk. Sýn-
ing Birgis Rafns nefnist Skáldlegar lands-
lagsmyndir og stendur sýningin til 8. janúar.
„Þetta eru myndir unnar í þurrpastel á
pappír. Landslagið er skáldskapur en litirnir
og birtan íslensk. Undir hverri mynd er til-
vitnun í íslensk ritverk íslenskra rithöfunda.
Íslenskt landslag í texta og mynd, íslensk
skynjun á landi og þjóð, íslenskur skáld-
skapur í myndrænum texta, íslensk ímyndun
byggð á aldagamalli upplifun og reynslu.
Verkin eru hönnuð með það í huga að njóta
úr fjarlægð eins og maður nýtur náttúrulegs
landslags,“ segir Birgir Rafn.
Teits gallerí er opið aðrahverja viku
þriðjudaga–föstudaga kl. 14–18 en hina
þriðjudaga–föstudaga kl. 18–20.
Sýningin í Húsi Silla og Valda er opin alla
virka daga frá kl. 08–01 og um helgar frá kl.
10–03.
Sýningin á Akureyri er opin alla virka
daga frá kl. 11–01 og um helgar frá kl. 14–03.
Birgir Rafn Friðriksson myndlistarmaður heldur þrjár einkasýningar í desember
Dagbók, spil og skáldlegt landslag
Birgir Rafn
Friðriksson
Ein af skáldlegum landslagsmyndum Birgis Rafns.