Morgunblaðið - 10.12.2003, Blaðsíða 13

ÚR VERINU
MORGUNBLAÐIÐ MIÐVIKUDAGUR 10. DESEMBER 2003 13
„VIÐ fengum góðar móttökur hjá
þingmönnunum. Þeir hlustuðu á rök
okkar, en ég veit svo sem ekkert
hvað kemur út úr þessu,“ segir
Magnús Kristinsson, formaður Út-
vegsbændafélags Vestmannaeyja.
Magnús gekk á fund þingmanna
Suðurkjördæmis í Alþingishúsinu í
gær ásamt Bergi Elías Ágústssyni,
bæjarstjóra og Arnari Hjaltalín, for-
manni Drífanda, stéttarfélags, til að
kynna afstöðu fjölda stéttarfélaga
og annarra aðila í Vestmannaeyjum
til framkomins frumvarps um línu-
ívilnun til dagróðrabáta sem róa
með línu og beita í landi.
„Við skoruðum á þingmennina að
standa gegn samþykkt frumvarps
sjávarútvegsráðherra um línuíviln-
un og hugmyndum Kristins H.
Gunnarssonar alþingismanns um
sama mál. Við færðum ýmis rök fyr-
ir máli okkar og bentum til dæmis á
það að á síðustu fimm árum hefði
meðalverð á netaþorski á fiskmörk-
uðum verið 200 krónur á kíló, á
þorski úr trolli 180 krónur og 150
krónur á línuþorski. Því stæðust
ekki þau rök fylgjenda línuívilnunar
að með henni væri verið að stuðla að
því að verðmeiri fiskur bærist að
landi. Mikið af línuþorskinum kemur
af smærri bátum sem landa honum
óslægðum og því fæst lægra verð
fyrir hann. Við bentum ennfremur á
þær afleiðingar sem línuívilnunin
getur haft á útgerð og fiskvinnslu í
Vestmannaeyjum. Síðan verðum við
bara að sjá hvað setur,“ segir Magn-
ús.
Þeir aðilar og félög sem standa að
baki þeirri áskorun að línuívilnun
verði hafnað, eru Drífandi, stéttar-
félag, Verkstjórafélag Vestmanna-
eyja, Útvegsbændafélag Vest-
mannaeyja, Skipstjóra- og
stýrimannafélagið Verðandi, Sveina-
félag járniðnaðarmanna, Meistara-
félag Byggingarmanna, Starfs-
mannafélag Vestmannaeyjabæjar,
Verzlunarmannafélag Vestmanna-
eyja, Félag kaupsýslumanna í Vest-
mannaeyjum, Sjómannafélagið Jöt-
unn og starfsmannafélög Ísfélags
Vestmannaeyja og Vinnslustöðvar-
innar í Vestmannaeyjum.
Morgunblaðið/Jim Smart
Vestmannaeyingar funda með þingmönnum Suðurkjördæmis. Guðni
Ágústsson landbúnaðarráðherra er lengst til vinstri. Þá koma Magnús
Kristinsson, Bergur Elías Ágústsson, Arnar Hjaltalín, fulltrúar Eyja-
manna, og loks Guðjón Hjörleifsson, þingmaður.
Fengum góð-
ar móttökur
MAREL hefur nú selt fimm IPM III
LaserEyse-skurðarvélar innanlands.
Vélin er af nýrri kynslóð skurð-
arvéla sem nýta sér þrívíða leysisjón
til að mæla afurðir til skurðar.
Fyrri hluta síðastliðins árs kynnti
Marel nýja kynslóð skurðarvéla með
leysisjón, IPM III LaserEye, sem
leysti af hólmi eldri skurðarvél fyr-
irtækisins.
Nýja skurðarvélin er nákvæmari
og skilar verðmætari afurðum en
eldri gerðin. Hún notar leysisjón til
að taka þrívíða mynd af stykkinu
sem skera á og metur þannig stærð
þess. Afurðin er síðan skorin eftir
fyrirfram ákveðnum forsendum sem
hver og ein vinnsla setur sér. Með
notkun vélarinnar ná framleiðendur
mun meiri nákvæmni í skurði sem
skilar sér í bættri nýtingu hráefnis,
auknum gæðum og meiri verðmæt-
um. Þrátt fyrir að meginhluti mark-
aðar Marel sé erlendis hefur sala á
tækjum í matvælavinnslu hér á landi
gengið mjög vel á þessu ári og m.a.
hafa fimm íslensk fyrirtæki keypt
IPM III-skurðarvél.
Vélin er nú þegar í notkun hjá ÚA
á Akureyri, Samherja á Dalvík,
Granda og Toppfiski í Reykjavík.
Salan á nýrri vél hefur einnig skap-
að svigrúm fyrir fleiri fiskvinnslu-
hús til að fjárfesta í notuðum skurð-
arvélum og bæta þannig
framleiðslu. Gunnvör í Hnífsdal og
Norðurströnd á Dalvík hafa nýtt sér
þetta tækifæri og keypt notaðar
skurðarvélar til að auka afköst og
nákvæmni í sinni vinnslu.
Yfir 100 Marel IPM III hafa verið
framleiddar síðan vélin kom á mark-
að og er þær nú í notkun í fisk-, kjöt-
og kjúklingaiðnaði um allan heim.
Þegar hafa verið seldar meira en hundrað nýjar skurðarvélar.
Ný skurðarvél eykur
afurðaverðmæti